Sunday, July 13, 2008

Thawnthubu chhiar

TV en tur mai kha la tam hek lo le, sikul chawlh lai chuan chaw ei kham ah AIR chanchinthar dar 6:30 a ngaihthlak zawh chuan u te ho thawnthu chhiar ngaihthlak leh an ti ti ngaihthlak kha tih tur awm chu ani deuh mai thin a. Zan mut naah 'Lallianvunga vanglai' mu chung a an chhiar rik ngaihthlak vang vang chuan in a tuk zing thawh hlim ah pawh hian rilru ah ala cham zui vang vang zel mai ani.

Chutah middle school te kan han rap ve tan a, ngaihnawm tur khawp in kan han chhiar thiam ve ta..kan han thu bial laih a ,pakhat in 'wayne cole' thawnthu an chhiar ri a, a hnu ah thil lei a chhuah pah te hian kawng ah kan han sawi zui laih laih thin lai vel te kha aw!! CIA leh KGB tih vel chu rilru in a hre bel hlarh hlarh khawp mai..a thawnthu kha a tak anih leh nih loh ah erawh inhnialna a tawp hlei thei mang lo thin zawng chu ani.Mi hrang hrang ta kan hawh kual hnu chuan 'wayne cole' bu chhuak ho chu kan chhiar zo thei ta hram.

Naupang sunday sikul chawhnu inkhawm ah hian thawnthu sawina ni a awm thin a. Ben hur, qou vadis,cotacomb martar te, etc vel te ngaihnawm ti em em in kan ngaithla thin. Inkhawm kaikim lawmman la pawh kan tha hnem viau thin reng ani. A hnu ah ka chhiar ve leh vek a , a ngaihnawm ka tih ngai reng tho in ngaihnawm ka ti.

Chutah tlem in kan han upa leh deuh a, 'cowboy thawnthu' ah kan han kai a.Pakhat in a chhiar rik ai chuan in mahni a chhiar mai khan ka a kham lo kan ti ta deuh zawk nge ni, thian inkawm e ti lo chuan thutthleng sei ah a hrang a mu in 'sudden' thawnthu kha nileng thak thak a chhiar chang te pawh kan nei. Hnatlan nikhua te pawh hian rual u zawk te nen 'sudden an Hell city" a beih dan te, Dusty Fog nge phawi rang ang Sudden-a tih vel te chil per sawr sawr khawp a sawi ho te pawh kha nuam ve deuh ani. Kan thianpa pakhat phei chuan in a zing thawh hlim te hian a kut hian pistol hi a phawi chhin a phawi chhin thin ani awm e!! A phawi ran leh ran loh zawhna chang ka lo hre lo kha chu ka ui leh hnuhnawh, tunah han zawt dawn ila min chhang tha duh in ka ring tawh si lo!!

College kan han rap chho a, thawnthubu chhiar a khat tawlh tawlh.Mahse, vawi khat chhungte in ah khawhar kan han riahpui ve a. An veng ah chuan 'chess' an lo uar fu mai a.A sawn dan thiam ve tawk tawk chauh tan chuan han tuipui ve a har fu mai, vawi 5 vel kan sawn hman chauh tih tur ang ah hian min dang hlum zel mai a, ti chuan thawnthu bu chhiar lam ah ka tuan ta zawk a, khawhar in bul a man chawi a hawh theihna library a an thawnthu bu neih ho chu ka chhiar hnem viau hman ta in ka hria, 'veronica' atanga M&B thleng in *hihi* Carole Mortimer tih te pawh hre bel hman fu mai!!

42 comments:

samuelapa said...

Naupang Sunday School chawhnu inkhawm in ti kher thin elo? Naupang Inkhawm kan ti tawp mai thin.

Thawnthu bu chhiar hi ka lian tawlh2 a, ka peih lo tawlh2 mai. Naupan lai kha chuan kan rilru zawng zawng pein kan chhiar thin. Primary School kan kal laiin Nu Lianmawiin 'Mithianghlim Luka' chanchin min hrilh a, ngaihnawm ka ti kher mai. Ka puitlin hnuah a bu ka chhiar leh a, ka lo la hre teuh mai nia maw le!! Naupan laia thil hriat hi kan lo vawng rei hle mai.

Cowboy thawnthu bu hi ka chhiar hnem khawp bawk, Love Story tih lam hi ka tui vak lo.

