Sunday, April 13, 2008

Kan hotu te nen sahuan ah!!

Kumin nilai leh Beihrual thupui ah "kristiante leh Pathian thil siam dangte" tih ngaihnawm tak mai kan zir chhoh mek laiin, rem chang deuh maiin Ramsa lam la hmuh ngai vak loh hmuh na hun kan han nei hlauh mai a. Heng ramsa ho en tur hian kan hotute nen thlalakna nen meuh kan han thawk chhuak ve thei a, mit a tlai hle ani. Sahuan enkawl tu zing ami ah kan thianpa alo awm hlauh mai a, a ni in min han fan kual pui vel a , chu mai bak ah hriat ngai loh thil han zawhna hun remchang tak alo ni bawk nen!!

A hmasa ber in 'Lion Safari' tiin an ko mai a, motor darthlalang vel pawh thirlen a khuh bur maiin sakeibaknei en tur in an dahna hmun ah kan han tlan lut a. A taka han hmuh meuh chuan rin aiin a lu alo lian hle mai!!Fiamthu a lulian sawi nan an hman, a beng ah pawh khai ila a lu lam in a la buk rit zawk ang, an tih thin te pawh min ti hre chhuak zawk mai.A tai fek rat mai te, a awm pharh darh mai te , a kut tum chum buang mai te han hmuh chuan, siamtu hian insual chak tur liau liau in a duang bik em ni aw? a tih vawng vawng theih mai ka ti! Cowboy thawnthu a 'Texas kut tum chum biang buang, mu ke ang mai a an kak tha tawh hi chuan , buaina a hnai tihna ani' an lo tih thin te pawh min ti hre chhuak rum rum mai!!




A piah deuh kan han kal leh chuan 'hyena' an tih mai pahnih hi 'bar' phen atang in an rawn dak kar mai a.Sa thi ruang te pawh a ruh zawng zawng nen a ei vek thei khawp a ha tha leh khabe tha chak nei ani e , an ti a. Hotupa mafaka chuan " The God must be crazy, movie ah pawh 'hyena' hi a lan kha maw le" a han ti nghal thei mai a.Ka han ngaihtuah let chuan "ani awm tak e a!" tiin, naupang bo te reuh te in, thingbung chhip chhuan a' hyena' a hmachhawn ran lai mitthla ah alo lang a.Ramsa ah chuan 'hyena' kal lai hian ka nuih a ti za fu thin mai!! ke hma lam sei tak leh ke hnung lam tawi te si a, a han kal bu tlut tlut mai han hmuh hian,a nuihzatthlak zawng a ngaihtuah chuan a ruk a nuih var var a awl khawp mai. Mahse, siamtu in a tangkai tak tur a duan ani miau a, enge maw tak zawng a ei zawn na atan tangkaina a awm chek ang! hotupa fela chuan" 'hyena' hram ri hi mihring nui ri a ang e" a ti tlat pek bawk.



A piah leh deuh ah chuan tui lam sava an dah na hmun kan thleng leh a. Mizoram a sava ah chuan a sa tui pawl a an sawi 'bul lut' aia lian hret tur awm hi a chung lam an hung na a an hman thir kham ah hian an lo fu tlar tuar mai a.Mizopa rilru thin ah chuan "a khai.. khi a tuihang an fuk pui thap mai a" te pawh a ti mai thei. Mizoram lui dung a thingkung a lo fu tlar ni ta se la chuan, mi tam tak chuan silai emaw sairawkherh emaw keng kher lo mahse, lung tal in an la vawm thlawk peih in a rinawm.Kan hotute erawh chuan rem leh rem lo in, tih thlawh hlau tak chung si in, a mawi thei ang ber a thlalak tum in an thlalakna lens an herh rem sauh sauh mai nia! heng sava te hian hre thiam ve tak maw?


Vanneih thlak deuh mai in heng sava zing ah hian , TV vel a ka hmuh fo tawh leh a chanchin ka chhiar ve fo tawh 'swan' an tih hi a lo awm ve hlauh mai a.Tui a an han cheng kual dalh dalh han hmuh chuan , music composer lar tak Tchaikovsky an 'swan Lake' nalh tak mai a phuah chhuak te pawh hi, phuah chhuak awm tak a mawi ani e, te ka ti ve hial.Lal fapa siegfried -an ama mimal hmangaihna avanga nupui nei thei lo tur ni anga a in hria, a rilru hnual in zan a ramhnuai a avah chhuah na a 'swan' rual thlawk a hmu, a zui zel na atanga a thil tawn thawnthu ngaihnawm tak mai , music mawi em em a an han phuah chhuak te pawh hi, phuah chhan tlak a sava mawi anih vang te pawh a tel ve lovang maw?


