Wednesday, December 2, 2009

Zing kar

Tunlai chu thlasik boruak te alo thaw ve leh ta bawk a, zingkar boruak anuam thei ang reng hle mai. Zing dar 5 pelh hret ah pawh khum atanga han harh chiah hian tukverh ah han hawi chhuak ila khua alo eng tawh a, zing ni chhuak hnung puak chung a thingpui no han dawm khuk deuh vat vat pawh nuam tak ani.

In atang in han chhuak ila, kawngpui kan han thleng chiah a , dai in vaivut a chiah hnawn la hul chiah lo ah te hian zan lam a kawng kal ho rahna ni awm tak hi ke hniak te hi alo la lang chiang hle mai a,Agape camping centre lam ah han kal zel hian kawng chhak lam a thing leh hmunphiah hnah vel a dai tla te chu ala far deuh kauh kauh hi hmuh tur a awm a. Arsa rimnam kung ah te chuan tlaiberh sava hi an lo rak nawk nawk hmuh tur te pawh ala awm a, sava pakhat chawngzawng tiat vel tur, a taksa chunglam dum, a hnuai lam var te hi kawngpui ah te hian an lo sawt zau zau hi hmuh tur a awm zauh zauh bawk a. Agape training centre bul vel ah a thlang lawk tlang pawng a phul hmun deuh ah te chuan hman ni zing ka kal pawh vahlah rual hi chil chhuah tur an lo la awm a, a mak ka ti ang reng hle mai. Kan naupan lai ti ve ta mai ila te kha chuan vahlah rual hram thawm hi zuangtui ram vel a kal te chuan a tam thei em em a, tunah erawh hmuh tur a van tawh teh reng nen kawm thlang lawk ah an awm leh tan tawh, a bul vel a in nei tu te phei chuan tlai lam ah te phei chuan um phak tawk lek lek ten an tlan vel thin tih an sawi han hriat te phei chuan a ngaihnawm ang reng hle mai. Mahse, agape camping centre thlang lawk saisih ram an tih mai a kan naupan lai a tam ve thin ang reng tak vaki erawh chu vawi khat mah ka la hmu leh lo thung a.... tlem a kum lam a upa deuh tawh te ka han zawh a tunhma chuan saisih tui hi sai in an tlan thin a, huai te pawh nei a sawi ani tihte min hrilh ve leh ta zel a...tun a achhak lawk a mihring chenna in lo ding thluah ta mai te nen a khai khin chuan ramsa ho khawsak na mihring in kan luah chhoh mek zel dan te pawh a ngaihtuah theih e....!!
han sawi tak zel ah chuan ka hriat ngai hleih loh hian mi hi tho hma fe fe an va lo tam tak em tih hi ani. Aizawl theological college lam kawng ani emaw, bawngkawn Leitan chhuk kawng ani emaw zing kar ah te han kal ve te hian exercise la mi tha hnem tawk tak hi tawh tur an awm ve ziah nia maw le!!

17 comments:

diary said...

'Zing kar' a hla deuh a bazaar i inhmeh hmel. Mipui phu nuai nuai karah, ramsa leh sava vel awm miah lohnaah pawh i hlim phian hmel tho mai ka ti.

avena said...

Ekhai zing kar in tih kha keini tan te chuan a tlai tawh em alawm...Rotlingpa zan nula rim haw lam leh inrinni zing mi vawk talh tur an intawk thin ang vel ai chuan ka la hma lutuk lo alawm maw le...heheh..zing ah han tho hma la , han kal kual vel chhin la, ti chuan mi tho hma fe fe an lo tam zia han hre ve reng reng teh le!!

Varte said...

Zoram zing boruak thiang kara han hawi khawthawn vel chu a nuam ngawt ang, thla a sik tawh a, zing daifimin a bawh tlangsam par chik chekte i hmu ngei ang a, fam hnu rualhlui te pawh i hre chhuak vawng vawngin ka ring...

keini ram hi chu an tho hma hlawm khawp a, office kal tur zing dar 6:45 velah ka chhuak hi Bus stand-ah chuan a maka mak hi an lo tlim hmur tawh thin zu nia...!!!

Clayton Doliรฉn said...

zing kar hi ka nei meuh lo :( Chuan i pang a kham hma ve tawh a ni maw :P

Unknown said...

Tlai khaw hnuah insawizawi thatzia i hrechhuak ani maw..Lolzzz....Durtlรขng ah hian tlaiberh nilo sava dang a awm lo emawni le ??

Sekibuhchhuak said...

