Sunday, December 30, 2007

Thu Nawi!



Kum bul kan tan dawn chauh emaw tih laiin Pathian hruaina azarah ’ber’ thla ah pawh kum khata thla hnuhnung ber, December thla tawp kan lo chuang kai ve leh ta reng mai. Kei ni Chennai Mizote pawh harsatna em em tawk lo in kan hmang tluan thei a , a lawm awm khawp mai.Keimah pawh a mimal takin thla 9 vel Chennaiah ka lo awm ve ta reng mai a. Chennai Mizo anga hma lak naah te, thil tih honaah te, lungrual tak leh tangrual taka kan kal ho dial dial zel thei hi a ropui thlawt a ni.

Ngun taka han ngaihtuah chian chuan, a huhova awm ho va thil tih ho dial dial hian mihring nun hi a kalh a kim zel ni in a lang a. Thawnthu pakhat ‘Robinson Crusoe’ a kan hmuh ang in Robinson Crusoe kha thliar kar a amah chauha a awm lai khan , khawvel a ‘rights’ zawng zawng a nei vek a, mahse a mihring pui dang te an awm loh chuan a ‘rights’ neih vek kha a thu mai a ni a, a hmang thei lova , awm zia a awm lo! Chuvang in kan mimal ‘rights’ neih te hmang tur chuan society a kan chen a tul a ni.

Mahse, ‘rights’ han tih hian kan za vaia kan that tlan na tur a hman a ngaih avang in , duh ang ang a hman bawrh bawrh ngawt theih ani lo. Lan-i chuan a ban chu a duh zawng zawng a vai kual theih na ‘rights’ a nei a, mahse Arem-i hnar ‘rights’ a lo in tan ve leh chiah khan Lan-i ban vai kual theih na ‘rights’ chu a lo tawp ve leh ta chiah a ni. Chutiang zelin inhrethiam tlang tawn tak a, kan ‘rights’ kan hman thiam chuan kan zavaia that tlanna zawk tur a lo ni dawn a ni.

Hnam dang zingah te kan awm a, mihring chu khawvel chhuahsan thleng a nitin in zir thar tur kan ni tih a ni a; kan khawsak leh chetziate hi hnam dang mithmuh ah mahni chauh ni lo a Mizo anga inhmeh bel theih a ni a, hengte pawh hi kan inzir tlan chhoh zel a pawimawh hmel khawp mai. Hetiang thil thleng Chennai Mizo zingah a la awm lo anga lang te hi hriat a nuam khawp mai.

Hman ni lawkah Krismas hlimawm tak kan han hmang ho a, inbuatsaih lawkna hun nei lutuk lem lo pawhin tih tura kan inruat te kan ti hlawhtling hram hram a, hlim taka kan hman tlan theih avangin a lawmawm khawp mai. Inlungrual taka kan han nui ho ham ham te kha, sum a lei tur ni se la, a to duh awm mang e aw! tih te ngaihtuahnaah a awm.

Krismas chu sawi loh Chennai Mizo-in thil kan tih hona thinah hian zu in theihna ‘rights’ leh mei zuk theihna ‘rights’ hman luih talh tum hmel hmuh tur an awm lo thin te hi a va nuam tak em! Kan zavaia kan hlimna zawk a nih mai bakah kan hmel ti bal thei tur ang chi a awm ngai lo hi chhinchhiah tlak leh hmun dang a awmte tan pawh entawn tlak tak a niin a lang. Vawn nun chhoh tum tlang theuh ila, kumkhua a vawn nun tlak thil niin a lang si a.

Mizoramah te kawla ni chhuak chhiar a kan er thin Krismas boruak te meuh pawh, a hre ve lo hnam dang zing a han awm chuan holiday pakhat a ni ve ta ngawt emaw tih theih tur a ni. Hengte ngaihtuah chuan keini Mizote hi kan intihhlim tawn loh chuan hnam dang kutah innghat ngawt dawn i la, ‘I ram lo thleng rawh se” tiha duh tawk mai a, rawngbawlna lama tha leh zung leh thiam na te hman tum leh miah si lo nun nen te pawh a inang dawn dawn in a lang.

