Sunday, December 2, 2007

Ur Lawk

“Awmte-a chu I va ur lawk hma ve”

tih ri kan hriat rual chuan , awmte-a lam kan hawi thap a. Ani chu a , biang ding lam hi alo chat dum deuh iar a, a damdawi atan glycerine hi alo hnawih mawm hlap mai a. mipa naupang harh rual, zing leh tlai a, thlasik khaw vawt hnuai a, vaivut khu kar a inkhel thin tan chuan, biang alo chat dum ta pawh hi , thil awm lo lutuk ani lo e!

Mi dang te pawh chu , biang a chat lo ani mai a, kut leh ke vel te chu chat nasa tak tak hmuh tur a awm nual mai. Kut a chat nasat avanga kut vun ,sangha phu hlip, tangkawng vun ang tak tak te chu kan awm nuk mai.

Hmui lah chu, hmui liak huh ching ho chu , an heh a rep iar mai a, thenkhat rep nasa zual te phei chuan , an nuih zawng a , a thi thin thu te an sawi hial! Sangtea phei chu a ha hmai hian a hmui hnuai lam hi a pet thin a, a peh na ang chiah chuan a hmui hnuai chu a chat kual deuh raih a, enge maw tum reng vang a tih te pawh a ang ang reng phian. Enge tunlai ah pawh ‘tatoo’ hmang in vun an chei rang ve tho alawm kan ti tawh mai ani ang chu!!.

Chu mai bak ah, mipa naupang harh rual ni ta chu, kan han vak chhuak te hi thawmhnaw lum inbel, lo theih nghilh tawk te an lo awm a, khaw vawt tawh si ah chuan hritlan alo awl nasa mai si a. hnar kua atanga 11 rawn lawr vung tawk te an lo awm bawk !!

Mahse, heng chat te leh heh rep te han hmuh hian, kan hunpui , kum tir lam atang a, tuktin calendar en a “ni heti zah hian ala dang” ti a , kan chhiar thin chu a lo in her chhuak hnai tial tial ani tih a hriat theih a. zing ah ni chhuah hma in han tho ila, khawlai ah, changpat hi vaivut kai liai hian alo let phauh phauh a, hnim hnah te lah chu zan lam a tla dai in alo ti huh hliam hlawm a. zing chaw ei nghak in , ni lum hnung puak in kan han ai khawm a, krismas hman dan tur te, dawhthlak tur te kan han in rin siak laih laih a, nuam ve ang reng tak ani.

Kan hunpui lo her chhuak mek leh,chu mi lo nem nghet tu leh chhin chhiah na ang tluk a, rual u zawk ten an lo sawi thin; thingkung par chi hrang hrang te chu hla leh thu ziak a chhiar mai loh chu , a tak a hmuh tur in ,kan hmuh phak a awm ve tur awm chu kih fai vek ani tawh a. Kan mitthla a han cham deuh vang vang tur in , kan var pawh pha lo tlang em aw? tih theih tur ani a. Amah erawh chu chat leh heh rep te chu, kan pal tlang tlan vek anih avang in he hunpui rawn inher chhuak mek nem ngheh na ang ah kan ngai ve dawn anih chuan , kan var pawh tlang khawp in a rinawm, nge taksa, vun , hmui, leh hnar thleng in kan 'ur lawk' kan han ti zawk dawn em ni!!!







30 comments:

amuana said...

Ti ve khanglang ila, kan naupan lai chuan ka hmui hi an rep nasa thei khawp a, nuih zawng te hian a thi sawk thin a, chutiang khawp a, heh rep chuan Boroline hi kan ngeih khawp a, zan mutnaah tam tawk kan hnawih hlup mai a, zingah chuan a a lo hil duak thin.

Pu Avena, i ziak ngaihnawmin pan lai a ngaihawm rum rum thei mai a lawm le. Ka ngaisang che

Puia said...

Ekhai, lung a tileng hle mai. Nikum kha urlawk danah ka bo daih mai pek a, kumin erawh urlawk zanah in lamah kan tum kuk dawn te pawh a ang hle mai.

