Saturday, June 7, 2008

Ka nu SMS

SMS chu kum lam a la naupang lam deuh tan chuan a tih dan thiam zung zung a awl anga, thiam a awl mai bak ah hman na tur leh mi dang man tlawm zawk a biak zung zung nan a awlsam a, khaw lian zawk a cheng leh kum lam a naupang deuh te tan chuan SMS thawn dan thiam lo nih chu thil ni awm ang lo hu a ngaihdan te pawh a awm mai thei.Mahse, ka nu kum 60 chuang tawh in a tu leh fate chanchin hriatna tur a SMS thawn dan a han zir zet chu aw....

Mizoram lam ah Samsung hand-set hmang in a thiante leh ka u te ho in a thawn dan an zirtir thiam tawh. SMS kan inthawn ve thin; ka thiante ho bul ah ka nu in SMS min thawn tih kan sawi zet chu , mak ti in engtin nge a thiam theih? min ti sup sup mai nia!! Hetiang a nun dan pangai anga awm ve anga kan ngaih hi ka nu te ang kum rualpui tan chuan India ram a hnam dang zing ah pawh an lo thiam chak vak bik lo ani mai thei ani.Hetiang lam ah hian hmasawnna chak zia leh dang lam chak zia hi aw!

Chutah ka nu , ka bul a awm tur in a rawn kal. Samsung chu a har em mai Nokia hi hman a awl sam zawk ang tiin, Nokia hman kan han tum tlang!! A awlsam zawk anga ka hriat kha ani tan chuan alo ni ngawt lo....a thiante leh a thawhpui thin ten Samsung hman dan tur an zirtir ang khan Nokia hman dan tur a hriat thiam zawng tur in ka zirtir ve thiam lo ani teh chek ang chu, kar khat teh meuh mai Nokia hand-set hmang a SMS thawn dan ah kan buai anih chu maw le...phone hmang in Samsung hman dan zirtirtu te pawh kan rawn ngun na rawh e. A tawp ah chuan thiam tum ta ngang chu a thiam ta nge nge!!

Mi dang SMS ang lo tak mai in ,ka nu SMS ah chuan a sawi duh a rawn sawi nghal tawp ngai lova, a SMS tan tir ah hian min koh dan a min rawn ko in "aven..........." ti hian a bul a rawn tan ziah anih chu!! SMS thawn thiam tur a a beih na te, min ngaihtuah vang ani tih te ka ngaihtuah hian , ka nu SMS hi chu ka chhiar nawn ka chhiar nawn zel mai!!


34 comments:

Mizohican said...

hahaha!!!! i nu chu ka nu ai chuan a hnehsawh fe zawk a nih chu. Ka nu pawh kum 60 vel tho a nia... nikum ka u ten cellphone an lei sak khan, blank sms hi min rawn thawn renga, engvangin nge le tiin kan phone let chu, ka nu leh ka pa hian min lo sms an tum lek hi a lo nia... an lo try kual vel nasa lutuka, blank sms 10 vel tal chu ka dawng khami ni khan :-)

luliana said...

A phone neih thar tirh khan ka chhungte'n "hei hi i ni engi no thar a nia, rawn bawl rawh" an tia, ka lo theihnghilh daih alom le..in pahnih chauh a in awm laia chhunginkhawm in neih cc te pawh ka lo hre ve a nia..:D

avena said...

Illusionaire: heheh...chu i nu pawh chuan a thiam vak bik lo ani maw, ka nu pawh in a bei rei khawp mai SMS thawn dan zir chuan, mahse tunah chuan a hneh sawh tawh fu in ka hria hihi... phone a biak tum a, alo ken rem chan loh chuan SMS thawn hi a rem chang ang reng ve fu..!!!

luliana: i rawn SMS lo nia maw le..SMS thawn dan a zir lai in i awm ve lo a lawm, buaithlak mep mep tak ani..zing thawh hlim atang in an buaipui nghal ta mai thin ania..mahse thiam tum ta ngang chu a thiam ve ta mai a..Hman ni ah Nokia hand-set, a hman thiam kha a chhia ani awm e, a dang kan lei a rawn ti a, Nokia tho ni hmiang ka ti mai a SMS in a rawn sawi thei tlat sia :))

Zorami said...

Ka phakar vang lampang ni miah lovin a cute ka ti top :))

Zara Ralte said...

Nu SMS thawn thiam i nei a,kei chu ka Nu in a la thiam hleinem,min zirtir ula ka thiam ka ring ala ti chauh ania,call chiah ala siam thiam..

Kum lama upa toh kan Nu leh Pa te rual tan chuan tunlai hmasawna in a ken tel khawl chi hrang hrang te hi chu nal taka hman har viau tur ani asin..Nu changkang tak i nei a ka lawmpui ltk che, SMS chhiar poh anuam ngot ang chu

Puia said...

