Monday, November 26, 2007

Harkidoon

Training programme ah,kar hnih vel awh in he thil hi a tel ve miau mai si a; hetiang tlangram a ke a kal kual te chu kan nitin nun dan zawk ani , tiin han hnial sa teh mah ila; kal ve tho chu a ngai a. Mussoorie ah kan ipte puak tur te, sleeping bag, te leh tui in tur bak ah , chaw chhun ei tur te min siam fel sak hnu chuan, Bus ah chuang in group khat ah mi 12 vel zel a in then in 'trekking' tur in kan chhuak ve ta .....

kan khaw tlan pelh thenkhat te chu vaiho hmun thianghlim te alo nih avang in, lui tui a inhnim te, flag serthlum rawng te hmuh tur atam ang reng khawp mai a. kan tlan zel a, tlai ni her hret ah kan riah buk hmasa ber chu kan thleng a. kan insilfai in, kan pum te kan han hnawh puar a, a tuk a ke a kal tan tur in kan inbuatsaih ta sauh sauh mai ani.


kan kal tan tirh lam chu kawng zawl rai deuh mai hi ani a. mizoram a kawng pui 'metal' loh ang hi niin lui dung zui in a kawng a kal a, mahse tlang bul thut kan han thleng a ramngaw kan han lut tan chu kawng chu a chho deuh tan a. phai lam a piang a sei lian ho chu an thaw a rang sawt hle tih a hriat theih a. "chawlh sek hi chuan , kal tan leh a harsa duh a, chuvang in chawl tlem ula, chawl rei zawk rawh u", ti a thuchah nen a vai liam kan ni miau mai si a, an ni ho pawh chu an kal ve hnawk hnawk zel a.

Reiek tlang a , ke a kal na tur an siam ang hian, 'trekking route' chu ramhnuai ah pawh an lo siam raih mai a. tin, a khat tawk in midang kal ve te kan tawk zeuh zeuh a, khaw hnai ber hlat zawng te leh , midang tute nge awm tih vel te kan zawt pah zel a. kan kal pui zing a pakhat hi IFoS niin , botany lam graduate ani a, thing leh hnim hming vel te , eng tiang a sang ah nge an awm theih tih te, bawmhar leh thingkung a hnim to chi te chu eng vang a pang (side) khat lam chauh a awm hlawm nge an nih tih te min hrilhfiah thei nghal zel a, kal pah a han in hrilhfiah zel tak ah chuan a bengvar thlak ang reng khawp mai.








zing kar ah ni san lutuk hma a chhuak tan in, chhun ni sat vang lai chuan, ramhnuai daihlim deuh ah kan chawl pah zel a. Tin, chawlh na tur hmun then khat ah , thuchah lawk in kan ei tur te an lo peih sa diam thin a, chhun a puar liah a thil ei hnu a , han mut deuh ar ar chu nuam ve ang reng tak ani. Nikhat chu , ramhnuai ngaw kan han chuang chhuak zo hi , a ram thleng alo danglam ta ang reng khawp mai a. Tlang chhip ah hian , zawl zal deuh raih hi alo awm a, ruah a tla deuh phiar phiar bawk a. Mahse, mak ve ang reng tak mai chu , a hmun vel a hnim to reng reng chu a rawng a buang deuh vek mai a, eng vang nge maw ni teh reng ni?? a ro tawh hnu ah kan hmu ve chauh nge ni anga? vur in a lo hmet thi vek tawh zawk ni?? mahse thli in a han chhem zawng chuan an la thle dial dial ang reng lawi bawk si!! mizoram a 'di' (in chung a chih thin) ang lek lek hi ani a, khup thleng vel asang ani.



Ni engmaw zah hnu ah chuan , kan ipte puak mahni thawmhnaw leh zan a riahna tur hnung a puak chu, a lo hahthlak ve duh ang reng khawp mai a. kan zing ah tlem a upa lam leh nupui/pasal fanau nei tawh te an lo awm ve bawk nen;phone hman tur awm bawk si lo chu an lung a leng ve tan tawh bawk ni ngei tur ani a, hlawhfa (porter) rawih mai chu kan rel thlu ta a!! kan hlawhfa rawih te chuan mi pakhat zel in, mi pathum thawmhnaw chu min phurh sak a, ngal ria deuh leh cher ve tak anga lang te chuan , mi pathum thawmhnaw ken ang min phurh sak chung chuan , an tha alo fei phian mai a, kawng chho ah te chuan kan um kan um zawk ta mai a.

