Tuesday, September 4, 2007

Project Ration Card -II

Ration card thar chu press ah an han print zo a, a chhung ah thil an lei a piang a an record na tur lehkha phek enge maw zah zeh tel a, a bu a siam tur in taluk office ah a rawn thleng a. kut awm thei ang zawng zawng in kan han thawh chuan kan ti zo ve leh ta mai a. He mi kan sub division a ration card thar a rawn thlen lai hian district thenkhat chuan an sem tan tawh a. Nitin mai hian ration card thar lak tum intlar put mai hi tv leh newspaper lam ah te an chhuah chuai chuai reng a. Rin lawk ang mai ni lo in sem chak alo harsa daih mai a, ni thum aia an rei tak chin ah chuan sawi sel na a ring sawt khawp mai a. kan sub-division in kan sem tan ve dawn pawh in, commissioner office lam atanga in hriat tir ang in, district headquarter ah meeting rei ngial kan nei a, hetiang lam a experience lo nei district level officers zawng zawng chu kan ko khawm in tih dan tur kan han sawi ho a.

Kan sub-division ah hian mi nuaih khat vel dil tu ah dilna 40,000 vel kankan hnawl a, chuvang in ration card sem tur tak chu 60,000 awm ang vel tur in chhut a. A sem dan chu mawl te ang in a lang a, ration card thar zawng zawng khan number a nei vek a, chu mi number leh card nei tu hming leh thla lak awm vek na , lehkhabu pakhat A-register an tih hi a awm a, ration card thar lam tu tur khan , a dil na a theh luh lai a acknowledgement kan pek kha a entir anga, ti chuan A-register ah a hming zawn ah khan card a la e tih record atan a hming a sign anga,ration card thar chu ala mai tur ani a. Mahse kha tia ngaih ang ngawt kha alo ni lo tawp mai. District dang a sem tan tawh mek te atanga lang thei ah chuan , acknowledgement a hming awm atanga A-register a zawn hmuh kha rin aiin hun a duh rei daih mai. Tin, mi in rei tawk intlar tawh hnu ah, A-register ah a hming an zawn hmuh zawh leh si loh chuan , zawn chhung a duh rei phian.ni li vel intlar tawh hnu a, la la thei lo an awm teuh avang in district thenkhat ah chuan sawi sel na a ri ring tawh khawp mai. Mipui pung khawm intlar rei tawh si chu enge maw hlek ah buaina chhuah theih anih mai bak ah, TV leh newspaper lam ten an han kawm a, an din rei tawh zia te leh an harsatna tawh hrang hrang te kha , thil chhuah nuam tak alo ni bawk si nen!

Hemi kan sub-division hi hosur niin , Ashok Leyland, Titan, TVS , etc te awm na hmun ani a. Industrial labour mai bak ah , management lam pang thawk te cheng an tha hnem ang reng fu a. anmahni- right an lam ri ring thiam khawp mai a, enge maw thleng hlek awm se lang chuan in newspaper leh TV lam a thleng rang hle dawn tih a hriat sa a. chuta chhap ah , inrinni leh chawlhni hi a enge maw zawk zawk an chawlh theih awm chhun anih avang in a enge maw ni zawk zawk ala thei tur a inbuatsaihna siam tur in nawr na a nasa khawp mai a. Mahse A-register a diltu hming zawn hmuh vat kha engtin nge kan tih tak ang? A ration card pe chhuak vat thei tur kha chuan 50 te te in A-register a number in dawt dan ang khan kan tel hrang thliah a, zawn hmuh chu thil harsa ani lem lo.

