Saturday, August 30, 2008

Thil te te!!

Hetiang ang hmun ruahtui tlak tlem na hmun ah leh nghal, hetiang ang thingkung lian a han awm hi chu khaw hawi a ti hahdam bik ngawt mai. Ni sat vawl vawl ni pawh hian a daihlim hnuai a han kal chuan a khaw lum te pawh ati nep deuh sawt in a hriat.



Heng a kawt zawl a thingkung lian awm khup mai te hi,hmawlh khawh bur vu mai emaw, thil zum a lo ker ta emaw hmuh tur a awm lo reng reng!! A daihlim hnuai a hmun awl remchang ah hian thalai ho in inrinni leh chawlhni a piang in cricket khelh nan an hmang ziah tih te rilru a ngaihtuah phei chuan an kut a hlei lo ve hrim hrim nge maw ni dawn ni?



Inchung a han lawn a han thlir phei chuan in thinghnah hring phei dup ni mai hian a lang a, a thingzar ah te chuan thehlei leh sava thenkhat te ,vaki thleng in tlai lam ah phei chuan hmuh tur an awm thin!! Naupan lai a zuangtui leh mutthi ram inkar saisih hmun a vaki rual an thlawk lai kan hmuh te, vahlah an hram chiah chiah kan han hriat thin te pawh rilru ah a lang !! Tunah lah chuan saisih ram vel ah chuan In a ding fur tawh mai bak ah a thing lian awm chhun kan hmuh ve phak ho te pawh an kit zo deuh vek tawh...a thing tam zawk kha chu a ram nei tu ni lo in midang in a ruk a an kih an la ti zui!!



Ei rawngbawlna atana thing kan hman tih tlem nan hian nizung chakna hman uar tum ta ila kan ti thei angem?. A hranpa hlak in tuiherhhawna a awmna apiang ah tuilum herhhawna tur hi an dah a. Inbual nan te leh eitur han siam nan te tuilum a awm nghal reng a, Gas hman ati tlem sawt a, electric hmang a tuilum a ngaih loh phah bawk nen!!Mizoram lam ah te a tih chi ve angem aw??nge kan hmang tan tawh zawk?


Hei a meter a lan dan chuan tanky atanga a tui lut lum zawng chu 43 degree C vel anih hmel a!!



A lo chhuak leh lam tui lum zawng chu 90 degree C vel ani ta daih mai.


20 comments:

DavidRalte said...

Ni e, ni zung chakna hman hi kan la intihhmuh hluai ka ring thin.

Pu te nge nge, in ngaihtuahna pawh a puitling e.

faka said...

Hei a te lo tawp mai, i thu chai hi. Samdala leh Newton-a, thingbuk hnuaia thu theuh theuh an inan lohzia ngaihtuahin i thiungkung rawn tarlan te, nizung hmanga tuilumna khawl te hi ka lo hmu ve vek tawh na a, hetiang thil ngaihtuahnachang reng reng ka lo hre pek lo. Tha thin dap dap e...

avena said...

david: hotupa ni e maw le..thlasik lai phei chuan tih chi deuh tur asin!!

faka: ekhai kan hotute in rawn lang ve leh ta a..kan phui sui leh ta sawt mai , kan khaw lam ah hi chuan insak thar ah chuan an dah deuh zel tawh in ka hria ka hmuh ve phak chin ah chuan!!

azassk said...

thil te te atang hian alawm thil tak tak a lo chhuah thin:

Puia said...

Thil te te tih topic pawh hi a ngaihnawm thei viau zel mai a. Solar hi chu kan uar ve tawh a hun khawpin ka hria. NI kan hmu tha nasa mai si a. Rangva kan hman aiah hian mi tam tak hian hmang thei ila chu kan intodelh fur theiin a rinawm lo maw?

samuelapa said...

Tui mal far te te
Tiauvut hrang awmkhawm
Tuipui lian a thlenin
Ram nuam a lo awm...