Hmeichhe thenkhat tlem a chau zual te an lo awm chho zel ta bawk nen, hmawlh hi 2 ft vel a sei kan suih a, tlem a la chau lo deuh ten hmawlh hmang chuan kan hmeichhe thenkhat te chu kan pawt ani deuh ta ber mai, mahse a huho a han awm rei tak ah chuan midang tih theih ang ti thei lo nih chu an lo hreh vek a, tumah in let leh lam an sawi ri lo!!






Han kal han kal tak ah chuan , zawi muang in hma kan sawn ve hret hret zel a. Nikhat chu kan tum ram chu ral khat atang in kan hmu phak ta a, thlen nghal mai kan inrin laiin , rin aiin alo hla phian mai a, chhun chaw ei hma a thlen hman kan inrin kha , tlai dar 4 vel ah kan thleng ta hram a.A hmun thlen hma deuh hlek ah lungpui lian pui pui mai hi a khat tawk in a lo awm thluah mai a. tunhma Zuangtui bul a lunglian pui pui awm khup na hmun thin "lung ding" ti a an koh te kha min ti hre chhuak rum rum mai. A tlang chhip thlen hma deuh hian 'Forest Rest House' a awm chu , chu mi hmun san zawng chu 3508 metres vel ani a, boruak pawh a vawt vin tuk tawh mai a, mei han chhem te lah chu a alh tha duh lo em em zui leh nghal!! thil kan ei zawh ah thla te kan han la sap sap a, pawn ah rei tak erawh awm ta lo chuan, 'sleeping bag' ah kan inthawlh sap sap a, mu lum ham ham chung in kan kal san tak ram te leh kan thil tawn te chu kan sep zui ta hlawm a!!

A tuk ah ni chhuah hma deuh hlek a chhuak tan in , kan zin kawng tan na 'mussoorie' lam a let tur in ke kan chhep leh ta ani. A let lam hi chu chhuk zawng te alo ni bawk a, kal a sam ta zawt mai. Doidital lam kawng ah kal in , ramngaw hnuai ah ni sa lutuk tuar lo in kan kal a, hah lutuk pawh a awm ta lo.


Doidital hmun hi 3307 metres vel a sang ani a, Hindu temple hi alo awm a, kha tiang khaw te leh fian rial ni si, a hmun hma an han enkawl fai dan em em kha aw!! a mak ka ti . thingpui dawr a thingpui leh artui chhum kan ei lai a, hmeichhe naupangte mai , hritlang hnaptawlh pir per leh sam thur biu beu kha ka mitthla ah tun thleng hian ka la hmu thin. eng ang mihring in nge maw a chhuah tak ni?? Doidital hmun ah hian dil lian vak lem lo, a tui chu fim vawt raih mai hi a awm a, an sakhaw biak nen enge maw inlaichin na awm ang in an sawi a, sangha hi an han tam laileng khawp a, tawng chen vel te hi chu an awm nuk nuk mai ani!! nghakuai nen a man chakawm tak ani, zopa rilru ah chuan , a tuihang an tleng pui dalh dalh mai a! tih ngaihtuahna a chawk tho zawk mai nia!





23 comments:

faka said...

E khai va ngaihnawm thin dup dup ve le! Vaingalsin ho chu kawng kalah chuan in tluk meuh lo a ni maw:) Vawikhat chu Chawngtelui kawng chho vah nu dawrawm ve te hi kan kal pui a. Keini kan thawk hlai2 tawh laiin chau map lo hian a titi zat2 mai a, a ngeiawm duh letling zawk:)

Hetiang travelogue ang chi hi ngaihnawm ka tih zawng tak a ni. Rawn ti zel teh khai.