Mi dang comment hnuah ka comment nawn leh ang.

virgochhas said...

lehkhabu (fiction leh tion lo) chhiar hi a fin thlak teh e...

puitlin ve deuh hnu, hna te han neih a, nileng zan khua a computer han bih hraat taak hnu hian lehkhabu chhiar na tan hian hun ka pe tlem ta.. :( a tih chi loh ka ti...

naupan lai chuan Bible Comics kha ka chhiar thrin a..ka nu in min leisak hmasak ber chu ka la hre reng 'Ruthi' ... Archie, Mandrake, Phantom, Richie Rich, etc etc kan chhiar chho a...tintin, Asterix te nen...chutah M&B *hihi*...novel puitling pawh ka chhiar hma khop mai...class 5 ka nih in Sydney Sheldon novel The Other Side of Midnight kha ka chhiar toh...

samu-pa tih dan tak ah, ka comment nawn ang...ka type peih toh rih lo

:D

Lal Jo-a said...

Thawnthu bu chhiar hi ni e, a tha khawp mai. Kei pawh ka hmuh theih theih hi chu ka chhiar ve thin, zan mut dawn hian lehkhabu chhiar hmasa lo chuan mut te kha la thiamlo hman mawle. hehehe. Class 1 ka nih khan mizo tawng ka chhiar thiam tawh a, sipel chawp deuh titih hian, class 2 atang chuan duh thal deuh in ka thiam ta a, nuam ve duh mai mai.

kei chu cowboy bu, m&b etc vel hi ka chhiar ve ngai lo re re. Joke book te hi ka lawmzawng ania, comics mai mai te, tin, mi biography chhiar hi nuam ka ti bawk, true story 'tak tak' hi ngaihnawm ka ti thin hle bawk.

avena said...

samuelapa: Naupang inkhawm pawh chu ti ila a pawina a awm chuang hlei nem :))

Chawhnu inkhawm kai kim lawmman ah ; DL.Moody,Lal Elsadaia huan,Pako-a Naupang bo,Hudson Taylor a chanchin tih te chu ka dawng ve tak asin!! thlasik lai phei chuan zanriah eikham ah sikri ai chung in pakhat in a chhiar ri a , kan ngaithla thap thin!!

Naupan lai chuan ,geneviv, Thelma chhiar kha chhuan mittui te pawh a tla thei asin!! Sherlock Holmes chhiar lah khan thil kan chhut kan chhut thung a :))

Pi VC:Bible comics ho kha chu chhiar anuam ve khawp mai!! A thar a chhuak tawh em tih en hian synod bookroom ah te kan kal thin!! Primary sikul kan kal lai kha chuan "I tana chanchintha chu" tih bu te pawh a chhuah thin kha..a bu chhuak ho kan chilh khawm a kan chhiar nasa thin alawm!!

Joseph: Jokes lo pawh lo chhiar ve chhin teh ngaihnawm deuh deuh a awm nual hi, Ivanhoe,Robin hood,Adventure of Tom Sawyer, etc.. Lehkhabu ka hriat lar ve si ah chuan "War and peace" hi ka chhiar chhuak thei lo a bu ka hmuh ve tawh ho hi a 'font' a sin lutuk a , mit a kham hma lutuk a!!

luliana said...

Kan tet lai a ka pa min hauh thin dan pakhat chu, 'lehkha in chhiar peih lo lutuk, i u Hnuntea te unau ang sawn chhiar ve thin rawh u', a ti thin :-)

Nia, lehkha chhiar tam hi chu a pawina a awm lo khawp mai. Mahse kei chu vawikhat ka tan tawh chuan thil dang tih nachang ka hre thin lova, hun thawl deuh lovah chuan ka ti tha duh vak lo..vawikhat pawh exam hnaih tawh lamah 'one night at the call centre' kha tlaivar thakin ka chhiar tawh, a fin thlak ber lo khawp mai..Tunlai chu Mizo ziak ka chhiar nasa, Zofate zinkawngah, Pasalthate ni hnuhnung te hi ngaihnawm ka ti..

Zara Ralte said...

Thawnthu bu tih tak ah chuan..Zu um a keh ta by Upa.K.Saibela, Hriltea leh Vai chhang zuar by Upa.K.Saibela, Theihnghilh har Carol zan..Ramni Eng (Palko Naupang Bo),Phulmawi Piah ram..ava lunglen thlak ve aw..kan khua a Synod Bookroom Mobile Shop a lo thlen chuan kan lawm thei rap...Robin Hood pawh kha kan tuipui ltk a thian ho in tlanbo te kan tum ve thuak thuak tak kha mawle...thawnthubu ka chhira khat ta hle mai.......

virgochhas said...

