Wednesday, January 13, 2010

Khualbuk Vengtu

"Khualbuk vengtu ang mai ka ni,
Sualin min bawm reng e;" (Hmanah Kaisar lal lian rengpui - Rokunga 1914-1969)

Nikum krismas ni tak mai khan kan biakin ah he hla hi kan sa a, lam pawh enge maw zah an awm a, chutia ring tak a sa ve chung a mi lam ka thlir lai chuan ka rilru ah "engvanga khualbuk vengtu ang mai ka ni, sual in min bawm reng e" ti a he hla phuahtu hian a phuah tak mai le aw?? tih a rawn lang a.

He hlathu anga ngaihtuah hi chuan khualbuk vengtu kha sual in a bawm ni awm tak ani a, khualbuk vengtu sual in a bawm anga ngaihtuahna lo chhuahna pawh josefa leh mari te kha khualbuk a an len ve tak loh avang kha ni awm tak ani a. Khualbuk a an len ve tak lohna chhan kha eng vang nge ni ang le aw?? Khualbuk ah khan hmun ruak la awm reng si in an thlen ve an phal lo nge ni a? hmun ruak a awm tawh lo hrim hrim?? tih hi rilru ah alo lang tel nghal a.

Khualbuk ah hmun ruak awm reng si a, a thlen man an pe ve thei reng chung si a, midang an aia thleng tlai te tan hmun zuah an duh avanga josefa te kha leng ve lo an nih chuan khualbuk vengtu pawh chu a dem awm thei viau mai thei. Chuti ni lem lova, mikhual an lo tam tak em avanga thlen man alo san tak avanga josefa te khan thlen man an pek theih loh avanga leng lo an nih chuan khualbuk vengtu lo dem na tur chi em ni dawn le aw?? tih ngaihtuahna ah a awm a.

Khualbuk ah hmun ruak a awm tawh loh tawp avanga josefa te kha khualbuk a leng lo an ni ve leh thei tho bawk awm e. Chuti anih phei chuan khualbuk vengtu han dem na chhan tur avang leh zual ni te hian ka ngaihtuah ve mai mai a. Khualbuk vengtu dem awm na lam aiin josefa te thlen tlai na lam kha khualbuk a an len loh chhan ah chuan a dem awm zawk lovang maw aw..tih te rilru ah a awm a. Tunlai a kan sawi teh fo "pen tui hring" a recommend an nih avanga josefa te kha thleng tlai chung chung a khualbuk ah khan an aia thleng hmasa te luah lan tir in hmun pek ni ta se la , a fel hlel zawk lovang maw? tih te pawh ngaihtuah theih tak ani in ka hria.

Hetiang thu vel mai mai ka ngaihtuah vang nge maw ni a hla chang dang
" Khualbuk vengtu suihlung mawlin,
Van Lal Rengpui ka lung damna,
Puan ang a hnawl ta e" ....
tih awm na chang kan han sak lai te pawh chuan han lam na chhan tur ka la hre ve ta chuang reng reng lo mai a!!

39 comments:

awitei said...

Ka masi hla nalh tih ber te zing a mi ni tlat mai..

Khualbuk vengtu chu nia kan chhuah chhe deuh. Bible ah han zawng chhina la, a phal lo nge, a khat ltk chu :)

Ka duh lai chu mo.. "ka thinlung ram Kaisar lalna ah hian, Bethlehem tlangpui lo din la, tah chuan lo cheng ang che' tih lai hi..A chenna tlak rilru neih reng hi a awl lo bawk si.

faka said...

Ngaihtuahna chawk tho thei tak thuziak a ni hotupa! Hmana blog-a ka lo ziah tawh thu thenkhat hei ka rawn la chhuak e:

Professor pakhat Todd Bolen chuan khualbuk tih hi lehlin dik lo a ni, a ti tlat mai. Greek tawnga kataluma tih hi man chawia thlenna khualbuk (inn) ni lo vin, mikhual pindan (guest room) sawina zawk a ni a, he thumal hi khualbuk sawi nan Luka’n a hmang ngai lo, a ti. Hming ziak tura mahni khua theuh va kal kha an ni a. Josefa pawh Bethlehem khaw chhuak a nih avanga he khua hi pan an ni.