I "Thil te te!!" rawn chhawpchhuah hi a PUI ru tlat. Nangmah pawh hi i lan ang ai hian i lo pui ru roh fu a nih ka ring ta :)

Mi hausa deuhte chuan ni zung hmanga tui tihlumna hi an hmang nual tawh. Mahse, hengho hi thing tuah loho an ni vek thung. YMA Day te hian thingphun hi kan uar ta viau a, mahse a enkawl zui kan peih vak lo. A tam zawk hi chu a thi leh mai thin.

amuana said...

Ruahtui tlak tamna zoramah tuikang nghaka kan thu thup thin te hian ngaihtuahna a ti thui a, ram leilung tha nei si thing kan phun nasat tawh zia leh a puitling a lawi awm si loh danah kan forest ho thingphun chungchang hi Sumsiamna awlsam chikhat em ni chu aw a tih theih rum rum.
Nizung chakna hmantangkai thuah hi chuan hman tangkai dawn chuan a senso a hi a la hautak deuh emaw ni chu aw a tih theih. Tum khat chu Tripura ram thingtlang pil deuhah kan kal tumin kan kalpui pa pakhat hian tlawm deuhin a a leinawlh tawh. Thenawm state ah chuan sorkarin ramngaw humhalh nan thingtlang mite hnenah a sem a ni mai thei.

avena said...

zarbawiha: ni e tiraw, dik khups mai.

Puia: nia, rualawh na kan ti lang ve leh pawp mai ani. A man ala to deuh vang te pawh ani ange, mahse, vawi khat chu 'solar hmang street light' chung chang ah secretary nen kan inhnial a, a pangai aiin a to zawk ka ti thla rawk mai a...tum chhin a hlawhtlin tir tum tur, sawrkar rilru rawn thawh teh suh ..ati hmiah mai :)

samuelapa: ni e a tangkai khawp asin a han awm tak ah chuan. Thingphun i rawn sawi chu enkawl zui kha a hautak lai ber tur ni awm tak anih hmel a!! Mahse, kan ti hram teh ang Mizoram te chu ruahtui a tha a thingphun pawh a thang chak in a rinawm a tlem a han thawh belh hlek tur in han tih dan awm se la!! Tamil Nadu lam hi chu ruah tui a tlem em avang hian 'forest department' in a thing tiak upat lam tur an bituk aia upa fe thleng 'nursery' ah a awm loh chuan a nung thei lova, 'norms' aia rei an dah thin!!chuti chung chuan japanese ho in sum a an tanpuina hmun then khat ka tlawh ve tawh chu an thingphun 'survival rate' a tha ang reng khawp mai!!

avena said...

amuana: ..thingphun hi tu leh fate tan a phun pawh ni se a hlutna a danglam chuang lo a nih hmel e!!

samuelapa said...

Mizoram kan that vena riau chu maw...
Kan Minister te pawh hian thingphun leh sangha chi chhuah hi chu an peih ngang mai. Kan that lohna ve thung chu, chutah chuan kan tawp tlang leh mai thin.

Puia said...

Han tuihnih leh lawk ila; Ram dang ka zin reng rengin ka ngaihven hmasa berte zinga mi chu an POWER sources a ni thin a, hmuh theih mai a nih chuan ka han en ve deuh ngei thin bawk. Mizoram tana pawimawh hmasa bera ka hriat vang a ni a. Hnam changkang leh ram ropui zawk te pawh hian an lo ngai pawimawh hmasa ber a ni ngei ang, an thlahtu pi leh pute khan kum 20/30 dawn dawn Project te pawh an lo chai mup mup ve thin ni ngeiin alang. Tuipui zau tak mai an han khuap chat ruah mai hmuh chang phei chuan an ram leh hnam tan an lo dawn thui bik ma nge, ka ti rulru fo thin.