Krismas kan hmanho chung chang sawi a, sawi hmaih phal hauh loh tur chu, tui taka ruai kan han theh ho ham ham nawmziate kha a ni awm e. Eirawng bawltute leh a buaipuitute hmelah thawk hah bik inti hmel hmuh tur awm miah lo mai te kha hmuh a van nuam tak em. Han sawi tak zelah chuan Mizo zingah chuan ruai hi in koh khawmna tha tak pakhat a niin a sawi theih awm e. Ruai theh kher hi a tul lo tih ngaihdan te pawh awm ve fo mahse, krismas kan lawm ni khan ruai kha awm ta lo se la mi 150 chuang kha kan kal khawm thei ang em aw? tih chu zawhna lian tak awm thei a ni a. Sachek han hawp zet hnu a puar peng pawnga krismas chibai han in buk zet chu riltam vang chuan fa u zawk nihna englo chhum kawi mai mai chuan kan hralh a rinawm loh a ni.

Chennai a Mizo awm, a tam zawk te chu zirlaite kan ni a. Hengah te pawh hian theih tawp a tan ho a, inelna thianghlim neih chhoh theih zel a pawimawh khawpin a lang. Mizoram lam atanga thu hriat dan tam berah , Chennai Mizo zirlaite, khawpui danga zirlai te nena khai khinin, an zirlaiah an tih that thin zia te chil per sawr sawr khawpa an sawi han hriat te hian, Chennaia awm ve nih a ti nuam sawng sawng thin. Tunlai khawvel hun in her dang lam chak tak maiah hian zirlai tan pawh hna hmu tur chuan mahni zirlai bu thiam bel hlurh bakah hian hriat ngai tam tak a awm ngei ang a, hengahte hlei hlei hian kan inlungrual a , kawng kan in kawh hmuh tlan a pawimawhin a hriat a ni.

Han ngaihtuah chuan, pathian pawh hian mihring te tih ve tur chin hi a dah zel em ni aw, a tih theih. Israel fate Aigupta bawiha an tang hruai chhuak a, Mosia hmang a lung atanga tui a pek khan Mosia khan tiang a vuak ngai miah lo in a tul ti se la chuan Pathian khan tui a pe thei em em ang tih a hriat a, mahse mihringin a tih ve tur a dah avang in Mosia kha tiangin lung kha a vuak tir a ni thei ang em? Chutiang zelin kan hnathawhna leh zirlaiah te pawh Pathian hian mihring anga mahni theihna tawk a engmah tih ve tum lem lo, ‘taima awm mai mai’ an tih ang chi hi malsawm pawh tum se la malsawm na tur a awm thei ang em?

Heng kan han tar lan zawi zawi atang ngawt pawh hian Chennaia Mizo nih ti nuam tur chuan keimah ni theuh kan pawimawh zia a hriat theih awm e. Kum thar lo awm tur ah te pawh kan inpumkhatna hi kan chhun zawm zel a , zirlaite pawh insang mar a , tha zawka zirlaite tih theuh tum ta ila , a tha awm e.


28 comments:

amuana said...

chennai mizo te tan bika ziah a ni maw?

avena said...

ani mai thei ani...chennai mizo tih ai khian zemabawk tiin kan han thlak chhin dawn em ni !

faka said...

Hotupa chu Krismas i hmang nasa bawk a, a kuang liam pawh hawp tham fe a ni mai aa!

Chennai Mizo i ti na a, rampawna Mizo awm te tan a relevant khawp mai.

sawmpuia said...

chennai tih ai ah m.nagar ti ila ilung a len leh pekawm. Palai han chu kan kal hrehlo inthlahrung suh :-)

Puia said...

A ropui hle mai hotupa.

I hmawrbawkna hi ka la fuh khawp mai. Hlawhtlinna te, chakna te, hnehna te, tawrhchhelna te hi min pe theitu chu Pathian a nih rualin a petu hian pek tlak khawpa sual a, theihtawp chhuah mite chu a tawpah a pui chauh thin em ni chu aw tih theih turin kawng hrang hrangah hmuh theihin a awm a.

Zirlaiten an zirlai an beih hle a, theih tawp chhuaha thi leh thau pawlh hiala an beih chuan a hlawhtlinna pawh an tel thin. Chutiang zelin thil hrang hrangte pawh a ni zel a. Awlsam te hian kan dilna te kan duh zawng te hi min pe zung zung mai thin se la, kan tlaran viau bawk ang. Mahse, keimahni lamah hian phut a ni tlat a ni.