Ekhai hotupa nge nge, sms thiam nu i nei a. Kei chu phone a dawng thiam a, a call thiam tawk tawk chauh a ni. SMS i lo hmu em ka ti a, enge sms chu a ti chauh mai mawle..:)

Keini pawh hi kum 30 vel a han liam meuh chuan kan thiamna leh finna te, kan nunphung leh dinhmun te hi a update reng bik awm si lo va. Kan tu leh fate hian tuna kan nu te dinhmun ang chiah hian min zirtir ve tlauh tlauh tur te ka han ngaihtuahin a huphurh lam deuh chu a ni tiraw hotupa..:)

virgochhas said...

so sweet...ka mittui te tla trep vel :D

ka nu pawh, ti ve khanglang i la...kum 60 em chu a la tling ve lo na in, a tir chuan a thiamlo nasa mai a...'sent' tih hi 'thawn' tihna a nia, tih vel atrang in kan in zirtir tan a...hehe...tunah chuan jokes te pawh mi a forward pap pap thiam toh :)

i nu chu ka tran tops...thiam tum deuh hi chu engkim hi zirtir an nuam...email ID te siam sak zel la ...:)

sawmpuia said...

Nu te hi chuan min ngaihtuah a nih hi le..sms chu blank hi a lo thleng ve leh zauh thin..I nu chu engtik emaw a la tluk ve mahna..

Awzzman said...

I nu te chu Tar Modern a iang reuh e!!!

avena said...

zr-i: ni e tiraw, a zir nasa ve bawk khawp mai, samsung handset lei leh mai te pawh a ri tel rum rum alawm ,zir lai chuan,heheh
...........
azassk: ni e maw le, mizoram lam phone tlang theih loh pawh in SMS tal hi chu a tih theih zel a, tha ve deuh asin!!
................
Puia:hotupa nge nge rawn ngaihtuah thui leh ta raih mai. Kum 60 pelh hun tur te rawn sawi thleng daih mai hehehe..i rawn sawi hi chu ani khawp mai tak tak in, cellphone handset a thil tih tur thiam loh kei pawh hian ka nei nual ta mai, mahni a in zir chawp a hriat mai theih loh mi dang rawn ngai ang chi hi ..nang ini ve ange maw ? :)))
.............
Pi VC: ni e ka nu chuan a tum nasa bawk ani, a thian kawm te ho nen an in SMS mai bak ah , an in bai lem chhuan thin a hehehe...i nu pawh chu a fakawm narawh e.Hotupa Puia rawn phawrh ang deuh hian an kum rualpui kan nih ve hun ah an tum ang hian kan tum ve peih angem? tih te pawh ngaihtuahna a thui khawp mai.
............
sawmpuia: Nokia a awlsam ber an hre thiam hma ber in ka hria, mahse an hriat thiam dan tur zawng tawngkam hman thiam angai!! Paper ah a lem nen a zirtir thiam te an lo awm a, a zia phian asin, han ti ve chhin teh!
...........
awzzman: a phuah dan dan te pawh i thiam ka ti :))

samuelapa said...

I nu chu a lawmawm top, a fapa ang bawkin mi inzir mi tak a nih chu. Internet hman dan zirtir leh nghal rawh.
Kan kawmthlang nu poh a fate phai zinin 'mobile handset kan ron hawn ang che, eng ang chi nge i duh'? an ti a. Ani chuan, 'Airtel chu a tha lo an ti, ka duh miah lo a nia', zu tia...
Kan thianpa pakhat poh hian a sms ron thonah hian a tawpah hawrawppui ngeiin a hming a la ziak tel kulh thin.
Kan thianpa pakhat leh pawhin number hi a save thiam si lo va, a handset hnung lamah hian paper a bel a, contact no. 10 vel sin te tein a ziak tlar dal mai maw le... :)

avena said...

samuelapa: i hre ngaihnawm hle mai maw ehehe,in sawi tak ah chuan kan chairman pawh hian a cellphone number a hand-set hnung ah a bel va tak asin :))

virgochhas said...

changkanna nge thrinna???

hna a ka boss pawh hi, USA ah awm reng thrin a, rawn let leh a nia...Hetah Reliance phone a hmang reng bawk nen...mobile phone ah SIM card a thun thiam miah lo :D

a hman ve chi hi SIM nei lo, network in handset an provide nghal mai ang chi vek ni sia

virgochhas said...

i blog hi ka blog ah a link ka dah duh deuh a...rem i ti em?

avena said...

Pi VC ka lo link ang che, lo link ve la :))

i zawhna chu chhan a har khawp mai.Samuelapa ka chhan na kan chairman cell-phone te nen pawh in ang lek lek dawn alawm maw le :)) Hna han thawh hi chuan mahni hna in a ken tel zel anih loh chuan mihring in up-grade vel zel angai dawn anih hi!! huizzz. Hei tunah ka hna hi computer leh internet kan hmang nasa a, a chhan chu recruitment pakhat ah te hian qualification hniam deuh ah chuan hna dil tu 6 lakhs te an han awm chu computer/website hmang lo chuan manual a tih chi ani lova, kan hmang nasa kei pawh in ka hriat belh hnem ve leh ta hle mai!!