Ramni Eng-Palko-a naupang bo: ka va trah pui nasa teh reng em :D ...

ka pi kha lehkha chhiar ngaina mi a ni a, min influence ni in ka hria...eng bu pawh a chhiar peih vek...cowboy te, bawih lo deuh te...fiction, true story, Pathian thu lam, love story...aaa a hmuh theih chu a chhiar zel mai...sap trong te lo thiam phei se chu a chhiar hnem ngot in ka ring...

ka naupan lai a ka lehkhabu chhiar thrin pakhat chu 'Hei le Israel', tih leh enge pakhat khah? Zaithanchhungi ziak tho kha...ka chhiar nawn ka chhiar nawn thrin :)

amuana said...

Trante-in Zotea a beng, Chutah ngei chuan, Thingkhawn phenah ka hmu che,Ha phawi ni khan, Nghawk me now, Don't leave me a malin, Zotea pa lubung, Phihawhna hruihrual heng ho hi a ngaihnawm ka ti bang thei lo.

samuelapa said...

@VC, Zaithanchhungi lehkhabu chu "Ram Fan Bu" a ni ang, 'Zirtea nen chuan....' tih tam deuh kha... :)

Ka novel puitling chhiar hmasak ber chu Harold Robbins' The Adventurer tih kha ni tain ka hria. James Hadley Chase ka chhiar kim deuh vek, Nick Carter ka chhiar viau bawk, The Godfather kha ka tuipui tlek2 thin khawp bawk.

Hei hi kan college kal tan tirh lai vel thil a ni daih. Hetih lai hian Dultea te chuan "Hriltea leh Vai Chhang Zuar" tih te kha ngaihnawmti deuhin an la chhiar ka ring.. :))

A thawh dana zirin a dang pawh ka la sawi belh leh mai thei (Dulan a phal chuan)

avena said...

luliana: lehkhabu chhiar lak lawh chuan kal san a har asin!!"everybody love a good drought- P . Sainath" kha lo chhiar ve teh , rilru a khawih khawp mai.Mizoram politics lam ah chuan RN prasad ziak hi academic lam ah chuan a ngaihnawm ang reng fu, i tui vak lo anih pawh in "zoram politics(bel keh phuar khawm tui pai thei lo) - A.Thanglura ziak kha lo chhiar ve chhin teh , zahmawh rawngkai ang lam tawngkam chu a hmang ve nual, mahse nuih hak hak na tur chu i hmu in ka ring!

zarbawiha: ni e academic lam ni lo lehkhabu chhiar tur hi rawn chawh teh. hetiang lam chhiar reng thin tan chuan biakin a mi sermon te hi rilru in a lo hnial zut zut reng mai a :))

Pi VC:'hei le israel" tih hma khan "chenna ngai loh ram fan bu" tih a awm in ka hria!!"tuipuiral ah zaipawl rual in- ronald sapa tlau" leh "sapram & ramthianghlim- Dr C. Biakmawia" te pawh a awm ang. kan chhiar tlauh tlauh thin kha!!

amuana: a ho ngai te te bawk maw!abdul bye bye tih ziak tu pawh kha nangmah ngei hi inih ka ring nghet ta :))

samuelapa:rawn sawi belh zel teh, ka lo melh ve reng ange , "the god father" chu ka la chhiar reng reng hlei nem!! maurio puzo ziah tih zawng ka hria, ka thianpa hian a tuipui thin khawp a!!
i rawn sawi tak ah chuan "James Hadley Chase " leh james bond tlem a zawng chu ka chhiar ve tawh tih ka hre chhuak!! "Harold Robbins" lam chu a kawm ka hmu tawh tih ka hria :))

Lal Jo-a said...

loks... tunlai chu ka jokes riau alawm. Robin Hood te chu ka chhiar ngun thei latuks... Tin, robinson crusoe ka chhiar ngun thin bawk. "The long walk" stephen king ziah kha bon ka ti thei khawp bawk asin. Zikpuii pa lehkhabu te, Pi Lalsangzuali te, mizo lehkhabu, ina ka awm chuan ka hmuh theih theih chu ka chhiar kuit ve thrak zel.

hmanah ka blog ah ka ziak tawh : -

Mafaa Hauhnar "Chawlhna Tuikam" atanga JF Laldailova "Robin Hood", Prof. Laltluangliana Khiangte "Thlaler Nula" atanga Lalchhanhima "Dairial Chang Lo Se", Lianhluna Renthlei "Adventures of Dindin" atanga Col. Lalrawnliana "Zoramin Zalenna A Sual", Lalsangzuali Sailo "Khuangthli" atanga Tluangte Hnamte "Scandals of the Stars", Zikpuii pa "CC Coy. No. 27" atanga B. Lalthangliana "Pi Pu Chhuahtlang" thlengin ka hmuh theih ang ang lehkha hi chhiar zel ka tum thin a. Lehkhabu emaw chanchinbu emaw tlem tal chhiar lova, zan ka mut theihlohna hi a rei tawh mai. Mut hmaa tlem tal ka chhiar loh chuan ka ngaih a ngam thei tlat lova, engemaw kim lo riau a hriatna ka nei thin. Thil thar chhiar tur vak a awm loh leh a ngai leh ngai pawh kan bih nawn tluk tluk mai zel a. Bible erawh ka la chhiar tam vak lo thung. :D

ti deuh hian... a vai chuan paste lo mai ang :-) lehkha chhiar chu a nuam a ni.

avena said...

