Tuesday, March 31, 2009

Ni khat chu

Hrangbana College, Aizawl atang in BA kan han zo ve a. Chutah NEHU (shillong )ah MA kan han zo ve leh hram a, chutah Aizawl lam ah kan han haw chho a, UPSC(civil service) examination ziah te kan han rilruk ve a, Coaching class kal bawk si lo chu, mahni a in hai ven chawp angai,a va han bo theih in, a va han buai theih tak em!

First optional chu MA a ka subject lak pangai tho a lak nghal theih mai a, second optional tur in rilru a ti buai ta hle mai. Aizawl ah lehkhabu tha lei tur awm bawk si lo!! Syllabus leh lehkhabu rawn lar zual te, journal lar zual te delhi a zin tur chah mai bak ah , lehkhabu dawr lar zual te an address zawng in book-post ten chah tlauh tlauh angai. Chu mai ala ni lo.... national newspaper pakhat "The Hindu" ka subscribe ve lah chu zoram news agency, treasury square ah kar khat ah vawi khat te a thleng , kar khat issue te hi a hlawm a lak ani thin; a chang leh ruah te hian alo nan zawp a, ro leh khir deuh uaih a kar khat issue a hlawm in ni khat a hawn chang lah a tam! study material dap khawm hnu a chhiar ve leh duh bawk si chuan hun a kal chak duh khawp mai...chutia mahni tawk a mawng vawm ba an tih ang mai a , in duhthawh em em a ka buai ve em em lai chuan......

Ni khat chu ,chhungte an chhuak fai tawh , ka in buatsaih dawn tan chiah phone a rawn ri...

"hello"

"....a awm em?"

" awm lo"

"bye"

Rei vak lo ka chhiar a, ka han in buatsaih leh dawn tan chiah a kawngkhar an rawn kik a, ka hawng a ,kawngkhar kan hawng a, em phur hmeichhe pakhat a rawn lang a...

"lo lut rawh enge in duh?"

"chawhmeh in lei duh em?"

"a lei tur an awm lo tlat mai, keimah chauh in ah ka awm a"

kan inthlah liam leh ta hram.

Chu ti chuan rei vak lo chhung chu newspaper a issue in ang deuh ho a ka hriat sakawrbakcheh in ka chep thla a ,a hnu a chhiar leh awlsam nan leh source dang atanga chhiar zau hman a chhiar belh ah ka clip khawm a, ka tih zawh hma in kawngkhar kik ri a rawn awm leh a, ka han hawng a...vaipa buara pu hi a lo ding a

"ka pu thirchhia....bottle ruak hralh tur in nei em?" a rawn ti mai chu, hman hmawh na nen, ka tawng chhuah hma in ka melh vang vang a......

"Nei lo tlat" tih sawi rual rual a kawngkhar khar nghal ani tawh mai.

Chuan ka han in buatsaih ve leh a,ka rilru ah a rawn lut dawn tan chiah tih hian kawngkhar kik ri a awm leh ta tlat mai....thawh a harsa talh tawh mai.Thut hmun atang in.....

"I sawi duh chu kha ta tang khan sawi mai rawh....."

tih chu ka thut hmun atanga ka chhanna ani ta mauh mai...chuan a reh leh vang vang a..a rawn kik nawn leh a, ka va hawn chuan kan unaupa, Aizawl a rawn zin, kan in a riah rawn tum chu lo ni in...

"ava hrilhhai thlak ve maw le" an ti zet chu ka in ngaihtuah chhuak a ,kan han nui dun leh kar kar phawt a....Tlai chaw ei hma chhung inkhawm dawn tawh, thut kim thap tawh hnu in a sawi chhuak leh a,kan han nui tlang leh dar dar a....ka ngaihtuah leh a, vawiin thleng hian a hrilhhai thlak tur zia vel te..mahni in rilru ah ka la nui ka la nui thin.. :)




27 comments:

vana said...

Nikat thil thu ah kawngka kik tu i va ngah ve mawle, tun hun ai chuan a tlem tho chuan ka ring:).

Kik tu tam hi hetiang i nih ang nihna a nih dawn chuan 'kiktu ngah' nih zir ngai nih chu. Hman deuh a Aizawl a materials van zia min ti hre chhuak e.

Unaupa te tan chuan a hrilhai thlak ngot dawn a nih chu. Kei chu ni ila ka chhir bur ngei ang hehe

faka said...

he he he! Hotupa, post chhang a va khat bauh bauh ve le! I han ziah ve tawh hi chuan a hlimawmin a ngaihnawm viau zel mai...

ALEXXfender said...

I rawn zin hun ah, pawn atrang i sawi duh chu i sawi hmasak ve phawt a ngai ang.

Zorami said...

Thil dang daih,I lo taimak zia tur hi ka ngaihtuah.Khatiang lam kha I ron ziak don maw ka tia ron tih deuh duah ka tum a mahse a core topic nen in ang lo em mai ziak leh lo mai ang.

Puia said...

