Saturday, February 23, 2008

Kan dam tlang em?


Hun tawng avang nge ni a, thinrim hrikthlak na hmun rem chang tak anih vang nge ni anga, mahni identity thup theih ve ang reng tak mai-anonymity ti a an sawi thin awm na hmun anih vang nge ni anga ? Hmaichhan a kan phawrh chhuah ngam loh, kan rilru luah tu sawi theihna rem chang anih vang nge ni anga,a chhan thil dang a awm zawk tih erawh chu ka hre chiah bik lova. Mahse, website/forum/blog etc vel a kan comments tam tak chhiar hian ka rilru ah thil rawn lang zawk thin a awm.

Mihring nih chhung chuan thil pakhat ah pawh ngaihdan leh duh dan chu a thu hmun reng thei lo anga. Mihring chawr chhuahna hrang te leh hnathawh hrang, thenkhat te chu zirlai te kan nih a rinawm a, chu mai ala ni lo hmun hran hran a awm, kan thil hriat zawng leh duh zawng in ang lo tak tak te kan nih a rinawm a. Mahse, a tlangpui a thil pakhat a kan comment tam tak te han thlir hian , kan ngaihtuahna hi a ‘negative’ ta lutuk em ni aw? ti te in ngaihtuahna ka nei ve fo mai. Kan ram kal phung te leh ram hruaitu te ,kan khawtlang hruaitu te, thil thleng te reng reng hi kan comment dan en hian a in deuh sawh zawng ang chi hi comment a tam lutuk em aw? eng vang nge ni ang? Hetiang ang tak din hmun ah hian kan ding mek tihna nge ni anga, keimahni kan inhmuh dan hi a ‘negative’ lam zawng hi kan in hmuh sak nasa lutuk zawk? Nge ni anga IT thang chak tak mai hian, thil thar min hriat tir teuh mai a, hnam dang leh ram dang te chanchin , kan lo hre zung zung ta a, chu chuan rualawhna nasa tak min neih belh tir zel??

Hringnun ah chuan lungawina famkim nei thei chu mi tlem te chauh an awm a rinawm a.Mi thenkhat te phei chuan hetiang tak a awm tur hian mihringte hi Pathian in a siam a ni zawk, lungawina famkim neih theihna Pathian lam kan pan na tur in, ti te in ngaihdan an vawrh chhuak ve bawk.

Thil eng pawh in kan lung a dum loh a, her danglam ngai a awm chuan, kan ngaihtuahna atanga tha zawk kan hriat leh a her danglam dan tur te , a siam that dan tur te rilru ah vei tel ta ila, kan hlawkpui awm mange aw! tih te ngaihtuahna ah a awm. Hmun hran leh hna hrang hrang thawk te kan nih hmel a, kan dai hriat na atanga kan hriatna te hmang in kawng tha zawk leh midang te pawh in hlawhtling zawk a an lo kal pui dan te , thawh khawm ta ila!

19 comments:

Puia said...

Hotupa ngaihtuahna hi a dik hle mai. 'Negative' lam ringawt thlira, kan tawngkam thiam zawng zawnga kan in diriam chiam chiam thin hi chu sim a hun tak zet a ni. Chu chuan tha thona tha leh phurna puitlingah kan rilru a hruai der si lo. A in cho phur zawng leh infuihna nena ngaihdan te hi kan neih thiam a hun tawh ngawt tak mai. Tin, a solution tarlang tel si lo va, a thalo lai kan sawi chhuah vak vak hian awmzia a nei thui lo fo. Chuvangin kan comment leh ngaihdanah hian siamthatna lama kan rilru leh duhdan te, kan hriatdan leh ngaihdante hi tel thin se. Chu chuan a taka thawktute thinlungah ngaihtuah thiamna a pe ngei bawkin a rinawm a. Chu chuan hmasawnna ropui tak a thlen ka beisei tlat.

alexxfender said...

A mah zawk hi a lom negative...zeh zuah...

avena said...

@Puia ani khawp mai! thil hi kan chik chiang lutuk lo thin vang emaw ni dawn le aw? tih te pawh ngaihtuahna ah a awm!

@alexxfender ...i nick teh duah chu :-)

avena said...

kazahn and Yokora.......hmmmmmmmmmm!!

avena said...

mahni hriat thiam dan leh conviction ang ang chu eng pawh sawi mai tur. pawi na awm lo...mahse see these tih ang vel chu ti lo ta ila!!

faka said...

Tha hle mai. Kan ngaihtuahna a thuhmun e. Ni e, thil siamtha tur chuan a chhe lai leh duhthusam lo lai chu thlir a ngai ngei mai. Chutih rual chuan Beiseiawm a awm na lai te, siamthat theih a nihna lai te kan chhut tel a, kan sawi tel fo a tha.