Hetiang a sava thau mum kang mai leh lian tawk tak mai, boruak a an thlawk kang nul nul mai mit a han hmuh chuan, a mak ani tih bak chu han sawi chhuah ngaihna pawh ka hre lo. sava te deuh leh thla nei sei zawk te an han thlawk thei hi chu a hriat thiam awm.Hotupa mafaka chuan " an thla hi a tha em mai a, an thla hmul hi a chak in a phui bawk a ,chuvang a thlawk thei chu an ni ange" tiin a sawi a.
He sava thlawk lai ka hmuh chiah hian, vawi khat TV a varak chi khat thlawk lai ka en an rawn sawi zau na min ti hre chhuak zawk mai.Kha varak kha a taksa rih zawng te, a thla sei zawng leh hlai zawng te, a taksa pian hmang hrim hrim kha , science thiamna hmang a an chhut chuan, thlawk thei lo tur ani a, mahse a tak ah a thlawk ve miau si ani!! Thui fe a tlan a ,muang chang in a thlawk chhuak a, a tum lam pawh thlawhtheihna tum ang mai hian thui ang reng tak a tlan leh bawk. Siamtu them thiam zia hi science hmang a chhut chhuah vek phak anih loh zia min ti hre chhuak zawk mai nia!! 'Swan' erawh hi chu tlan lo in a tui chenna atang in a thlawk chhuak nghal tawp thei.



A dawt leh ah sakei var kan han en leh a. min hruaitupa chuan sakei dang ang tho anih zia te, 'melanin' an tih mai a neih tlem avanga rawng var anga lang ta mai anih zia te, sakei dang nen an inthlah pawlh theih vek thu te, mihring ah pawh taksa a vun var bik nei te pawh hi 'melanin' vang ani tih te an sawi chuan ; ennawm mak tak thlir a , kan tlir vauh vauh ringawt tur kha , mahni in ring tawk tak in kan thlir phah a, a lawm awm khawp mai.

Thau mum nalh mai, hippopotamus te pawh a nung chung in kan han hmu a, a beng a tui lut thei lo tur in a khar thei tih te,tui hnuai a rei tak chaw zawng a a awm theih thu te hriat ve nual hnu a , a tak a han hmuh chu a ropui danglam ve tlat.Min hruaitupa hnen ah "a sa an ei ngai em?" ti a ka zawhna chu a hriat bik loh thu in min chhang a."A vun duh vang tal chuan a ruk a kap thin an awm lovang maw?" ti a ka zawh belh na chu,"awm mai thei ani" tiin min chhang leh.Ka hmelhriat pakhat in South Africa a zin tum a, a sa ei , an hrilh lawk miah loh, a ei zawh tawh hnu a 'crocodile' sa ani tih a hriat leh a ten leh si zia te han hriat chuan, Hippopotamus sa ei tawk pawh lo awm se la, mak tih avang chuan ka au vak lo in ka ring! hring nun ' culture 'in ang lo leh chaw duh zawng in ang lo tam tak awm na ah hian!



A vaia han tarlan dawn chuan a sei lutuk dawn.hotupa mafaka'n chip chiar zawk in a la rawn ti tho tur ah ngai ila. Sahuan kan fan zawh a chhun chaw te kan fak hnu chuan, haw zai te kan rel ta a. Hawn kawng ah MCC a awm tih kan hriat chuan, kan mizo zirlai te tlawh pah in , a hmun hma te han fan ve hrim hrim kan rel tlang ta a. A hmun chu kan hruaitu fel tak tak tetea leh sanga'n min fan pui a ,a bengvar thlak in mit pawh a tlai khawp mai. An campus hi alo zau fu mai a, tin thingkung buk tha tak tak a la tam khawp mai a, khaw lum lutuk tur pawh boruak a ti dai ang reng khawp in a hriat. Tin, sava te leh sakhi rang (spotted deer) an tih mai te pawh bul lawk lawk ah an tla lai hmuh tur ala awm. A awm tam ber erawh, mi thiam ten 'homo sapiens' an tih ang hi an ni a, heng ramsa, thing leh mau zawng zawng chung a thunei tu tur a Pathian in a ruat ,amah ang tak a a siam te!
Mi te anga hmaifang tha leh keu phek phuk ni ve mah suh ila, ani hi chu thluak aia tihrawl ngah chi ania, rawn tlak vak ni mah suh se khual nek ah a tha a, an tih ang han ni tur in taksa mawi em em nei ve mah suh ila, a hmun a hrin mawi em avang in MCC campus kawng ah hi chuan kan hmet ve ngam tur alawm , tia mahni in thiam chawp chung in thla te kan han la ve ta ngawt a.