Ration card sem na tur centre pakhat ah card a tam ber ah 1500 vel sem tur anga kan han chhut pawh in, minute 2 dan zel ah A-register ah khan a diltu hming kha hmu nghal zat zat pawh ni se la, nitin darkar 8 ang vel sem dawn pawh in, a lo ber ah ni 4 aia rei lo tur in kan chhut thei ta mang reng reng lo mai a. chu chu sawi loh fair price shop huam chhung ami kha hmun hran a sem anih chuan , confusion awm ve leh thei tur ani bawk si a, chuvang in 3000 chuang sem ngaihna tur ah te chuancounter 2 te kan siam ta ringawt a. ti chuan a zirtawpni chaw hnu lam atang in enge a an dawn tih en lawk na tur ang deuh in centre thenkhat kan han ti tan a, rin ang alo ni lo. Darkar 2 an ral hnu pawh in 60-70 vel kan sem thei tawk mai. A-register a hming zawn hmuh kha rin aiin a awl ta hlek lo mai, tin, dilna kan pawm sak loh te khan an hre si lova, an intlar ve a, an hming an zawn chhung a duh rei em em, a tawp ah an beidawng a, mahse lo inthlar ve reng tawh an nih avang in a sem tu te nen an inhnial chhung te nen hun a duh rei phian zel mai.

Chuan, tlai lam ah centre tlawh kual tur a team kan siam flying squad ho nen kan han sawi khawm leh a. A tih dan kan thlak loh chuan kan sem chak theih loh dan tur leh , mipui intlar avanga buaina awm thei kan buaipui a ngai dawn ani tih a hriat lawk theih mai a. zan lam a a theih ang ang kan hriat theih te chu an in ah pe lawk ila , tih ngaihdan te a awm, mahse hriat an tlem lulai lutuk!

Chutah pakhat hian, dilna hnawl ho zawng zawng te rang tak a , an kal sawn vat theihna tur in ‘appeal form’ siam ila. Rawn dil tha leh rawh ti mai ila, tih ngaihdan a lo chhuak a. dilna hnawl te chu kan thawn kir leh vat thei ang. Mahse eng tin nge A-register ah dilna kan pawm sak te kha an hming kan hmuh zung zung theih ang tih kan rel laih laih lai chuan, ka beisei phak aia mawl leh tha bawk si ngaihdan a rawn chhuak ta tlat mai!

A-register a hming zawng tur khan ration card sem tu counter a mi 2 te kha hmang lo ila, a mipui te kha zawn tir zawk mai ila. Chuan an ‘acknowledgement ‘ ah khan A-register a , an ration card leh hming awm na zawn serial number kha hre sa in a sem na counter ah kal chauh se la, a serial number atang khan counter a sem tu ten an hming an hmu zung zung thei dawn a, kan sem chak zawk thei ang a? tih ngaihdan a chhuak. ‘eureka’ kan ti tlang lo chauh ani. Ti chuan A-register chu tlai lam ah kan xerox vek a, a copy chu a sem na tur centre ah (sawrkar sikul ani tlang pui) an compound wall ah kan tar ta vek a. ration card dil tu te an mahni serial number zawng chhuak tur in kan ti a. zan lam ah kan tlawh kual thuak thuak in, mipui lam atang pawh in response rin phak aia nasa in a tha a. zan dar 10 pelh hnu a, sikul compound bang a A-register kan tar a , an hming la zawng te pawh hmuh tur an la awm teuh mai.

Chutah atuk , a D-day, inrinni a lo thlen chuan zing dar 9 hma a a sem na tur centre zawng zawng in ring lawk vek tur a kan inhriat tir lawk ang in, an thleng kim thap vek a. Ration card thar lam tum te pawh khan,A-register a an ration card leh an hming awm na , serial number kha acknowledgement ah khan an lo ziak lawk vek a, tin, ziak leh chhiar thiam lo te pawh kha mi dang in an lo ziah sak a. A-register xerox copy kha compound wall pawn lam ah kan tar avang in an hming hmu te chauh khan compound chhung an lut a, mipui bawr khawm luih luih ang tur kha a awm loh phah ta bawk. Ti chuan ration card kan han sem tan ta chu sem a chak ta zar zar hle mai, tlai lam dar 5 kan thlen meuh chuan 70% vel kan sem hman tawh ani. A la bang tlem chu a tuk chawlhni ah zing dar 11 hma in kan sem zo vek hman a, kan thaw huai tlang ta in ka hria.