Engpawhnise, Power chu thuhranah dah ta rih ila, Ni zung (solar) hmang hian eng emaw chen thu kan mamawh zual a phuhru thei a. Novartis Chemical Industry Building bangah hian Solar plate hi an bel tle tuarh mai a, eng emaw palh awm thei thila hman atan a ni ngei ang. A nih loh vek chuan Electric bill tih tlem nan pawh a ni mai thei. TV, Tuilum etc.. mamawh hi chu a phuhru hneh viauin ka ring a, in tih hmuh ila chu kan nei leh thuai thei hlawmin a rinawm a, sawrkar tan pawh a zangkhai phah hlein a rinawm.

Tuilum herhhawnna sawi takah chuan 2001 Septermber khan zanlai dar 12 velah Gotherberg khawpui ka thlawk lut a, Airport ah kan hotuten min lo hmuak a, Vur pawh la hmu ve ngai mang lo khan, Vur chu lei ka chhuk rualin ka han rap tan a, Car nen min tlanpui vang vanga kan zirna run kan thlen chuan, thianten ka room turah min hruai a, a tlai tawh avangin, hei hi toilet a nia, hei hi bathroom a nia, zing dar 7 ah breakfast a nia, rawn tho mai rawh aw, tih bak engmah min hrilh hman tawh lo va, thawm dim hun a ni tawh nen. London ah darkar 10 lai ka vah kual vel avangin ka bal hle mai si a, ka han inbual tur chu Tuilum herhhawnna leh Tuivawt Herhhawnna chu hrethiam ve hek lo, Tuivawt herhna zawk chauh chu ka lo hawng niin, a vawt mai pawh a ni lo, a hit hian a hit ngawih ngawih a, patling chuti maia khurh zawng ka tia, ka han inbual zo hram a, ka room ka thleng chu ka khawng a ni ti tih der mai.

Room tinah hitter on mai tur hi an dah vek a, ka lo hre pek lo, room lah chu a vawt em em mai bawk a. Muthilh ngaihna awm hek lo, thiante han kaithawh chi ni tawh bawk si lo, ka khur tlaivar thak a, zing dar 7 nih hlan kha ka nghakhlel em em mai a ni. A tuk zing breakfast ei tur hmel chu a mak duh khawp mai, ka hmui hi a hil vek a, a duk vek bawk a, thianten min zawt a, vawt ka tih thu ka sawi a, hitter awm thu min hrilh a, ka hriathiam ve loh thu ka sawi a, a hnuah min han hrilh chiang vel ta a, Bathroom a tuilum leh tuivawt duh tawka pawlh dan thlengin.. ka hre ve ta chauh a, India kan awm lai khan, tuilum herchhuahna nei ve hek lo chu tuilum a awm hran ang tih ngaihna reng reng hle lo ta chu a mawl theih ngei mai. Room bangah hitter on mai theih a ni ang tih hre bawk si lo chu.. kan thi lo chauh chu a nih kha mawle hotupa..:)

virgochhas said...

ka kal ve tawh na Hamara Bharat ah hian Delhi hi thingphun/greenery tam na ber ni in ka la hria...Mizoram/Aizawl vel ah te thingphun a tlem thu kan soisel hi chu thukhat ni se...

ka lo thil lo notice ve daih mai chu...vairam khawpui chhung ah thingkung a ding thelh thruau a...mahse a hnah an phiah fai taimak zia te, an kawng a fai tho si zia te...Aizawl ah thingkung a tlem tehlul nen a kan kawngpui dung vel ah thing hnah ro tla vel a tam zia si te hi....thingphun kan uar lo a...thukhat...kan phun ve pawn kan enkawl zui peih lo a...kan enkawl zui ve peih chin a kung lian deuh te lehzel an hnah tla kan la phiat fai peih lo hi chuh!!!...thingkung nei tlak lo hnam hi kan ni hial te hian ka hre rum rum thrin...

solar lam chu nakin ah ka lo la comment ang :D (at work....ka buai ltk :D

avena said...

