Saturday, October 27, 2007

1991-92


Thlasik lai ani a, tlai ni tla tur in bang vel chu a rawn chhun eng deuh phat a. Thingpui in a kan thut khawm thap lai chuan , vawi leh khat ah music hi a rawn ri dup dup mai a, music ri chu a hnaih tial tial avang in motor atanga lo chhuak ani tih a hriat theih a, chutah kawt ah motor in hung ri deuh dawt rual chuan music pawh chu tawp zui ta in, car kawngkhar hawn a khar leh nghal ri in a chhunzawm nghal a.

kawngka pui chu rawn in hawng in, mi pakhat hi a rawn lang hlawl mai a. jeans kekawr pawl , da lam lek lek tawh hi a ha a, a ipte hma lam ding lam ah chuan car chahbi a khai lang a, vei lam pang ah cell phone khaina hrui a uai thlak tir bawk a, baseball cap a khum a, T-shirt var ha in,a chung ah jacket uk a ha , a han tawng zawng a rim atang chuan ‘zarda’ a rawn ei ani tih a hriat theih a. Tin, a hla te chu internet atanga a download ani tih te a sawi luam a, Mp3 a hla sang chuang a neih tawh thu te han hriat a, a computer ah TV en theihna a vuah thu te, TV programme a record theih thu te han hriat zel phei chuan , kan zoram khawvel hian kum sawmhnih vel chhung lek pawh hian , thil thar ava hmu hnem tak em tih rilru ah a rawn lang zut zut mai ani.

Kum 1986 , mexico world cup te kha chuan Bangladesh Tv channel a an rawn pek kha kan hmuh phak ani deuh mai a, doordarshan lah kha aizawl ah pawh veng thenkhat te chauh in an hmu thei a. cable tv te awm hek lo le, TV antenna kha hmun sang lai ah dah alo tul a, a fiah loh deuh hlek khan naupang ni ta chu antenna her a ngaih chang a tirh ngun ber kan han ni ta ziah mai anih kha, ral khat a mi her anih miau avang in , ring tak tak a au angai a, a enge maw zawng chuan a nuam phian!!

Sap-film anih tawh phawt kha chuan ho te te pawh kha kan en peih deuh vek mai, a dang awm tlat hek lo. A then te kha chuan ‘chitraahar’ te ‘ek-do-tin-char’ tih te pawh tuipui viau an awm. Nilaini zan apiang hian dar 8:30 ah, Bangladesh-TV ah sap –film hmuhnawm deuh hlek an pek thin avang in kan nghak hlel viau thin, MacIver,knight-rider, tih vel te ani ta in ka hria ! Tunlai ang in reality show te ala awm lova, kan ngaihtuah thleng pha lova, reality show en chak na pawh a piang lo bawk, mahse kan hlim pui viau tho.

Cable TV ala awm miau loh avang in kan chanchinbu a, music column ziak tu te pawh khan , sap ram ah chuan Mtv te hi darker 24 chhung en tur an nei a, a awh awm zia te an ziak thin a, ngaihnawm ti tak in kan chhiar thin.

Chutah krismas a rawn hnaih a piang hian ‘Boney-M’ hla hi a lar thar ziah emaw tih tur hian an zai ri hi bazar vel ah te pawh hriat tur a tam thin khawp mai. Siampuii sailo leh Lalsangzuali Sailo zai te kha, krismas ruai fatu ten au rinna hmang a an play lar pawl tak ani ta awm e!

Kum 1991-92 , a rawn her chhuah meuh chuan, mizoram ah pawh cable Tv a rawn awm tan a. Durtlang a doordarshan TV in , TV centre an bun pawh an hmang tan a, mahse a lem a chiang hlei thei mang tlat lo mai, mihring te kha an lang phir a, thlarau ni awm tak tak kha mihring thla a lang tel ve zel bawk a, en a nin awm em em. Zawi zawi in cable TV chu a lar chho zel a, tunhma channel 2 vel chauh en thin khan, channel tam tak Mtv tel in kan lo hmu ve thei ta, a hmu phak te khaw hawi chu a ti zau sawt ang, chutih rual in thil thar kan hre thar a, ‘awh’ tur thar te pawh kan hmu in kan hriat belh teuh bawk!!