Zorami said...

high school kan kal laia ke a Tlawng kn zu thleng a kan haw leh kha min ti hre chhuak...mhc in trekking na hmun chu a nawmhmel bik top.chuan, t-shirt var i hakna ah khian i in pose fuh ltk.i photogenic kan ti don nge hmel in a zir ve hrim2 zok ni !?)) nice photos - all of them .

avena said...

mafaka...ni e,vaingalsin tih ngawt ani lo, an ni tan ei zawn na ania, kan um pha meuh lo chu ani e, an rit phur chung pawh. mizoram lam ah te pawh hman hun ah 'tan tlang leh phawngpui ah te pawh kan la kal ho ang chu maw le!!

zr-i , tlawng lui te pawh ni se, a tlawh tu ten an rilru a an tum a zir in nuam tak pawh ani ang chu. vawi khat chakai chhit naah min hruai ve tawh a, tlawng lui ah chuan anuam ve ang reng khawp mai!

Puia said...

A hmun awmdan chu Switzerland of the West te pawh a ang lek lek mai ka ti. Report chhiar a manhla hle mai. Han sawi belh vak tur chu ka hre tam lo na a, hmanni khan meter 2800 a sang ka lawn ve a, a hmun ka thleng chu ka thi lo chauh a ni. A hmasa ber leh hnuhnung ber ni teh se, ka ti hial a. Tha a duh tam khawp mai..:)

avena said...

kan hotu, pu zorun a te , i sawi awm ang reng hle mai!

hetiang thil tih vak ngai loh han tih tlat te hian, boruak thar te kan han hip a, ngaihtuahna bet deuh churh tawh pawh min thawng harh deuh zawk zel ania.

vawi khat dang 'roopkund' kan kal chu, a tawp ni thum chhung vur chung ah kal a ngai a, a hahthlak in a hlauhawm ang reng hle mai!

mizoram tlang ah te kan la kal ho ang chu maw le , pu zorun!!

Puia said...

Ni teh lul mai. Mihringte hian boruak thiang hlim mai ni lo, hmun dangdai tak hmuh te hi kan thluak leh thinlung tan hian a lo tha ngang mai. Dalai Lama thufing pakhat chuan, kumtin i kal ngai lohna hmunah kal tum rawh, tih hi a ni a, chu chuan i rilru leh ngaihtuahnaah idea nasa takin a pe ang che tih a ni. Dik dawn viauin ka hria.

Kan la tih ngai loh te, kan la hriat ngai loh te, kan la hmuh ngai loh te hi hun lo inher danglam zel te avangin kan hmelhriat ve zel tur niin ka hre ta.

Ni teh lul e, Mizoram thingtlang hmun hrang hrang leh hmanlai hmunhlui te khi fan chhuak dap ka chak a, document fel fai tak siam a, video emaw thlalak emaw nen thlapa beih a chakawm khawp mai. Chutiang hun tur chu kan la insiam hlawm dawn nia. Dam manah vawikhat na na na tiraw..:)

sawmpuia said...

Treking sawi takah chuan .. kan naupanlai khan Muthi-ah khian thakthing lak ngei ngei kha pasaltha nihna a nia :-)Tichuan chite lui kam velah khuan kan tei chiam thin bawk :-).

Helamh pawh Pu Hruaia ho hian kan tei chiam bawk a hmun a zawl deuh a a hahthlaklemloh. Ilo zin hunah kan kalpui dawn che nia. I Thuziah chu a scout thuziah zaih mai. Ropui thin e, kan hotute.

avena said...

pu zorun.....ni e kal la kal tlang dawn ania, kei pawh chhim lam chu ka kal ve nual tawh , khawthlang lam nen, khawchhak lam ka la fang vak lo... chhim lam saw hetiang han fan vel ah chuan a nuam asin,


sawmpuia, ekhai!! kan hotu te chu in va kal kual nasa awm em...NEHU campus kan awm lai pawh in , weekend apiang hian kan vak chhuak ziah a, sangha te pawh man tam lem lo mah ila anuam asin..... tlai tin deuh thaw thingtlang khua ah bawnghnute in tur in kan kal dul dul thin.... hyderabad ah kal ni te ala in her chhuah leh hruaia camera keng in kan thawk chhuak ang chu maw le tiraw!! a hnu a en leh anuam duh asin..hei keini ka han ziah ve pawh hi kum 6 vel aliam ve ta der mai ....

rotlingpa said...

Zion tlangah lawn ru,
Khawpui mawiah......

Tih hla hi sak mai aiin a tak chuan a chho talh2 long mo?

rotlingpa said...

Zion tlangah lawn ru,
Khawpui mawiah......