Hmuirep sawi tahah chuan Pathian zarah hmui rep lutuk ang chi hian ka la awm meuh lo a ni mai thei, han sawi vak tur ka hre law, mahse, hmui rep thin te chuan tui in tam a tha, a reh hmak mai. Taksain tui a tlakchham vang a ni tlangpui thin si a.

A reng rengin kristmas hi chu a ni tak aiin urlawk zan vel hi a nawm lai ber a ni awm e a, thiante nena ar han kan ho vel te kha mitthlaah a cham reng mai. Kum 10 a chuang ta, ar kan lohna pawh..:)

avena said...

amuana...mahni tawn ang ang zahpui miah loh in i rawn share a lawm awm hle mai. hetiang ho te te hian lung ati leng in, thian te min ti hre chhuak thar leh thin asin. kei pawh naupan lai chuan hmui hi liah ka uar ve ang reng thin a, chhungkua a heh rep an awm tawh chuan ka pahnih ve thei deuh ziah in ka hria. ni e, boroline te glycerine te kan hnawih thin tak alawm!!


puia...ekhai hotupa chu ur lawk zan mizoram i hman lohna a rei tawh deuh ani maw!! kei pawh 2000 atang khan ka la hmang lo, kum 7 chu ani ve tep tawh mai!! tunlai, mihlim tawng a 'rau' an tih ang em em ni mah suh se la, krismas thing tur a huho a phurh te, krismas thlen in ami tur tui kan chawi te, krismas ruai kil na tur , changel hnah kan put ve lai a, kan rilru engthawl zia leh kan phur zia te kha aw!!

Puia said...

Ni e tiraw hotupa, Urlawk zan hi zan ropui ber chu a ni hrim hrim a, chutih laiin chhas lam melh deuh an lo awm chuan tih lunglen ngai tumin tan lak a ngai ve bawk a. Urlawk zan hi thiam taka hmang tan chuan pheihchham manna zan pawh a ni ve thei bawk a. Chutiang em erawh chuan ka la che lo va..lolzz

Nikum kan vengah mitthi kan nei hloh mai pek a, Urlawk zan pawh a nih dan tur angin an hmang ta meuh lo va, a tuk thlan laih a lo ngai bawk nen, Kristmas ni a thlan laih chu bawngtuthlawh cheh a na mawh khawpin ka hria. Mahse, beisei aiin tlangval tlawmngai an lo pung thuai a, rilru ah Mizo tlawmngaihna a lo lang a, ka hlim ru veng veng nia mawle.

avena said...

ni e, hotupa, kan than len hnan ani ange!
naupan lai ka hre chhuak ziah mai, he hun ah hian.

faka said...

Ngaihnawm viau zel mai! Naupan lai sawi takah chuan thawmhnaw thar, chat leh hmui rep chu thudang lo ni ta se, pistol lem a tel ve kher zel e kha engnge maw a awmzia ni ang aw? 'Chibaibukna rapthlak' pek tuma chhuak ta te pawh kan lo ang thei ta rum2 mai awm mang e aw, ka ti:)

Nikum kha mi tlemte-in khawhar ang reng takin kan hmang ve a. Kumin chu nangni ang zai thei deuhvin min uap thei dawn a, a phurawm viau:) Adv. Christmas-a i 'Krismas Titi' te pawh ngaihthlak a chakawm ta viau mai...

Puia said...

Khawvelah hian lal tam tak an lo piang a, mahse lal krista ang erawh an piang si lo tih hle vel sa chunga nula hnung kan han ngheng a, sawhchiar hawp pah vela han in fiam vel te kha a ngaihawm ngawt mai. Changel hnah la a, kan han hnatlang thin te kha a hlimawm dangdai ve ngawt thin mai.

Urlawk zan hi a lawm thenkhatte chuan an lo hlawkpui ta lutuk thin a, march thla velah a result a lo chhuak a, pakhat chu pahnih an lo nih phah thin a. A ropui thin ngawt mai..te han ti deuh duah ila..:)

avena said...

mafaka & puia...

kan hotute in ti lawm awm e, han thawh khawm zel teh ang.'krismas ti ti' kan neih belh zel. han sawi chur chur teh u.

Puia said...