Kristianna pawh hi chuti tho chu niin a hriat theih. A Kross pu a, kawngchhe tak tak zawh ve turin min duh a, kan phurh zawh loh chinah erawh puitu hnai ber a ni lawi si. Thuhriltu chuan kan chakna leh theihna a, theih tawpa a a kross kan put hnuah pawh kan chau a, kan tlu a, kan beidawng dawnah chauh, a ni chuan a kut chakin min kai chauh thin. Pa-in a fa a hmangaih chuan tawrhchhel tur leh hreawm tuar thei turin zirtirna hrang hrang a pe thin, tih a ni a. A dik ka ti hle.

Thil dang hi chu kan hotute comments hi a tha viau hlawm a, ring nghal mai ila..:)

avena said...

ksn hotue; sawmpuia, mafaka,puia.....


in ti lawm awm e..han thawh khawm zel hian rilru thar te hi a piang ve zel ni te pawh hian a hriat ania...

hei tunlai , purpose driven life..tih bu ka chhiar mek a, hetah pawh hian sharing lam hi a fak mawi khawp mai.

thil kan hriat chu a pawi mawh em em a, mahse purpose kan neih tak tak na tur chuan kan reflect a la pawi mawh zawk tih te ani!

Puia said...

purpose driven life kha Mizo tawngin an lehlin tak kha mawle, pu lalliana'n.. ka la hmu lo va, kan zo fel tawh a tiin ka hria.

avena said...

hotupa, puia nge nge; mizotawnga let tu te i rawn hre nghal chat mai a!

day 1 ka chhiar tan bek bek mek chauh ani!!.......lehkhabu tha tak anih hmel khawp mai, kan chhiar kual thuak thuak pawh in. ni 40 chhung chhiar tur an dah a........

hringnun ah hian mahni a zir chi a awm a, a hu hova nun ho atanga zir chi a awm bawk ni awm tak ani!

hotupa mafaka kum hlui thlah hi a reh zui vang vang mai a, ani hian han thawh belh leh se la maw le..hetiang lam a thiamna sang nei anih hmel si a!

faka said...

E heu! palai tirh te a ri ta nawk mai a! Puia lah chuan 'nupui neih kum' tih lampang a rawn phuhchhuak bawk a. Kumin kum lo thar meuh zawng danglamna eng emaw tak chu a lo thleng ngei dawn e. Keipawh palaia kal tih lamah chuan ka tang tung hauh lo mai:)

he he! aven, kan kumhlui thlah zo kha B'lore ka kal daih a lawm. Tunah cuan in ka luah lum leh ta e.

avena said...

hotupa mafaka chu..... b'lore lam nula an tha zawk i tih na em ni. eh! :-)

nupui neih lam sawi leh bangalore hi in zawm na thuk tak a awm ani chek ani ange, i va hlawhtling ah ka ngai nghal hmiah. invitation card lam erawh bangalore aiin chennai ah a tlawm zawk an tiin ka hria..kan han thawt lawk dawn em ni?


kan nau te tan mipa lam enkawl tur chuan i awm a, hmeichhe lam enkawl tur han awm leh se la, kan va ti em!

Puia said...

Ekhai, hotute ti ti chu, a sang raih raih hle mai. Ngaihruatin lunglen a hril chang chang an tih ang deuhin ka riruat vel a, mafaka pawh hlawhtling taka chennei a let leh a ni tih te han chhiar phei chuan avena tan pawh chona tha tak a ni nghal thei dawnin a lang. Heti lamah pawh invitation chu kan lo beisei ngam ve em ang chu maw..:)

Zara Ralte said...

he thu hi kumthar vuak vet lai vela Chennai Mizo ho inhmuh khawmna ve la chhair chhuah ni awm tak anih hmel:-)

Hemi thu a chhiarlai hian a ziak tupa hi a a uang miah lova,mahse tlar hnung lama deuh a thu hmeichhe tleirawl rual ho chuan awm ngaihna hre lovin anlo in sik ru neuh neuh reng a...heng tleirawl vanduai tak te hian an hma a ding thusawi mek hi an awm atanga hla vak lo khawpui dangah a tlak natzia lah chu an hre der silova...:-)

