avena

...???...

2011-10-26T16:59:00.003+05:30

Hun awm se la, hmaichhan a sawi in a tuiawm zawk ange han ti dawn ila, thusawi chi vak ka ni lo tih ka in hre ve bawk si. Mizopa tapchhak a thu kual in zawhte leh pum te nen han thu kual pat mai ila, sawi tur chu ka lo hre chhuak ve teuh mai thei asin maw le……

Ka han ngaihtuah vang vang a ka la hriat hlat theih ber ni mai awm chu , Pi Thanzingi sikul an tih mai thin, Primary School-II a, A-pawl ‘thiamlo pawl’ a chhungten min dah ve kha ani mai a. Room khat ah hian kan thu thup mai a. A, AW, B… thiam tawh chu B-pawlah an dah a, chu pawh room khat tho ah, an thutna lane (row) kha a dang ani mai a,mahse ngaihsan awm tak an ni tawh hrim hrim keini tan kha chuan.

Chutah , thil thar a awm,sikul kalna min sawn sak ta tlat mai. Pu B-a (Billy Lalthlamuana) te in ah min sawn ta dial mai. A-pawl leh B-pawl kan vai in kan han zir ho ve leh ta te kha chu ania . Pi Tanpuii khan ‘arpui sente’ min chhiar sak leh ‘pitar te chhang bawm a thil ri rek rek awm’ tih , nilum ai chunga pawn a min chhiar sak a, kan ngaihthlak thap thinte pawh kha ngaihnawm kan va han ti thei tak em. Chutah nikhat chu min ko khawm ta rup mai a, insak thar chhung ah intlansiak tur an ti a,a in thar chu a chung di a chih ani a, a bang dap ani a, in lian tak e ti lo chuan pindan bang a awm miah lova,hall pangngai tak ang mai ani a, hmel hriat loh pawh an tel tam khawp mai, insak thar chhungah kan intlar pat mai a, hriat ngai hleih loh te nen, “tlan rawh u” an tih rual in kan han tlan a , a bang tawp kan tlan thleng dawn trep tihin tiang nena lo in ring khan “tlan let leh rawh u” tiin Pa Vanlalliana khan tiang nen min lo hawl let, kan tlan let leh a , a lehlam kan tlan thleng leh a, zirtirtu dang khan tiang nen min lo hnawl let leh, chutiang reng reng a kan tlan kual hnu chuan a chhuat lei kha kan lo rap bel ta khawp mai kha alo ni aniang chu, a hnu rei lo te ah, sikul thar Primary School-V kha alo ding ta a.Kal na tur school ani e an tih tak ah chuan kan kal ve leh ta mai a. Pi Malsawmi chauh zirtirtu a nih lai a naupang lian deuh in almira-a a hlauh tur atana ‘rul thi’ an lo dah a, a hlauh theih dan te, a rawn kal hman loh chang a, a pasal in min zirtir chang a, lehkha puan a tih pawp a, “a pawp zawn a, hawrawp hi chhiar rawh u” a tih a kan chhiar thin lai te pawh kha aw!!! Pa Vanlalliana chauh zirtirtu anih lai te pawh kha a awm chang a awm bawk. Tunlai anga “Sir” tih awm ve tawh hek lo le “Pa” Vanlalliana, kha kan ti vek mai a. Pu Hlira ‘morning exercise’ min tih pui thin chu sawi dawn chuan tuktin deuh thaw a thil thleng ania sawi sen chi ani lo. Kut tin fai leh fai loh en ni te pawh a awm thin kha, mahse a endiktu bum dan te chu kan hre ve nual hawm kha chu ania. Kan Head teacher Pa Biaka’n sikul kawt a office buangrua tur a siam lai kan lo khawih ve chak viau thin, khawih a phal si loh lai vel te pawh hun alo rei ve ta ngei mai...........................

Chuktuah Huan

2010-12-23T15:51:00.010+05:30

Zingkar leh tlai lam ah te hunawl hnawh khah nan , chuktuah huan ka han siam ve chhin a.Rin aiin a zei loh theih ve ang reng hle mai. Mahse kan hlimpui phian, kan in bul vel a huan siamna tur awl awm ve ho hi a chhak kawng an laihna leivung a ni a..chuvang chuan lei han let chhuak vek a bawngek han dah tur in ka siam tan hun hi ruah tui la tam ve deuh lai , bawngek lei mai tur awm loh hun lai anih avangin , lei let hran lo in thlai kui tiah hnu ah a phun sawn na tur in a khur 5 inches vel a thuk in ka lai vek a, a khur ah chuan vermicompost leh lei chawh pawlh bak ah balu tlem ka telh a..a nun chu a nung tha ve duh ang reng khawp mai. Mahse , ti thang lo tih tak ah brocolli chu ka phun sawn tlai hret a..kawmchhak te chuan september thla a an lo phun sawn tawh kha keini chuan november thla tir ah kan phun sawn chauh mai a..chuvangin kawmchhak te brocolli a par tan tawh laiin keini ve chu a la hla deuh chuan a hriat..chu mai bak ah ruah a sur tawh mang loh hnu a phun sawn chu pangang leh rannung a hnah ei chi an awm tan tawh a, zingkar ah pangang vai du du a ngaih chang a awm thin...
Tomato hi a par tan ve der tawh mai.40 vel ka phun a, a zam na tur atana buara hrui ka siam hi alo la dik tawk lo ani ang , a ching thang ho chuan a zam that theih nan buara hian a kung an lo hling thin alo ni a ..siam that leh ala ngai

Parbawr hi chuan a ngaih vak lo aniang , a thang muang khawp mai...

Brocolli, 100 vel ka phun a, thla hnih a upa an ni ve tep tawh e..

zikhlum pawh hi 40 vel ka phun a, tlem a dam deuh an ngeih anih ka ring, dam lam a phun ho ah chuan an thang chak ber mai!

Hun tawng thenkhat...

2010-10-10T15:48:00.006+05:30

Chawlhni chawhnu lam ani tawh. Mizoram lam chu ni se chawhnu inkhawm pawh an bang fel tawh anga, Aizawl ah te pawh han tlan kual ila khawlai a reh ruih hun vel ani tawh. kawt lawk a temple atang chuan vai puithiam hian an durga puja lawmna ni hmiang, mike atangin ring tawk hian a chang in thu chham deuh, a chang a zai ang reng bawk si hi a rawn ti ri reng mai . Motor engine ri leh horn ri chu a ri chuah chuah bawk a. Han len dawn in , enge maw min mamawhna a awm thut ang tih hlauhawm bawk si, room a thut reng ninawm tawh bawk si,dinhmun a han din leh chiah chuan 2003-04 vel a vawi tam tak sawrkar chawlh ka lo hman thin dan min hriat chhuah tir zawk mai.

Inneih atanga kum 7 chhung a hmeichhia an thih reng reng in Criminal Procedure Code in a phut ang in Executive magistrate in Inquiry a ti tur ani a.Hetiang hun tak mai hi a thlen duh hun ani tlat mai thin ani.Kan khawhlui te phei kha chu Telugu tawng hmang tam na ania, dowry-related death case hi a tam ang reng khawp mai a.

