Sunday, May 4, 2008

Hei le rawtuai

Hman ni chu hna lam pang a ka kal na ah raw hung hi alo awm a. Rawtuai a awm angem aw? tiin kan melh nghal vat a, pakhat alo awm ve a. Thlalak thiam tak ka nih lem loh avang in duh ang chuan a lem fiah vak lem lo anih hi.

Rawtuai hi a tuai hmasa ber hi a lian ber zel a, chuvang in lak dawn pawh in a tuai hmasa lam hi zuah hram hram theih a tha ti te pawh in an sawi ve thin. Chuti anih loh chuan a rua hi a kum tel in a te tawlh tawlh zel mai ani an tia lawm!!

Rawtuai hi a me viau e ti lo chuan , chakma chuan an lak lai te hian an zak zeh mai mai a, a me an tuar ve hran lem lo ni te pawh in an sawi.

Vawi khat chu Growmore Biotech nei tupa, Dr Barathi mau/rua chung chang vel ka sawi pui ve ngial
tawh. Ani hian tissue culture lam a ei zawng in, North-east lam ah te pawh mau chi hi a lo supply ve nual tawh ani awm e. Mizoram chungchang bik ah chuan, mau tak kan tih ai hian phulrua kan tih ho hi commercially a exploit atan chuan a that zawk a rin thu a sawi. A chhan chu a len zawng (vollume) in ang rau rau ah phulrua hi a tak (mass) a tam zawk a, chuvang in transportation-cost a hniam zawk dawn a, paper-mill leh thil dang ah te thawn na man a hniam zawk dawn avang in tiin a sawi.

Tunlai in chanchinthar ah te mau hmang a siam, toothpick,agarbati kuang etc..te Mizoram lam a an siam chanchin ka chhiar zeuh zeuh. Heng mai bak ah hian kan mau/rua te hi ei zawn na tling khawp leh hlawk zawk a hman dan a awm thei angem?

12 comments:

Puia said...

Ekhai, Rawtuai sawi takah chuan kan tet laia ka pu phungkirua tuai min ti ngai hle mai. Rawtuai zawng aiin a tui bik a, saum tharlam tak nena han bawl ngat phei chuan tui bik tak a ni. Maudang tuai leh mautak rawtuai te pawh hi ralchawbel lian tawkah han um(?) ila, rawtuai awm tawh loh hnuah hian a tui duh khawp mai.. Mizote chauh hian emaw Rawtuai hi lo ei ni ka ti ngawt pek a, a lo ni reng reng lo. Khing khawchhak lam unau, China, Japan, Korean, Thai etc.. ho khian an lo nei nasa khawp. An dawr ka luh tawh reng rengna ah chuan rawtuai um, saidawium nena tha taka chhin phui hi an zuar tel deuh ngei ngei thin. Mi te chuan sum hnarah an hmang a nih ber chu.

Keini pawh hian chhe thei mai lo tura siam dan leh mawihnai taka dah dan zir ve ila, export tak tak thamin company din ta ila, kan ram sum lakluhna tha tak a ni ve thei mai lovang maw? hotupa..

Awzzman said...

rawtuai!!! e he...ka naupang lai a ka Pa rawtuai khawrh ka zui dat2 thin lai te kha....!!! tui chiang lom...mautuai te hlei hlei kha...Biryani tih ang te hi chuan.a tluk thlawt lo...

good post!! kan var leh ta hawk mai

avena said...

@hotupa puia..ni e tiraw..rawtuai tih ngawt ani lo ral khat ah chuan tuai tak ani...raw tuai rep te pawh an siam tawh in ka hria...lo ti ve chhin teh !! manipur lam in tuai-thur an tih mai..rim na zet mai , mahse tui em em si hi mussoorie a kan training lai in kan siam alawm..min sawi sel nasa..mahse a tuina erawh a tlem phah miah lo..ka jacket a rim nam vek khawp in ka vil ve..mahse a tui ka ti viau mai.... mahse a rua tuai hmasa ber hi chu la lo ngam ta ila..rua lian deuh deuh kan nei dawn tihna anih hmel a...!! :)

@awzzman..ka 'amen' pui thlap che..Biryani hi a theih hram chuan pum pelh tum mah ila..sawi hniam na lam ni lo in..raw tuai bai chu ka ka ah chuan a tluk lo hrim hrim. Raw tuai khawrh tih tak chu,kan tleirawl ve dawn ek ek , football club kan din ve a, chutah chuan sum tuak nan rawtuai khawrh an rawn mauh mai a..kan khawrh ve nasa...

mau tuai chu chhum phawt a , kan leh hian a tui ka tia..!Lo a feh ve chang a tuai terek bai an siam te pawh kha a tui fu mai ka ti..!

samuelapa said...

Mizo chawhmeh tui deuh deuh hi pum lamin a haw duh. Rawtuai pawh hi chutiang tho chu a ni.
Shillong kan awm laiin Khasi ho pal hungna mau te reuh te te tuai hi kan ru thin. A tui ve reuh lutuk.

avena said...

samuelapa ni e ti raw...mahse a tui fu si ani...,soda te tlem in han hmang uar deuh la, a zia awm deuh mahna :)

bele said...

Uiii rawtuai hi chu a thin rei poh leh tui ka ti. Nula puiin tiang sawi chu ka zak leh deuh roh

avena said...

@bele aka amuana...rawtuai te tui ilo ti ve a kan chawhmeh duh zawng a in an khawp hmel mai ka ti....!! mahse, rawtuai duh tan pawh rawtuai khawrh hun a awm ania, a tuai hmasa ho chu ei tur atan chuan lak loh ngam thei ila..a tha ange..!!

samuelapa said...

Kan thianpa pakhatin a thawhna Centaur Hotel-ah MIFCO ho rawtuai tin (canned bamboo shoots) hi introduce a tum a, an duh miah lo. An duh lohna chhan ber chu 'a slice dan a nalh lo lutuk' an ti!!!

avena said...

samuelapa..nia maw le..thil ho anga kan en liam mai hi , mi tam tak tan alo ho lem lo anih hmel a, in fin chhuah tu neih te leh 'feedback' tha tak neih pawi mawh zia te pawh i rawn tar lang uar mai a..!

Azaia said...

rawtuai khawrh hi keichu nuam ka ti lo khawp mai...thosi an tam duh sia, mahse ei chu nuam ka ti lolzz.. mautuai bai te pawh minti eichak..

avena said...

azaia ..ni e tiraw..kei pawh vawi khat chu kan tleirawl chhuak football club kan din..sum tuak nan ka khawrh ve ngial tawh tak asin rawtuai chu..!!

a siam tui dan emaw..lam chu ka hre lem hlei lova...mahse ka ei tui ve phian thin mai..!!

faka said...

Rawtuai na na na chu duhtawkin ka lim ve thei ta hotupa! Hei i thil sawi hi a ram hnuk riau zel mai. Thil inang rau rau pawh a sawngbawl dan leh a cheibawl dan a zirin a 'quality' hi a lo inthlau thei khawp mai dawn a lo ni, ka ti ta