Ekhai, a tawp a tawpah chuan update a ni ta nge nge maw... A la ngaihnawm phian lehnghal a, a manhla hle mai. Thil zuar sawi takah chuan rit tak takin an rawn phur hram hram a, lo hnar ngawt mai kha har ka ti thin a, keima thua ka lo lei ve ngawt chang hi a awm zauh zauh.

avena said...

vana:a ni khawp mai aizawl chu materials vang tak ani, i lo buai ve thin fu ani maw...i chhir bur dawn chuan kawngkhar chhah deuh hlek neih a ngai dawn anih chu :)

mafaka:I ti lawm awm e..kan hna ah hian office ah kan tawm tawp ani deuh ber mai a, vah chhuah khat chuan ha hawlh zawng han tarlan tur avang pharh mai ka ti!

Alexxfender:Nia theih phei se lang chuan in loadspeaker lo ngaihtuah la, in tukverh ah kan dah lut anga , pawn atang in kan sawi anga ni mai alawm :)

zorami: khang hun lai kha chuan a buai ve theih map map khawp mai. Chhiar tur tam bak ah a dang chhiar belh leh tur ala awm thei angem tih ngaihtuah reng reng a hun hman ania!

Puia: Ni e tiraw hotupa,a thente phei chu zokhaw lam atang in zing chaw pawh ei hman lo te an nia, aizawl vel ah nileng in thil zuar in em an han phur zui a, an khawngaihthlak awm asin!

chhangte_ll said...

Phente, I va update tha peihlo ve. Chennai a tlawngawl deuhin i awm emaw tia :)

Aizawl atanga Exam chu a har fu ang.

In kawngkhar chu a luck hle anih dawn chu. A ninawm duh ngawt ang - Mahni a in nghah i ngam reng reng a ka ngaisâng riau che alawm :))

Awzzman said...

Pu Avena chu, chawhmeh zuar, vai thirchhe zawng te`n a an tih buai rawn che pawn..Babu ila ni thei vah mai a....!! ka ngaisang tawp che..

kei chu civil service exam hi ka zak tlat ! lolz..main in ziak kai ringawt pawh hi ka ngaisang tawp...CDS kan ziak ve..SSB ah kan la tla tluang zel anih hi...kei ve chu..

aduhi said...

nikhat chu..tih ka hmuh khan ka rilru ah..."arpui sente hian buhhum a chhar a" tih lo lang tlat anih chu.

azassk said...

nikhat chu he i thil sawi hi ka lo chhiar ve a, ka hlimpui phian anih hi:)

avena said...

chhangte_ll: up date tur in thu sawi tur ka hmuam trun vak lo ani ve mai thei....a hun lai a ka buai theih zia erawh rilru ah ala thar leh thin :)


Awzzman: han ti la tling nghal mai ang...kei ni te pawh in kan tih theih te chu nang ni te phei chuan a aia thra in in ti thei ang chu.

aduhi:buh hum kan chhar ve hlauh ah chuan ka in ngai ve alawm....mihring in theih tawp chhuah phawt ila, mihring tih theih bak ah chuan Pathian ....tih hi ka hriat thiam ve dan ani e!!

azassk: zarbawiha..han ti fan fan teh , i zo tep tawh ania...ka MA passed atanga civil service ka inbuatsaih hun chhung hi thla tam a awm lo...MA zir zawh hlim in MPSC in lecturer tur in min la ve..appointment letter vawiin thleng a la hmu lo te pawh ka awm ve hi!! MA zirlai a research tih tum ve, tih ngaihna awm tak loh vang a civil service ziak ta mai te pawh kan awm ve tho hi maw le!!khawvel hi zawng khawvel alo ni e...!!

Zaia said...

Haha....
Keni pawh.. ni khat chu - kan (office) room-ah lehkha kan chapdarh nuaih a. Kawngkhar atang chuan thli a rawn luh thin avangin kan khar phui a, a rawn lut apiang kha 'khar leh nghal rawh..' kan lo ti zel a.

Kan pu ber a rawn lut dek dek a; kan thianpa pakhat chuan en mang hlei lo kha, lehkha leng tur dan pahin, ring mangkheng khan, 'Khar rawh, khar leh nghal rawwwwh,' a ti a.. ani pawh chuan thu awih takin a khar ve leh maia! A hnuah a zak teh asin! Tun thleng hian Pute nen chuan he thu hi kan la nuihpui..

virgochhas said...

chutianga zir chuan i lo in ziak tling a maw...ka ngaisang zual sauh che...

cs_jil said...