Hetiang case ang hi chu a hmun a kal vat a, ruang post-mortem tur a thawn nghal vat anih loh chuan chhungkaw pahnih in kar ah buaina awlsam taka chhuak thei dinhmun anih tawh avang in report a lo thlen rual rual a, police ho nen a thawh chhuah nghal a ngai tawh thin. Hetiang ang case a mitthi then khat te phei chu an chhungkaw pahnih inkar ah hriat pui lem loh a aruk a an lo indawr fe hnu te hian report kan dawng chauh a,zan 1 aia rei te ruang a lo awm tawh thin a,hman hmawh ngai thin tak ani.

A hmun thlen ve leh a ruang an zalh na hmun hma, a thawmhnaw hak, a taksa a thihna chhan sign awm ve deuh, an thenawm te leh amah hre tu hnen atanga a mitthi hun hman dan leh enge buaina an nei thin em? tih zawng zawng te record vek hnu ah , ruang chu post-mortem tur a thawn leh angai. Chutah hmeldang leh chhungte , laina hnai nei ve ta miah lo chu tumah in an rinhlelh theih loh tur ber nih chuan post-mortem lai a awm ve angai...anih loh chuan pawisa an in pe a chuvang chuan...tih hi hriat zawm tur a awm ngei ngei. Nikhat ah miruang pakhat aia tam post-mortem na ah ka awm chang te a awm!!Mihring rilru damna hi a pawimawh si ani.

Hetiang vel chhung zawng zawng hian nau te ho a ruk a thil lo zawt kual a,statement lak tlak deuh pe thei tur lo chhui tir char char angai bawk.Mak ve deuh ka tih thin chu post-mortem tih zawh a mipa chhungte leh hmeichhe chhungte statement lak hian an inneihna a an pawisa senso zat te, rangkachak an in pek zat te, a hnu ah an phut belh leh te ....an sawi thei nghal vek zel!! A mipa chhungte sawi leh hmeichhe chhungte sawi a inmil tlangpui ziah bawk!!

A hnu ah ka inquiry tih reng reng chu keimah ngei court a ka case defend ka duh thin avangin kan khawhlui a ka awm tawh loh hnu ah pawh court ah ka inlan tam phah hle mai.Mahse,ka rilru ah hian vuina vawiin thleng in ala awm lo chu ani.

Vawi khat chu ka rilru ti buai ve deuh tu a awm a. A hmeichhia thi kha CrPC anga chhut chuan inquiry tih tur ani..mahse a hmeichhia thi kha mihring hrisel lo hrim hrim ,damdawiin a thi ani, mahse report a rawn lut ve miau bawk si....a thih atanga chhut in darkar 24 aia rei daih ani tawh a. A ruang awmna ka thlen chuan an khua an inhalna hmun ah thingfak chheh khawm chung ah hian hal mai tur in an lo dah tawh a....engtia tih tur nge ni ang??? ...a mipa lam leh hmeichhe lam in complaint an siam lo ve ve a, kal san leh mai tur nge ni ang?? ti a ka ngaihtuah lai tak in, Pawisa an in pe a chuvang chuan complaint a awm lo tih kha thil awm thei ani ve leh tlat mai a. A ruang an zalh tawh lak thlak tir a post-mortem tur a thawn chu thil nuam tak ani hran lo khawp mai.

A sei lutuk hma in..vawi khat inquiry ka tihna chu a hmeichhia kha inawkhlum ang in a sari in ceiling atang in an lo khai a.Mahse lukham in mi pahnih in thawhtheilo in an nem hlum tih kan hmu chhuak a. A dang leh pakhat erawh a pasal kha a MIPA thei lo a, a hmeichhia khan TUR a lo ei a a thi tih kan hria.

.......... (hman hun a sawi zawm leh ah)

Case 1:(courtesy chepahakhata & Varte) :D
Lukham a an lo nem hlum: Hei hi a ruang kha inawkhlum ang in puan in ceiling ah an lo khai a. Raipuar lai ani leh nghal a, sawisakna hnu hma a awm leh awm loh ka en chhuah vek hnu ah a ruang ka lak thlak tir a.Tin, a buaithlakna pakhat awm ve leh chu a mipa leh hmeichhe chhungte ve ve kha politician , party hran an lo ni ve leh zel baw a.

A hmun ka thlen a ka hriat theih mai chu, a inawkhlum a awm nikhan a unaupa nupui neih ni ani a, chuan a pasal nen khaw dang ah a unaupa nupui neih lawmna ah chuan an zin dun a. Chawhnu lam dar 4 vel ah an in ah a pasal nen vek chuan an haw dun hmu tu an awm a, chungte pawh chuan a pasal chuan kal kawng an kal lai vel in a chhuih haw phei vel tawh niin anmahni hmu tu te chuan an sawi ani.

An thenawm te ka kova, insual thawm leh thawm dang a awm leh awm loh ka zawh chuan thawm a awm loh thu min hrilh a. A ruang inkhai te pawh tukverh atanga hmu mai an nih thu te leh, ka thlen ve pawh in kawngkhar kar chhia in inchhung chu kan lut thei chauh va.

A Pasal kha anu nen chauh a khawsa an ni a, a pasal a nu kha khaw dang a zin daih ang a inlantir a tum bawk a, mahse a thih hun lai tak awm vel darkar kan han chhut khan an in ah an pathum in an awm hmel tlat bawk si ani.

Hetia inquiry tih lai hian mipui a pungkhawm hnem ang reng khawp mai a, chung ho lo control tur chuan police pawh ka dah hnem ang reng khawp mai a. Thil awm dan leh inchhung vel zawng zawng pawh khawih chet hma in thla ka lak tir thlap vek bawk ani.

Chuan a ruang chu post-mortem turin damdawiin lam ah ka kalpui ta a, chungte pawh chuan a mitthi chhungte leh khawtlang hruaitu lam te pawh in min la zui dul dul mai a.

Post-mortem an han zo va, ka rinhlelh rilruk deuh ang ngei in a ti tu doctor khan inawkhlum anih a rin loh thu min hrilh ve leh ta mai bawk a. Chuan a thisen leh thil dang laboratory a test tur samples an lak ho te chu vellore lam ah kan thawn ta ani.

Statement lak chu an panchayat members 7 vel awm laiin a indawt in kan zawt ta nghauh nghauh mai a. Ka staff te ho in an lo ziak thla zel a, thu zawh belh duh kan neih apiang chu kan zawh belh nghal ta zel a....

Statement pek duh loh vang in mitthi pasal a nu chu court building ah a tawm tlat mai tih an rawn sawi leh. Kan han nghak deuh vang vang a, police ho in court room chhung a luh an hreh nasa mai si a, ani kha court a hnathawk alo ni bawk si nen. Lehlam ah Minister leh politician lam atang in phone ka dawng a fimkhur leh dik thei ang ber a kal pui tur a min duh thu leh kalpui chak deuh tur a min duh thu ka dawng ve sek bawk si.

Chuan a rei tak deuh hnu chuan magistrate an rawn a, ani remtihna in police ho chuan mitthi pasal a nu chu court building ah chuan an luhchhuak a. statement chu kan lak sak ta a.

