Saturday, May 26, 2007

title awm lo


Nimin mai emaw tih kha , rilru ah alo lang thar a, han chhut let chuan kum 10 alo liam ve leh ta reng mai.college kal tan tirh mahni “confi” ve viau lai ania. mahse kum 10 liam tawh ami bak kha chu ka la tawng leh lo miau va, kha tih lai hun a mi leh tunlai a an tih dan enge danglam na awm lo em ni? Tih tur hian a tawng te sawi ka hriat atang hian kan thlir a…

Zing thawh na la rei loh nen , chaw ei lai in.

“camping chhawng hnihna an ti leh dawn, a lut duh te hming pek luh hun a tawp tep tawh, lut ve rawh aw”

“ka hman lo”

“ni thum vel awh tur chauh alawm”

“exam a hnai tawh lutuk”

“mi an thih niin khawnge a zirlai bu?tiin tumah in an zawt ngai lo, pianthar kha a pawi mawh”

“camping a lut a, speaker in inhlan thei zawng lo ding rawh u , a tih a ding te chauh hi em ni piangthar kan tih dawn?”

“chutiang te chu ni chuang lo e, mahse tunlai ah te chuan camping ah te pathian kan zawn loh chuan sual hi a fing tawh em alawm”

“hnial hrat a lak chi ani lo, lut phawt la, a hmun ah va chian la, pawn lam atanga ngaihdan lo sawi ve ngawt hi awmzia a awm lo, kima te pawh an luh dawn kha”

“u kima te chu seventh day ania, ani pawh in luh a tum bik lova , a puanthuah an dah sak tawh a, a kal angai ani mai alawm”

“lut la ani mai”

Tih leh ngaihna awm tawh lo chu camping a lut tur chuan puanthuah chu kan pu phei ve ngawk ngawk a. biakin chhung ah inkhawm tan anih atang in speaker in blackboard alo hung ruau mai a….

A vawi khat na a tan “nih sual”(adama bawh chhiat avanga kan sual ) leh “tih sual”(keimahni in kan tih sual) chu thliar hran na kan han zir tan ta ani.

Chhun thingpui in lai vel in, kohhran a lo ngampa sa tawh , Sunday school zirtirtute chuan adama thei lo ei avang khan hremhmun ka tlak phah dawn lo, keima tih sual avang erawh chuan ka la tla thei” an han ti laih laih a. sawi tur hre ve vak lo chu kan ngawi dak mai a.

Chutah chawhnu lam pang ah speaker bawk chuan an sawi leh tan a, pathian min hmangaihna sawi a tum ni ngei tur ania ,teh khin thu an sawi a…

“mipa leh hmeichhia in hmangaih em em mai hi an awm a. mahse an innei thei ta lova. Tichuan khaw hran a awm mah ni se la, an in ngaihna an theihnghilh thei si lova. A hmeichhia zawk chuan , an vawk lian ber an talh apiang hian kum tin a mipa chu a sa rep a thawn thin a.

Hun al oral zel a ,Pitar leh putar an lo ni chho ve ta, a hmeichhia zawk chuan a mipa hnen ah chuan a sarep thawn kar ah lehkhathawn an zep tel a ‘ka lo tar chau ta tak tak e, hei hi ka vawksa rep rawn thawn theih hnuhnung ber anih tawh ka ring ‘ tiin. a mipa chuan vawksa rep chu ei phal lovin rap chung ah a rep hmak a, tuk tin a en zui thin a.

Mahse ni khat chu mikhual an nei ta hlauh mai a, chaw hmeh siam tur mai an neih rem chan loh avang in , an monu chuan an putar vawksa rep dah that chu chaw hmeh ah alo siam sak ta mai a, a tuk zing an tho an vawksa rep lo awm ta si lo , putar tah nasat zia chu……….” Hetiang aia tam tak hian pathian hian min hmangaih ani, tih a sawi tum na ni ta ber in ka hria a.

Mahse!!!!! Counseling class zawh hnu ah zawhna leh chhan na hrethiam lo tan hun an hawng ta tlat mai…..camper pakhat alo ding chhuak “ putar in a tah pui hawm hawm na, vawksa rep ei tu mikhual kha vanram a kai angem?” ati mauh mai…………

( hman hun a sawi zawm ah ………)

4 comments:

illusionaire said...

A title chu a va nalh ve :-)

misual.com ah ka link che a nia aw Pu Aven. Nia chaltlang ho chu kan tam a lawm, blogging world ah pawh hian :-) Kan tam leh lutuka, kan hnawk tan tawh a nih hi. hehehe.

Kum hi chu a lo liam chak fu a sin... Hna thawh leh phei phei hi chuan, eeee thil hi a kal zung zung mai a ni.

Sundancer said...

Boss Avena I hmel hmuh hi kan va lawm emmm :P
Ka nuih za ltk I thil ziah khi, ka haw chak tawh bawn hrilh chhawn leh turin.

Zorun said...

Hotupa nge nge bei un thei khawp mai, a ril leh raih mai..:)

avena said...

hehe chaltlang chu anuam alawm...ngaihawm ber mai...neuh neuh awm lo..a inti thu thu .. ngampat na kha ania........its one of the best days of my life......