Saturday, May 24, 2008

Autorickshaw driver nen thukam hnih khat.

Kan tlai lam tih tur te kan tih zawh chuan, in a han haw mai nan chuan ala hma deuh avang in 'city centre' lam ah kan han kual a.A roof-top restaurant ah chuan zanriah ei nghal mai ila, ti a kan rel zui tak avang leh, a tlai deuh hlek dawn avang in driver in nghah tir chuan zan a haw tlai lutuk dawn a hriat avang in,driver haw tir mai ila, autorickshaw in kan haw mai anga chuan a khat reng reng alawm tiin kan rel ta a. zanriah ei zawh in autorickshaw chu kan han chuang ve ta ngei mai a,tamil tawng thiam ang ang in kan be ve nawk nawk a, he hun rei lo te chhung a thukam hnih khat a kan inbiakna chu...

"Beach road lam ah kal ila sea-breeze a awm tawh anga a nuam zawk ang a"

"tun a kan tlan mek na hi one-way ani a, u-turn awm na thlen chuan mount-road a hla tawh lova , mount road lam ah kal ila kan thleng hma zawk ang"

"OK. chuan autorickshaw hi nangma ta ani em?"

"Ni lo, man chawi (rent) in ka hawh ani a, nikhat ah a neitu hnen ah Rs 150/- hawh man ka pe a, petrol leh a repair man zawng zawng ka tum nghal vek bawk a"

"chutiang ai te chuan second-hand tal te pawh lei la ani mai alawm"

"A repair a ngai zing a, repair na senso a sang hma lutuk a , a hlawk lo zawk alawm"

"Petrol man paih vek tawh hnu in nikhat ah engzah vel te nge ila hlep theih a tlangpui in?"

"Rs 400/- a hniam ber ah pawh ani a, mahse repair man senso hi nitin a chhut theih loh a chuvang in hlep chu chhungkaw chawm nan chuan a sang lutuk chu ani lo"

"Khawi khua a piang a seilian nge i nih?"

"chennai"

"Kum engzah nge i nih?fate i nei em?"

"kum 35 ka nia, fa pathum ka nei a sikul ah an zirlai an ni mek"

"english i thiam em?

"thiam lo"

"telugu emaw hindi emaw tal i thiam em?"

"thiam lo tamil chiah ka thiam,ka fate chuan english an thiam"(nui var var chung in a sawi a)

"chuti chennai a piang a seilian ni bawk si sikul pawh i kal na nge?"

"aw kal lo, ka naupan tet laiin ka pa in min thih san a, ka nu inhlawhfakna ringawt chuan chhungkua ei kan hmu bawk si lova, chuvangin naupan tet atang in sikul kal lova hna ka thawh angai alawm"

"sikul a thlawn vek zirlaibu leh uniform te thleng pawh a a thlawn vek sawrkar sikul te pawh a awm hi , chung te pawh chu i ngaihtuah ngai lo em ni?"

"kan naupan laiin kan veng ah chutiang sikul a la awm ngai hlei nem"

"I pa eng hnathawk nge?"

"cycle-rickshaw khalh a ei zawng thin ani"

"chennai ah cycle-rickshaw kal theihna chu veng pawn lam ah chauh ani sia ,khawi ah nge cycle-rickshaw chu a khalh thin a?"

"an hunlai te chuan cycle-rickshaw kal phal na deuh vek alawm"

"tunah chennai ah khawi veng ah nge in khawsak?"

"Adyar ah"

"Nangmahni in em ni?"

"Ni lo"

"Inluah man engzah nge thla khat ah in pek?"

"In zim te mai ania Rs 1000/- inluah man ah kan pe thin"

Hetia a sawi zawh rual vel hian traffic a jam deuh avang in bul a mi autorickshaw driver chu a han au nghal a, 'Ritchie street' awm na a han zawt a, a chhan chu Ritchie street hma bul a sub-way ah kan chhuk dawn ti a kan hrilh avang in ani chuan alo la hre chiang lo ni tur ani..a hnung a ben keuh pah in..