A sei dawn em mai.....kan inquiry a kan hmuhchhuah tak chu, a mipa lam khan demand an lo nei a, hmeichhe lam kha a unaupa nupui neih tur a sum sen angaih avang in an lo pe thei mai bik si lo kha alo ni a. A mitthi pasal kha autoriskshaw driver ania, an thil demand pawh autorikshaw Cheng nuaih khat man awm vel kha alo nia. Kha mi an pek loh avang khan an unaupa nupui neihna an kal an in a an haw leh hnu lawk ah an nufa khan an monu chu lukham in an lo nem hlum hi alo ni a.
A nu leh a fapa chu police in an man nghal a, a hnu ah bail in an chhuak leh a, mahse a pasal zawk hi chu a hnu deuh lawk ah a inawkhlum zui ve leh ta thova. Court he case avanga ka din tum pawh in a nu lam te lawyer chuan khei pawr na tur an dap kual nasa ve ang reng fu a, court chhung ah te khan an tap tliar tliar a, mahse dowry death case a ka hmuhna ah ka tang ve tlat a, court in a pawm ta nghe nghe!

Hello

2010-06-19T09:59:00.012+05:30

Tlai lam dar 6 a ri tep tawh, office atang in haw tum in ka inbuatsaih vel mek, Phone ah min be duh an awm a, recruitment exam kan buaipui lai mek pakhat zing a mi, candidate pakhat ania..tiin min rawn hrilh a.Tirunelvelli lam atang in a nia, hall ticket ala dawn loh thu leh, civil judge recruitment chu kan kal tlangpui dawn nge dawn lo tih a rawn hre duh hi alo ni a, kan website atang in en mai tur in ka hrilh a, a download theih chuan print mai theih tur a kan dah vek thu ka hrilh bak ah, G.O(Government order) thar engmah ka la dawn loh thu leh G.O. awm lai anga kal pui zel a nih thu ka hrilh bawk a. Chuan.......

Zan ah tui tak in ka mu, a tuk inrinni ania ka tho hma lua lem lo.chaw ei kham a newspaper kan chhiar chu "The Hindu" ah kan inbiakna vel kha an lo chhuah kulh mai a.Civil judge recruitment hi India danpui (constitution) ah chuan state Public service commission(TNPSC) leh High court in an tih dun tur ani a. Mahse, an tih tur chiah ve ve a in ziah loh avangin ; state sawrkar, state public service commission, high court ,ten kal pui dan tur an duan anga tih mai tur ni awm tak ani a,mahse an inrem thei lova, rei tak chhung recruitment tih theih loh a lo ni tawh ani(kum 5 vel ani).State public service commission chu sawrkar ai awh a recruitment ti tu tur ani a, mahse a rules leh procedures vel chu State sawrkar in G.O a tih chhuah anga tih mai tur ani a. Mahse, an pathum a inremna a awm hleih theih tlat loh avangin High court ,full bench in, high court registrar kha petitioner ah tan tir in, anmahni in recruitment conduct dan tur order an chhuah a, state sawrkar pawh G.O ,an order zui a amend mai tur in a ti ta a, a hun a bi tuk bawk ani. Contempt of court awrh theihna dinhmun anih tak avang in , public service commission meeting ah ka thlen nghal vat a, supreme court a appeal kan rel thlu a. Supreme court ah ka appeal ta a. Kei petitioner ka ni a, Registrar high court kha respondent ani ta thung a, Chief Justice of India ni thin KG Balakrishnan leh judge dang 2, court hma ah thu inchuh chu a kal ta ani.
Hetiang teh nuaih anih avang hian media lam in an ngaihven em em a.Interview min dil chhen hlawm a, tumah ka be duh lova, office campus chhung an luh pawh ka phal loh avangin candidate anga rawn insawi in min lo phone hi alo ni a.
Supreme court pawh in order a chhuah hlei thei bik lo aniang, thla enge maw zah an ngaihtuah hnu ah pawh " an 3 kar a inremna awm theihna dal tu ani lovang he case ngaihtuah mek hi" tih vel bak in thu an chhuah hlei thei lo.Hei vang hian TNPSC leh High court in kar ah palai hna ka thawk zawm ta chu ani deuh ber e. Engtiang a tih zui tur nge tih chu High court Registrar pawh in engmah thu a sawi ngam tawh bawk si lo, Chief justice leh senior judge dang pathum nen nitin deuh thaw , a issue awm kan sawi ho ziah angai a, chu kan sawi ho chu TNPSC ah thlen a member leh chairman te nen sawi ho leh a pawm ho theih lai leh pawm ho theih loh lai te sawi ho leh a..kual kual angai ta!!

Sawi ho fe hnu ah chuan thil dang zawng zawng ah inremna a awm vek tawh, mahse interview board a thu tur leh mark pek dan tur ah chiah inrem a theih loh, chutih hun lai a chief justice chu (delhi high court a chief justice a retired ta kha ania),thil dang zawng ah chuan TNPSC nen inrem lohna a awm lo, mahse interview board a thu tur high court judge ah khan ani chuan judge pakhat chiah , a nominate tlat mai a,
; interview board engzah pawh awm se la a pawi lova, mahse judge pakhat chiah hi a board ah chuan a thu zel ang a ti mauh mai.TNPSC lam in an duh bik si lo, chuan ani an transferred a, tun a Supreme court judge ni chho ta pakhat hi chief justice ah a rawn awm ta a.Inremna a awm thei ta. Supreme court kan hriat tir a, a case chu closed ani a, kan inremna ang chuan sawrkar pawh in G.O(civil judge recruit dan tur) thar a chhuah ta bawk.

chutah le.... civil judge hna ruak dil theih tih advertisement kan han chhuah hnu deuh lawk ah, court a thawk ,law degree nei ho pawh in an dil ve thei ang tiin high court in order a rawn chhuah leh ta mauh mai, an lobby chu ani ngei anga court a thawk ho khan( a G.O ang chuan advocate, state bar council a kum 3 tal in register tawh, practicing lawyer, minimum mark Law degree a an hmuh zat tur ...etc tih vel ani ).
He high court thutlukna duh loh avang hian a state pum pui ah advocates ho in court an boycott char char a, thla hnih dawn thaw inremna an nei thei lova,....an advocate hruaitu ten a khat tawk in min rawn hmu deuh reng a, state sawrkar ah pawh pressure an pe nasa em em a...state sawrkar in recruitment tih dan tur G.O chu a amend ta bik hrih chuang si lo.Heng avang hian application kha process lo ta ngawt ila, examination date ruat lawk vek ani tawh a, thil tih chi ani si lo. G.O. nge high court order zawm tur tih avangin application endik tu te khan an duh zawk zawk kha zawm ta ngawt se la ani thei chuang si lo. G.O ang in kal pui phawt ila, a bak chu thil in her chhuah ang zel in ..tih chu ka thu tlukna ani . Court a thawk , law degree nei ho application zawng zawng chu ka reject tir vek tawp mai a, a hran in record fel tak siam in ka dah tir ta ngawt!
Hetiang teh nuaih anih avang hian High court nen a meeting kan neih reng reng ah ; chief justice leh judge senior ho hnen ah pawh, a sensitive tawh zia te, keimah ngat phei chu north-east mi ka nih avang leh mihring 'clean image " nei, tumah in caste/politics ..etc vel a an "question" theih loh tur ka nih avanga min dah anih thu te,he thil buai hi a kal zel chuan recruitment dang te pawh mi in an question vek anga( sawrkar hmasa lam in kum 5 chhung teh meuh sawrkar hna thar lak alo khap tawh a, sawrkar thar in hnaruak zawng zawng hnawhkhah leh a ti bawk sia, kar tin deuh thaw recruitment exam kan conduct thin ani)., "blown out of proportion" an tih thin ang dinhmun anih tawh thu te, a post a ka va thlak pa pawh keimah aia kum 10 chuang daih a senior anih thu te leh , hetiang thil avanga transfer ka ngaih phah anih dawn chuan thlak na tur state sawrkar tan pawh a buaithlak dan tur te pawh ka sawi ve.
Hetiang vel anih nuaih lai hian candidate pakhat anga rawn insawi in "The Hindu" ho chuan min rawn phone a, a tuk ah news item ah an rawn chhuah zui ta a. He news item chung chang ngaihtuah tur hian high court in full court meeting ( High court judge 40 vel an ni ta in ka hria) a hranpa ngat in a kova, registrar tak ngial pawh tel ve phal tawh lo in, chief justice leh High court judge 40 rual chuan an rel zui ta a. An thu tlukna nghah chhung erawh a rei duh in , hun a kal muang duh churh churh ngei mai!!