An khaw hlui a ni bawk a, an chhungte chu an han pan ve ngei a, mahse an ‘mikhual pindan’ah hmun an chang tlat lo. Eng nge a chhan? Josefa te nupa kha Juda danah nupa tak (legitimate couple) an nih loh avangin an chhungte hian an lo pawm thei lo a ni, an ti.

‘Khualbuk vengtu’ tih Bible-a a inziak lo chunga “Khualbuk vengtu i ui lo’m ni…” tia kan tap per pur mai thin te hi kan lo ti dik ngut na nge maw? Engpawh ni se, chungnungberin thlen in a hnawng tih erawh kan chiang.

Clayton Dolién said...

nagmah kha an phuah chhan che tih inhre mai mai la a thra zawk... i buai kual peih mai mai em mai :)

lalrinfela said...

A hebrai tawng bul atanga han chhui thiam ve loh phei chuan ngaihtuah a ti thui ang reng.Pentui hring a ziak...Hahaha felhlel zawk daih ang...

samuelapa said...

doliena sawi ang khi a ni mai. Khualbuk vengtu ang maia sual bawm reng, suihlung mawl bawk si chu tu dang ni lovin, "Keimah ngei hi ka lo ni e", i tih theih hunah i la fiah chho ve zel mai ang chu maw :)

avena said...

T/s: ani khawp mai...a chenna tlak rilru neih chu a pawimawh khawp ang.Remruattu maka chuan a ruat sual lo tawp ang tih ah hian chiang ila.Mihring te hian kan ngaihtuahna dan ang hi angaihtuahna alo ni kher lo mai thei a..chuvang chuan in khualbuk ah vengtu awm anga kan han ngaihtuah a, a lo hnar anga suangtuah zui a, khualbuk vengtu dem ngawt mai hi a dik ber angem? tih ngaihtuahna kan nei ve mai mai bawk ania.

faka: hotupa chu i rawn sawi zau tak ah chuan ani awm teh tak e..mahse ka english bible kan bih ve na ah chuan khualbuk(inn) tiin a in ziak kuau mai a, mikhual pindan ti zawng chuan dah ta se la chu khualbuk vengtu hi kan rilru ah alo piang kher awm lo asin maw le!!chutiang zel in "bethlehem bawngin tlawm ah" Lal Isua te pawh kan pian tir tak lawp lawp a..bawngin tih tak hi chu Bible ah hian a lang kher awm lo asin maw le...zel din na,leh Bible beh chhan a thawnthu ang reng deuh ho hi kan rilru ah hian kan vawng lutuk zawk emaw ni le aw?? tih te pawh ngaihtuahna ah a lang!!

dolien: ni e, a phuah chhan a ber hi an hla thu ah a phuahtu te hian an dai pelh deuh emaw ni tiin kan zawh let ve na ah lo ngai ta lo..a tha ange.

lalrinfela: ni chiah emaw le.."khualbuk neitu" ni lo in "khualbuk vengtu" in dem a hlawh daih mai a.mikhual thlen theih leh theih loh thu ah a khualbuk neitu nge thunei anga khualbuk vengtu..tih te pawh ngaihtuah tham tak ani!

samuelapa: ni khawp mai.Mahse khualbuk vengtu suihlung mawl deuh anga an han chhuah ngawt hi a suihlung mawl vang ni lo in, a hna a arinawm vang te pawh alo ni daih zawk thei a, tih te rilru ah alang a. Tin, josefa te thlen tlai leh tlai loh lam zawng a bih chian na awm si lova khualbuk vengtu dem ngawt mai hi a fel hlel deuh em? tih lam hawi in kan ngaihtuahna te han seng ve chhin ila..tih na lam hawi zawng in chhiar ta ila, a pawm a nuam ange!

Unknown said...

Huiha, va ngaihtuah ril ve mawle. Thildang ziak mai teh ta :D

Varte said...

"Bethlehem tlangpui rawn din la,
I tan ranthleng rawn hung leh la
Tah chuan lo cheng ang che..

he hla hi chu a tha-in sak pawh a nuam ngawt mai, Krismas hi chuan kan sak lar pawl tak a ni ziah bawk reng a, hla awmze nei tak a ni.

wonderboy said...