Kum 1991-92, hian vawi khat chu aizawl town bus ah , sikulpuikawn atang in ka chuang tan a, ka bul ah hian PC girls sikul hmeichhe naupang pahnih , kum 8 mi vel awm hi an thu ve a, an inbia chu ka ngaithla reng a, November Rain- Guns and Roses , nalh an tih zia te, Axl Rose zai thiam an tih zia te chu an sawi dun bawrh bawrh a. ka han ngaihtuah a, a hma kum lawk 1986 vel ah khan kum 8 mi ni ta se la, kha tih hun lai a sap hla lar kha an tuipui thei angem ?? an hre hrim hrim angem?? Tih te rilru ah a rawn lang a. A hnu ah kan thianpa chhungte in ah chhun thingpui in in kan chawl a, chutah chuan mipa naupang kum 3 vel mi awm hi alo awm a, ani pawh chuan ‘stand for what you believe-poison’ kha ahan sa lang lang a, ani pawh hi a hma kum lawk, Mizoram a Mtv kan en theih hma ah khan kum 3 vel mi ni ta se la a ‘stand’ tih hla ang te hi chu a sa thiam lo mai ni lo in a hre kher lo ang!

Tlang dang atang in han thlir ila, PC Girls sikul hmeichhe naupang te, mipa naupang kum 3 vel mi te hian, heng ‘november rain’ leh ‘stand’ tih te hi , an zirlai bu a ‘poem’ ni ta zawk se la, an exam na ah ziah chhuah tur ni ta ang se la , Mtv ah an sak hmu miah lo bawk se la, eng ang in nge heng hla te hi an hmuh ang?? An nin thu te, Axl Rose a hla phuah sei lutuk tul lo an tih thu te , an sawi daih ka ring!! Mahse, Mtv ah an zai lai tui tak in an lo thlir thin miau a, a hran a –memorise tum a beih ngai lo in an hre chhuak vek thei tlat.

Hemi hnu deuh ah internet te rawn chhuak in, Lengpui Airport te kan lo nei ta bawk……..

25 comments:

Zr-i said...
This comment has been removed by the author.
Zr-i said...
This comment has been removed by the author.
avena said...

zr-i , tun kum 20 chhung vel a, information and communication technolgy than chak dan te, chu chuan kan inbiak pawh tlan na, chi dang te leh information kan hmuh na, man tlawm zawk leh zau zawk zoram a rawn thlen nasat zia te hi ngaihtuah ve chhin teh!!

hemi hian kan khawtlang leh mimal nun a nghawng te pawh ngaihtuah tel ta ila.

by the way thnx :))

rotlingpa said...

Kan tetlai TV te takte hmai insi thap a plastic-man, He-man etc colour lo leh nghal, mi in a voih palh hlau tak chung a kan en thin te min ti hrechhuak a lawm.

avena said...

rotlingpa ni e tiraw hehe...
thunder cats/defender of the earth te pawh maw le.....

Zr-i said...

i'm backk....n dis time nt to comment n delete ;) rotlingpa comment khi cute top...keini poh khitiang khian kn unau thumin kn en ve thin.
nia,mimal nun leh khawtlang nun chu tha/chhia in a nghong nasa khp mai.....n like i've said i like the tactful winding up of d 2nd paragraph.

rotlingpa said...

'ZR-i mi namai lo' tih bu cu engtik nge release dawn a.Chhiar chakawm tawh khop mai.

avena said...

ni e , khawvel ram zau kan hriat na , a pung ve zel a, engtin nge 'survive tur in fittest kan nih theih ang?' tih hi ngaihtuah na ril ber ah dah tum ta vek zel ila!

amuana said...

Hehehe tha phian, ka ziak ve thiam miah dawn lo nain, 1st & 2nd para khian a thu dang khi a zawm chhohna chiang leh hret se te ka ti mai mai a. Engpawhchunise, Avena, thlirna kil hran daih leh tehkhin thu mawl te te, hmanga i thu han chhawpchhuah hi a ropui thlawt e!!!! Han thai zel teh, i par kan lo tlan ange

avena said...

amuana, 1st and 2nd para khi eng tik kum vel ah nge a thlen theih ang? tih kha rilru ah han chhut ta la!!

chuan a chhun zawm tu para te hun ah hian , a chung a pa pakhat thil neih ang te hi mizoram ala chhuak lova, 'awt' duh pawh ni ila awh ngaihna a awm lova, ..information and communication technology a than chhoh zel lai hian , kan society ah nghawng a neih dan han ngaihtuah tlang ta zel ila !!

mafaka said...

A ngaihnawmin ngaihtuahna a ti kal thui duh hle mai. Politics lamah te inchirhtheh nan kan han hmang thin tak na a, keini hriat ve chin maiah pawh kan ram hmasawn dan hi sawi tham fe chu a ni.