samuelapa: i thil rawn sawi dik hmel fuuu ani:) thingphun chu ni e enkawl zui dan ngaihtuah chu a pawimawh a..mizoram ang ruahtui thatna hmun ah te chuan mihring hian khawih lo ila fur lai a phun chuan a nung chho zel mai in ka ring ve ngawt asin!! vawi khat matric exam zo kan chawlh laiin hnai vai deuh tak ah lui ah chhun ah kan thenawmpa kal ka zui ve a..kawhtebel hi alo awm a..5ft vel a sang ania..February thla vel ani ta in ka hria...chuan a zung nen ka pawt phawi a, ka phun nun theih ka ring tlat a(kawhte bel chu a kung hi tawi te te in an tan chhum a , an vih phun thin hi) chuan kan kawmthlang ah ka phun a, tuk tin tui ka pe ziah a..a hnah chu a tla kawlh vek..mahse ka phun nung tlat..a hnu ah hnah thar a rawn chhuah a !

Puia: hotupa nge nge..rawn thawh hlawk hle mai..a lei tu an tam chuan a man pawh a tla hniam ve zel tur ah ngai ta ila,...2001 a i 'experience' chu a vawh hmel hle mai a...solar heater nen leh pek ah chuan inrin chi anih tawh dawn chu :))

Pi VC: nuho lam chuan hmunphiah fai in rawn ngai pawimawh ta daih mai. Hetiang tak hi ania ..han ti deuh hluai ila ...panchayat president a hmeichhia an awm na khua a dang
lam na chu...kan kawt pawh hi tuktin an rawn phiat fai ziah a, thing hnah tla hmuh tur avang khawp mai!!

sawmpuia said...

Nizung chakna mai bakah i thluak chakna hmang a i thuziah te khawm tur hian kalo in ring ve reng ringawt nia. Engtik nge ka tel hawn theih dawn?

ALEXXfender said...

Ni zung chakna hmang hian nupui herh chhuah theih ta se.. te lo ti ve rawk ila..
Thing thing thing.. dik chiah.. ka sawi ka sawi thrin a lom.. thingkung lian hi kan nei tawh lo, mihausa thlam bul vel ah te chuan a la awm.. Silchar to Aizawl inkar ah kawng thlang leh kawng chhak han hawi teh.. mau fere tak tak hlir a ni.. han ngaw khep kawp hmuh tur re re a awm lo..
Ka naupan deuh lai chuan, mizoram hi khawvel a ram mawi ber, hnam dang te lo zin pawh in hmuhnawm ti khawp a an thir tur ah hian ka ngai thrin a. Mahse han thlir nawn leh teh.. engmah a nilo!
State dang ah kan han awm ve a, mizoram aia hring nalh leh ngaw thra a lo tam zia ka hmu a, ram dang ah kan zin leh a, a aia mawi mawi a lo ni leh a... kan mizoram aia nuam leh mawi hi a lo va han tam tak, a kum tel in ka ti chereu zel chu ani sia le. Kum 50 lek pawh liam leh se... ngaihtuah buai lo zawk ang.

chhangte_ll said...

Ziak tha khawp mai Ku Phente.

Hmanlai deuh tawha Supreme Court in 'Logging/Timber Industry' N-E a a khap chung pawn ngaw chu sawiloh thing hmun pawh a awm lo chu anih hi. Ngaw hmun emaw kan tihte pawh hi 'Plantation' alo ni leh daih thin. Sum hmuhchhuan awl tak ani tlata - Demand a awm reng bawk si. Rial No antih nachhan hi kum la naupang deuhte chuan an hre tawh hauh loang - Rial/Sleet dawh tur awm tawh lo chu!!!

Zr-i said...

update har toh ve

Pu.Speaker said...

Tha thin dup2 ngei mai....ni zung chakna,ramngaw etc a va tha em

amuana said...

update tawh teh a

Kta said...

He topic hi tunlai tuihna humhalh ah hian a tha dawn hle mai. Ka chhiar a, Drama tur ka ziak mekah ka chhawr tan e