"Ritchie street awm na chu ka hre ve tho a lawm maw le, ka sawi na ah kal zel la kan thleng ani mai "

"aw le aw le " (rawn nuih let var var pah in)

Chuan Ritchie street kan thleng ta a, a chuan man te kan in pek fel hnu chuan , sub-way lam ah chuan step ah ka chhuk thla ta zel a, ka kal liam dawn hnaih tawh chuan ka han hawi let a, autorickshaw driver chuan min lo la thlir vang vang mai tih ka va hmu thei a!!

Ka han ngaihtuah a, ani tan chuan khawvel alo pian chhuahna chhungkua avang pawh ani mahna, a pian rual chiah a piang ve mi awm thei zawk te fanu/fapa chuan , he khawvel intlansiakna ah hian thui tak an tlan san nghal ngawt mai ni te hian ka hria a!! cycle-rickshaw khalhtu in autorickshaw khalhtu a hring a, hma sawn na rahbi chu an lawn zawt zawt lem lo a ang khawp mai. India ram in zalenna a hmuh atanga chhiar pawh a kum 60 liam tawh hnu pawh hian, zalenna tak tak han chen ve tur chuan an sum neih in ala pha ngang lo ni te hian ka hre thul!!!

Vawi khat Ramnad a ka awm laiin , trawley nawr tu pakhat hian ka closet siam tir hi quarter ah a rawn dah a. Trawley chu ama ta anih leh nih loh ka zawt a, ani pawh chuan man chawi (rent) a a hawh anih thu min hrilh a. Engvang in nge hetiang man chawi a hawh ang chi hian an tih tlat mai aw?? tih rilru ah a awm vang vang mai nia. Thla hmasa lawk in sawrkar in 'scheme' pakhat a siam a, autorickshaw driver ho in an duh chuan soft-loan an tih ang chi, a pung tlem te chauh nei leh , thlatin a rulh ngai tlem te ani a, mahse loan la duh an hmu mang hauh lo nia!! Anmahni hnam zing a caste-system avang hian caste sang zawk ten an lak an phal lo nge ni anga?an eizawn na lam a thil ti thei zawk ten , an dinna tur stand leh anmahni dawr tu tur te awm theihna lai an 'control' tlat anga, chuvang in loan la in mahni in lo nei ve ta pawh nise la , an hlawk phah dawn chuang lo em ni ang aw, tih te ngaihtuahna min neih tir a. Mahse, chung thleng thleng in zawt tur in hun a tlem bak ah, hmelhriat loh hnen ah chuan a sawi ngawt duh in a rinawm bawk si loh!!


19 comments:

virgochhas said...

Live 8 Concert nikum hmasa khan TV ah ka en ve a (kan ti daih te'ng)...ka trahpui nasa khop mai...

kan fridge/ac/laptop/lirthei etc etc chhiat ten kan thinrim thrin a...khatiang thil 'tur a kan ngaih' te kha mi tam tak tan chuan 'luxury' a lo ni reng mai...

hman ah chuan puller-rickshaw pull tu tar deuh te hi ka khawngaih a, ka hmang tu ngai lo...mahse an rickshaw kha an hire tih ka hre ta a, anmahni kha ka hman khan ka pui zok tih ka hriat taak hnu chuan khongaih chung in ka hmang lui hram hram thrin...

i autorickshaw pu pawh chu nakin ah a fate an puitlin hun ah nuamsa tak a a retire ngei ka beisei pui...

ti daih i la Tamil trong chu duhtawk a titi na khop i thiam a ni mauh...trong thiam tam hi changkanna pakhat ah ka ngai...gud boi...:D

avena said...

Pi VC ani khawp mai...nuamsa tak leh hlim tak in han retire hram teh se.

Tamil ram a han awm tak ah chuan hindi ka hriat chhun pawh ka theihnghilh ta vek mai in ka hria.Han titi khawm na tur tawk vel chuan tamil chuan ka ti ve theih sawih sawih alawm... :)

virgochhas said...

