Wednesday, November 5, 2008

Ratu ah-I

Kum sawm vel a liam ta, Shillong khaw vawt vur mai hmun ah lehkhazir lai ania, chawlh laiin Aizawl ah ka awm lai ania. KTP,General-conference(inkhawmpui) nen a in nang ching hlauh mai a, tel tur in hming ka pe ve . Ratu khaw hming chu ka hre thin a, college kan kal lai a kan thiannu Lalteii te khua ani tih pawh ka hria. Mahse, ka la hmu ang tih erawh ngaihtuahna ka nei ngai lem lo. KTP inkhawmpui nghahna anih avangin Ratu khua lam pan in bus in kan han kal ta ani. Thalai awm khawm tih tak ah bus a tlan pah in an zai ho thap thap mai a, an hla sak ho chu hla lar thar ani chek ani ang chu, sak thiam ka nei ve mang hauh lo mai a!

Tichuan kan tlan zel a, Ratu thlen hma in khaw tam tak ah kawng kham zawng in hrui an lo thlung a, theitui an lo zuar a, kan han in sak tak lawp lawp a. Ratu khua chu tlai lam ah kan thleng a, thlen in tur an han sem dan dan a,kan thlen in ah mikhual ho kan han awm kim chiah chu, in pakhat ah mikhual thleng kan tam hle mai.Kan thlen in ah chuan mi 30 vel kan thleng ta in ka hria. In dang a mikhual thenkhat te phei chu an thlen in ah mutna an leng lova, UPC biakin ah zan a riak te pawh an awm a; hemi inkhawmpui an han thlen meuh chuan an khua an tanrual zia a ti lang ve viau in a hriat. Chhungkaw thenkhat lah in an in a riahna leng lo an mikhual ho riahna tur in an in bul ah di in te an lo sa thar ve bawk.

KTP inkhawmpui ah ka vawi khat tel na ani bawk a, zan khatna inkhawm tur a pandal a thutna han zawn chu a khawr theih hle mai. Chutah kan han zai tan a, a “bass” sak dan tur te, hla bu a solfa en dan tur te,“doh-hniam…doh-sang…etc” ka kalpui pa in min han zirtir chawp tak lawp lawp a. Biakin a inkhawm a hla sak thum ve satliah ringawt ang alo ni hauh lo mai !!Mahse han zai hnem chuan kan lo hre ve ta tial tial a. Thalai rual a hu hova han zai thup thup mai kha chu a va han nuam tak em!!

In khat ah mikhual thleng kan thahnem bawk a, chawbel leh chawhmeh bel a lian tawk bawk aniang, chaw leh chawhmeh a hang thei khawp mai. Dailuah hang tak mai leh thlenin te kawmthlang ami zawngtah bal(lawh) thar ngei mai leh hmarchate rawt han ei meuh zawng, chaw eikham chuan kan rih belh lawih hian a hriat thin!!

Chaw ei sawi tak ah chuan mikhual nei ngah lehzual an VCP te mawlh kha aw!!! an in pekna a fakawm thlawt ani.Mikhual 100 aia tam an thleng a, chaw ei hun te khan in koh khawm a buaithlak deuh ngei in a rinawm a, an in kawt ah dar an vaw ri tawp zel !!!

Kan thlenna in chu a chung rangva, a bang dap leh a chhuat thingphel ani a. A kawngkhar ah mizopa kawngkhar, mau hmang a siam(tah) ang hi an hmang a. Hawn dawn chuan a sir zawng a nawr tawlh mai tur kha, thlenpui thenkhat hawng thiam lo an awm tlat mai. Tlai khat chu chaw ei hun nghak a kan zai thap thap laiin kan thlenpui nu pakhat hian kawngkhar chu a rawn keu a, a hmai a rawn lang zawk a, a khar leh thin a, a tih nawn fe hnu ah a tawp ah kawngkhar chu hnuai lam atanga hlim chho in a rawn kun lut a , “enga tinge?” ti a kan han zawh chuan , a hawng thiamlo hi alo ni a. Mizopa kawngkhar ang hi alo la hmu ngai lo hi alo ni a!! MA zir zo tawh pawh ,khawpui a piang a sei lian tan chuan hmuh ngai miau loh chuan hriat ngaihna awm lo ni awm tak ani. Kan nuihpui nasa khawp mai.

18 comments:

azassk said...

Ratu KTP khawmpui kha ka kal ve chiah lo nang a, tui a harsat zia leh in pakhatah pawh mikhual thleng an buk zia kha chu an sawi nasat thin kha aw. Ratu KTP khawmpui ah khan rialno(glass) ngatin ani lawm ni thingpui an sem thin kha, a ngai hnem ve ngawtin ka ring.

Mizo In saka kawngka mau a siam nawlh tawlh theih ang chi kha hmuh tur a vang tawh khawp ang, kan khua ah tak ngial pawh hmuh tur a vang ta..

Puia said...

Ekhai, a ngaihnawm e..Chutih laiin ka rilruah i chetchhiatna thawm kha a ring kher mai a, keimahin ka nui fur fur mai. Han ziak lang law law la ka va ti em.. Kawngkhar hawn sak mahse in hmu chiah si lo va, in nem fuh deuh nawk nawk te pawh kha a ngaihnawm dawn nen ka ti deuh a..:)

amuana said...

