Monday, May 12, 2008

A hun lai chuan...


Rotlingpa mi ropui nen chuan kum hnih chhung teh meuh bak ah, kan inhriat hnu chuan Mizoram a ka awm ve tawh chuan hun kan hmang dun hnem a, lo in ngam ta viau pawh ni ila a awm ve viau tawh.

Mahse, a chung a picture a mi nen khi chuan rei kan awm dun lo.Mussoorie a foundation-course training laiin thla thum vel kan awm dun a.Mahse, mak ve deuh mai chu a hnu kum sarih aia rei tawh ah pawh hian, kan in be reng lem lo na in, kan la in ngam dun in kan titi duh zawng ala in ang bawrh bawrh hle mai.Tennis khelh ve kan tum sa sawi..serve dik a har ang reng fu..a dik palh hlauh tum in kan la let thei mang lo, leh lam in an lak let dik in kan la let thiam vak lo ve ve tih erawh sawi lo mai ila..alo zak palh ange!! Mahse ,table-tennis ah chuan kan inhneh tawk ang reng khawp mai. Tlem a han tan loh deuh in ka kang ang reng a, han tan deuh in a kang ve leh dawrh mai si a....tan thiam erawh a har ang reng fu.


Tuktin zing dar 6 hma deuh in ,cook in door-bell a rawn hmet ri a, dar 6 ah chuan playing ground ah PT tur a intlar hman zat zat angai. Tlai lam cultural programme zawh hnu a, dinner ei zawh leh hnu a, a tuk class na a 'discussion' leh tur 'reading material' chhiar a ,internet khawih leh chuan zan dar 12 hma a mut a har khawp mai. Zing dar 6 la rik hma minute 10 vel pawh hi mut nan a thlak hlelhawm tawh thin. Hetiang ang anih avang hian kawng khar pawn a thingpui dah tir a, door-bell an hmeh palh tak hlauh pawh a ri ring lo tur a bubble-gum thial hnu 'bell' a bel tur tih ngaihtuahna min kawh hmuh tu te alo ni bawk nen...!!

Pa fiamthu duh tak, engtin pawh in han in kap kual ila, nui huah huah thei zel anih teh lul nen, zirtirtu te kha chuan han tih vak ngaihna pawh an hre bik lo ani ta deuh ber in ka hria. 'Management class' a 'law' lam an chhiar a, 'Law' class a 'management reading material' an chhiar luih ngat thin pawh khan , ani hi zawng ...an ti ani ange an hau ngai tlat lo!!


A bula ding Robert-a te tak kha aw...mi dang dai ava ni tak em!! manipur lam chhuak ni in fiamthu duh ve tak leh tawng duh ve tak mai hi ania..kan awm ho chhung khan mi dang zawng aiin a lar mai awm e , tih theih tur ani. Mi 400 vel zing ah khan Robert-a hre lo kha chu, an mahni lam zawk ah dik lohna an nei emaw ni zawk le tih theih tur ani. Hepa mak leh zual na chu , tunah Rome ah awm in hman deuh khan min rawn phone a, a driver in puih a ngai a lo pui ta che in office kawt ah a ding tawh a, tiin a rawn sawi a.A driver a rawn pen lut chiah mai chu ka phu zawk mai nia...Rome khawpui, lar leh khawpui chanchin ngah ah pawh tamilian tho driver ah lo hmang a maw le...!!

Robert-a chu brahmin nen room khat ah awm mahse la, bawngsa pickle ei chung in computer a khawih miah miah mai a, a roommate khan computer a hman ve dawn chuan a key-board kha a hru fai mai ani!! Engmah a sawi sel ngai lo, pa rilru tluang tak leh zau tak ani tih a hriat vang emaw ni teh reng dawn ni...!

Vawi khat chu, Robert-a bawk hian manipur lam rawtuai thur (mirungba an ti emaw ni) hi a dawng a. A room ah vawksa nen kan han chhum chiah mai chu, a rim alo na deuh emaw ni sawi sel tu an tam rem rem khawp mai. A hnu ah chuan kan ti ngai ta lo. Jacket fual deuh hi ka ha a kan siam lai chuan, ka jacket ah thleng khan a rim a nam vang vang thei mai nia maw le. A puar erawh kan puar fu mai!! khawnvartui stove hawh chawp in hostel piah tlang ah vawi khat dang chu kan chhum leh hram..kan puar leh viau bawk............

14 comments:

amuana said...

label ah chhangte_II nen... tih i hmang a, robert-a hi emni chhangte_ii chu? ka hriat dan chuan chhangte_II kha chu Faktuboha aka dennisrodman niin ka hre bawk sia. Ummmm nangni ang pa ropui chuan engkawng zawng pawh hian daihriat hi in lo ngah a ni e :)

avena said...

amuana..i ngaihdan dan le...nang alawm daihriat ngah le...Delhi tlang a i daihriat te kha han share ve ta zawk la...eh!!

nuboihi said...

