Saturday, June 19, 2010

Hello

Tlai lam dar 6 a ri tep tawh, office atang in haw tum in ka inbuatsaih vel mek, Phone ah min be duh an awm a, recruitment exam kan buaipui lai mek pakhat zing a mi, candidate pakhat ania..tiin min rawn hrilh a.Tirunelvelli lam atang in a nia, hall ticket ala dawn loh thu leh, civil judge recruitment chu kan kal tlangpui dawn nge dawn lo tih a rawn hre duh hi alo ni a, kan website atang in en mai tur in ka hrilh a, a download theih chuan print mai theih tur a kan dah vek thu ka hrilh bak ah, G.O(Government order) thar engmah ka la dawn loh thu leh G.O. awm lai anga kal pui zel a nih thu ka hrilh bawk a. Chuan.......

Zan ah tui tak in ka mu, a tuk inrinni ania ka tho hma lua lem lo.chaw ei kham a newspaper kan chhiar chu "The Hindu" ah kan inbiakna vel kha an lo chhuah kulh mai a.Civil judge recruitment hi India danpui (constitution) ah chuan state Public service commission(TNPSC) leh High court in an tih dun tur ani a. Mahse, an tih tur chiah ve ve a in ziah loh avangin ; state sawrkar, state public service commission, high court ,ten kal pui dan tur an duan anga tih mai tur ni awm tak ani a,mahse an inrem thei lova, rei tak chhung recruitment tih theih loh a lo ni tawh ani(kum 5 vel ani).State public service commission chu sawrkar ai awh a recruitment ti tu tur ani a, mahse a rules leh procedures vel chu State sawrkar in G.O a tih chhuah anga tih mai tur ani a. Mahse, an pathum a inremna a awm hleih theih tlat loh avangin High court ,full bench in, high court registrar kha petitioner ah tan tir in, anmahni in recruitment conduct dan tur order an chhuah a, state sawrkar pawh G.O ,an order zui a amend mai tur in a ti ta a, a hun a bi tuk bawk ani. Contempt of court awrh theihna dinhmun anih tak avang in , public service commission meeting ah ka thlen nghal vat a, supreme court a appeal kan rel thlu a. Supreme court ah ka appeal ta a. Kei petitioner ka ni a, Registrar high court kha respondent ani ta thung a, Chief Justice of India ni thin KG Balakrishnan leh judge dang 2, court hma ah thu inchuh chu a kal ta ani.
Hetiang teh nuaih anih avang hian media lam in an ngaihven em em a.Interview min dil chhen hlawm a, tumah ka be duh lova, office campus chhung an luh pawh ka phal loh avangin candidate anga rawn insawi in min lo phone hi alo ni a.
Supreme court pawh in order a chhuah hlei thei bik lo aniang, thla enge maw zah an ngaihtuah hnu ah pawh " an 3 kar a inremna awm theihna dal tu ani lovang he case ngaihtuah mek hi" tih vel bak in thu an chhuah hlei thei lo.Hei vang hian TNPSC leh High court in kar ah palai hna ka thawk zawm ta chu ani deuh ber e. Engtiang a tih zui tur nge tih chu High court Registrar pawh in engmah thu a sawi ngam tawh bawk si lo, Chief justice leh senior judge dang pathum nen nitin deuh thaw , a issue awm kan sawi ho ziah angai a, chu kan sawi ho chu TNPSC ah thlen a member leh chairman te nen sawi ho leh a pawm ho theih lai leh pawm ho theih loh lai te sawi ho leh a..kual kual angai ta!!

Sawi ho fe hnu ah chuan thil dang zawng zawng ah inremna a awm vek tawh, mahse interview board a thu tur leh mark pek dan tur ah chiah inrem a theih loh, chutih hun lai a chief justice chu (delhi high court a chief justice a retired ta kha ania),thil dang zawng ah chuan TNPSC nen inrem lohna a awm lo, mahse interview board a thu tur high court judge ah khan ani chuan judge pakhat chiah , a nominate tlat mai a,
; interview board engzah pawh awm se la a pawi lova, mahse judge pakhat chiah hi a board ah chuan a thu zel ang a ti mauh mai.TNPSC lam in an duh bik si lo, chuan ani an transferred a, tun a Supreme court judge ni chho ta pakhat hi chief justice ah a rawn awm ta a.Inremna a awm thei ta. Supreme court kan hriat tir a, a case chu closed ani a, kan inremna ang chuan sawrkar pawh in G.O(civil judge recruit dan tur) thar a chhuah ta bawk.