I veng lam saw chu Durtlang rau rauah pawh avawt bikin ka hria!:-)

avena said...

varte: i va han tho hma thei awm vek vek ve le aw..vai pathian i thawh khalh fo dawn tihna ani maw...!! mahse thawh hma chu a nuam asin nileng in kan harh deuh vak mai a...!Ni e i rawn sawi ang hian naupan lai a sikul chawlh a zingkar a inkhelh pui te pawh rilru ah an lan chang a tam ve khawp mai..a then te phei chu zing vah vel pah te hian an mu lai kaihthawh chang te pawh ka nei nual mai ka ti :)

Doliana: zing kar chu neih lo tum ve deuh tawh teh , i hrisel na atan pawh a that ka ring tlat ani!

chhangte_ll: tlai khaw hnu han tih em tur chuan insawi zawi te chuan tlai tak tak anei dawn em ni? in sawi zawi ngai lo ai chuan hrisel nan pawh a tha zawk ang chu maw le...!!

sekibuhchhuak: nia maw le, a vawh te pawh a lo vawt deuh zawk ve reng mai thei asin!

David_Lutmang said...

Kan zing kar chu a va in ang lo ve :)

vawksa rep chhum ei tur khawpin i fit tawh em aww?

avena said...

kanidar: nia maw le, zing i tho hma thei fua fua viau lo maw? han kal kual ve chhin reng reng teh a nuam mai mai ania...mawiteii te nufa an dam tha zel tur ah ngai ta ila, chevrolet-aveo a inphur kual vel tur hmel hmuh a chakawm hle mai...!

David_Lutmang said...

Tun 16th Dec hian kan in phurh kual leh hmel khawp mai, 17th hian Kritmat hmang tura rawn chhoh kan tum deuhva. Ka nu a rawn zin a, car hian kan long journey pui ngam a nge maw.

Nia, zing kar a han tei thawven vel chu ka chak ve thin khawp mai, mahse keini zing kar hi chu a tawi tak zel mai rih a nih hi.

Khi, thuziak lam pawh i lo timi fu mai a, ngaihnawm khawp mai. Nimin khan ka chhiar chiang hman lova.

Unknown said...

2009 kum tawp lam meuhah chuan update ve ta ngei ngei maw?

sava pakhat chawngzawng tiat vel tur, a taksa chunglam dum, a hnuai lam var te hi kawngpui ah te hian an lo sawt zau zau hi hmuh tur a awm zauh zauh bawk a. I sawi danah hian Chinrang a va nih hmel ve? Chawngzawng aiin a lian deuh chuan Chinrang a ni ka ring.

avena said...

kanidar: ni e rawn haw chho vat mai teh..i hmel te han hmuh a, i titi ko tlang a chilthli tla duah a han dah vel chak in dingdihlip in kan lo thlir reng ania.krismas chawlh lai vel chuan vawi khat na reng reng chu Pi finali ei rawng bawl hmang a inhnawh puar lo in beisei ve ngawt ila , kan rinna a thlawn lutuk lem lovang chu maw!!

chepa: ni e, chinrang pawh chu ani mai thei ani i han sawi tak ah chuan, tuikhur bul hnai leh tlem a ruam deuh ah te ka hmu ngun leh zual a ka rawn sawi sava ang hi chu. i perh thla tawh em?

Unknown said...

I sava sawi chu a thla-ah a varin a tial chuan chirang a nih ngei dawn chu, a tlatna hmun i sawi dan vel pawh a nih chiah hmel e. Chinrang te chu perhthlak mai bakah, hamthal nen pawn ka ham thla tawh mawle. hehehe

virgochhas said...

heti lam ah ve thung chuan sunrise pawh 7:15am te a ni....zing thawh a har...ka alarm ber ka fapa lah in thawh a hai fo mai sia office kan tlai reng mai a nih hi...

hai re hai

Anonymous said...

Heya i am for the first time here. I came across this board and I to find
It truly helpful & it helped me out a lot. I'm hoping to offer one thing back and help others such as you helped me.

Visit my blog; Recommended Web Site
My webpage - Iamsport.org

Anonymous said...

Simply wish to say your article is as surprising.
The clearness in your post is simply nice and i can assume you are an expert on this subject.
Well with your permission allow me to grab your RSS feed to keep updated with forthcoming post.
Thanks a million and please continue the gratifying work.


Also visit my blog post :: baseball bat collection

Anonymous said...

Very rapidly this web page will be famous
among all blogging people, due to it's good articles

Also visit my web page rx7 fd for sale