Ratu Conference kha chu sawi zui hlawh pawl tak conference chu a nih kha maw le. Khami chinah kha chuan KTP khawmpui a kal (a bik takin khawpui mite'n) puanthuah etc a intodelh sa kal leh thleninte tan a phurrit lutuk siam lo tur a ei leh in tur a theih ang chin chin a lo in tum lawk a, lo ken lawk kan uar phah ta deuhin ka hria.

Thutna zawn chungchangah chuan, KTP khawmpui Ramhlun Sports Complex a neih ah khan, zanah thutna a khat tawh ang reng a, thawmhnaw neih that nen a kal kha ka ni bawk a, (suit nen kan in duang ve zaih a nia) hetah stage hnunglamah khan ka kal phei a, platform lamah khan ka lawn ve hmiah. Usher ho khan khawi khua emaw pro/psator emaw min ti nge platform ah ka thu ve vung mai alawm. Ban ah thiante ho in mak an ti nasa mai maw le. :)

faka said...

Ratu Conference kha ni e, a lar phian mai. Ka tel ve hman ta lo va kha... Thil hi chu fel/tluang purh lo deuh hi ni se, a hnua sawi leh tur a tam duh nge nge. Ngaihnawm hle mai.

Kawngkhar ni lo zawk nem thu kha ni tur a nia, hotupa puia sawi hi:)

chhangte_ll said...

He he he...Zai i thiam ve ngawt emia. Mussorrie a lah khan Robert a i zai tir daiha..:))

avena said...

zarbawiha/puia/amuana/mafaka/chhangte_ll: in han thawh khawm tak ah chuan thil thenkhat ka mangnghilh tawh te pawh min hriat chhuah tir e...han sawi tak ah chuan kan thiannu Lalteii pawh in vawi khat chhun thingpui a rawn sem a .a bak chu kan in hmu thei ta lo..kan classmate thin ani na in a khawtlang buai in an buai a ..!!

Mahse, kan ti hram teh ang..a kum leh ah Serchhir a conference ka kal aiin Ratu conference kha anuam ka ti daih zawk mai.!! A zopa tlat alawm..

Kanidar said...

Lalteii chu Serchhip ah chuan hmu ta che maw? KTP conference hi chu keipawh ka tel ve chak thin khawp mai.

avena said...

kanidari: Lalteii chu Serchhip ah chuan hmu ta nang..Aizawl ah Ramhlun venglai ah a hnu ah ka hmu.Ka rawn sawi chhuah chhan tak zawk chu kan classmate , thian inkawm ve thin kan nia, chuan an khua a zin ve a , an in a tlawh dawn pawh a awm hman miah lo khawp a an buai kha ania ka rawn sawi chhan tak zawk chu.Ratu khua an tangrual ka ti hle mai. KTP general conference chu kal ve ngei tum teh , i inchhir lovang!

Puibawiha said...

In thlenpui nu khawngkhar hawng thiam lo rawn dak leh zawk zawk thin chu, min tinui nasa ngei e.

amuana said...

Ratu ah-II hi engtiknge a pian dawn le

avena said...

Puibawiha: nia maw le,keini pawh in kan hlimpui kher asin.Kan veng ami ala ni zui, tunah chuan college ah lecturer hna a thawk tawh e :)

amuana: tunlai ka mit a kham hma computer hma ah ka thu rei thei lova tin alawm, a theih ve leh rawn tih chhuah vat ka lo tum ange!! Ratu-II ah chuan kan speaker sermon lam ziah ka lo rilruk deuh a!!

samuelapa said...

Ratu KTP Conference-ah khan ka thlen inah khum ka chang hlauh a. Mahse, puanthuah zong2 vomkhom nana hman a ni nghal a. Mikhual zong2-in an puanthuah an phah kim hma chu ka mu thei lo va, ka thawh hma chuan an puanthuah an dahtha thei bik lo bawk.

Kan thianpa pakhat chu a thlen ina dailuah kan leh chawhmeh dangah te khan tui hi an leih tam thei deuh a niang, "Ratu-ah tui a vang' an ti an tia, hei a van top loh hi" a ti leng2 mai asin!!!

Kanidar said...

Tun kum hi khawi khua nge ni ang aw, kal ve tum ila a tha ang.

virgochhas said...

KTP General Conference hi Republic veng ah ka chhim ve toh...hetiang lam ah chuan chhuan tur ka nei tlem khawp mai :(

zo khua a han kal vel hi ka chak lutuk...nulat thrat lai in kan ti ta mang si lo a tunah chuan chance a tlem hmel lehzual zo vek ....

Ratu khua chu khawi lam ah nge a awm pawh ka hre lou :(

Mapuia Pa said...

Serchhip ai a a mizopa nachhan chu kawngka nem tawl incident vang kha a nih ka va ring ve .

amuana said...

I mit nuam lo chu i mutpui ta char char mai em ni, va update har ta ve

chhangte_ll said...

I Ratu kal pawh chu Chhura 'Ngheng tawlah.." nuam ti lutuk haw nachang hrelo kha i ang riau mai. Rawn haw la update teh khai :)

ALEXXfender said...

KTP khawmpui hi ka la zin chhuak ve miah lo.. hman ah khan Ramhlun Sport Complex ah khan an ti tawh em kha? Pandal chhung lut lo in a hmun ka zuk thleng a, ka hawng leh nghal daih... chu chiah chu..
YMA conferen pawh ka la kal chuang lo.. vawikhat chu a kum ka hre tawh lo.. Chaltlang ah khian ka kal ve tawh a.. chu mi trum chuan, Ngawlvei chhungkua tih hla kha an request nasa khawp..