chutah le.... civil judge hna ruak dil theih tih advertisement kan han chhuah hnu deuh lawk ah, court a thawk ,law degree nei ho pawh in an dil ve thei ang tiin high court in order a rawn chhuah leh ta mauh mai, an lobby chu ani ngei anga court a thawk ho khan( a G.O ang chuan advocate, state bar council a kum 3 tal in register tawh, practicing lawyer, minimum mark Law degree a an hmuh zat tur ...etc tih vel ani ).
He high court thutlukna duh loh avang hian a state pum pui ah advocates ho in court an boycott char char a, thla hnih dawn thaw inremna an nei thei lova,....an advocate hruaitu ten a khat tawk in min rawn hmu deuh reng a, state sawrkar ah pawh pressure an pe nasa em em a...state sawrkar in recruitment tih dan tur G.O chu a amend ta bik hrih chuang si lo.Heng avang hian application kha process lo ta ngawt ila, examination date ruat lawk vek ani tawh a, thil tih chi ani si lo. G.O. nge high court order zawm tur tih avangin application endik tu te khan an duh zawk zawk kha zawm ta ngawt se la ani thei chuang si lo. G.O ang in kal pui phawt ila, a bak chu thil in her chhuah ang zel in ..tih chu ka thu tlukna ani . Court a thawk , law degree nei ho application zawng zawng chu ka reject tir vek tawp mai a, a hran in record fel tak siam in ka dah tir ta ngawt!
Hetiang teh nuaih anih avang hian High court nen a meeting kan neih reng reng ah ; chief justice leh judge senior ho hnen ah pawh, a sensitive tawh zia te, keimah ngat phei chu north-east mi ka nih avang leh mihring 'clean image " nei, tumah in caste/politics ..etc vel a an "question" theih loh tur ka nih avanga min dah anih thu te,he thil buai hi a kal zel chuan recruitment dang te pawh mi in an question vek anga
( sawrkar hmasa lam in kum 5 chhung teh meuh sawrkar hna thar lak alo khap tawh a, sawrkar thar in hnaruak zawng zawng hnawhkhah leh a ti bawk sia, kar tin deuh thaw recruitment exam kan conduct thin ani)., "blown out of proportion" an tih thin ang dinhmun anih tawh thu te, a post a ka va thlak pa pawh keimah aia kum 10 chuang daih a senior anih thu te leh , hetiang thil avanga transfer ka ngaih phah anih dawn chuan thlak na tur state sawrkar tan pawh a buaithlak dan tur te pawh ka sawi ve.
Hetiang vel anih nuaih lai hian candidate pakhat anga rawn insawi in "The Hindu" ho chuan min rawn phone a, a tuk ah news item ah an rawn chhuah zui ta a. He news item chung chang ngaihtuah tur hian high court in full court meeting ( High court judge 40 vel an ni ta in ka hria) a hranpa ngat in a kova, registrar tak ngial pawh tel ve phal tawh lo in, chief justice leh High court judge 40 rual chuan an rel zui ta a. An thu tlukna nghah chhung erawh a rei duh in , hun a kal muang duh churh churh ngei mai!!

22 comments:

diary said...

Hei hi engtik a thil thleng nge? Phone call i va dawng hlauhawm ve a!

avena said...

diary:nikum ah maw le...mizoram lo chhuah hma deuh lawk thil ani!

Zara Ralte said...

Sawrkar hotu te in lo buai hle alo nih hi. I thuziak hi ngaihnawm chan te pawh a chang e. Court thu tlukna chu lo chhuak se State sawrkar lamin an duh lo leh anga ava buaithlak duh awm ve aw. Nang lah Mizoram ah i awm daih tawh bawk si nen engtin nge ni ta zel ang le? tiin i update leh hun lo thlir ve ngawt mai teh ang.

avena said...

Zara Ralte / Lalzarzoa:
Mizoram ka chhuah hma chuan kan ti fel hman alawm. Ni e, i zawhna hi zawhna awm tak pawh a ni e. Ka ziah vek chuan a sei dawn lutuk a ka ziak zo duh ta lem lo anih khi, tlem kan sawi belh ange,ngaihdan siam thiam leh zual nan...
1. Civil judge recruitment khi post 201 hnawhkhah na tur ani a. Kum rei tak chhung tih theih tawh loh anih avangin post ruak a tam hle tih chu a hriat nghal a. Chuvangin court case pending a sang ang reng khawp mai a. High court pawh hian filled up thuai chu an duh ve tawh reng reng ani.

2.Bar assotiation khian court an boycotted tih ah khian, chennai chauh ani lova, Tamil Nadu pum pui ah ani a.Chuvangin court a function thei lo tawp ang vel ani mai e. "the hindu" in news item a chhuah lai vel tak phei khi chuan "indefinite sit in strike" an tih ang hi chennai a hmun ual au lai ber ah buatsaih an tum mek lai ani a, high court in a order a sut leh hma chu neih an tum mek lai ani a.

3. Chief Justice leh senior judges te nen meeting kan nei thin ka tih khian recruitment leh a kaihhnawih theih thil issues tam tak ka sawi pui thin a. Ka dinhmun min hriat thiam pui hlawm em em a. Mahse anmahni mi 4 vel thu ringawt a kal tlang chu an ti thei mai bik si lo ani.