35 comments:

Puia said...

Ekhai,Kan hotute tuanna lam chuan mit leh beng a tlai kher mai. Tuivawk phei hi chu mi rap lek lek e. A pa hlang ngawta fan fo ai chuan minu te pawhin pawlh dal ve deuh tawh che u se, a va tha awm ve ka ti deuh a..:)

faka said...

Hmm... Hlimen khaw pa pakhat ka hre chhuak. A titi hi a'n ngaihnawm thin khawp a, an tia lawm, vawi khat chu sangha tlang vuak an nei a. A tukah chuan kawtchhuahah zing nilum aiin an thu khawm a. A hma ni-a an sangha vuak chanchin a han sawi tak tak mai chu, a kal ve tho pawh khan ngaihnawm ti em em hian an ngaithla doh doh mai a ni an tia lawm! Chutiang chu ka ni, hotupa.

Ni khawp mai hotupa Puia. Mahse kan hotupa hian midang tel ve duah laiin minu lam ka hruai ngai lo a ti tlat pek a lawm maw le:)

avena said...

Hotupa puia..nang in min rawn ho la minu lam te chu an rawn inlar mai ang...kei ni ho ve hi zawng in nang i tel loh chuan heti tlawng hi kan ni zel reng mai dawn zawng anih hi. kum tin hi 'pa chhe kum tin' an sawi ang mai ani!!

Tuivawk tih tawngkam te kan lo nei ve reng tih te ka han hre thar leh a, a ropui e!!Primary school kan kal lai bak he ramsa hming hi mizotawng a ka hriat leh na hmasa ber ani hial awm mange aw?? ka ti..really thanks. ka lo theih nghilh hmin der tawh mai , kei a thluak ve ah chuan :))

avena said...

pachhe kum tiam ' tih zawk tur maw le ..huizzzzzz

avena said...

Hotupa mafaka...han titi zawm teh. ding di hlip in kan lo nghak ania...kan inhmuh ve dan ah chuan 'kei zawng in tui in ka baptist a, nang zawng in....in i baptist dawn tih lah ka hai lo!! han tuihnih hmiah teh.Mipui lam atanga phut na pawh ala nasa chho zel dawn in alang.sawmna chu i chhang ngam dawn lawm ni? :)

Awzzman said...

Ka Pute(zawng) ho thla nga ti nge i lak ve loh? sahuanah kal chuan zawng ho hi an lawmawm ber mai...lolz..hauhuk putar ho phei hi chu.....

samuelapa said...

Nangin hmuhnawm i tih kha keinin ngaihnawm kan lo ti daih a, a ropui e.
Texas kuttum chum biang buang... tih kha cowboy thawnthu nge Wayne Cole-a thawnthu kha aw? Texan kuttum chum biang buang... lo tih zawk awm tak tih ka ngaihtuah chhuak thar mai mai.. :)

avena said...

awzzman & samuelapa.. ani khawp mai, Ramsa ah pawh hmuh khat a hriat ve ho ka han pho lang ani e!!

savawm buang rawn a puk atanga rawn dak zuk zuk te, giraffe mu lai tih vel te chu ka hmu tel a mahse a nalh ka ring lova ka han tar lang tel ta lo mai :))

sawmpuia said...

Sahuan te hian vengtu an mamawh a, mihring poh hian vengtu an mamawh chutiang zelin avena poh hian venpui tur a mamawh tih he thuziak atang hian chiang takin a lang e :-) Hotupa min va han ti var em.

avena said...

sawmpuia...ni e han tang sauh sauh teh! Hyderabad university pastor nih pawh hei i tlin leh viau dawn in a hriat mai a :)

amuana said...