Heng miropui i ziahte hi keini ang tan te hian vaccancy la awm thei em>

avena said...

@nuboihi...Lalrammuanpuia sailo i nih te ka ring deuh rum rum mai a...:))hihi..

i hre duh tak tak anih chuan anmahni zawt rawh han ti dawn ila, a buaithlak awm si a le tiraw..nupui an nei ve ve tawh e..!! pa kawm nuam leh fiamthu duh tak ve ve an ni a, ka ngaihtuah chhuak a kan post ve mai mai ani e!!

Puia said...

Ekhai kan hotupa chu lunghlui a leng thar a va ni mai awm ve aw.. Tunah chuan 'hmanlai an chang zo ta' tih ang deuhin kan college kal ve lai te pawh min tingai hle mai.

Mizo hi hnam inngaina tak kan nihna pakhata ka hriat chu, pahnih emaw pathum emaw kan awm tawh chuan kan inkawp chawp thei zel mai a. Kan phai awm ve lai te pawh khan Campus chhungah hian kan thu bial a, thlahrang, fiamthu, chetchhiatna etc.. kan sawi khawm thin a, chutiang chuan tlaini kan leng thin kha a ni a, tunah zawng zamual an liam ta, ka ngai thin mange aw..

avena said...

Hotupa puia ..ani khawp mai.Nangni ang fiamthu duh leh Guiter perh thiam phei chu a 'soprano' lam chuan an thut hual tuau reng mai dawn che tih lah a hriat reng alawm!!

Kan chawr chhuahna ah thil ti ho nasa , hnatlan leh thil dang te avang te..kan titi duh zawng leh tui zawng a in an avang te pawh ani mai thei ani.Tin, ei duh zawng te pawh alo in ang ve zel a!!

Awzzman said...

eih mirungba chu tui em lom!!! hehe.

Lal Jo-a said...

Pu Dul, ka chhiar e, i thil ziah. thian kawm ngeih neih hi a hlu a nia. Duh tawka fiam ngam neih phei chu hlu tak a ni!! ka lawm e. ka kal leh mai ange.

avena said...

@awzzman...ni e tiraw, mahse an siam thiam chuan tui tak ani..ka hriat hmasak ber chu ka nau hian , imphal atang in a rawn hawn a..zing kar ah alo hawng kan thawh hma in alo chhum a 'balloon' rim a nam deuh hlek in ka hria :))

@joseph...ni e thiante chu an hlu ania..phai a hna han thawh ngat phei chuan thiante an hlu tawlh tawlh mai zawng anih hi..!!

virgochhas said...

correct me if i'm wrong: Rawtuai thur i tih ang kha Naga ho chuan 'Bastenga' an ti...'Bastenga' chu Rawtuai/bambooshoot tih na ni mai...a thur emaw rim a neih deuh bik vang a bastenga ni lo in, an trong in rawtuai hi bastenga a ni e :)

Manipur/Meitei ho in chutney ang type deuh a rawtuai thur te, alu chhum rawt sawm te, ngha-ri (sangha rep) te, hmarcha te etc etc an chawhpawlh nuaih hi 'Eronbah' an ti thung...

thrian te nen a hun hman liam toh hnu ngaihtuah chhuah hi lung a leng duh ti raw...keipawh ka la wron xiak ve ang... :)

avena said...

@Pi VC ..bastenga, eronbah. ti a i hriat dan hi a dik ang..an lam rik dan ka beng in a hriat dan kan dah ve tawp ani e :))) kan ei tum hian vawksa nen kan pawlh ve ve ania..a tui ka ti fu mai. In sawi tak ah chuan 'alu' nen a siam pawh vawi khat chu ka ei ve tawh tak asin!!

Thiante nen a hun hman na chu han ziak teh khai..kan lo chhiar ange.. hei Hostel a ka awm pui te ho ngat phei chu kan lo inngam tlang ani ang..tun thleng hian, phone a han inbiak pawh in nupui fanau nei tawh te pawh hming pangai a inkoh ala khat pharh mai...speaker-a te, tawntea te, tlangbumliana te, phentea te ...hlir an la ni mai :)))

virgochhas said...

vawksa nen a siam hi a tui em bawk a ni....cooker ah ngei han chhum i la...thak tawwkkk in...

hehehehe

Unknown said...

Phente hei hi maw i blogspot...he he he

avena said...

chhangte-ll: a changtupa zawhna kan chhang hmaih tep alawm maw le...i lan that na ber a midang in an en hnu a an sawi kan tarlang ve leh pawp mai anih hi!! an sawi ang em em chuan nepali chu i ang lo e :))