Joseph:i rawn sawi tak ah chuan thil hriat chhuah ka nei ve nual mai.'nunna kawng thuampuiah-zikpuii pa' ziah te pawh kha a ngaihnawm khawp mai.Mizoram a buai zual lai te pawh mitthla ah kan hmu ve thei deuh riai riai alawm, a tak a hre ve pha lo pawh in. Hetiang lam sawi a hmaih loh tur a ka ngaih "zalenna ram-Prof Siamkima" ziak te pawh kha ngaihnawm khawp mai. Ka nu damlo damdawiin a ka riah pui laiin ka chhiar a, RL Kamlala thlan an tlawh chanchin a ziak, a tawngkam thiam lutuk ka nuih pui kar kar lai vel te pawh ka hre thar leh ta..!!

Pu B.Lalthangliana hming ka hriat rual a ka rilru a rawn lang ve ziah chu " C.Thuamluaia hnu hma" tih a buatsaih kha ania. C.Thuamluaia hi mizo thu ziak ka chhiar tawh ah chuan tawngkam a hmang no thiam ber angem aw? ka ti thin. 'sialton official' a hmangaihna mak zia a rawn pho lan dan a nalh em em a. 'Leitlang dingdi' a nula hmeltha atih a rawn sep dan kha a va han thiam teh lul em aw!!chhiar pah in ka nui hak hak mai .College kal lai a ka chhiar ania, a hnu ah mizoram haw chang hian lei tur ka zawng thin a ka la hmu lo!!

virgochhas said...

@ samupa & avena: chenna ngai loh ram fan bu" tih ngei chu a ni e...tun hnu a a in tih Israel taak vak hnu hian ka rilru a awm reng thrin chu, kha a lehkhabu xiah Hei le Israel tih ah khan ni ta in ka hria, Israel chhungkaw thlalak a dah a, a caption ah 'an mitmu pawl raam te en hian Mizo te nen thlah khat kan nih loh xia a chiang hle' (something like this)tih a dah...


Godfather hi ngaihnawm ka ti bon top...mahse a aiin The Last Don kha ngaihnawm ka ti daihh xok.. :)

Zikpuii Pa Nunna kawng thruampuiah kha vawi tam ka chhiar chhuak in ka trah pui ... Sialton Official pawh kha cial tak chu a ni...

Love Story' Erich Segal ziah hi vawi 10 dawn ka chhiar tawh, ka chhiar apiangin ka la trap hrep ziah..

tun hnai a chhiar a ngaihnawm ka tih em em chu Khaled Hosseini ziak 'The Kite Runner' mawlh mai kha...hei hi in vai a tan ka recommend e...

virgochhas said...

soibelh lok :D

Thamrallo Mitthla (Lingering Memories), Jimmy L Chhangte xiah kha a ngaihnawm in a changkang ka ti bon bottol tops

amuana said...

Mizo ah chuan : Lalzuahliana - Lungmawl Sel in leh Saruak Hlimthla
A Thanglura : Belkeh Phuarkhawm Tui Pai thei lo
Siamkima : Zalenna Ram
B Lalthangliana : Zikpuii Pa Hnuhma
Vanchhunga : Lusei leh a vela hnam dangte chanchin
Romawia : Zofate Zinkawngah
L Keivom : Zoram Khawvel 1-3 thleng chauh, Bawktlang thawnthu
Zikpuii Pa : Zozam par, Nunna Kawngthuampuia
Col Rawna : Zoramin Zalenna a sual
Sangzuala Pa Kutchhuak

Sawi dawn chuan a tam em mai heng ho te hi ngaihnawm ka ti khawp mai. Zikpuii Pa thuziah hi ka ning hleithei lo a, ka chhiar leh chak ka hmuh theih tak si loh chu "Hla taka ram ropui" tih Zikpuii pa essay kha.