Tak taka, khawiah pawh hian dan leh hrai kan zawm that poh leh kan nun hi anuam ni turah ka ngaia, chu chuan right kantih hi awmze neiin a rawn siam chhuak ani mai a ni lawm ni?:-) Chennai Mizo te i sawi zinga ka ngaihsan em em chu Zuruih leh Meizial zuk na right nei reng chung si a, mahse Biak In/Puipunna hmun a nih tih hrerenga midangte right va tihbuai ve ai chuan ti an ti lo mai ngam nia i sawi hi an entawn tlak hle mai.Happy NEW Year

avena said...

hotupa puia..ani khawp mai, mafaka te chennai an han awm hi chu a tih zia asin! an ke artui vuan chung hian keini te hcu kan kal ve naw naw anih ber mai hi maw.. ani ang han um pha tur chuan pian nawn leh angai ang, i tih thin ang deuh kha anih hmel e :)


zara , ani khawp mai. hringnun ah hian kan in mamawh tlang chu anih hmel hi maw! hun lo la awm tur ah enge thleng dawn? tih te kan hriat loh zia ngaihtuah phei chuan kan in mamawh tlan na hi ngaihtuahna ah a thar leh zual thin.

hun lo la awm tur hre lawk ta ila, mihring hian kan boral ni tur huphurh avanga lungngai reng reng in kan awm hmel leh bawk si! Remruattu maka hian a ruat sual lo tawp tur ah ngai ta ila, hotupa mafaka tawngkam tak in!

rotlingpa said...

Va tha dup2 ve o. Poitruma

avena said...

Rotlingpa..ni e maw le..It is good to know something, but what really matter in one's life is a our reaction to what we know! tih ani em kha?

faka said...

E khai, kum 2008 a lo inher chhuak zet chu, hmun hrang2a kan hotute kuthnu han thlirin 'nupui, nupui, nupui...' tih hlir a tial chiai chuai ta mai le!

Heti zawng hian i'n khaikhawm dawn teh ang: Nupui neih lama 'due' em em tawh, duh thlang fel hlei thei si lo an inhmukhawm a, heti lama mi hawiharh lo ber mai kei teh lul hi vauchherah min hmang ta mai a lo ni:)

E pUia, kan hotupa hian Chennaia wedding card siamna hmun leh a rate vel hi a hre hneh khawp mai. Nangpaw'n i lo dawng thuai tawh turah i ngai teh ang:)

Puia said...

Tirhkoh Paula anga, pan tlang thei leh duh zawk kan nih loh chuan kawppui neih tawh mai chu a hun viau lom ni hotupa..:)

avena said...

kan hotute pahnih, mafaka leh puia te..in sawi chu a in hmu dun khawp mai...

han ti hmasa ula, in hnung zui kan rawn tum zawk ang chu maw le..hruaitu ten hma han hruai ula !!

Puia said...

Hotupa Mafaka Bangalore zin a hlawhtlin viau chuan, hma a hruai turah han beisei phawt ila.. a tlawrh loh nan i tawngtai bawk ang u..:)

avena said...

hotupa puia...ni e maw le...hotupa mafaka zin chu a hlawhtling viau e chu an ti alawm, ahria ten....amah tak hi chuan 'inneih sawmna' hmang in a hlawhtlin leh tlin loh min rawn hrilh hre dawn ni awm tak ani.mahse, lo in puah chah ve theih nan ri rut rut chu kan hriat lawk ve ngei ring ila, a tha ange!!

hotupa puia pawh khi, tun a mi hi a tih bur loh chuan han zawn sak pawh ka huphurh lo ala ti fo ni awm tak ani:-)) mahse han ti bur mai la a fuh ber mai in ka ring kei chuan....

chennai based hi mi puitling tak tak mai awm khawm an nia, mahni hi in en let fo angai zel mai ..hotupa!!

Puia said...

lolzzz Hotupa lehhh, Mafaka hi chu a chhungte pawhin a zai an ngai tititawh niin alang a. Ni e, a hunlo hranpa tawh lem lo ve..ti te pawh an ti a nih hmel... a hriate sawi hmangin..