Forum chi hrang2 a kan sawi dan hi chuan kan ram hi siamthat tlak tawh loh khawpa chhe lailet der ni maia a lan chang a awm thin. Kan ram chhiat zia kan uar lutuk a, a thatna lai leh beiseiawm a nihna lai kan sawi tel ve si loh chuan keimahni ngei hian kan ram hi kan la sit ngawih2 ang a, hnamdang zingah pawh kan la zahpui mai ang. Chuti zawng lo deuhva ram siamthat dan hi a awm ka ring ve tlat mai thin, hotupa! Sawi tur a tam hle mai.

avena said...

hotupa mafaka...ni khawp mai! han thawhkhawm zel ila ngaihtuahna thar te a piang ve zel ang chu.

a chang hi chuan thil hi bih chiang lutuk lo hian kan sawi mai mai emaw ni dawn chu aw? te ka ti trin.

eng ang pawh in han sawi ila, tun a kan sawrkar ruh rel hi chu India ram constitution a awm dan anih miau avang in thlak theih mai anih loh hmel a. mahse engtin nge thiam tak a kan hman ang tih hi ngaihtuah tham tak ani!!

kohhran; mahni ke a ding a, chu sawi loh kum 1994 te phei kha chuan India ram a Bible society of India in pawisa a dawn zawng zawng 1/4th khawn khawm thei, chak tak a kal mek leh , kan sawrkar( eng party sawrkar pawh hi) te hi teh khin chuan , ka ngaihtuahna a ti thui ve viau thin!!

sawrkar hnathawk tam zawk te hi kohhran ah member kan nih hmel bawk si a!! enge maw chu a awm ani...........kohhran a ama duties leh awm dan tur a rilru a awm leh , sawrkar a duties leh rilru a awm hi enge maw dang lam a awm ani thei angem??

A mimal a in dem viau ai hian hlawm lian deuh hlek zawk hian thlir ta ila! mi hmasa ten an dai tleu tawh na anga lang.. tun thleng a dai tleu na ni anga sawi hi.. a mihring thlak avang in ke kan pen duai angem??mi pakhat in eng chen nge tih theih a neih ang?

rotlingpa said...

Fam kim lohna khovelah hian Lalpa kan ngai che, sual simin ka lo kal e.....ti thei kan tlem vang poh a ni ve thei thei long mo?

samuelapa said...

Eng lo a nia...Mizote hian a tlangpuiin ZE NGHET hi kan nei lo a ni ber. Kohhran tana rinawm, Sorkar tana rinawm lo, KTP taka zaidam, YMA/VDP-a thinchhia, etc. Tin, thil kan soi reng2 hian mahni lam kan indah tha daih bok thin. Kan Kohhran, kan Sorkar, kan Ram chungchang kan soi hian kan tel ve zel tih inhriat a tha.

Tun lai Thalaite sual zia te hi kan soi nasa lutuk a. A sual an awm a, a tha poh an tam mai. Tunah KTP Inkhawmpui a awm mek a, Baal hmaa thingthi ngai lo thalai sang tam tak an fuankhawm ang. Mahse, a sual tlemte te thiltih hian a felte a hliahkhuh hneh thei thin em a ni.

Ka bei sei lutuk don, duhtawk phot ang.

Lal Jo-a said...

nice post :-)

Ka blog ah ka link che a, a pawi em lovang chu.

Awmi said...

thra hle mai. ka link tawp che nia..la thiam vak lo lehngal a, pawi lovang chu mo

avena said...

samuelapa.....ani khawp mai. tin, chu mai bak ah thil hi sawrkar in a tih chi te, thil thenkhat private lam in an tih hlawhtlin theih zawk tur awm thil te hi thliar hrang thiam ta bawk ila. eg; india ram a cellphone subscriber pun chak dan ngaihtuah te hian 'landline' tun hma anga landline tih pun tum a .connection nghah etc vel te ang ngaihtuah chuan thil fuh tak ni zawk in a lang..hman deuh ah sawi zawm ang!

joseph & Pink_pig ....thanks for ur greetings :) ka lo link ve che u ania...in ngaihdan chu rawn bun ruak ve reng reng thin dawn ania!

samuelapa said...

Hei hi thil tak tak a ni em aw???

amuana said...

ka lo ling thung dawn che maw ni keichu

avena said...

samuelapa....... advertisement rawn zuar tawk te hi an lo awm ve leh thin a

amuana.....ni e han ling ta che!

sawmpuia said...

Hriatloh hlanin thu tha deuh ilo post reng zuk nia! Hillary inthlan thusawi pakhat min ngaihtuah chhuah tir a, America hian thusawi thiam nazawng a mamawh tawhlo a, a ngaihna hria a mamawh a ni, a tih ang deuh khan sawisel thiam hi chu dawrzawn tamtak kan awm a. A solution han pe zawng a ziak hi chu a khat pharh reng a ni.

Hotupa mahni tawkah tunlai chu kan inhman buai ve lutuk a NEt hman mang barlo a ni e.

avena said...

sawmpuia...ani khawp mai. Mihring nih chhung chuan duh dan te, ngaihdan te thu hmun thlap thlap vek thei lo chek anga. Mahse kan ngaihtuahna leh rilru hruai tu chu thil tam tak a awm in a rinawm a.

I rawn sawi ang hian 'solution' lam zawng hian ngaihtuahna hmang tel ve ta viau ila.. .. awm zia a awm thui thei deuh zawk angem? tih ngaihdan kan phawrh ve anih hi.

sawi tur a tam hle mai.....

samuelapa said...

A va khawharthlak leh ta deuh ve aw...
I ngaihtuahna han seng leh teh le...

avena said...

samuelapa...a tih hleih theih hrih lo chu ani e...hei vawiin pawh hotupa mafaka te Gurukul theological college graduation day ah te kan va tel ve lawp lawp a, dinner han ei zawh fel meuh chuan alo tlai viau zel mai ka ti!!

nang in rawn chhawp chhuak tha viau zel a lawm awm alawm!