Sapah chuan :

Khuswant Singh - Truth Love And A Little malice
Arundhati Roy - God Of Small Thing
James Hilton - The Lost Horizon
MM Kaye - The far Pavillion
APJ Abdul Kalam - Wings Of Fire
Sei dawn tlat kan kaitawi ange, Sheldon, Ludlum, Clancy, louis l'amour, Archer, Ken Follet tam lutuk ka sawi seng lo. Ka chiar duh thut hun a ban mai theih tur a ka inchhawp hnaih ho te an ni e.
Nula rim aia lehkhabu chhiar thlang thin, Krismas thawmhnaw leina tur chhungten min pek aia lehkhabu lei nan a hmang zo thin khan tunah erawh lehkhabu pakhat chhiar chhuah dawn chuan a sual a sual chhuah ka ngai ta. Ka tla chhe ta hle

amuana said...

@virgochhas : Jimmy a hi mimal taka ka hriat that, thu leh hla ruai ka kilpui thin a ni a, tawngkam bungrua a ngahin, in sawisakna lampang chi phei chu thiam turu tak a ni. A 2nd hand kamis var, kekawr dum, lukhum parh dum khum chung a, bawngkai sikret pak khu hlat hlat chung a a duhtawk a thupui hlapui an vai thin kha chu nuam tak a ni.

samuelapa said...

Ka ziah belh ve leh dawn emawni chu aw? Amuana angin copy/paste mai tur remchang ka nei lo tlat mai a, nakin deuh atan khek leh rih zawk teh ang.

@VC, Love Story kha a ngaihnawm, a movie pawh kha a hmuhnawm. Mahse, a zawmna 'Oliver's Story' kha chu eng tihna mah a ni tawh lo!!!

amuana said...

Ka copy paste hauh lo. Leave Your comment tih lai atanga ka type chuah dap, ngaihtuah uluk lutuk lo a, ka type zawr zawr avanga ka sawi duh tam tak pawh ka sawi tel takloh a ni zawk e

avena said...

Pi VC: 'The kite runner'chu chhiar lo tum ve tur anih chu!!

samuelapa/VC: "Love story" tih chu englam pang nge ni a? ka la chhiar hauh lo mai. In han titi na atang chuan 'count of monte cristo' rilru ah a rawn lang zawk mai.chhiar lai a achangtupa rilru in a han tan theih em em dan te pawh.

amuana:'wings of fire' i rawn sawi hi ni e kei pawh in ngaihnawm ka ti khawp mai!! A naupan lai a rawn sawi hmun te hi Rameswaram ah ka tlawh tawh a, a chawr chhuahna in leh lo vel te thlir phei chuan pa ngaihsan awm tak anihna a ti chiang leh zual. APJ hi vawi khat ramnad a ka awm laiin a naupan lai a khawsak na vel a rawn tlawh leh a, mahse president anih lai ania tumah in an hmuh an phal lova, ka hmu thei ta lo, ka ui khawp mai!!
"Thamral lo mitthla" tih chu a ngaihnawm khawp mai. Amah kawm na hun te ilo nei hman chu i vannei hle mai!! A pic te pawh i neih chuan han post la maw le.

samuelapa said...

@Avena, 'Love means never having to say you are sorry' tih hi i hre toh ngai em? Love Story thawnthu atanga quote chhuah a nia, most fav. movie quote-ah pawh a la lang ta zel. A film-ah chuan Ryan O'Neal leh Ali MacGraw an chang dun.
VC-in han sawi chhunzawm teh se.

virgochhas said...

huiham...Love story chu a sawi a sawi chi pawh a ni lou...chhiar mai chi a ni e...phek 200 pawh a tling ka ring lo, pan te, ngaihnawm xet...a Mizo pawn ka chhiar toh...a english in ka chhiar nawn awn awn...chhiar ve ngei ngei teh...Erish Segal xiah tho 'Man, Woman & Child' te kha ngaihnawm tak a ni...

Kite Runner mawlh kha..lo chhiar vek teh u...

@ Amuana: Jimmy nephew hi kan family frend a nia, min introduce kha a promise a, mahse vanduaithlak tak in Calcutta a ka awm lai in a lo boral... :(

lehkhabu ziak hnem lova a boral hi chu Mizo hnam tan a uihawm tawwpp a ni...a lehkhabu ziah a'John-The Lord's frend' kha tunge hriat ka la chaak reng...

awi he blog post ah hian ka tui tops :D

samu-a pa khan ron soi belh ve leh xel se

avena said...

samuelapa: i rawn sawi hi ka hre lo ani ange,"phone a friend" ka mamawh tlat mai :)
'Love means never having to say you are sorry' tih tawngkam chu hringnun ah chuan a harsa mai thei, communication te hi hei ai hian tha leh zual se la chuan thil tih theih te pawh ala ni ang chu!!