@ dula: kei class 11 trang graduation thleng Calcutta ah lehkah ka zir ve a, Bangla kha thring ka ti tlat pek a, thiam ka tum ngailo a, ka thiamlo reng bawk...aatthlak ngot mai...tun hnu a ka ngaihtuah leh hi chuan...mi tam tak in kha chen Calcutta a awm chu Bangla thiam ve nual tur hian min ngai ziah lehnghal...ka thiam chhun chu beitham ve tak a ni...

Hindi hi ka thiam chak em em thrin a...Udaipur a hna ka thawh lai khan thawhpuite atrang in ka in zir silawng ve ta deuh...thiam tlem hle mah i la Rajput ho kar a zir tih tak ah ka Hindi hi a pucca ve lutuk an ti thrin...lolz...keimah chuan a pucca vak na pawh ka hriet noh...

trong hi thiam hma chi hi awm a ni hrim hrim in ka hria...keichu chutiang mi chu ka ni lo hlauh...

Tamil chu kan nupa in min la zirtir ve don nia...

amuana said...

Hetiang khawpa sei a be tur hian tamil tawng i lo thiam tawh elo, hmasawnna ropui tak a ni e

virgochhas said...

Hminga i hre mial lo mauh...a sap hming chu Da-vi-da...Ph.D a ti mek a ni awm e...Dr. Chawngdinga of Tuikhuahtlang fapa...

avena said...

@pi VC..ni e tamil tawng hi 'writen' leh 'spoken' in ang tawh lo khawp a tawng upa ani ve a..zir a har khawp mai...ka thiam chak lo khawp mai..'hindi' lemaw tawng dang ni zawk se la aw ..ka ti ve fo mai..an ziah ami hi a chanve vel chiah tawng ah hian an sawi emaw ni aw tih tur ani!!
amuana te anga 'spoken hindi' pawh ni lo 'talken hindi' coaching class kal that ve leh te ka chak rum rum mai..an ziak anga tawng hian tamil thiam lo nih kan hlawh daih bawk sia..!!

@amuana...an tawng hi a har em mai a 'grammar' pawh a awm lo ang tiin ka hriat ang ang in kan hmang ve tawp zel mai chu anih hi..!! 'grammar' alo awm anih leh 'tamil-pundit' ten min lo hre thiam chek tur ah ngai ila..hremhmun ah min nawr liam bik em lo ang chu maw???..tamil ti a ka hriat ve khan ka bia a, a hre tu khan alo hrethiam ve miau bawk si a(h).!!!

Lal Jo-a said...

E, i va titi pui nasa em em ve mawle. Hetianga vai tawng (vai tawng hian a huam zau angreng a... hindi, tamil.. etc etc :D) han thiam a, han titi pui ka chak ber mai thin a ni, i thil zawh atang hian an nunphung awm ang tur leh ka zawk chak tak tak hlir i zawt a, ka bengvar sawt mai.

Hindi translation bu nena vai biak chu a muang cherh cherh duh em mai bawk a, ka sim tawh. :-)

Puia said...

Hotupa, i thuziak leh ngaihtuah zui tana i chhawpchhuah te hian rilru a khawih hle mai. Hetiang hian ka lo ngaihtuah ve fo thin. Mihring dinhmun inanglo lutuk leh background inpelhsawlh lutuk avang hian inthliarna kan tih mai te pawh hi a awmlo theilo ve bawk thinin alang. Hei tak hi equality hi hmasawnna dikah chuan a khuangrual thei viau mai a. Ram rethei leh changkanglo deuh apiangah hian a nasa leh zualin ka hre fo thin. India te, Burma te, Nepal te etc.. pawh hi a changkang leh a hausa te hi chu hausa tak an ni. Chutihrualin a rethei te erawh rannung ang maia khawsa an la ni thung a.