T shirt pawl ha khi ka duh chi

avena said...

amuana..ani khawp mai!! i vawk vulh chanchin kha han ziak teh , ngaihnawm viau in ka ring!!

Mahse, ramsa han hmuh hi chuan rilru a thar leh thin.siamtu hian an awm dan tur ang tak hian alo siam thiam ani e!!

'King cobra' te khaw lum ah an dam rei theih loh avanga an dahna bawm air-condition nih ngai tlat mai te!! sakei diet ah arsa leh bawngsa pek thlak vel etc..te hriat chuan aw........

virgochhas said...

a khoi ber hi nge nangmah

avena said...

hihi a sir a mi khi!amuana lo zawt ve tawh mai rawh :)

Lal Jo-a said...

Sahuan chu ka va kal ve chak e. Sahuan hi ka la kal mang miah lo a, hmuhnawm ka ti lutuk, ka kal ve chhun chu. Mizoram sahuan leh Gauhati sahuan ah khan ka kal ve tawh a............ kal nawn leh pawh chakawm khawp mai. Sahuan thar ah phei khi chuan k ala kal miah lo. In sahuan kal chu an lo khung daih lo che u a, in vannei hle mai a.

avena said...

@joseph..i hmu hnem tawh khawp zawk alawm...kan la kal tlang dawn ania...i tel ve avanga min lo khung daih leh , in sawi chhuah leh lam chu nangmah bawk in i tum tawh mai ani ang chu :)

amuana said...

sakeibaknei khi engtiat vel nge niang, keini vawk vulhmi hriatthaim dan turin a sum zat vel te nen :)

avena said...

vawk nen a khai khin dawn anih chuan ...sum 9 te chu a tlin ka va ring em!!

amuana said...

Lian hle mai a, Sakeibaknei hi zawng a huhang pawh a na an tia ni lawm ni kha(h)?

avena said...

amuana..ni e tiraw..hei vang hi aniang Bible ah te pawh 'sakeibaknei vanglai' tih te pawh alan tak hi maw le!!

virgochhas said...

a sir ah pahnih an ding a...a lai ah pakhat...

lukhum khum nge khum lo te soi la, hriat a awl deuh ang chu

avena said...

Lukhum khum lo in ka sahuan ah ka kal dawn em ni? sahuan sawi lai lai a lukhum tih vel chu :))

in bean kha a rah tawh em? :)

amuana said...

T Shirt Pawl Tarmit bun kekawrte ha lo khi anih khi

virgochhas said...

euu...thlalak ka ti lian a...ka'n en vel ah...kil tin kil tang atrang in ka'n thlek kual vel a....

*hihi*

tunah chuan i hmel ka hre ta... :D

avena said...

@VC ...kha daih kha asin!! in lengpui huan ah te pawh sava tlem a zawng chu hmuh tur ala awm lawm ni?

Unknown said...

hotupa chu blog te i va lo nei tha ve .i ngaihawm thin hle mai.in hmuh loh karah i hmel te pawh a lo danglam ta hle mai...nula ho an buai viau dawn anih hi :)

avena said...

@angelina..tunge i nih ka va hre thei mai lo em?..ni e i ngaihdan te rawn thawh ve trin dawn ania...

nuboihi said...

mi dang hi be tha hawrh bik ziah suh

avena said...

@bele...amuana rim ava nam vung vung ve ..hihi..sahuan tlawh leh mi dang biak that ava in per san ta ve le..heheh

Zorami said...

ka nuih a za top...lolzz!!amuana chawhchawrawi atanga ron tleh phei ani ngei ang.Bele an in ti ve vel a a tongkamah amuana in ti leh vek tho sia haha!

avena said...

@zr-i...ni khawp mai..han thawh belh ve la ti nia :)

nuboihi said...

uiii, sakeibaknei khi ka rap eeeeeeee. MIn seh ang tih ka hlau :)

avena said...

nuboihi aka amuana ..a seh lovang che..bawm chhung ah an khung tlat dawn che alawm hemi hmun i thlen chuan..!!

ALEXXfender said...

Hippopotamus kekor bul ha te zawk khi a ni ka en chian chak zawk ni!

avena said...

A.fender...ni e han en chiang la..high resolution hmang in han bih chiang vel teh..!