Pi VC: 'kite runner' chu englam pang nge ni reng reng a? I rawn sawi ang hian Pu jimmy te ang dai hriat ngah hi chu titi pui an nuam asin. Hringnun khaw thlir an tih zau sawt zel bak ah thawnthu ngaihnawm tak ani pah zel bawk. Ka pu/pi te ho hi ka hmuh phak tawk ah chuan ka zawt nasa thin an that lai hun vel te, a hre hla ber chuan an naupan lai a an khua a 'chapchar kut' an hmang a puitling an lam vel te min hrilh thei!!

Puia said...

Ekhai hotupa chu ka rawn luh loh hlanin chhiar tur a lo tam hle mai. Mizo thawnthu hi ka hmuh phak chin chu ka hmaih phal ngailo. Article ang pawh hi Nature lam a nih phei chuan ka hmaih phal ngailo. Chutiang lam hawia article ka ngainat zual zingah Jimmy L.Chhangte kutchhuak kha ka ngaina lehzual. Min la dampui se ka va ti em. A Mizo tawng keuchheh leh a thuken kha a fuh hle thinin ka hria.

Unvle Tom's Cabin tih thawnthu Pu Lalkailuaia Sailo lehtlin Pu Tawma In tih te kha ka chhiar hmasa pawl a ni hial awm e.

"Hawilopari" tih thawnthu L.Biakliana ziak te kha a ngaihnawm fu thin mai. Hei hi Mizo ziak thawnthu hmasa ber nia sawi a ni thin hial a, kum 1936 vela chhuak niin an sawi.

Tin, Capt. C.Khuma ziak "Maymyo Sanapui tih te pawh kha a ngaihnawm thin kha le.. kum 1950 khan a bu mal ngatin Pressa chhut a ni a. Hei hi Mizo Novel bu mala chhut chhuah hmasa ber leh a kawma lemziak hmang hmasa ber zu ni a. A dang pawh a tam e, kan sawi seng lawng. Hotupa Amuana tarlan te pawh hi ka duh em em vek te an ni e.

virgochhas said...

Hawilopari leh Mymmyo Sanapui kha keipawh ngaihnawm ka ti...

@ Avena: Kite Runner chu...a xiaktupa kha Afghan mi, USA a awm a nia...chuan a thawnthu is based in Afghanistan...ka sawi ui...chhiar roh...i tisual lo ang...

kan pa luhlul lutuk kha 'a chhiar apiang ngaihnawm ti lo ka hre lo, chhiar roh' ka ti chhen a...a luhlul khan a chhiar duh lo va :D ... a movie kha kan en a 'ka trap ve trep' a ti...a chhiar hmasa lo kha a ui rupzz mai mawle :)

avena said...

Puia: Hotupa nge nge chhiar ril leh raih mai a :)) "maymyo sanapui" chu ni e a ngaihnawm khawp mai. Inkhel en tur em ni an kal ho lai vel chanchin a sawi te, a hming a zawh a ma-hla-kye tih em ni a hrilh lai vel te pawh kha rilru in kha khawvel ah khan kan lo chenpui ve veng veng thei alawm. A thawnthu kha a tak tak nge phuah chhuah aw?

I rawn sawi a zar ah "esopa thufing" bu chhiar lai te pawh min hriat chhuah tir. E taka serkawn reader tih emaw ni bu hlui tawh tak mai , education office pakhat a ka lenna ah a lo awm a ka chhiar a, ngaihnawm khawp mai!!

"Mizo thawnthu-PS Dahrawk" kha i chhiar tawh em? ngaihnawm ve khawp mai.

Pi VC:'kite runnner' chu hmuh hun ah lei ve ngei tur anih chu, a movie chu enge a hming? lo en ve bawk ila.

Sawi tak ah chuan "the bourne ultimatum" movie kha hman deuh khan ka en a, hmuhnawm ka ti em a a novel pawh ka chhiar phah alawm. Ka novel chhiar hnuhnun ber ani nghe nghe!!Tunlai a thawnthu chhiar ka harsatna pakhat chu a thawnthu ah kan han tui chho tan a, a ruangam an hriat chhoh tan chiah hian, a tawp dan hriat ka chak ta tlat mai thin a, a last-chapter hi ka lo chhiar hmasa leh tlat thin a :))

E taka, "ka chhe ber lo deuh/ ka tha ber lo deuh - PL Liandinga" kha chhiar ve chhin teh, a tawngkam thiam bak ah thil a chik zia kha , ka nuihpui nasa khawp mai, a bik tak in "eng kan ti nge keini chhung ve hi" tih leh " Thingtlang ah sawrkar hna" tih kha ka nuih pui nasa hle mai :))

virgochhas said...

The Kite Runner movie chu a thawnthubu hming ang tho a ni e...keipawh kan pa in Dilli Haat kawt ah min leisak alawm...kongsir wallah...tlawm deuh in... :D ... mi in min hawh bo sak daih a, ni lo se chu ka lo thon tur che...