Keini te chu hnudaltu atana khuanu ruat kan ni a.. hotuten han ti hmasa ula, thihngam tak meuhvin kan la rawn zui em em ang che u..:)

kei chu hotupa amuana hian hma a hruai ka lo ring deuh tlat nia mawle..:) a ni hi a zei hmel riau mai a..:)

avena said...

hotupa puia chu.. chennai lam ah a tih tak tak dawn chuan , rawn sawi chiang thei se la , hotupa mafaka chuan ati deuh ni awm tak ani :-))

amuana , chuan 'chennai mizo te tan bika ziah ani maw?' a rawn tih hi.. hmun dang a awm te a huam tel lo tihna em ni? a rawn ti deuh ni awm tak ania :-)

Hringnun hi thenkhat chuan indona mual ang ten an hmu a;thenkhat lah chuan thih hnu ram lam in buatsaihna mual ang ngawt in an hmu emaw tih mai tur ania!!

'Lal Isuan min entir'
tih hla te hi han chhiar chuan...

'Nang i awmna hmun ah
Kei ka hmun ah'
ti ngawt ila, kan hlim phah chuang si loh a rinawm a, keimahni theuh hian, thinlung tak a kan pawm tlan theih, 'a tawk chiah' hi a pawi mawh ani!!a hla chang han en zel i la...

"Lal Isuan min entir,thenawmte tan,
Thim leh hrehawm zinga anni tihlawm nan;
Dam chhung in eng ila, khawvel thimah,"

ti thei tu thinlung hi a hlu ani!!

Naupang sunday school ,thu in chhang kan zir thin a mi;

Q. Lal Isua hi engtik in nge khawvel ah alo kal?

Ans. A hun tak ah.


Tih ang deuh khan!!

Puia said...

Ekhai, hotupa, hei zet chu a va ril ta em.. Miril hotupa kan nei hi kan vannei ngawt mai.. Khuanu ruat a ni ngei ang..:)

Chutia hotupa Mafaka'n a inhawn chuan a thim a var pawh thlu lo va, zin mai a va tha awm ve..kan van ve nasa mai si a..:)

faka said...

Hotupa chu naupanlai thil i hre rei thei riau mai. I hla rawn tarlan te hi a mawlin a va ril si em!
"I awmziaa thil bul zawng zawng,
Nangmah ti mawitu che kha;
Ka rilruah tuh ve ang che,
Tin, nun a rah mawi ang a;
Pangpar angin
Ka chetzia lantir ang che," tih te pawh hi maw le!

Hmmn... kan hotute pahnihin duhtawk a thil in han vawrh vir vel tak tak chuan a eng dinhmunah ber nge ka din pawh ka hrethiam ta lo... In nih ang ni ve ta riauah te kan inngai dawn rum rum mai a lawm le:) E, puia lo zin rawh, hei avena hian nula bupui a luah lum mek a nia, zamna tur a awm lo vang:)Mamawh inti tawh kher lo mah la, khaw hawi zau te pawh hi a sual lo ve chawk a nia:)

avena said...

mafaka..hotupa puia te chu, an phone number kha zuk thawn zeuh la, a duh tak tak chuan ralkhat atang pawh in a rawn sawi fel vek mai ang :))

Nge chennai ah hian zohnahthlak insuihkhawm na lam seminar huai hawt ila, hotupa puia hi resource person ah kan han sawm zawk mai dawn em ni?

Lungte pakhat in sava pahnih a vawm thla ani mai dawn a :-))

Puia said...

Tunlai Mizo nu leh pa tam takte chuan makpa atan hian awh zet zet an nei thin a.. an hmel leh pian nalh lam ai mahin an riltu that zia leh hawiher avang hrim hrim pawhin kan hotute pahnih mafaka leh avena hi chu tluk loh rim an nam saltiah pawh a ni lo va, an ni neng pha tur chuan 'uluk taka pian nawn leh a ngai ngei ang'...:)

Taka hotupa, i number kha ka wallet bo ah a tel daih mai a, phone ah ka lo dah si lo va, mi han hrilh leh tak te a..krismas lai khan rawn call che ka tum ngawt a, ka zawng buai nasa khawp mai.

avena said...

hotupa puia chu..hei 'A AW B....' zir tan ve mek te chuan , i ke hniak kan rawn chhui chho zel ania... :-)

Puia said...

Tunlai a va hrang lo em hotupa..i buai deuh em ni chu le..