Mizoram lam ah.

2010-05-28T13:57:00.004+05:30

Nimin lawk emaw tih pawh in hei mizoram sawrkar a ka thawh ve hnu ah pawh kum chanve vel chu alo ral leh ta der mai!!Tamil nadu te anga SMS/e-mail/fax hmang a report thawn te leh tih tur in tuk te awm ve ta lo chu phet sek leh buai reng reng a awm chu a awm ta mang lo.

Enge kan han tih zawm tak ang le aw?? mizoram medical council bill, kum 5 vel pending tawh chu assembly session hnuhnung ber in a draft kan put luh min pawm pui hram a; Medical college din na tur in concept paper thla hnih chhung vel in a tui mi te tanpui leh pui bawm na zar ah kan peih leh hman hram a, hmabak erawh ala thui raih raih hle mai!!
Sawrkar hnathawk te leh kan hruaitute te a deu sawh leh nasa deuh deuh a sawi chhiat hreh lohna ram ah hian, engtin nge hetiang her rem tur hian hma kan lak chhunzawm tak ang le?? Property returns sawrkar hnathawk ten an tih makmawh mahse mizoram lam a an ngaih pawimawh ngai lem loh te pawh mumal zawk deuh a kal pui chhoh na tur a hmalak mek ani..mipui leh sawrkar hnathawk te leh hotute lam atang pawh hian in ennawn tlan vek chu kan ngaih hmel a, engtin nge zawhte chu th(r)i kan awrh tir tak ang??

Chakai khawrh kawr

2010-04-30T10:51:00.004+05:30

Hnathawh ni chuan nitin a hmel hmu tur ka ni, mahse ka hmu ngai lo. Ka awm na thin a awm ve thin ngei tur chu ani bawk si.Damloh na leh theih lohna vang te anih ngawt loh chuan nitin inhmu thin tur kan ni, mahse a hmel a rawn lang ngai si lo....

Rin loh tak mai in kan ti dawn nge, beisei ngam tawh loh hnu ah nikhat chu a hmel a rawn lang ve hlawl mai a. Kan thawh ho na tur hmun leh a thawmhnaw hak chu a inmil hlawl lo. Hnathawk tur a in atanga rawn chhuak chu ani chek anga, mahse a hnathawh tur leh a incheina kha a inhmeh mawlh lo ani. A sam a rawn zuah sei nghuau mai a, a tuak ala awm phauh phauh zui a. A sam han en reng reng khan sahriak leh samkhuih vel chu a tawng khat ani tih hi a hriat hliah hliah mai a. A hmui hmul leh khabe hmul vel te chu uluk vak lova meh thuak thuak ani tih hriat tak mai hian a la lawr deuh phiar phuar a.A han tawng zawng te chuan a ha kar a kuhva ei na dum te chu a lang thei a, a han thawk zawng te chuan zan lam pang nge zing lam pang chu a hriat theih loh a , a thil in rim chu a rawn nam deuh huk huk bawk a.
Chakai khawrh kawr an tih ang hi a ha a, kekawr bul a ha bawk a. A inthuam dan leh a hmel han en chuan huan a kal tur anih loh vek leh sangha man tur a lui a kal tur ni mai awm hi ani roh a. Mahse kan awm na a hnathawk tur chuan a rawn kal ve miau bawk si ani.
Rei lo te kan in biak zawk hnu ah ama room lam ah hna thawh tur nghak in a kal sawn ta hrih a. Chhun thingpui in alo hun a, mi dang in thingpui leh a hmeh an han hlui chuan ani chuan ..
"Rakzu lo chu ka in ngai lo" tiin a lo hnar ta mauh mai le.A pe tu lah a hrilhhai a, engtia han biak zui zel tur nge tih lah hriat a har!!
Kan han awm ho ta zel a,Kar khat kan han awm ho hnu chuan amah ah danglamna nasa tak hmuh theih in a rawm awm a. Nu ho leh hmeichhe lam pang in an fuihna avang ani teh reng ang chu, a sam te chu rawn met fai in, a khabe leh hmui hmul te pawh chu a fai thin ta viau mai a, thawmhnaw pangai kamis leh kekawr tlawn nawh mar tha tak hian a rawn kal ta ziah mai a.... zan lam a thil in rim pawh a nam hriat tur a awm ngai ta reng reng lo mai bawk a. Kan inhmuh hmasak ber a arawn hak, chakai khawrh kawr leh kekawr bul chu engtik hun ah nge a hak thin tih ka zawh chuan, hnathawh nan leh lui a kal chang in a hak thin thu leh, vanapa hall hnuai a mi a lei anih thu te, THIL a in thin chu a duh phawt chuan treasury square leh zodin in kar ah engtik lai pawh a lei tur a hmuh thu te min hrilh tel bawk!!
Hringnun hi kan khawsak pui te a zir hian kan awm dan hi ava lo danglam nasa thei awm em ve le aw..tih hi a hmel hmuh a piang hian rilru ah a lo lang zawk thin mai nia.

Khualbuk Vengtu

2010-01-13T20:44:00.005+05:30

"Khualbuk vengtu ang mai ka ni,
Sualin min bawm reng e;" (Hmanah Kaisar lal lian rengpui - Rokunga 1914-1969)

Nikum krismas ni tak mai khan kan biakin ah he hla hi kan sa a, lam pawh enge maw zah an awm a, chutia ring tak a sa ve chung a mi lam ka thlir lai chuan ka rilru ah "engvanga khualbuk vengtu ang mai ka ni, sual in min bawm reng e" ti a he hla phuahtu hian a phuah tak mai le aw?? tih a rawn lang a.

He hlathu anga ngaihtuah hi chuan khualbuk vengtu kha sual in a bawm ni awm tak ani a, khualbuk vengtu sual in a bawm anga ngaihtuahna lo chhuahna pawh josefa leh mari te kha khualbuk a an len ve tak loh avang kha ni awm tak ani a. Khualbuk a an len ve tak lohna chhan kha eng vang nge ni ang le aw?? Khualbuk ah khan hmun ruak la awm reng si in an thlen ve an phal lo nge ni a? hmun ruak a awm tawh lo hrim hrim?? tih hi rilru ah alo lang tel nghal a.