P.L Dingtea ziak chu chhiar chakawm ltk...ti daih i la Darrokima lehkhabu hi ka la chhiar ve hlom lo a, ka chhiar chak tak tak a ni...

Bourne chu ... a hmasa ber kha ka chhiar a, ngaihnawm ka ti ltk a, ka chhiar zoh deuh chiah khan a movie kha an ron release a, minute 10 vel ka en a, an tidang nasa ltk ka thinrim a...ka en tohlo daih :D...a hnu feee ah ka en leh...Ultimatum kha kan pa nen an release tirh khan movie hall ah kan en a, hmuhnawm khupz mai...

hmanni ah a trilogy khan kan d/l a...inah kan en nawn vel mai mai :D

riangtlei said...

Thawnthubu or thawnthulobu.. lehkhabu hrim hrim chhiar hi kei pawh ka hrat thin khawp nia, primary school kallai atang tawhin.TV,DVD tih vel en tur kan nei ngai lo bawk a, Ka hmuh phaka lehkhabu awm chu ka chhiar zel mai a ni. Ka lo chhiar hnem ve hle a niang, in sawi zawng zawng khi ka chhiar deuh vek tawh nia.. !!!!! (Amuana sawi ho khi chu ama ziah ani mai thei ka la hre ngai lo..:)

Lehkhabu ka lakhawm nasa bawk, a kawm ka tuam thlap a, a bu hming ka ziak a, number ka pe a, chuan Register-ah ka chhinchhiah thlap thin a, private library ka siam hi a ni ringawt. Thiante hian an rawn hawh liam liam a, a hawhtu, hawh ni tih vel register-ah ka'n chhinchhiah thlap a...

Khang hun lai kha ka ngai thin,tunah chuan TV leh Computer hma-ah ka thu hnem ta zawk a, lehkhabu chhiarna hun tha ka nei tlem ta hle tih ka hrechhuak... lung a leng vawng vawng....

avena said...

Pi VC: anih tak chu maw le..kite runner chu burma bazar kal ve leh zawn ve tur anih chu!! movie lam sawi tak ah chuan kan training lai hian kan thianpa pakhat naga hi movie en peih deuh mai ania, library atang in a hawh tun tun zel a, kan hawh ve chhin ka tia , chanchinbu vel ah awards a lak nual avang khan 'american beauty' kha ka en ve chhin a, a thawnthu phuah tu khan a thiam ka va han ti teh lul em!!a changtu te kha an kum rualpui awm ang vel a an tawngkam hman tur ni awm tak hlir khan a tawng tir a!! mizo thawnthu bu ziak ka chhiar then khat te hi chu naupangte te hi a ziaktu tawngkam thiam tak khan puitling leh tawngkam nalh tak tak in an tawng tir a, hringnun a tarlan dan a he deuh hlek ni te hian ka hre thin!!

riangtlei: ani khawp mai, kei pawh lehkhabu chhiar nan hun ka hmang tlem tawlh tawlh mai ta in ka hria. I rawn sawi ang deuh hian lehkhabu chhiar tui tak tak lai chuan kan inhawh kual sak nasa thei em bawk ani!! Lehkhabu lei tur a thian za ho han thawh chhuah te hian a bu hran vek kan han lei a, kan han inhawh kual leh ta vel thin kha ania, a ngaihawm khawp mai khang hun lai te pawh kha!

Unknown said...

Western novel a chuan hei hi clo chhiar ve teh, "Bury my heart at wounded knee". Native American, abik takin Sioux (Lakota, Dakota etc etc) ho chanchin an ziak chipchiar hle.

Ho mai mai novel a chuan "Goodnight Josephine" hi lo chhiar ve teh, ui i ngainat chuan nuihzatthlak deuh mai ani.

Mizo tawnga leh Rs. 10 man ho pawh kha a ngaihnawm hle. A kawm a "Ngaihnawm taka lehlin i duh chuan Tv.Thianghlima lehlin tir la mahse Fiah leh fai taka chhut i duh chuan Albany Cyclo Printer,Reasury Square chhut tir rawh" ngei ho kha a ngaihnawm.

Naupan deuh lai chuan Mona Chung i novel ho kha chhiar an phal lo ngei a..LOLZ

Unknown said...

Phente ka va chhu sual nasa ve..i chhiar thei em ang chu maw i tramit a chhah sia..LOlzzzzzzzz

avena said...

chhangte_ll: i lehkhabu sawi pahnih hi ka la chhiar lo ve ve, a hmasa zawk "Bury my heart at wounded knee" chu chhiar a chak awm khawp mai. Ui ka ngaina vak lova "good josephine" chu chhiar ve lo mai teh ang!! nakin ah Lucas-a i la lehlin sak thin dawn ania a hriat thiam theih hun ah!!