Calliopia said...

Ka nu kha la dam se a thiam ve mai chu ka ring. A nau te 2 la dam kum 60 chuang tawh ve ve hi chu ka nu kha an tluk ngai lo hrim hrim bawk a an thiam lo hul hual ta chu nih hi! 1 zawk phei chu kum 4 vel cell phone a nei ve tawh na a a en dan pawh a la thiam noh hehe. A la insawi thiam ve em em tho. A hmelhriat a rualpui pa 1 phei chu phone number save dan a thiam si lo a number pawimawh zual 2/3 chu paper in a ziak a handset hnungah an bel sak tawp a ti :D

avena said...

Calliopio: ni e tiraw,i nu chuan a thiam em em ang!Hmun hran a awm a, nu te SMS dawn chu anuam asin, naupan lai a min biak dan tawngkam tho kha ka han chhiar ta thin ania!!Keimah ni pawh hi in 'upgrade' ve zel tum angai dawn zawng anih hi he khawvel ah hian, thil thar hi a chhuak reng mai si a!

Thil thiam thar chu kan in 'share' tlang zel ani ang chu tiraw :))

virgochhas said...

ka nick ah 's' pakhat chiah asin awm...'v' hi a lower-case bawks... :D :P

avena said...

@Pi VC ka siam tha tawh e :))

amuana said...

Pi R Lalengi hi Missed Call a nuam lutuk an tih hi tak tak a ni em?

avena said...

amuana: ka hre ve lo le..i hre zawk ang chu, missed call tih vel chil per khawp a la sawi tui rual kha i nia...vawi engzah nge i missed call tawh? :))

amuana said...

Ka la missed call chhin eih lo, in thenawmte sawi ka hriat mai mai a nia

samuelapa said...

Tun atanga rei vak lovah "Ka Nu Email" tih chhiar theih kan lo inbeisei ang.
:D

avena said...

amuana: ka hre ve tawh bik lo le...i missed call em tih lam chu..mahse,missed call tu ah rinhleh zual ah chuan i lang pha reng reng e :))

samuelapa: e-mail lam chu zirtir buaithlak dawn em mai a hehehheh...yahoo messenger a chat chu thiante leh chhungte ho chu ziak rawh atia kan ve chur chur thin tak asin!!a awm lova yahoo messenger hman pawh a khat ta raih mai!

Azaia said...

ka nu chuan SMS chu ei chi mi te a la ti he he mai mawle.. i nu chu ka nu ai chuan a tunlai fe anih chu..lolzzz

avena said...

azaia: i nu chu SMS thawn dan chu han zirtir ve teh..a thiam thei em em ang!! Hei tunah chiah pawh khan Ka nu chuan SMS in vawiin sunday ka inkhawm leh khawm loh min rawn zawt chiah e :))

Mozart said...

Ha ha ha haaa...

samuelapa said...

Va update khat ve?
A khawharthlak a lawm le!!!

virgochhas said...

update
(ŭp-dāt') pronunciation

tr.v., -dat·ed, -dat·ing, -dates.

To bring up to date: update a textbook; update the files.
n. (ŭp'dāt')

1. Information that updates something.
2. The act or an instance of bringing something up to date.
3. An updated version of something.

http://www.answers.com/update?cat=technology

:P

avena said...

mozart/samuelapa/ Pi VC..ni e maw le, hei tunlai tak chu hna sensitive deuh a thusawi tur a vang rawih mai!!nangni ho in han thawh ve zawk ula maw le.

alexxfender said...

Ka nu pawh in a thawn ve thiam in ka hria.. mahse.. a te neuh neuh emmai ka hmet peih lo a ti tlat ... a thiam tak tak lo te pawh a niang.

alexxfender said...

Ka pa sms ah ve thung chuan.. a tawp ah.."your father" emaw "i Pa" tih emaw hi a dah tel ziah kher bawk!

avena said...

hehe alexxfender chu i pa chuan a va ti dang dai ang reng ve a :)

Unknown said...

Hahaha........ a ngaihnawm hle mai. Trum khat chu i Nun ka Nu biak a tum a, Telephone Directory-ah khan Ka nu hming a lo hmu mai lo a ni awm e.. A Mobile-ah khan Ka nu hming chu a save tawh reng a... Chuta trang chuan ka nu chu a bia a "Hmai... Telephone Directory-ah I hming ka zawng a.. TC Lalhmangaiha tih chiah hi ka hmu, rawn biak che ka duh tehreng nen" a va tia, ka nu chuan "Anih tak chu mawle... TC Lalhmangaiha tih hnuai chiahah khan ka hming chu a awm reng kha" a va tia.... chuti zawng chuan an inbia a, a hnuah ka nu chuan "Engi khan ka be duh che min tia.. min ber reng sia" tiin a hrechhuak a, a nui vak vak a... I Nu chu a va be leh... an hre chhuak.. mittui tla phunga an nuih dun kha mawle...:))