Hotupa, tunlai i dam maw? i reh thin hle mai. Hmuhtha i hmu em ni zawk?..:)

Unknown said...

ka naupang lai ka hmang ve don chiah niang kei chu ka heh a rep ta tats mai a :)

avena said...

puia.... ekhai! hotupa kan buai ve map map anih hi mahni tawk ah. ngaihtuahna mum pawh a hman hman loh tep zawk ani e!

Rinzuali, ni e tiraw, heng thil ho te te hi a ngaihawm duh ania, a hun lai kan rilru engthawl leh ngaihtuah na vel te thlir let in. heh rep chung chang ah chuan achangtupa aka amuana'n 'boroline' a ngeih thu a sawi tawh khi maw le, han hmang ve chhin teh! lip-guard pawh a tha ve ang reng tho mai!

Zara Ralte said...

a thu kal lai nen inmil chiah lo mahse, hmanah kan naupan ve laia(la rei vak lo mahse) in Synod Publication Board chhuah lehkhabu kawmsen "Theihnghilh har Carol Zan" tih kha Krismas boruak nen a va in hmeh reuh tak aw. Hotupa i chhiar tawh em aw ka hre lova, chu thawnthu chhung ah chuan Chawngthu sweet dawr kawt ah a changtupa ava hmu a, Vanapa Hall a Christmas Carol programme a an va kal a, mit leh mit in tawng in a hmangaihna rawn piang chhuak ta chanchin kha! Krismas Urlawk boruak nen a in hmeh asin aw.

rotlingpa said...

Kan tlangval ve lai chuan krismas vawk phing(urinary bladder) kan ham puar a football atan kan hmang thin.

avena said...

zarbawiha....ka la chhiar lo tlats, han thawh belh zel teh..hetiang lam hi ho te te anga lang hian lung ati leng ania,

Rotlingpa..in krismas card rawn thawn 'hindi' hlir kha in hre thiam bik lo chu ani anga, a thu kha a va ....ve a :))

rotlingpa said...

Inthiya Atchip paNi, vanakkam.

avena said...

rotlingpa... enna soolra?

sawmpuia said...

A va ngainawm em.. A comment pawh a zavaiin compile a bu a siam mai chi a ni. U-AMA sawi takah chuan kan naupanlai vai pakhat fapa hian halpuah lian chi a seh puak a, a hmai a var vek.. a thiante'n a ngo ve deuh a a tha a lom anti hmiah. Ngo ve deuh duh chuan halpuah seh ve mai chi a ni. Keichuan ka ngam derlo.. haha

avena said...

sawmpuia..ni khawp mai.hotupa puia te phei chuan 'o holy night' tih sak tir in tingtang an hmet chiau vawng vawng mai asin!

Lairil a fan tlang ani ange, he hun hi chuan!

Puia said...

lolzz, Sir Sawmpuia te chuan Bike nalh tak sen vet vetin nula an phur kual zak zak dawn tih a hriat reng, a tan A bike awmna chu a thinlung awmna a ni rih dawn a, aizawla kristmas han hman chu a thlahlel vaklo tawp ang..:)

avena said...

puia ..ni e tiraw. sawmpuia chuan bike sen vit vet chuan nula chu a phur kual dawn ni lo in, a phur chhin a; a phur chhin ,a phur chhin tawh zawk in ka ring :)

sawmpuia said...

Hetiang a ka bike in sawisa hi SRS ah ka puh deuh ngawt dawn che u nia. Avena motor-ah pawh hian khawilam nula nge kan hrelo a, Puia'n Aizawl chamchhungte a bike a lei ve ngawt te hi envang nge chhut thiam te chhut chi a niang. Azuali te chuan hmeichhe dinhmun chawikanna turin vehi a chuan hi a that thu an sawi mai thei a, Pu Hruaia chuan De-contruct a ngai a ti leh daih mai thei... Zara phei chuan sakhuana lam nen a inhnaih em tih a lo thlek bawk ang a, in nula phurh nen khan biakin ah a nawr lut rawp rawp mai tur che u a nia, in in peih tawh em ni? Kha daih kha :-)

avena said...

sawmpuia..ni khawp mai! tlangval mizo tlangval krismas nghak tu te zawng zawng hi; hlawm lian pui pui pahnih ah then phawk phawk ila (bike nei leh nei lo ah) a inhmeh na tam tak a awm thei in i hre ve em?........

hei vang hi aniang hotupa puia pawh in 'bike' an thlan kher na chhan chu(h)!

sawmpuia said...