Amaherawhchu thahnem ngaih thilah -hmarchhak state dangte anga hel leh indona hmachhawn ve ta lo chu hei aia la thang chak zawk tur chu kan ni lo maw aw?

Tin, ti duah teh ang, Mizoten khawvel hmasawnna kan chhim chak viau lai hian ngaihtuah tur a awmin ka hria. Thil thar lo thleng reng2 hi inbuatsaih lawkna tha awm lovin kan lo hmachhawn a. Plan and vision kan neih that loh avangin hmasawnna tam tak chu "anchhia" an chang mek niin ka hria. Sawi thui a chakawm viau mai a...

avena said...

mafaka ani khawp mai. heng hmasawn na te hian ei bar thawh chhuah kawng ah eng ang in nge kan chhawr tak ang? tih te pawh ngaihtuah a ti thui!

amuana said...

Ni e, Pu Avena (?) tuna i thuziah hi ziah zawm leh teh a ngaihnawm tlat, duhthusamah chuan hei ai hian han hawl zau in han bihchiangin an han luhkhung thuk thei bawk la

avena said...

amuana..ni e han thawh khawm zel ila, print media lam a kaih hnawih te pawh a awm nual ang chu!

hawl zau a , bih chiang a, luh khung thuk zawk thei tur chu ami cheng te kan ni a, mahse han ziak dawn ila a sei lutuk dawn si a!blog ania!
kan la ziah zawm ang chu!

NB:para 1st and 2nd ami in ngaih bel tawp a duh tawk lo in:)), mizoram reality show , rilru a awm in chhiar ta la!

amuana said...

hahhahaha

amuana said...

Ka han sawi chhan zawk tak chu a tha lutuk a, 1 & 2 para khi a la in la lawn tha viau a, 3rd a i thu sawi khi 2 para nen khian in la lawn deuh se tiin duhthu kan sam mai mai a lom le, keini pa rilru chaklo tan chuan chhut buai vak a ngai ta thin a. I mi sawi hi a lan dan atangin Saizamliana a nih duh hmel riauin ka hria a, ka lo ngaihbel ve ngawt a, ka nui tut tut mai.

rotlingpa said...

E Lalsaia a sawina a lo ni mo, zemabok tlangval mobile 2 ak reng(nokia leh sonyericsson) a soina emaw ka lo ti ve ngot a!!!!

avena said...

saizamliana leh amuana anga ngaihbel lo in, aizawl tlangval ang in chhiar ta tawp ila, a fuh zawk lo maw!

illusionaire said...

Pu Aven, i thlalak mi rawn thawn rawh plz in. Mizo Blog Directory ah dah tur. Mi dang pawh ka dah vek tawh :)

avena said...

kima, ekhai aw! ka lo ngaihtuah dawn ania,

Maruata said...

hello Aven, i dam maw? Chennaia kan inhmuh hnu kar khan ka let leh ta mai a, Pu Lawma te ina kan kalna hun pawh ka nei ta lo. Kan inhmelhriat hman a a lawmawm reng reng e. I thuziak chiar a ngaihnawm hle mai.Han ziak zel teh.

avena said...

maruata ni e, a lawmawm e. tluang tak in han ti ve mawp mawp zel phawt mai ila tiraw !

kunga said...

hun rei lote, nimin ral ta ang leka kan ngaih chhungah hian thil a lo danglam chak hle tak mai maw...chhut miten in han chhut tak tak hi chuan a ngaihnawm thin e. Thla eng hnuaia kan pawnto vel laite kha min ti ngaikai rawk mai a!!!Electric current awm hma kha...kan venga electric ban an rawn phunte khan kan va intithei triah triah e aw!!!

avena said...

pu Kunga, a ni khawp mai. kan ngaihtuah mai hian 1990's bawr chho vel hian kan ram hian thil thar hi kan nei/hmu chak riau te hian ka hre thin.

USA/Europe vel a Car an khalh tan leh mizoram a car lo chhuah , kum in kar hlat zawng nen a khai khin chuan ; US a internet an hman lar tan leh mizoram a internet hman lar tan kum in kar chu a rei lo fe zawk in a rinawm. heng te pawh hi ngaihtuahna a ti thui!!

chutiang zel in, 1990's hnu a aizawl a piang te chuan, hetiang ang lo chhuah hma thil te chu an ngaihtuahna ah an chen pui thiam vak lo mai thei, mahse tleirawl an rawn ni chho dawn tan mek.....

chhangte_ll said...

Phente hna tha te te in thawk emaw ka tia...lo blog hrat viau eloa...