4.State sawrkar lam ah chuan home department,G.O issue tu tur nen chuan kan inbe reng thin a. G.O. chu tih danglam leh chu an tum lo khawp mai a. Supreme court a thu kal zel chu theih tawp a beih zui phawt an ti deuh a. supreme court lah chuan TNPSC kha constitutional body anih ve tho avangin High court lam order chhuah kha a upheld ngawt hlei thei bik si lo ani.Tin, tuna soliciter-general ni ta hi supreme court ah chuan kan ruai a, ani mi thiam alo ni ve bawk si a.

4.Chuan vanneih thlak tak in high court full meeting chuan , G.O chu amend hran ngai tawh lo tur in an order siam chu sut an a. Kan lo kal pui tawh ang chuan kal zawm zel nghal tur in min ti ta zawk a.A hnu ah meeting kan neih ho leh chuan , anmahni pawh in litigation a awm an hlauh ve tho thu te, awm ta se la tu court ah ber nge a kal dawn an sawi lawk thei bawk si lova, recruitment lam hre miah lo hian stay order te a chhuah mai chuan a buaithlak dan tur te min hrilh let letling a!!

Sekibuhchhuak said...

Keini phone dawngve ngawt ai chuan avan pawimawh si ve. An buai hle tak mai, nuaih nuaih a:-)

Varte said...

i tawngkam khat chauh pawh.. tih a va ang awm ve. Mizoram i awm hnu-a thil thleng niin ka'n ngai hman tep a, a pui thin rup rup hle mai..

Unknown said...

Ka mutthlu lek lek :D

sawmpuia said...

Hotupa ka chhiar a kalo hah tawp..in chingfel thei chu lawmawhah ngai ang...

David Ralte said...

Civil judge recruitment atang khian ka bo tan a, a tawp hnaih lamah chuan eng lam pang nge i sawi ka man ve dawn vuaih vuaih chiah a ni :)

Maipawl pu lovin bengvarna erawh ka chhar e, ka phone dawn thin nen chuan a inang lo kher mai :D

Anonymous said...

Phone call i han chhan dan te chuan nghawng a van nei nasa ve le! Keini call dawn ve te chu, ''Gas a lo thleng dawn, lo va in tlar ve nghal rawh'' tih vel te a nia :-)

Nangni ho dinhmun pawh hi politicians ho dinhmun ang deuh...hming thra thut thei, thawk leh khata hming chhe leh rup thei. Fimkhur reng reng a trawng a ngai awm si...

-bmw

avena said...
This comment has been removed by the author.
avena said...

sekibuhchhuak/varte/chhangte_ll/sawmpuia/david ralte/pi bmw

hetiang lam hi chu vawiin ah india today/tribune vel a editor in chief ho te nen workshop a sawi ho pawh in boruak a sang khawp mai!! National news paper ah pawh duh tui ve ber pawl tur a ka lo rin "The Hindu" te pawh in an tih duh chuan........ tih rilru ah alang!!

press statement pawh ani lova, enga tinge an chhuah tiin advocate thenkhat chuan min thinrim pui viau.mahse tluang tak in a kal chho thei a lawmawm e.

caribou said...

Avena chu leh. NEHU Campus Japfu Halls a tuk-zana ka dal hawp pui kha i ni lo maw?

I thil tawn khi a lo hlauawm em a nih khi maw le.

Anonymous said...
This comment has been removed by a blog administrator.
Anonymous said...
This comment has been removed by a blog administrator.
avena said...

Caribou: tunge i nih ang tih han rin chhin ngaihna pawh ka hre lo e.Mail ah rawn insawi mai teh. Rotlingpa kha a hming tak hre miah lova Speaker-a ti a kan koh avanga speaker-a tih a hming emaw ti zing ah kha chuan i tel lo em ang chu maw!!

A hlauhawm lam chu thuhran nise la, kan tum ber kha enge maw vang mai mai a hlawhchham chuan pawi dawn em alawm. Kum 5 vel chhung an tih theih tawh loh kha han tih hlawhtlin ve meuh chuan rilru ah mahni ah "self satisfaction" a awm vang vang ve maw le.

zochepa said...

tI HIAN I BLOG HI UP DATE VAT VAT THIN TEH KA LUT THLAWN ZING LUYTUKA ,ka luh loh hlanin i lo update ng lai si, i thusai ho lah han sai pui vak nhaihna ka hrelo

avena said...

zochepa: ka lo tum dawn ania.Hna lam a buai deuh hian rilru lam a hul leh tlat thin alawm maw le.i lo lenglut thin a lawmawm e!!

caribou said...

Ka email chu maw:
lalhmaa8@gmail.com a ni e.

avena said...

caribou...botany subj kha em ni i nih leh aw?

Dawldanga said...

Ka tum vang ni lo, kut hlei vang liau liau in ka rawn leng lut ve nawlh mai. Hmaih nei miah lovin ka chhiar chhuak dap a; a ngaihnawm tih bak sawi tur ka nei lo, chhiar pawh ka chhiar rei khawp mai. I update hun ka nghak e.
- Dawldanga

Chda said...

Kan officer chhuan ber ber te zing ami i ni bawka.... buai theih fu ang..hehhehe