Sir Vana zarah hei thu ngaihnom tak te kan ciar ve thei a, lawmawm hle mai.
Keipoh mizo zingah chuan ka ngaihsan ber (pawl) chu ila ni reng mai. D.U a MA kan zir lai khan PG Hostel a kan senior te zong2 in an tum chu UPSC (as in IAS i guess) in ziah tlin a ni top mai .... lecturer tih vel mai mai kha chu a hniam lutuk nge, alang lo, sawi pawh an sawi ri ngai lo.
Coaching etc tello in mahni in i in zir tling tawp ania, i ngaihsan awm ti leh teh ang :)

ALEXXfender said...

virgochhas said..."chutianga zir chuan i lo in ziak tling a maw...ka ngaisang zual sauh che..."
Entawn a thiam emmm a lom...

avena said...

zaia: hehehe, chu in pu ber pawh chu in vin hlawk hlawk mai ani maw.High school kan kal laiin vawi khat chu kan thianpa Rammawia Kawrlum hi maawmi hian alo hak sak chu ni in,sports lai ania Rammawia emaw tiin ka veh a a hnung zang ah kan chum mai chu..ka chum hnang tep alawm..tih chi loh tak tak.. :))

Virgochhass: a hun lai chuan mahni tawk ah buai theih rem rem tak ani. Football(EPL/champions League) en ka atchilh vanglai alo ni bawk nen...!

Cs_jil:chuti maw!

Alexxfender: hehehehe..Pune in awm lai han thawh ve teh...Virgochhass hian "scooter a nei a, a sam a sei" tiin a hre thin che ani lawm ni :)

samuelapa said...

Beisei a bo ta maw tih hnuah a rawn update ta hram a. Ratu atangin UPSC Exam inbuatsaihna lamah kan pakai ta. A ropui viau don emaw tih laiin vai thirchhe zong te an lo lang leh bawk. A va han chhangchhiat theih ngai ve le...
A ngaihnom fu mai. MCS Topper pakhat pawh kha ccb pakhatin a interview a, a news source ber chu ZOENG weekly a ni ve tlat.

burgerstud2005 said...

Va ngaihsan awm ve aw.Keipoh Treasury Sq. a Mizoram News Agency ah ka la thin a,a nuih zat thlak thei lutuk.Kar hnih chhung a cc bu thleng khawm lak thin te a ni a.Chhiar a peih awm loh thei lutuk.Fur lai phei chuan a huh deuh zuih leh nghal a.:(

Mahse mi taima tan chuan kawng a lo awm zel alawm le.

avena said...

Samuelapa: ni khawp mai, vai thirchhe zawng pawh khan a ei zawnna lam ah tha hnem ngai tak in a vak kual vel chu ani awm si a...kan khawvel hun hman dan ah buaina lam a in ang lo ani ange!!

Burgerstud2005: zoram news agency chu ilo bel ve thin ani maw..vespa select scooter ngei mai in kar khat issue vel nikhat a han hawn bawr laih mai chu TV news en ve phei chuan editorial leh column vel bak chu chhiar tur a tam tawh lo thin khawp mai hahahha....mahse a awm chhun ni miau hek le ....tunah hian ala awm em le aw?...

Geminiboyz said...

Chetchiat hi a hnuah a nuihzatthlak duh a nia aw... Ka nu phone ka tum a, midang ka be daih a, ka nu biak ve hmiah hmiah tho. A hnuah ka hrechhuak a, ka zak khawp mai. Mahse min tinui tu a la ni fo thin. A thupui nen a inrem a, min tihlim khawp mai

avena said...

Geminiboyz: chu i va be sual chiang awm ve a..:D

David Ralte said...

Vai hoin min hriatthiam pui hauh loh tur, eng eng exam/interview na atana Mizoram atanga kan inbuatsaih na kawng hi chuan harsatna neuh neuh a tam bik asin. Nang pawhin khi boruak chi hrang hrang karah i sual chhuak a ni ber a, i fakawm khawp mai.

Sawi duh pawn atanga sawina i blog ah hian fit ve la a tha ang, rawn lawr ve chhen kan tum awm si a :D

avena said...

David Ralte: Hotupa chu i rawn dak lut a lawm awm e...i sawi chu a dik khawp mai vairam a nun phung pangai leh an nitin nun a chhiar ngai miah lo a an hriat hi keini mizoram lam atang chuan chhiar hi a ngai ta mauh mai thin a....Indian temple architecture vel han chhiar a,vimana/nandi/sanctum sanctella..etc tih vel te an awm nuk mai chu temple a la kal ngai miah lo leh la hmu ngai lem lo tan chuan enge anih awwwwwww? kan ti vawng vawng mai a, a lem kan zawng kan zawng mai maw le :D

I rawn rak bawrh bawrh thin dawn ania, duh duh a han inkawm kual hi anuam alawm maw le!!

chhangte_ll said...

Update tawh teh a, Nikhat chu tih hi kan chhuahsan har tawh em ma - Phente :D

che said...

Va ngaihnawm ee, i unaupa chu a hrilhhei fuu dawn a ni chu.

samuelapa said...

Thu ngaihnawm deuh dang han thai leh teh. Zoram lam te pawh kha...

avena said...

samuelapa: ekhai buai viau hnu ah taksa hah in a han zui meuh chu thu ziah tur avang raih hrih mai...hman ve leh thu nawi chu rawn phawrh ve leh ka lo tum dawn ania...