Tih hla hi sak mai aiin a tak chuan a chho talh2 long mo?

avena said...

Rotlingpa...ani khawp mai. Zion tlang chu, jerusalem kulh chhung a tlang pakhat ni ang in, kan mizo Bible tawp a hrilhfiahna ah a in ziak a. chuti anih chuan tlang sang lutuk ani lo ve mai thei bawk ania

"kan zotlang ram nuam hi
chhawrpial run i iang e"

ti a zai thin te chuan ,zion tlang lawn chu han huphurh lo ve ngawt mai ila, a tha ange!!

amuana said...

Israel ram kal theuh theuh pawh kha, thenkhatin a ropui ngei mai tih bak sawi tur an hriat loh laiin, an zinga kal ve tho ten lehkhabu a ziah daih hial an hmu bik ang deuh khan, hmun in ang rau rau a kal tlang pawh hi an in ang lo thei a nia.

Pu Avena hi chu mi thil chik mi leh mi ti thlep thlawp a nihna hi a thuziakah hian a lang tlat zel. Helamah te i fans club te lo din i rem ti em?

Unknown said...

u avena nge nge! ti tha thin e... i lo photogenic tak a nih hi hihihi

avena said...

rinzuali .. a kal lai chuan hahthlak ve mahse, a hnu a pic en leh erawh tha sen lutuk a ngai ta lo e! ngaihawm ve duh deuh asin......

amuana lawm photogenic zawk chu!

Anonymous said...

I would like to thank You for being the member of this website. Please allow me to have the chance to express my satisfaction with Host Gator web hosting. They offer professional and quick support and they also offer numerous [url=http://tinyurl.com/hostgator-coupons-here ]Hostgator coupon codes[/url].

I love HostGator hosting, you will too.

http://www.canaltoni.site11.com/foro/index.php?action=profile;u=168

Anonymous said...

Unified hour, a construction group turned up to start construction a succession on the inane lot.

The 398654 [url=http://mios.my-board.org/osd.html]556500[/url] 194399 7bl7f6gc [url=http://masuher.blogdetik.com/2012/11/29/russia-has-withdrawn-from-the-market-sets-for-doomsday/]7wo7k1tv[/url] offspring people's 5-year-old daughter bolstering took an attracted on in all the

tender growing on next door and drained much of each light of patch observing the workers.

Anonymous said...

Joined age, a construction border turned up to start edifice a billet on the exhaust lot.

The 2cr8x2cl [url=http://poa7.000space.com/yfd.html]567194[/url] 175015 [url=http://blogs.hoy.es/tudess/2012/11/28/south-african-simultaneously-married-to-four-women/]1rr6m8tb[/url] [url=http://kamachu.000space.com/ksd.html]183845[/url] offspring kinsfolk's 5-year-old daughter actually took an rally in all the

purposefulness adjacent on next door and done in much of each broad daylight observing the workers.

Anonymous said...

Limerick period, a construction troupe turned up to start edifice a subject on the unfinished in lot.

The 3fs4t9sn [url=http://masuher.blogdetik.com/2012/11/29/end-of-the-world-in-the-russian-city-began-deficit-on-goods-saving-equipment/]6jv2x2pn[/url] 738348 291013 770752 scions entire's nearest's 5-year-old daughter as a consequence took an disconcert in all the

grind growing on next door and pooped much of each prime observing the workers.

Anonymous said...

Whenever we think about the word the expression really enjoy, installing regards to a romantic romantic relationship using a further, yet as the experience that may be engendered should you have miltchmonkey an improved romantic relationship on your own way too * or maybe to be a sense of larger unity household or maybe human beings -- then it results in being more superior that every everyone is looking to get in life is certainly love.

Anonymous said...

Hi, guantanamera121212

Anonymous said...

не факт

Anonymous said...

top [url=http://www.c-online-casino.co.uk/]free casino games[/url] brake the latest [url=http://www.realcazinoz.com/]free casino[/url] free no set aside reward at the foremost [url=http://www.baywatchcasino.com/]online casinos
[/url].

Anonymous said...

Hello! This is my first visit to your blog! We are a team of volunteers and starting a
new project in a community in the same niche. Your blog provided us
valuable information to work on. You have done a marvellous job!


my web blog Altgold verkaufen