A heading atang chuan i Office hlan a khualbuk lo veng tu tur an awm i ti dawn emaw ka tia!! *big grin*

EPISTEMOLOGY said...

Hotupa, hemi chungchang hi hmanniah chanchinbuah inhnialna a awm a. Upa C.Hmingthanga chuan, Zozam chanchinbu-ah khan a phuahtu Pu Rokunga hrilhfiahna ngei a rawn ziak a. An web-site ah sawn en theih a ni.

Tin, Bible commentaries lehkhabu pakhat ka chhiar naah chuan hetiang deuh hian an ziak.

Khualbuk vengtu hian thlarau hriattirnain Lal Isua pian tur hi a hria. A khualbuk room pakhat hi hemi atan hian ati ruak reng a, nitin tui leh mamawh a thlak ve ziah a. tichuan, Lal Isua lo thlen hun a nghak a ni.

Rome sorkar cencus a thleng a, mikhual an tam em em. An buai nuai nuai a ni ber mai. Rome sipai lal tak pakhat chuan riahna a rawn dil ta a. Chhandamtu pianna tur room bak room ruak a awm loh thuin a lo chhang a. Rome sipai lal chuan a dil ngial a, rem a ti lo zet a. Nakinah chuan, gold coin tamtawk a rawn phawrh ta a...khualbuk vengtu rilru a buai ta a. A tawpah Gold coin chuan room chu a hralh ta a ni.

Hemi context atang hian he hla hi phuah a ni thei ngeiin ka ring.

avena said...

Chhangte_ll: nia maw le, ril lam pawh ani chiah lo a, heti zawng hian ngaihtuahna pawh a kal ve thei daih mai a..tihna lam te pawh ani zawk ang a!!

varte:ani khawp mai. A chenna tlak a kan nun tlan hi a pawi mawh reng mai dawn zawng anih hi!

wonderboy: ani khawp mai. Bible a lang lem lo khualbuk vengtu kan hla vel ah te a lang tel ta tlat ang hian , Pathian thu kan hriat thiam dan leh ngaihthlak dan te pawh hi tum dan kan lo neih sa run vang hian kan duh dan a chungnungbera hi pawh kual kan tum ta mai thin ni te pawh in i hre ve em??

Epistemology: Hotupa chu i rawn thawh belh a, a lawmawm hle mai.I rawn sawi ang hian a phuahtu in alo phuah chhuah na context te pawh hriat ve zel hian hla ah te pawh kan lo tui zual phah dawn ni te pawh in a hriat e.Hotupa mafaka rawn tarlan ang khian khualbuk vengtu Bible a ziah lan ani lo chung pawh a Lal Isua lo pian lai vel han ngaihthlak a khualbuk vengtu lo lang tel ve fo mai leh dem a hlawh ang dawn dawn a lang thin hi, Pathian thu ah pawh hian bible a in ziak ni lem lo thil dang hian kan hriat thiam dan lo pianna lam ah min hneh chang a nei tam ve awm mange aw?? tih te rilru ah a rawn lang ve thin a.Ka u fapa hi .."Isua khawnge a pian?" ti a an han zawh hian ..ring tawk hian "bawngin ah" a ti lauh thin a...mahse bawngin ah a piang tih hi Bible ah a in ziak si lova...hetiang ang hi a awm nual awm asin maw le :))

amuana said...

thakthing lama i khualbuk saw i veng hneh awm run run hle mai

avena said...

amuana: ve bauh bauh a che!!

Azuali chhakchhuak said...

Nia tam tak chuan khualbuk vengtu hi kan dem mah2 chuan a hriat theih..Mahse Pu Epis-a chuan rawn ziak tawh tho a..Pu Rokunga hla hi chu a phuahtu phuah dan tak hi kan zuk man loh vang ber nih hmel..Hmanni ah ka pa in min hrilhfiah nasa mai a..Zozam ah khn duh angin a la chianglo a a tia..

Unknown said...

