Friday, July 20, 2007

tuifinriat leh thlaler


"Tuifinriat ang khawngaihna hi,
Tui liam angin ngilneihna;
Nunna Lal thianghlim thihna hi,
Ka nun tlanin a thi a,"


he hla hi naupang te kan nih laiin hlim na alo thleng a, mizoram ah an lam pui luih luih mai.a hla sak tawh chuan an sa nawn ngun lutuk kha a then te phei kha chuan a hla phuah tu hian a phuah tawi lutuk ani, ti te pawh an awm thin. han ngaihtuah let leh hian a hla thluk kha nge kan tui pui a, a hla thu aw? tih ngaihtuahna ah chuan a rawn chhuak ve leh thin. a hla thu kan tui pui tlang e , han ti dawn ila, tuifinriat hmu tak tak hi kha tih lai a hla lam pui zing ah khan kan tam awm mang si lova. mizo hla hlui ho hmuh ve phak tawk ah lah hian tuifinriat sawi na hi a awm tlem khawp ni tur ani ka la hmu mang hauh lo mai.mizoram tlangram ani a, tuipui chu kan hlat khawp chuan a hriat a, engtin nge tuifinriat tih tawngkam hi alo chhuah thei mai aw? tih rilru ah chuan a awm a. tui-fin-riat tiin han then sawm ta ila. tui 8 in fin khawm na ni ngei tur ani a. enga tinge 9 emaw 7 ni lova 8 kher anih na chhan hria kan awm em? tuifinkua emaw tuifinsarih emaw ni lova tuifinriat anih kher na chhan hria kan awm em??
tuifinriat anga khawngaihna tam tih sawi na hla kan lam pui ani mai a. rinna mitthla in tuifinriat kan hmu tlang a, tui cham put mai, zau tak tur ang in kan suangtuah tlang a.mizoram ang tlangram a piang a sei lian te tan chuan tuifinriat hmuh chu buaithlak deuh tur ani, chutiang bawk in tuifinriat kam a piang a sei lian te tan chuan , mizoram tlangram ang chu hmuh kher chu har deuh tur ani.rinna mit tel lo chuan!!jerusalem chu rinna mit a thlir in hla a phuah te pawh an awm a.
jerusalem tih chu hnam dang tawng atanga lo chhuak anih hmel a.mahse tuifinriat chu mizotawng atanga lo piang chhuak anih hmel tlat mai a.
tuifinriat tih thu mal lo chhuah dan hi enge ni ta ang??


tin, tuifinriat ang khawngaihna hi, tih kan hlim pui em em lai vel a, kan hlim pui dang hla ;

"Rei tak thlaler rama ka bo hnu hi,
Tunah i aw hriain ka lo hnai e"(Misual ka ni;Lalpa,min ngaidam rawh,- R.L.Kamlala)

thlaler pawh hi a tam zawk chuan rinna mit tho in kan hmu in ka hria. mizoram , india ram chu sawi loh khawvel a ruah tui tlak tam na ber pawl a cheng ten, thlaler ram ro a bo ta anga kan in hria hi chu, rinna in thlaler ah kan bo a, rinna vek in kan let leh ni awm tak ani. ramngaw pik ah bo ang in inhria ilang chuan , ramngaw pik chu kan nei a, bo te pawh an awm thin chuan a hriat a, mahse thlaler ber kher chu kan hlat em mai a, bo tum pawh ni ila , bo hma in thlaler awm na hriat hmasak a, chumi lam pan a kal ngar ngar a, chuan thlaler ah chuan bo tur a ar kawh chhuah ngawt ani mai a.he2.mahse a hla phuah tu hian Israel fa te Aigupta(egypt tiin thenkhat chuan an ko) bawih atanga an chhuah a, thlaler a an bo kual ve , rilru atanga a phuah ni awm tak ani a. Rinna mit a thlaler hmu in, rinna mit in thlaler ah chuan a bo ta a. rinna mit vek in "khawi zu leh hnute tui luanna ram" ah chuan kan lut ta ni ngei tur ani. Buannel ram dai ram ngaw pik a bo chung chang hla ah ka la hmu vak lo?? rinna mit in buannel ram, ram ngaw dur pui mai, kan chenna ram ngei mai, kan fang hlawm lo ani ange!
!!

2 comments:

renthlei said...

Hriat loh lam nimahse mi ril zawk te cho chhuahna a ni mahna kan tum ve chhin a nge, tu ngeng mah a chhun em nang.....tui tih phuahtu hi a fing lutuk a mi pariat a tluk ang a chu vangin a hming chawiin tui-fin -riat an ti a ni mahna! tui infinkhawm hi a riat nasat thin avangin tui-fin-riat an lo ti ta mai pawh a ni mai thei....tawng kam hi chu a hun leh a hmanna mi ten an hriat thiam dan ber hi a dik ber mai lawmni;Isua pawh kha mizoram a thusawi nise chuan kei hi grape hrui tak chu kan ni ti loin kei hi maian kuang tak chu ka ni te pawh a ti zawk mai thei a sin,tunlai thusawitu thenkhatin a greek/hebrai tawng chuan......a chiang a ni an han ti a, an tan chuan lo chiang viau pawh nise an beram ten zawmtur an hre tlem ve ngawt ta ve ang...

avena said...

A dik khawp mai. greek leh hebrai ziak tu te chuan 'tuifinriat' an hmu pha awm si a, an tawngkam ah lo awm pawh ni se la thil awm tak ani a.

mizoram, tlangram chu sawi loh khawvel ruah tui tlak tam na ber pawl a cheng ten ' thlaler' a bo anga kan in hre tlat mai thin hi chu , amak ani!!!