Tv.Lalthianghlima te i rawn sawi chhuah tak a , ni e cowboy thawnthu lehlin lam ah kha chuan a hming kan hmuh ngun thin teh tak kha maw le..vawi khat chanchinbu ah kum 40 vel bawr mi niin a boral tih ka chhiar chu ka phu zawk mai asin!!

alexxfender said...

He pa hi chuan a va han ziak sei thei teh duah.. trul teh duah thrin lo e... Pastor pawh ni se.. a thu sawi ngaithla peih an vang ngawt ang.
Ka chhiar chhuak peih meuh thrin lo.. a nick hi sei deuh pawh ni zawk se.. te ka ti mai mai. nick chauh sei chu ngaihdam theih tak a la ni.

avena said...

A.fender: a thuziak hi chu mahni mimal tawn thil ania, a comments ho hi han chhiar la a ngaihnawm fe zawk ania. I nick sei teh duah avang a inthla hrun na tur a awm hlei nem, rawn luangliam bawrh bawrh teh!! sudden muanga te pawh i chhiar thin in ka ring, rawn phawrh teh khai :))

alexxfender said...

Lehkhabu chhiar chu... lehkha zir lai khan.. zirlaibu nilo ka chhiar nasa thei rass.. tunah chuan ka peih tawh miah lo.

samuelapa said...

Tv Thianghlima khan lehkhabu a letling ngai lo, mi tihchhuah tawhsa a reprint/recyclostyled thin. Tun hma lama a original translation ho kha chu Bu 1-na, bu 2-na tih khan kar khat dan velah tichhuah thin a nia, aman pawh Rs.2/- vel zel a ni thin. Tv Thianghlima khan a compile a, bu khatah a chhuah thin a lawm.
Albany leh Argus Cycloprinters kha kan chhawr tangkai ve thin khawp mai.

Unknown said...

Lehkhabu chhiar tur hi chu khum sira side-table a hian kan dah teuh a, mut dawn a kan chhungkaw thum te hian kan insem thlap thin - zan mut theih loh chang hian a tih chi hle..:))

Commando Series pawh hi New market a second hand in cheng 10 lek lek in ka lei a, hei ve thung chu Bathroom a..he he he

avena said...

A.fender/alexx.f: ni e lehkha zir a tul vanglai chuan TV a vainu lam pawh hi a hmuhnawm viau zel ania!! tunah han chhiar zawm teh , hun kan pek loh vang hian ngaihnawm ta lo hian kan hre thin ni te hian ka hria...han chhiar chuan a ngaihnawm dan ala pangai reng asin!!

samuelapa: TV Lalthianghlima chanchin chu a hran in han ziak mai teh hehehhe...amah ka hre hran bik lo, a hming lan na thuziak erawh ka chhiar hnem ve fu mai...

chhangte_ll:commando mai bak ah cowboy comics te pawh a awm thin kha maw le..lo dah tel ve la...archies te leh thil dang pawh a remchang i tih chuan jesus lam i nei tlem in a lang a lo tel tam ta deuh se la(h) :))

Unknown said...

E Phente Mizo Bible chu a lehlin thar ber, zipper nena awm ngei, pahnih bka kawl. Everyday Bible leh Bible Study ka kawl bawk e. Thlarau bo chhungkua em chu kan la nilo e. Lucas a pawh Sunday Sikul a lut ve thei tawha Tawngtai pawh a ti mi dawn khawp e hei...:)))

avena said...

chhangte_ll: nang hi chu siam thar leh tur chuan i upa lutuk tawh e...:))Lucas chu lo tih pui hram teh!!
...........
"Everyday Bible leh Bible Study ka kawl bawk e."
...............
kawl ai chuan chhiar a pawi mawh.midang ta zawr deuh pawh kha hawh la i chhiar chuan a pawi mawh zawk, sitting-room cheimawina tur a kawl ai chuan :)) ...

chaw tui tak chhawp a, hmuh ringawt a ,ei chuan si loh chuan sawt na a awm lo ania...!!a bu kawl vang in vanram kan kai dawn lo a..chhiar a thinlung tak a zawm avang erawh chuan kan kai hmel e!!.......:)) phente..harh teh!!

virgochhas said...

blog update tur a hrilh ngai xiah mai

...ninawm...

:P

Unknown said...

Phente hei le ka blogspot - Online Diary he he he chu han en teh le..
http://chhangte.blogspot.com

Dina Pa said...

Comments ho chu a va ngaihnawm ve aw.