Monday, March 17, 2008

kawngpui


He kawng hi ka zawh a piang hian rual awh ati na ve thin. Mizoram tlangram ang ah te chuan a harsa ang tih a hriat. Mahse an siam lai vel hmu ve tu tan chuan an siam hma leh an siam zawh hnu a, a dang lam na hi a ngaihnawm khawp mai.Hemi kawng hi Chennai- bangalore inkar kawng ani a, kawng pui an siam hnu a, vehicles in fuel a hman tlem phah na te, 'wear and tear' an tih mai motor kawng that loh avanga a rawih phah na lo tlem ta te, tin, mahni thlen duhna hmun hun rei lo zawk a lo thlen theihna te hi sum in chan tir dawn ta ila a tam ve viau mai thei ani!!
chu mai bak ah, a kawng tawn tawn a ram te hi a hlut na a san phah viau a, restaurant (dhaba) a pung nasa a, chung avang te chuan inhlawhna/hnathawh tur alo pung ve zel a.
Chennai port a thil thawn chhuak duh tu te tan lah a lo zia ani chek ang chu, thil rit lam export chi (granite company) te pawh in rawn in bun thar in, he mi kawng kam ah hian an rawn in din thar sup sup mai nia.

Mahse, hei toll gate a awm vang mai le!! motor, hemi kawng a kal te chuan pawisa an pek angai, a kawng hmang tur hian, hei hi sawi sel a hlawh ang reng fu, a chhan chu construction- man ber an hmuh let tawh chuan maintenance -man chu fuel etc vel -cess ah an khawn vek tawh a , khawn leh enge a tul na ti tawk an awm!! mahse toll gate a thawk tur hian sipai bang an hmang a, training an pe tha ani chek ang, an hawih hawm ang reng fu!






hei 'hyundai' lam pawh in vung thar an chhuah anih hmel e!




han kal zel in vellore lam pan duh tan pawh a zia sawt hmel ta mai!
chuan hei Relience petrol bunk te pawh an rawn din ve ta luah mai!!A piah a in ding saw restaurant tha ve tak, zin mi ten,chawlh nan an hman pah a, an fuel an lei sak duh na tur a an siam anih hmel e! A ram an lei tan tirh hian buaina an tawk nasa ve ang reng a, surveyor- ho hruai in ,measuring tape, leh chain survey nen meuh ka teh chhuah pui ve ngial mai!!India ram dan kan neih tam tak hi mahni in hai vur nan a hman tum tan chuan kaw pawp a va lo tam em!! tih te ngaihtuahna min neih tir ve.
hei hian eng lam ber nge maw ni a phurh tak le?


Hetiang ang kawng ah hi chuan, mizoram lam a kawng sir a tlan liam, kawng kawi a inhmuh lawk loh vang a insut ang chi hi accident na ani vak lem lo khawp mai. A chhan chu a kawng design tu te hian, Driver an mut thluk loh nan a kawng kawi dan tur tawk vel te hi an duang tel thlap a, tin plateau(tlang chung zawl) mah ni se , hma lam a mi te thui tak hmuh theihna tur in an duang lawk a. Mahse accident na chhan tam ber chu, hnung lam light eng nei lo, motor tlan chak tak in a hmuh loh avang a hnung lam atanga a sut na hi anih teh tlat chu!! heng lai hmun a ka awm ve lai in zan khat chu kan su ve tep, mahse siamtu hun ruat ani lo ani ange, driver in a herh kawi hman hram!!


18 comments:

samuelapa said...

Mi rama awm tam tak hi chuan mahni ram an hmusit mai thin a. Nang chu i fel hle mai, rualawh nachang i hria a.
Tunah rih chuan kan ram kawng hi chu a chhia a ni. Khawiah pawh zin chhuak ila, Aizawl luh dawnah hian a chhe em em vek ringawt.
Lengpui lam hi kan pute tlan tamna lam a nia a ziaawm deuh.
Lalpa lamlian zawk hi sial tha ila, motor kawng pawh kan nei thra ve thuai mai ang.

avena said...

samuelapa ani khawp mai..rualawh hi a na ve duh ang reng khawp mai!!

kawngpui tha neih chuan ,hma sawnna kawng dang tam tak pawh a keng tel teuh mai a. Tin, employment nasa tak in a siam bawk a!!

Lalpa lamlian sial that chu ni e..a pawi mawh khawp mai!!

sawmpuia said...

Ka va han post leh dawn chiang em, ka post sa an han bo vek chu le rualawhna em mai! Nie, hotupa hetiang kawng tha hi kan awt ngawih ngawih chu a ni si a, i hringnun kawngah pawh hian mahni mai a khawhar tak a zin hi i ning ve lo em ni le? Mimal ang te ram ang te pawh hian kan awhpui tawh che a ni. Palai tir tawh mai rawh, kawng a thatlai ngei hian, i tlan liam palh ang e :-)

samuelapa said...