Khualbuk ah hmun ruak awm reng si a, a thlen man an pe ve thei reng chung si a, midang an aia thleng tlai te tan hmun zuah an duh avanga josefa te kha leng ve lo an nih chuan khualbuk vengtu pawh chu a dem awm thei viau mai thei. Chuti ni lem lova, mikhual an lo tam tak em avanga thlen man alo san tak avanga josefa te khan thlen man an pek theih loh avanga leng lo an nih chuan khualbuk vengtu lo dem na tur chi em ni dawn le aw?? tih ngaihtuahna ah a awm a.

Khualbuk ah hmun ruak a awm tawh loh tawp avanga josefa te kha khualbuk a leng lo an ni ve leh thei tho bawk awm e. Chuti anih phei chuan khualbuk vengtu han dem na chhan tur avang leh zual ni te hian ka ngaihtuah ve mai mai a. Khualbuk vengtu dem awm na lam aiin josefa te thlen tlai na lam kha khualbuk a an len loh chhan ah chuan a dem awm zawk lovang maw aw..tih te rilru ah a awm a. Tunlai a kan sawi teh fo "pen tui hring" a recommend an nih avanga josefa te kha thleng tlai chung chung a khualbuk ah khan an aia thleng hmasa te luah lan tir in hmun pek ni ta se la , a fel hlel zawk lovang maw? tih te pawh ngaihtuah theih tak ani in ka hria.

Hetiang thu vel mai mai ka ngaihtuah vang nge maw ni a hla chang dang
" Khualbuk vengtu suihlung mawlin,
Van Lal Rengpui ka lung damna,
Puan ang a hnawl ta e" ....
tih awm na chang kan han sak lai te pawh chuan han lam na chhan tur ka la hre ve ta chuang reng reng lo mai a!!

Zing kar

2009-12-02T10:34:00.002+05:30

Tunlai chu thlasik boruak te alo thaw ve leh ta bawk a, zingkar boruak anuam thei ang reng hle mai. Zing dar 5 pelh hret ah pawh khum atanga han harh chiah hian tukverh ah han hawi chhuak ila khua alo eng tawh a, zing ni chhuak hnung puak chung a thingpui no han dawm khuk deuh vat vat pawh nuam tak ani.

In atang in han chhuak ila, kawngpui kan han thleng chiah a , dai in vaivut a chiah hnawn la hul chiah lo ah te hian zan lam a kawng kal ho rahna ni awm tak hi ke hniak te hi alo la lang chiang hle mai a,Agape camping centre lam ah han kal zel hian kawng chhak lam a thing leh hmunphiah hnah vel a dai tla te chu ala far deuh kauh kauh hi hmuh tur a awm a. Arsa rimnam kung ah te chuan tlaiberh sava hi an lo rak nawk nawk hmuh tur te pawh ala awm a, sava pakhat chawngzawng tiat vel tur, a taksa chunglam dum, a hnuai lam var te hi kawngpui ah te hian an lo sawt zau zau hi hmuh tur a awm zauh zauh bawk a. Agape training centre bul vel ah a thlang lawk tlang pawng a phul hmun deuh ah te chuan hman ni zing ka kal pawh vahlah rual hi chil chhuah tur an lo la awm a, a mak ka ti ang reng hle mai. Kan naupan lai ti ve ta mai ila te kha chuan vahlah rual hram thawm hi zuangtui ram vel a kal te chuan a tam thei em em a, tunah erawh hmuh tur a van tawh teh reng nen kawm thlang lawk ah an awm leh tan tawh, a bul vel a in nei tu te phei chuan tlai lam ah te phei chuan um phak tawk lek lek ten an tlan vel thin tih an sawi han hriat te phei chuan a ngaihnawm ang reng hle mai. Mahse, agape camping centre thlang lawk saisih ram an tih mai a kan naupan lai a tam ve thin ang reng tak vaki erawh chu vawi khat mah ka la hmu leh lo thung a.... tlem a kum lam a upa deuh tawh te ka han zawh a tunhma chuan saisih tui hi sai in an tlan thin a, huai te pawh nei a sawi ani tihte min hrilh ve leh ta zel a...tun a achhak lawk a mihring chenna in lo ding thluah ta mai te nen a khai khin chuan ramsa ho khawsak na mihring in kan luah chhoh mek zel dan te pawh a ngaihtuah theih e....!!
han sawi tak zel ah chuan ka hriat ngai hleih loh hian mi hi tho hma fe fe an va lo tam tak em tih hi ani. Aizawl theological college lam kawng ani emaw, bawngkawn Leitan chhuk kawng ani emaw zing kar ah te han kal ve te hian exercise la mi tha hnem tawk tak hi tawh tur an awm ve ziah nia maw le!!

Bawng-pu

2009-08-04T13:28:00.003+05:30

He bawngpu hian ka zawhna dik tak a min chhang anih chuan, thlatin Rs 4000/- a hlawh a, nitin bawngchaw vawi hnih phur in a chhuak thin a, tin, amah hi Hailakandi lam atanga a thian ten mizoram a an rawn hruai ani a..mizoram ah kum ruk vel awm tawh in, mizotawng in a biak thui theih tawh khawp mai. Nupui neiin fa pahnih an nei tawh!!

Ni khat chu

2009-03-31T18:51:00.005+05:30

Hrangbana College, Aizawl atang in BA kan han zo ve a. Chutah NEHU (shillong )ah MA kan han zo ve leh hram a, chutah Aizawl lam ah kan han haw chho a, UPSC(civil service) examination ziah te kan han rilruk ve a, Coaching class kal bawk si lo chu, mahni a in hai ven chawp angai,a va han bo theih in, a va han buai theih tak em!

First optional chu MA a ka subject lak pangai tho a lak nghal theih mai a, second optional tur in rilru a ti buai ta hle mai. Aizawl ah lehkhabu tha lei tur awm bawk si lo!! Syllabus leh lehkhabu rawn lar zual te, journal lar zual te delhi a zin tur chah mai bak ah , lehkhabu dawr lar zual te an address zawng in book-post ten chah tlauh tlauh angai. Chu mai ala ni lo.... national newspaper pakhat "The Hindu" ka subscribe ve lah chu zoram news agency, treasury square ah kar khat ah vawi khat te a thleng , kar khat issue te hi a hlawm a lak ani thin; a chang leh ruah te hian alo nan zawp a, ro leh khir deuh uaih a kar khat issue a hlawm in ni khat a hawn chang lah a tam! study material dap khawm hnu a chhiar ve leh duh bawk si chuan hun a kal chak duh khawp mai...chutia mahni tawk a mawng vawm ba an tih ang mai a , in duhthawh em em a ka buai ve em em lai chuan......

Ni khat chu ,chhungte an chhuak fai tawh , ka in buatsaih dawn tan chiah phone a rawn ri...

"hello"

"....a awm em?"

" awm lo"

"bye"

Rei vak lo ka chhiar a, ka han in buatsaih leh dawn tan chiah a kawngkhar an rawn kik a, ka hawng a ,kawngkhar kan hawng a, em phur hmeichhe pakhat a rawn lang a...

"lo lut rawh enge in duh?"

"chawhmeh in lei duh em?"