He hla hi ka sak lohna a va rei tawk tak. Thil eng eng emaw hi i ngaihtuah peih riau mai. I thu ziak zarah comments a hrilfiahna te hian min ti bengvar hle mai.

avena said...

hmingthanzuali & Che : ni khawp mai, comments a an rawn sawi zau na ho khi kei pawh in ka la hriat ngai lem loh te an ni hlawm a. Min ti bengvar khawp mai!!

pokerface said...

I Julieti thlalak chu raw post ve la nei hmeltha an ti bawk che a comment lo pe ila.... Sangha vuak ho pawh a chakawm a alawm...

sawmpuia said...

Khualbuk vengtu khan pindan thatakah lo thlen tir ni ta se....a ropui tur angin a ropui lo zawk mai thei bawk. Lei leh van lalber maiin ranchaw pekna thleng a thlang tlat hi...a hlawhtlinna chu Khualbuk vengtu hi a nia fak chi zawk a ni.

Hmanni kan Pathian thu ngaihthlak chu maw- Adama thaibawih avangin Evi a ngamlo a theirah a ei a sualah kanlo tluk phaha. Pilata kha chu man deuh a (hand pack) ve lo a nupuiin a mumang vangin nawr nawr mahse..a hma a ka vel ang a ka chhuah mai dawn tih tawh kha a nia..hmeichhia in anlo sawi ve a tiin khenbeh turin a pe ta e an tia lawm. Buaithlak khawp mai :-)

Te-a said...

Lei leh van lal berin engatinge khualbuk vengtu hnenah Josepha te nupa tan seat hauh turin Vantirhkoh a tirh loh ? tih hi ka buaina zawk a ni.
Ziak ngaihnawm khawp mai

出会い said...
This comment has been removed by a blog administrator.
モバゲー said...
This comment has been removed by a blog administrator.
ツイッター said...
This comment has been removed by a blog administrator.
モテる度チェッカー said...
This comment has been removed by a blog administrator.
安田記念 said...
This comment has been removed by a blog administrator.
ツイッター said...
This comment has been removed by a blog administrator.
安田記念 said...

第60回 安田記念 2010 予想 オッズから展開と結果をズバリ当てる!出走馬、枠順など全てを考慮にいれた緻密なデータをもとに検証

友達 said...

気楽に遊べる人募集です♪まずはお友達からヨロシクね!! freedum@docomo.ne.jp

スタービーチ said...

スタービーチで素敵な愛を掴みませんか?愛に対する理想や想いを現実にしていきましょう

モバゲー said...

モバゲータウンでは今までとは一味違う出逢いを体験する事ができるのです。これまで良い出逢いがなかった人にはもってこいの無料登録型の掲示板です

ゲーマーチェッカー said...

ゲーマー達のステイタス、ゲーマーチェッカーであなたのゲーマー度数を測定!!測定結果を元に自分と同レベルのオンライン対戦も出来ます。ゲームが得意な人もそうでない人もどちらも楽しめますよ

スタービーチ said...

日本最大級のであいコミュニティ「スタービーチ」で恋人を探しませんか。素敵なであいを経験して理想の人と楽しい思い出を作りましょう

スタービーチ said...

であい系の元祖はやっぱりスタービーチ!初めてであい系にチャレンジする娘も多いここならゲット率は最強

モバゲー said...

モバゲータウンでであいを楽しみませんか。気軽に誰でも楽しめるであいサイトとなっています。こんな事をしてみたいなど希望の事が実現できる、そんなであいコミュニティサイトです

出会い said...

エロセレブとの出会いを完全無料でご提供します。逆援助で高額報酬をゲットしよう

スタービーチ said...

スタービーチがどこのサイトよりも遊べる確率は高いんです。登録無料で新しい恋をGETしてみませんか

モバゲー said...
This comment has been removed by a blog administrator.
avena said...

sawmpuia/tea colney: nia, alo kal leh hma chu kan inrin siak zel dawn chu anih hmel a. mahse, he khawvel awm lai pawh hian mahni thinlung tak a dik leh dik lo tih chu a awm ve asin maw le!!

Anonymous said...

what store can i buy the electronic cigarette .2 piece electronic cigarette [url=http://connections.blackboard.com/people/22e982982b]super mini electronic cigarette [/url] electronic cigarette sales uk retail outlet for njoy electronic cigarette

Anonymous said...

электронные сигареты в пензе - забаливание детей курение