Saturday, September 15, 2007

Rotlingpa Mi Ropui- IV

Rotlingpa hi, a naupan lai in hun enge maw chen ;Lunglei ah ‘dum mual’ bul ah alo khawsak tawh avangin infiamna lam ah pawh a theu neu lo ang reng khawp mai. Infiamna lam han tih hian, a tak in a tel nasa tih lam ni lo in, Rotlingpa hi chuan , a chhiar a chhiar te, a en a en te , a tuipui zawk a!!

Mizoram ah club football , tun ang em em a ala lar hma, 1997 bawr chho vel te khan , Rotlingpa chuan champions League te hi alo atchilh bur tawh tih hriat em em in, champions league a , manchester united leh Barcelona inkhel te pawh, shillong ah , police bazar ah, Tv dawr a an zawrh lai a an chhuah, darthlalang phen ah kawng atang in alo thlir tluan zak tawh ani! Hemi tum hian a tan ber mai manchester united chu an chak ta lo hlauh, mahse Rotlingpa chuan phun nawi lo in leh tumah dem chuang lo in; an chak ala hun lo ani ange tiin kan bul ah chuan a sawi dam thlup thei tho.

Tin, Rotlingpa te class ah hian football ngai na em em skk-a an tih mai hi a awm ve bawk a. a ni phei chuan chanchinbu a inkhel a chhiar hi Tv a en ang mai hian a chip chiar in a sawi chhuak thiam a, an pahnih a bul a awm hi chuan kan ka ho hi ani ringawt mai ani. Hetiang zing a khawsak tak ah chuan , football chung chang kan lo hre hnem telh telh a, world cup lo thleng tur pawh urlawk ana duh khawp mai.Ronaldo , Barcelona a khelh lai a rawn lar chhuak tak tak lai vel alo ni bawk a, tin leh lam ah michael owen naupang te an an thlang tir enge a an ang tih vel sawi tui lai vel tak alo ni bawk si a.

World cup chu kan han en ho ta a, mahse kei chu England an tlak hnu chuan ka en zui peih ta vak lova, mahse kha mi tournament ah kha chuan michael owen an argentina lam a a pet goal kha ‘solo goal’ an tih ang chuan nalh ka ti ber mai. Skk-a chuan hemi kum a world cup , matches zawng zawng kha a en vek a!! class lam ah erawh a hmel hmuh a khat deuh an ti !

Final kan hnaih telh telh a, boruak a tang tha chho telh telh. Final khelh dawn zan ah chuan , hall ah kan thu khat hmur mai a, france tan leh Brazil tan kan in zah ta vel ang. A then in brazil jersey an rawn ha a, an hmai an rawn hnawih eng/hring vel a, chutiang bawk in a then lah in france jersey rawn ha in ‘ka room chhung a rawng eng zawng zawng ka dah chhuak vek tawh’! te an rawn ti. Enge maw hlek ah inhnial na chu awm se la buaina lian tham vak lo chu a chhuak thei mai awm asin maw le!!

Chutah inkhel an han tan ta a, boruak chu a reh hian a reh thap mai a. Ronaldo ber pawh chu eng tin vak mah a che thei tlat lo mai!! A tawp ah chuan France lam chu 3-0 in an chak ta,France lam tan thawm a tha ham ham hle mai,mak ve deuh ani, 1986 world cup kha naupang te in kan en ve a, ta tang khan world cup ah brazil leh france an inkhelh hian brazil hian an la hneh ngai lo ka en ve tawh chin ah! mu tur in room kan pan sang sang a, Rotlingpa ber pawh a tan em em Brazil an chak loh vang nge maw ni, a hmel a ngui nghuai mai a, hall atanga room pan a kan kal kawng ah a tawlh thlu tur in ‘amennnnnn’ a tih bak chu a ‘aw’ hriat zui tur a awm lo, kha mi zan kher kha chu!

5 comments:

sawmpuia said...

Ekhai! i thilsawi chu thil min hriatchhuah tir e. Lalnghinglova Hmar pawh khi maw Shillong kan awmlai khan TV zawrhna a mi cricket an en thua z iak vak tawh bawk. Shillong a awmlai hi chuan TV dawr darthlalang phena en hi a lar viau asin. Keipoh tumkhat chu Cricket zawk emawni kan bih ve zuai tawh... Rotlingpa chu ro a tling hle mai chanchin ngah bawk a.

avena said...

sawmpuia----- ani mai thei ani. police bazar ah khian en a rem ani ange bazar pah in .tin, khua a vawt a pawn lam a tang en pawh a hrehawm lutuk lo te pawh ani ange! 'window shopping' an tih ah kan telh ang nge, 'window watching' kan ti zawk dawn :)
chu lovah movie en a chhuah te khi a lar a shillong chu, vai film ka en ve chhun pawh shillong a thian hova kan en te ani :)

Rotlingpa chu an veng ah , intermediate department ah leader ani luah tawh mai. ro chu tling tak ani!!

amuana said...

Ka va han ngaisang tak em. Tin, hetiang ang a ropui tura lo kaihruai chhotu, he blog neitu hi fakin awm rawh se

azassk said...

hei hi emni zawlbuk forum lamah speaker-a kha?

avena said...

zarbawiha... hei lo hi speaker dang an awm thei dawn em ni :)