Eng motor nge maw i dawn ve le? Ka va han kap chak che :-) Hotupa bike te zawng an duhtawhlo a huhliap awm ngei car lo chu :-)

avena said...

sawmpuia... ni e, kumthar lawm nan tal pawh i bike chuan min la phur ve ang chu!

hman kum aizawl ka haw in tlangval ho in an sawi a, sawmpuia bike ang karizma te hi chu, tlan zawng a a chain ri te pawh in "nulaaaaaa..nulaaaaaaaa" a ti e an tia lawm. hotupa puia pawh in a hre chiang viau niin an sawi ka hre thawi :-)

Puia said...

Sir Sawmpuia te chu , chuai theilo tura khuanu siam a nih ang bawkin rawng chuai theilo, thar vervawng hmel pu thei reng Bike Sen a han lei kher hi a mak hran lo ve. A hmel ang bawka chuaitheilo tur Bike a mamawh alom..:) Kristmas te chu eee, atan chuan phurawm tak pawh a ni mai lo, Hyd lam ngeia hman loh chuan pawi zawk ang, an tih ang deuhin Aizawla hman te chu awi awi awi, a chance hloh a in ti nasa dawn lutuk a, Phai ram khawpui phei duai a, bahsamseii phurh phi leng siau siau kha a tan, vanram kai tlukin a chakawm zawk fahmiang, a ni hi zawng tluk loh rim a nam pawh a ni mai tahw lo va, a ni um phak tur chuan pian nawn leh a ngai ngei ang..:)

Zarbawiha te pawh research lamah an han lut ta mai chu, eng eng emaw idealogy leh thermology atang lo chuan thil hi an sawi mai mai duh tawh vak lo vang. An ril raih tawh mai a nia..:)

Awle, kristmas hlim taka in lo hman lian ka beisei.

avena said...

hotupa puia chu i rawn sawi tak tak chuan a nih duh hmel khawp mai!

sawmpuia hi zawng, a ur-lawk satliah ni lo in, a ur-lawk tak tak ani ange!

zawlbuk said...

hotupa avena pawh hi, engatinge aizawlah kristmas an hman kher loh tih KBI ho kan chhui tir chuan, Chennai lamah U-A-Ma hmanglo thei a lo ni lo.. Atan Chennai hi khawpui nuam tak a ni satliah lo va, khawpui pawimawh a ni tlat. Bawngchek leh kelchak vanga ruai theh pawh a ni mai lo. Kawr thar leh Reebok thar a neih vanga han in khawm pawh a ni chiah lo.. Bahsam sei hniangi awmna ngei alo nih vang a ni tih hi FBI lam chhui chhuah theih loh KGB ten an chhui chhuak a, kan lawm hle..:)

avena said...

chennai chu a 'cool' ruih mai a, nuam ve deuh asin!

thinlung a lam ah kan hawn tlang e, ti ila pawm a nuam ang a?

hotupa puia pawh hian nupui zawn nan rawn hmang chhun zawm zel teh..i ti sual lo mai thei ania :-)

sawmpuia said...

hotupa kha i thlalak en khan tlar hma lam solfa thiam tlarah i thu tlat mai, chennai chu an vanneihpui dawn hle mai che, i bul a hlachang soi tur i mamawh a nih kha, rawn zinla m.nagar-ah ka va zin pui dawn che nia :-) I hote hian nghawnglen kan chak tawh, puia pawhin hmanhmawhse a tha ang a tih kha :-)

avena said...

sawmpuia...... ekhai!! solfa thiam lutuk loh pawh hian, zai ring ngam deuh nih chuan hla hruaitu te hian an bul ah awm tur atan hian an ti ve leh tlat mai thin alawm maw le :-)


M.Nagar a kal pui tur chuan hotupa puia zawk iti fel tawh emaw tia, kei ka rawn chet chhuah a tul ve dawn tihna em ni!! anyways i len khang chuan sangha lian pui i khuh hlawhtling dawn ngei chuan alang ta e :-)