Ka lo in-advertise lawk teh ang. Palaiah hian ka kal ve zeuh zeuh tawh a, ka la hlawhchham ngai lo a nia. A tul phawt chuan ka inring reng e.
:)

avena said...

sawmpuia..ni e hringnun hi thenkhat in indona mual ang ten an hmu a..nang chuan kawngpui ang in i hmu tlat mai a..a tha e...he kawng kan zawh mek hi siam mam hlarh reng tum tlang ta ila ..a tha ange!!Palai te hi tirh na tur in kawh hmuh in, han tir ve rawih pawh ni ila, tu fanu in nge maw 'aw' lo ti duh ang le??


samuelapa ni e tiraw...lo inring reng teh..hlawhchham lo tur a thawh chhuak tur a inpeih angai!! anih loh chuan thil a kual thui duh e an tia lawm!! mission veng lam lanu zunzam kan han chhui dun dawn em ni zawk? :)

Awzzman said...

mi ramah chuan nun hi ava nun bik tak em!!! ka hre tawh bik lo..vairamah hian kawng hi an nei tha thei si..kan ram kawng zim te pawh khi kan enkawl hneh lo chu a nia...bang chi dan ale???

Puia said...

Mit leh beng a tlai kher mai. Ni e, keini kawng nena chhut chuan chetsualna laka pawh fihlim bik deuh tur chu an lo nih hi mawle.. kan ram zawng, break down palh a hlauhawm em mai tiraw..

avena said...

awzzman ...ani khawp mai. Mahse heng kawngpui tar lan te hi NHAI in an siam te ani hlawm a. An ni chuan contractor lian tak tak L&T te an hmang ta a, a hna a lo lian tham bawk a, chuvang ani chek aniang a quality pawh a tra khawp mai. Tin, a kawng hmang tu pawh an pung chak ang reng khawp mai!!

Puia, ni e .,..kan ram ah pawh double -lane te chu hmun tam tak ah siam ve theih awm tak chu ani!! Rual awh chu ana ve duh ang reng khawp mai.

faka said...

I kawng rawn sawi chuan lung a va ti leng raih raih ve! Rualawh nachang pawh hre lovin kan lo muthlu phei vel mai mai thin asin:)Nang zawng, a aw sin chi te nen awmze nei takin in kawk kual vel a nih hmel a:)

Kan ram anga tlang ram chheng chhe lutukah hi chuan hetianga kawng zau tha hi chu kan la hlat viau maithei a. A zim ang ang hian mamin hnum tha ve tal se tha tur hi a nia le! Kan khawpui chhung kawng te meuh pawh a la heti mai mai chu a nih si hi maw le. Rual hi i awt zel phawt mai teh ang.

samuelapa said...

Mi ram leh Mizoram inan lohna chu maw...
Mi ramah chuan an kawngte a tha a, accident pawh a tlem phah a. Mizoramah chuan kawng tha lai laiah accident a tam zel.
Tun hma khan Zemadai kawng ngil mam tha laiah accident a tam tlangpui a, tunah hi chuan Lengpui Airport Road kawng tha RV leh a chhehvelah accident a tam, an ti.

Tharax said...

Pu Avena chu hman atanga chilthli put lek leka ka lo thlir thin i rawn ziak a a lawmawm e. Bangalore atanga Vellore emaw Chennai pana Volvo a zin han nawm zia hi chu aw... Chungleng sava te anga thlawk deuh deuh ang kan ni...

avena said...

hotupa mafaka......i lunglen thu i rawn sawi tel ka lo ring deuh reng ani :)) ni e, kawng hnum hlarh mai leh zau tawk han hmuh thin hi chuan rualawh chu ana ve duh khawp mai!! Hetiang hi kan ram kawng tam ber te hi chu ni se la, thlai thar hralh chhuah vel te pawh a awl sam sawt in ava rinawm em!! floriculture lam a inhmang te pawh in mizoram climate a that thu leh mahse kawng kawi kual nasa leh tha vak lo te avanga phurh nan hun hman a ngai reih avanga hlawhtling tur chuan a la harsat tur thu te pawh min hrilh tawh tak asin!! kan la nei chhawm ve zel tur ah ngai ta ila..

samuelapa...a ni khawp mai, tun hma kha chuan zemabawk ah KB-Bar an tih kha a awm thin ani lawm ni!! red rose a awm vang te pawh ani ange, accident tam chhan chu.lengpui airport road pawh RV a thil awm avang in accident a tam te pawh ani ange!!Hetiang lam ngaihtuah hi chuan Aizawl a 'zu' zawrh na hmun hi zawi zawi in khaw daifem lam deuh ah a in sawn zel te hian a hriat lo maw?

tharax...ni e tiraw, bangalore-chennai volvo bus a han zin chu nuam deuh asin!! mahse zan ai chuan chhun a zin a nuam mah zawk ka ti bus chuan...a kawng sir vel a thil lo awm te thlir pah in hahdam te in a thlen theih a!!

amuana said...

Kan Pu Hmuia'n Rulngan pa ang zar a tih ang kawngpui chu a ni maw. Avena a zarah kan pu duhthusam ang kawngpui thlalak kan hmuh theih avangin lawmthu awm rawh se

avena said...

amuana...ni e kawngpui tha hi chu a awh awm ani!!

Computador said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Computador, I hope you enjoy. The address is http://computador-brasil.blogspot.com. A hug.

virgochhas said...

blog i nei ve tih ka lo hre miah lou a....dultea blog ah a soilan atrang ka hre ve xiah...

lo en ve thrin toh tur a nih hi...

:D

avena said...

hihi..Virgochhass WC!! i ngaihtuahna ril tak tak te i rawn bun ruak thin dawn ania :)

Eunice said...

The article about Mizo women was balanced,necessary and heartening. The picture and heading was almost misleading. Hope you'll not only post many more such articles, but write more about it yourself to highlight a very pertinent issue.
Dr.Eunice.