Kan district a ration card thar kan sem ve tan hma hian district 25 vel ah an sem tan tawh a,an vaiin A-register a diltu hming hmuh harsat avanga sem muan leh mipui intlar rei buaina an tawk vek a. hetiang a mipui zawng tir mai ngaihtuahna rawn vawrh chhuak tu chu revenue inspector , hierarchy ang zawng a ngaihtuah phei chuan revenue department ah chuan a hniam ber dawt tu an tih ang vel tur hi ani a. Mahse , amah aia sang district level officers , district 25 vel a awm zawng zawng in an ngaihtuah chhuah loh , thil mawl ang reng tak si, mahse hlu em em si kha a rawn ngaihtuah chhuak a, a ropui ka ti khawp mai. Tin, organisation lian ah chuan ‘parallel thinking’ an tih ang te leh, ‘tun hma kan tih dan’ tih ang chi te hi thu rel khawm na ah hian a awm awl zia a tar lang ve hle in ka hria.

17 comments:

amuana said...

Hmanah The Ration card tiin group kan in din ve ngei, drums 1 ka hlap chhe vek hman, ka thiam phah chuang lem hlei lova

avena said...

amuana excellent!

diary said...

Ration card sawi takah chuan Leitan a ration cardah khian ka hming a chuang ve tawh em le? MSVT ah chuan ka hming an paih tawh a nia aw. Ration nei ve lo hian engtik a rei nge ka awm dawn? :(

avena said...

@Diary.. MSVT a ration card a thai reh tawh nan nen , nen chuan Leitan ration card ah chuan telh kan dil dawn ania.

chutiang zel in electoral roll ah pawh Form-6 hmang a dilna kan siam dawn ania.

Passport pawh a thar kum 10 validity nei, a phek pawh tam zawk kha kan dil dawn ania, address thar in. d/o tih aiin w/o tiin kan thlak bawk ang :D

diary said...

Haha. Lungmuang takin i kutah kan dah nghal hmak e!

avena said...

diary, consider it done! hehe

sawmpuia said...

ration card a hming an ziah hunah chuan i hming dawt a awm tur a awm ve ngei tawh ang che :-)

Puia said...

A ngaihnawm hle mai kan hotupa nge nge.:)

Zorami said...

Pu Vena chu i ron thawh tha hle mai. case study i ron buatsaih a a solution tha thei ang ber i ron chhuahpui nghal ani ringot alom kha.nia, mi mawl bera kan ngaih poh hi mi tangkai leh fing ber an nih chang te hi a om fo thin asin.zir tur tha tak kan nei nghal ta pang mai.

avena said...

sawmpuia; ni e tiraw :)

zorun;kan hotu te tingtang perh lam ah chanchinthar te awm leh tawh em :)

zori;solution pakhat chiah a awm emaw tih loh tur, a dang pawh ala awm ang, han ngaihtuah ve chhin teh!

Zorami said...

y not make use of technology instead of entering the datas manually? isn't dat applicable here? i dnt wana go into d details as i'm a computer illiterate ):

avena said...

what data??

Zorami said...

an card num,a neitu hming leh thlalak te chu lehkhabu a enter lovin computer ah feed vek ula a theih lom ni?a zawn zung2 theih anga....a dik nge dik lo ? huizz!! Pu Ven,ka thluak te tak te a sawng ral zo dawn alom le he ration card buaipui hian lolzzz!

avena said...

a ni khawp mai.a card number, nei tu hming leh thlalak te chu computer ah dah vek ani a. computer atang print out in A-register pawh hi siam ani.

mahse, card ilo sem dawn ta a, kha card kha a neitu tak hnen ah i pe tih record a awm a ngai lovang maw?? chumi ah chuan a dawng a piang ten signature an dah kha angai a. chu mi signature an hming zawn a an ziah zel na tur atan chuan ania, card number leh hming, thlalak zawn angaih tak na chu!

acknowledement fel fai tak a awm loh a, sem tawp chu, a sem tu te khan hralh vek pawh ni se engtin nge kan chhui tak ang :)

Zorami said...

eee...ok! anih chuan keichu ka bang phots mai ang,in soln neih sa kha k lo ring ve mai ang :PPP

azialo said...

Ziak thra top!!! Avena Tla mo se!!! Ration card in han soi tak ah chuan kei chu kan ration card ah k naupang topss kum 16 chiah k ni maw le:))

avena said...

zr-i & azialo

ni khawp mai, thil hi mipui in an en phek tawp mai phen ah hian neuh neuh hi a tam duh fu ania!!

kha pa na khau? :))