"a lei tur an awm lo tlat mai, keimah chauh in ah ka awm a"

kan inthlah liam leh ta hram.

Chu ti chuan rei vak lo chhung chu newspaper a issue in ang deuh ho a ka hriat sakawrbakcheh in ka chep thla a ,a hnu a chhiar leh awlsam nan leh source dang atanga chhiar zau hman a chhiar belh ah ka clip khawm a, ka tih zawh hma in kawngkhar kik ri a rawn awm leh a, ka han hawng a...vaipa buara pu hi a lo ding a

"ka pu thirchhia....bottle ruak hralh tur in nei em?" a rawn ti mai chu, hman hmawh na nen, ka tawng chhuah hma in ka melh vang vang a......

"Nei lo tlat" tih sawi rual rual a kawngkhar khar nghal ani tawh mai.

Chuan ka han in buatsaih ve leh a,ka rilru ah a rawn lut dawn tan chiah tih hian kawngkhar kik ri a awm leh ta tlat mai....thawh a harsa talh tawh mai.Thut hmun atang in.....

"I sawi duh chu kha ta tang khan sawi mai rawh....."

tih chu ka thut hmun atanga ka chhanna ani ta mauh mai...chuan a reh leh vang vang a..a rawn kik nawn leh a, ka va hawn chuan kan unaupa, Aizawl a rawn zin, kan in a riah rawn tum chu lo ni in...

"ava hrilhhai thlak ve maw le" an ti zet chu ka in ngaihtuah chhuak a ,kan han nui dun leh kar kar phawt a....Tlai chaw ei hma chhung inkhawm dawn tawh, thut kim thap tawh hnu in a sawi chhuak leh a,kan han nui tlang leh dar dar a....ka ngaihtuah leh a, vawiin thleng hian a hrilhhai thlak tur zia vel te..mahni in rilru ah ka la nui ka la nui thin.. :)

Ratu ah-II

2009-01-10T12:44:00.003+05:30

Mahni ah pawh library luh chilh a lehkha chhiar nasat lai ani bawk a, tum reng vang pawh ni lem lo hian pulpit atanga mi sermon te hi rilru hian alo hnial zut zut thin lai ani na chung in Ratu KTP conference a Speaker thusawi hi chu ka rilrem zawng tak ani tlat mai, rilru in alo hnial zut zut lo tlat. A taka kan hmuh nghal theih tur ang chi hlir mai a sawi ta mai a!! Thenawm te rimchhia tih tur a vawkin sak hi a kristian lova, Chaltlang Remi tyre work bul a bawlhhlawh paih vum thur mai te hian kan hmel ati bal tih vel an sawi te chu, a hnu a YMA in kan tihfai tum a a uih dan te kan ngaihtuah let chuan sawi chhuah awm tak niin ka hre leh hnuhnawh.

Tin, General conference chhim tur a kal lam ah khaw tam tak ah kawng kham zawng a hrui lo pawt a theitui zuar a inhlawh a , in duh zah zah min pe rawh u ti ho pawh a sawisel zauh a, kan haw lam ah chuan tumah hrui pawt an awm tawh lo!!

Sermon ngaihthlak mai bak ah, hla thar ka hriat belh teuh mai a,a hlawk thlak khawp mai!! Khawhar lenpui na ah pawh hmun dang a awm e ti lo in mi zai rual in inkiltawihna awm miah lo in zai ve theih ta.A nawm mai bak ah heng te ngaihtuah chuan a ngai ang bawk khan kal leh dawn la i duh angem? tih zawhna tawng ta ila, duh e tiin ban ka phar rang ngawt in ka ring!

Ratu ah-I

2008-11-05T19:46:00.005+05:30

Kum sawm vel a liam ta, Shillong khaw vawt vur mai hmun ah lehkhazir lai ania, chawlh laiin Aizawl ah ka awm lai ania. KTP,General-conference(inkhawmpui) nen a in nang ching hlauh mai a, tel tur in hming ka pe ve . Ratu khaw hming chu ka hre thin a, college kan kal lai a kan thiannu Lalteii te khua ani tih pawh ka hria. Mahse, ka la hmu ang tih erawh ngaihtuahna ka nei ngai lem lo. KTP inkhawmpui nghahna anih avangin Ratu khua lam pan in bus in kan han kal ta ani. Thalai awm khawm tih tak ah bus a tlan pah in an zai ho thap thap mai a, an hla sak ho chu hla lar thar ani chek ani ang chu, sak thiam ka nei ve mang hauh lo mai a!

Tichuan kan tlan zel a, Ratu thlen hma in khaw tam tak ah kawng kham zawng in hrui an lo thlung a, theitui an lo zuar a, kan han in sak tak lawp lawp a. Ratu khua chu tlai lam ah kan thleng a, thlen in tur an han sem dan dan a,kan thlen in ah mikhual ho kan han awm kim chiah chu, in pakhat ah mikhual thleng kan tam hle mai.Kan thlen in ah chuan mi 30 vel kan thleng ta in ka hria. In dang a mikhual thenkhat te phei chu an thlen in ah mutna an leng lova, UPC biakin ah zan a riak te pawh an awm a; hemi inkhawmpui an han thlen meuh chuan an khua an tanrual zia a ti lang ve viau in a hriat. Chhungkaw thenkhat lah in an in a riahna leng lo an mikhual ho riahna tur in an in bul ah di in te an lo sa thar ve bawk.

KTP inkhawmpui ah ka vawi khat tel na ani bawk a, zan khatna inkhawm tur a pandal a thutna han zawn chu a khawr theih hle mai. Chutah kan han zai tan a, a “bass” sak dan tur te, hla bu a solfa en dan tur te,“doh-hniam…doh-sang…etc” ka kalpui pa in min han zirtir chawp tak lawp lawp a. Biakin a inkhawm a hla sak thum ve satliah ringawt ang alo ni hauh lo mai !!Mahse han zai hnem chuan kan lo hre ve ta tial tial a. Thalai rual a hu hova han zai thup thup mai kha chu a va han nuam tak em!!

In khat ah mikhual thleng kan thahnem bawk a, chawbel leh chawhmeh bel a lian tawk bawk aniang, chaw leh chawhmeh a hang thei khawp mai. Dailuah hang tak mai leh thlenin te kawmthlang ami zawngtah bal(lawh) thar ngei mai leh hmarchate rawt han ei meuh zawng, chaw eikham chuan kan rih belh lawih hian a hriat thin!!

Chaw ei sawi tak ah chuan mikhual nei ngah lehzual an VCP te mawlh kha aw!!! an in pekna a fakawm thlawt ani.Mikhual 100 aia tam an thleng a, chaw ei hun te khan in koh khawm a buaithlak deuh ngei in a rinawm a, an in kawt ah dar an vaw ri tawp zel !!!