Ram changkang leh hnam changkangah chuan hausa te chu hausa hle mah se, mihring mamawh ber Zirna, Ei leh In, silh leh fen, etc.. ah an in khuangrual pat mai a. Mihausate lanna ber zawk chu holiday hman dan leh in leh lo hi a ni berin alang a. Mimir ei leh in in ang a, car leh silh leh fen a danglam lemlo te hian ka hre thin.

Keini Mizo thingtlang khua leh rethei tak background atang hi chuan beiseina hi a sang hleithei meuhlo a ni. A neinung leh hausaten rethei zawkte chhawmdawlna culture kha kan sawi thiat ta bawk si a. A bet a te hi chu an bet tlawk tlawk mai a nih ber hi. An tan zangkhua hi bungbu thuai se tih a awl ngawt ta ve ang. Heng te avang hian sawrkar tha leh system tha kan mamawh a. Kan kal fuh chuan rethei leh hausa kar a zim ang a, zirna ah pawh intluktlanna kan nei thuai theiin ka ring.

avena said...

@joseph: i tawn ve ho han thawh ve ta la..enge maw hriat chu i nei ve nual in ka ring tlat ani!!autorickshaw driver lam hian internet -feedback an tih fo a rinawm loh hmel ten ka hre ve rum rum mai , internet kal tlang in an chhungkua kha tui/chaw a pek ngawt theih bawk si loh.an tan chuan khawlai a thut khawm thup a nuar kha sawrkar beng thlen ve theihna an hriat chhun ani angem aw? te ka ti ve vang vang thin.mahni hma sial avanga lo fuipawrh tum tawk te pawh an awm mai thei zel bawk..!! khawvel hi aw..
@puia: hotupa ,han sawi zawm tur ava har ve le aw..S.Korea hi khawvel ram a hmasawn chak ber pawl a sawi ani a, mahse 'most egalitarian society' ti te a an sawina ka chhiar ve zauh zauh thin asin. hringnun atanga mual liam hnu chuan tu mah in engmah kan chhuah pui dawn lo tih chu a hriat a..mahse khawvel ah hian engtin nge hlim leh nuam tak a kan nun ho theih dan tur hi a pawi mawh zel dawn zawng anih hi maw..!!US sawrkar tanpuina dawng tam tak an than dan in ang lo zung mai te pawh hi ngaihtuah tham tak ani..!!!

luliana said...

2003 kum a delhi a ka auto driver tawn kha chu a dangdai ve angreng asin aw..Chanakyapuri atanga safdarjung kal tur kan nia. Chuan ka thianpa nepali pakhat nen hian angreji in kan in be mawlh mawlh reng a. safdarjung thlen hma deuhah ka thianpa chuan min chhuk san ta a. chutia kan kal tan leh chiah tur chu car hian chak lutuk in min rawn tlan pel fua mai. Auto driver chuan sap tawng mawi angreng tak si hian, "What the f***", a rawn ti chhuak a, mak ti deuh a ka en hau mai chu amah kha a nuih a za letling zawk. BA lai a lo pass ve a ni awm e...

Chuan ziak ngaihnawm khups mai...

avena said...

@luliana..i dam thin maw? Inhmuh ava khat ve..!!

I thil tawn chu a dang dai viau tak mai a.hihi. eng a pawh nise la Hindi a thiam tel hmel thova,english a thiam tel chu a tangkai pui chang chu a neih chek dawn chu!!

Hetiang han sawi tak ah chuan, kan thianpa tamilian hi Himachal Pradesh ah hna a thawk a. Chuan a leave la rawn haw kha, driver hian Rail -station ah alo hmuak a, kan inhmuh hnu ah driver chuan mi rawn bia a, kan thianpa kha north-India mi ani emaw alo ti..mak ti lutuk hian ...i thianpa hian tamil tawng a va han thiam em em ve a!! kal kawng ah pawh tamil hlir in min bia..a ti thak mai maw le :))

Zo Dingdi said...

Avena
I thilziak hi ka chhiar fuh a,tunlai ka thil buaipui nen a inhmeh lutuk a.A thenlai hi ziakchhawn i phal em ??

Azaia said...

nang hi chu mi biang biak vel hi iti mi tlat.. ziak thra hle mai

avena said...

@nuni: ni e i duh phawt chuan han hmang teh. eng lam pang nge tunlai i buaipui chu hriat ava chakawm em ..han thawh belh teh hriat belh a chakawm alawm.

@azaia: in khaw lam i tawn ve te han thawh ve la maw le..hriat a chakawm alawm.

Zara Ralte said...

anna avena Tamil terima? thu leh hla lama mi ruah tham loh tih takah auto driver nena in inbiakna te pawh ngaihnawm takin kan chhiar theih phah hi!

Anih leh mi tam tak anneih bak, an nawm mak in an mamawh em em pwh ni lo neih tumin an ei ru trun trun a, veng sir ah he auto driver ang hian nitin eikhawp hloh hram hram an awm leh a, a chang chuan Siamtu thuhmun anni ta lo em ni tih mai a awl thin?...mahse ti hian ka lo chhuta harsa hle mahse auto driver in a fate saptawng thiam thu a hrilh lai cheu a hlim taka a rawn nuih deuh var var che u kha chu tluk a thil hlu leh manto mi hausate pawna sumleh pai thil tih theihna hmang pawh an lei theih loh hlimna chu a nei sia, khawvelah hian a rethei ber tawp love, harsatna karah pawh hringnun hi hlim takin a hmang thei a ka ngaisang khawp mai!

avena said...

@zarbawiha...ekhai!!

i sawi chu a nihna chin tam tak a awm ang.Hringnun ah hian ; ka in luah man,tui,sa hmeh, naktuk ka inhlawhna tur... etc a buai lo pawh hi thil dang ah chuan rilru hahna chu an nei ve tho in a rinawm a.Mahse an rilru hahna te chu ,hlawhtling kher lo mahse la, an taksa in a tel lova a nun theih lohna chu an tlachham kher lo mai thei ani.

Mihring chu 'social animal' ti a mithiam ten an lo sawi ang hian..mahni ringawt chuan engmah ani lo chu anih zel hi maw.Intluk tlang tak a khawvel a nun hian kan za vai in kan hlim zawk angem aw..tih te rilru ah a lang..But how...??

Nia, autorickshaw driver in a fa te chuan English an thiam thu a rawn sawi a hlim deuh a an nui var var han hmuh chu a nuam asin..!!

samuelapa said...

Kum 60 liam tawh hnu pawh hian, zalenna tak tak han chen ve tur chuan an sum neih in ala pha ngang lo ni te hian ka hre thul!!!
He thu hian thil pakhat min hriatchhuahtir. Hman ni lawk khan Vana Pa Hall-ah Consultation on Peace-ah ka tel ve a, mi pakhatin resource person hnenah, "Mizoram hi most peaceful state tiin an sawi fo a, enge i ngaihdan"? tiin a zawt khauh a. Ani chuan, "Indona leh buaina a awm loh vang hian kan peaceful kher lo. Lehkhathiam hna hmu lo tam tak in awm a, chungho chuan peace of mind an nei em? Friday zana pavement-a tlaivara chawhmeh zuartute hian peace of mind an nei em? Ei leh bara intodelh lo em em hian thlamuang takin in awm thei em"? tiin a zawt leh jeih

samuelapa said...

Thil pakhat leh lawks -
A story hi i phuahchawp chu a ni em lo vang a...
Hetia rickshaw-walla i titipui vak theih chuan "i liam luam" ve tawk hle a nih dawn hi...:)

avena said...

@samuelapa: ani khawp asin, peace research tih lam ah chuan johann galtung kut chhuak te pawh a awm hi maw le...i rawn sawi ang deuh hian, fate sikul kal na tur , ei leh in tur ..etc ngaihtuahna avanga rilru hah in zan muhil thei mang lo te pawh hi maw le tiraw...

ve leh lawks,phuahchawp ni lo in ka tawn ve ani e, hman ni deuh lawk khan :))