Kan thlenna in chu a chung rangva, a bang dap leh a chhuat thingphel ani a. A kawngkhar ah mizopa kawngkhar, mau hmang a siam(tah) ang hi an hmang a. Hawn dawn chuan a sir zawng a nawr tawlh mai tur kha, thlenpui thenkhat hawng thiam lo an awm tlat mai. Tlai khat chu chaw ei hun nghak a kan zai thap thap laiin kan thlenpui nu pakhat hian kawngkhar chu a rawn keu a, a hmai a rawn lang zawk a, a khar leh thin a, a tih nawn fe hnu ah a tawp ah kawngkhar chu hnuai lam atanga hlim chho in a rawn kun lut a , “enga tinge?” ti a kan han zawh chuan , a hawng thiamlo hi alo ni a. Mizopa kawngkhar ang hi alo la hmu ngai lo hi alo ni a!! MA zir zo tawh pawh ,khawpui a piang a sei lian tan chuan hmuh ngai miau loh chuan hriat ngaihna awm lo ni awm tak ani. Kan nuihpui nasa khawp mai.

Thil te te!!

2008-08-30T15:47:00.009+05:30

Hetiang ang hmun ruahtui tlak tlem na hmun ah leh nghal, hetiang ang thingkung lian a han awm hi chu khaw hawi a ti hahdam bik ngawt mai. Ni sat vawl vawl ni pawh hian a daihlim hnuai a han kal chuan a khaw lum te pawh ati nep deuh sawt in a hriat.

Heng a kawt zawl a thingkung lian awm khup mai te hi,hmawlh khawh bur vu mai emaw, thil zum a lo ker ta emaw hmuh tur a awm lo reng reng!! A daihlim hnuai a hmun awl remchang ah hian thalai ho in inrinni leh chawlhni a piang in cricket khelh nan an hmang ziah tih te rilru a ngaihtuah phei chuan an kut a hlei lo ve hrim hrim nge maw ni dawn ni?

Inchung a han lawn a han thlir phei chuan in thinghnah hring phei dup ni mai hian a lang a, a thingzar ah te chuan thehlei leh sava thenkhat te ,vaki thleng in tlai lam ah phei chuan hmuh tur an awm thin!! Naupan lai a zuangtui leh mutthi ram inkar saisih hmun a vaki rual an thlawk lai kan hmuh te, vahlah an hram chiah chiah kan han hriat thin te pawh rilru ah a lang !! Tunah lah chuan saisih ram vel ah chuan In a ding fur tawh mai bak ah a thing lian awm chhun kan hmuh ve phak ho te pawh an kit zo deuh vek tawh...a thing tam zawk kha chu a ram nei tu ni lo in midang in a ruk a an kih an la ti zui!!

Ei rawngbawlna atana thing kan hman tih tlem nan hian nizung chakna hman uar tum ta ila kan ti thei angem?. A hranpa hlak in tuiherhhawna a awmna apiang ah tuilum herhhawna tur hi an dah a. Inbual nan te leh eitur han siam nan te tuilum a awm nghal reng a, Gas hman ati tlem sawt a, electric hmang a tuilum a ngaih loh phah bawk nen!!Mizoram lam ah te a tih chi ve angem aw??nge kan hmang tan tawh zawk?

Hei a meter a lan dan chuan tanky atanga a tui lut lum zawng chu 43 degree C vel anih hmel a!!

A lo chhuak leh lam tui lum zawng chu 90 degree C vel ani ta daih mai.

Enge hna lam ah kan tawn te !

2008-08-04T18:38:00.004+05:30

Rural development a thawh a , Tamil Nadu state ah pawh district chang kang lo ber zing a mi 'semi-desert' ang tluk deuh thaw a khaw ro, hmun then khat te phei chu a thing awm chhun te pawh 'kalahari desert' a awm thin nen ava in ang tak em tih vawng vawng tur chi, a khaw thenkhat chu an local zu 'arrak' an tih mai siamna hmun pui, zu avanga mipa puitling zawng zawng deuh thaw in police case an awrh chu sawi loh, zu avanga chhungkhat pa a boral tawh avanga hmeithai tam em em na, atanga chennai khawpui a han insawn luh chu boruak hap a inthlak nasa hle mai.Mahse, a changkang lo viau e ti lo chuan damchhung a ka hriat ngai loh tur a ka rin hriat ka neih phah a, panchayat a hmeichhia president awm hi an pasal te an inrawlh vak loh chuan khaw chhung ah nghawng a neih dan te pawh ngaihnawm tak ani!! District changkang lo ber pawl e ti lo chuan TSC(total sanitation campaign) lam ah chuan hmeichhe panchayat president ho thawh rim na zar ah award chu kan hmu hnem fu lawi bawk si!!

Chutah chennai lam ah public service commission ah min sawn.VAO (village administrative officer) hna lak in min lo hmuak , sawrkar in kum 5 chhung hnathar lak a khap bur hnu ah post ruak awm ho hnawhkhah leh vek a tum lai vel alo ni bawk. VAO hnaruak 2500 awm ah dil tu nuaih ruk sing kua teh meuh kan han nei teh reng a! mahni tan hna thar ni bawk nen, tun hma deuh in hmun then khat ah 'hall' pawn atang in aurinna(micro-phone) hmang in a chhan na an chhiar chhuak tih te alo awm bawk nen, lu a hai viau chang atam hle mai!! Mahse , hmun pakhat ah zurui chung a exam ziah tum an lo dang a, tih bak chu buaina em em awm lo in kan ti thei ta hram.
Han ti hram teh ang,chhiar tu ten an chhiar chak zawng an tar lang chak ani chek anga, hmun dang a buaina awm lova thil a kal zia tarlang lo in,'media' lam chuan hmun pakhat a rui chung a exam ziah tum hi an tarlang vek zawk nia maw le!!TV thleng in!!

Thawnthubu chhiar

2008-07-13T11:06:00.003+05:30

TV en tur mai kha la tam hek lo le, sikul chawlh lai chuan chaw ei kham ah AIR chanchinthar dar 6:30 a ngaihthlak zawh chuan u te ho thawnthu chhiar ngaihthlak leh an ti ti ngaihthlak kha tih tur awm chu ani deuh mai thin a. Zan mut naah 'Lallianvunga vanglai' mu chung a an chhiar rik ngaihthlak vang vang chuan in a tuk zing thawh hlim ah pawh hian rilru ah ala cham zui vang vang zel mai ani.

Chutah middle school te kan han rap ve tan a, ngaihnawm tur khawp in kan han chhiar thiam ve ta..kan han thu bial laih a ,pakhat in 'wayne cole' thawnthu an chhiar ri a, a hnu ah thil lei a chhuah pah te hian kawng ah kan han sawi zui laih laih thin lai vel te kha aw!! CIA leh KGB tih vel chu rilru in a hre bel hlarh hlarh khawp mai..a thawnthu kha a tak anih leh nih loh ah erawh inhnialna a tawp hlei thei mang lo thin zawng chu ani.Mi hrang hrang ta kan hawh kual hnu chuan 'wayne cole' bu chhuak ho chu kan chhiar zo thei ta hram.

Naupang sunday sikul chawhnu inkhawm ah hian thawnthu sawina ni a awm thin a. Ben hur, qou vadis,cotacomb martar te, etc vel te ngaihnawm ti em em in kan ngaithla thin. Inkhawm kaikim lawmman la pawh kan tha hnem viau thin reng ani. A hnu ah ka chhiar ve leh vek a , a ngaihnawm ka tih ngai reng tho in ngaihnawm ka ti.

Chutah tlem in kan han upa leh deuh a, 'cowboy thawnthu' ah kan han kai a.Pakhat in a chhiar rik ai chuan in mahni a chhiar mai khan ka a kham lo kan ti ta deuh zawk nge ni, thian inkawm e ti lo chuan thutthleng sei ah a hrang a mu in 'sudden' thawnthu kha nileng thak thak a chhiar chang te pawh kan nei. Hnatlan nikhua te pawh hian rual u zawk te nen 'sudden an Hell city" a beih dan te, Dusty Fog nge phawi rang ang Sudden-a tih vel te chil per sawr sawr khawp a sawi ho te pawh kha nuam ve deuh ani. Kan thianpa pakhat phei chuan in a zing thawh hlim te hian a kut hian pistol hi a phawi chhin a phawi chhin thin ani awm e!! A phawi ran leh ran loh zawhna chang ka lo hre lo kha chu ka ui leh hnuhnawh, tunah han zawt dawn ila min chhang tha duh in ka ring tawh si lo!!

College kan han rap chho a, thawnthubu chhiar a khat tawlh tawlh.Mahse, vawi khat chhungte in ah khawhar kan han riahpui ve a. An veng ah chuan 'chess' an lo uar fu mai a.A sawn dan thiam ve tawk tawk chauh tan chuan han tuipui ve a har fu mai, vawi 5 vel kan sawn hman chauh tih tur ang ah hian min dang hlum zel mai a, ti chuan thawnthu bu chhiar lam ah ka tuan ta zawk a, khawhar in bul a man chawi a hawh theihna library a an thawnthu bu neih ho chu ka chhiar hnem viau hman ta in ka hria, 'veronica' atanga M&B thleng in *hihi* Carole Mortimer tih te pawh hre bel hman fu mai!!

Ka nu SMS

2008-06-07T13:18:00.010+05:30

SMS chu kum lam a la naupang lam deuh tan chuan a tih dan thiam zung zung a awl anga, thiam a awl mai bak ah hman na tur leh mi dang man tlawm zawk a biak zung zung nan a awlsam a, khaw lian zawk a cheng leh kum lam a naupang deuh te tan chuan SMS thawn dan thiam lo nih chu thil ni awm ang lo hu a ngaihdan te pawh a awm mai thei.Mahse, ka nu kum 60 chuang tawh in a tu leh fate chanchin hriatna tur a SMS thawn dan a han zir zet chu aw....

Mizoram lam ah Samsung hand-set hmang in a thiante leh ka u te ho in a thawn dan an zirtir thiam tawh. SMS kan inthawn ve thin; ka thiante ho bul ah ka nu in SMS min thawn tih kan sawi zet chu , mak ti in engtin nge a thiam theih? min ti sup sup mai nia!! Hetiang a nun dan pangai anga awm ve anga kan ngaih hi ka nu te ang kum rualpui tan chuan India ram a hnam dang zing ah pawh an lo thiam chak vak bik lo ani mai thei ani.Hetiang lam ah hian hmasawnna chak zia leh dang lam chak zia hi aw!

Chutah ka nu , ka bul a awm tur in a rawn kal. Samsung chu a har em mai Nokia hi hman a awl sam zawk ang tiin, Nokia hman kan han tum tlang!! A awlsam zawk anga ka hriat kha ani tan chuan alo ni ngawt lo....a thiante leh a thawhpui thin ten Samsung hman dan tur an zirtir ang khan Nokia hman dan tur a hriat thiam zawng tur in ka zirtir ve thiam lo ani teh chek ang chu, kar khat teh meuh mai Nokia hand-set hmang a SMS thawn dan ah kan buai anih chu maw le...phone hmang in Samsung hman dan zirtirtu te pawh kan rawn ngun na rawh e. A tawp ah chuan thiam tum ta ngang chu a thiam ta nge nge!!

Mi dang SMS ang lo tak mai in ,ka nu SMS ah chuan a sawi duh a rawn sawi nghal tawp ngai lova, a SMS tan tir ah hian min koh dan a min rawn ko in "aven..........." ti hian a bul a rawn tan ziah anih chu!! SMS thawn thiam tur a a beih na te, min ngaihtuah vang ani tih te ka ngaihtuah hian , ka nu SMS hi chu ka chhiar nawn ka chhiar nawn zel mai!!

Autorickshaw driver nen thukam hnih khat.

2008-05-24T13:10:00.004+05:30

Kan tlai lam tih tur te kan tih zawh chuan, in a han haw mai nan chuan ala hma deuh avang in 'city centre' lam ah kan han kual a.A roof-top restaurant ah chuan zanriah ei nghal mai ila, ti a kan rel zui tak avang leh, a tlai deuh hlek dawn avang in driver in nghah tir chuan zan a haw tlai lutuk dawn a hriat avang in,driver haw tir mai ila, autorickshaw in kan haw mai anga chuan a khat reng reng alawm tiin kan rel ta a. zanriah ei zawh in autorickshaw chu kan han chuang ve ta ngei mai a,tamil tawng thiam ang ang in kan be ve nawk nawk a, he hun rei lo te chhung a thukam hnih khat a kan inbiakna chu...

"Beach road lam ah kal ila sea-breeze a awm tawh anga a nuam zawk ang a"

"tun a kan tlan mek na hi one-way ani a, u-turn awm na thlen chuan mount-road a hla tawh lova , mount road lam ah kal ila kan thleng hma zawk ang"

"OK. chuan autorickshaw hi nangma ta ani em?"

"Ni lo, man chawi (rent) in ka hawh ani a, nikhat ah a neitu hnen ah Rs 150/- hawh man ka pe a, petrol leh a repair man zawng zawng ka tum nghal vek bawk a"

"chutiang ai te chuan second-hand tal te pawh lei la ani mai alawm"

"A repair a ngai zing a, repair na senso a sang hma lutuk a , a hlawk lo zawk alawm"

"Petrol man paih vek tawh hnu in nikhat ah engzah vel te nge ila hlep theih a tlangpui in?"

"Rs 400/- a hniam ber ah pawh ani a, mahse repair man senso hi nitin a chhut theih loh a chuvang in hlep chu chhungkaw chawm nan chuan a sang lutuk chu ani lo"

"Khawi khua a piang a seilian nge i nih?"

"chennai"

"Kum engzah nge i nih?fate i nei em?"

"kum 35 ka nia, fa pathum ka nei a sikul ah an zirlai an ni mek"

"english i thiam em?

"thiam lo"

"telugu emaw hindi emaw tal i thiam em?"

"thiam lo tamil chiah ka thiam,ka fate chuan english an thiam"(nui var var chung in a sawi a)

"chuti chennai a piang a seilian ni bawk si sikul pawh i kal na nge?"

"aw kal lo, ka naupan tet laiin ka pa in min thih san a, ka nu inhlawhfakna ringawt chuan chhungkua ei kan hmu bawk si lova, chuvangin naupan tet atang in sikul kal lova hna ka thawh angai alawm"

"sikul a thlawn vek zirlaibu leh uniform te thleng pawh a a thlawn vek sawrkar sikul te pawh a awm hi , chung te pawh chu i ngaihtuah ngai lo em ni?"

"kan naupan laiin kan veng ah chutiang sikul a la awm ngai hlei nem"

"I pa eng hnathawk nge?"

"cycle-rickshaw khalh a ei zawng thin ani"

"chennai ah cycle-rickshaw kal theihna chu veng pawn lam ah chauh ani sia ,khawi ah nge cycle-rickshaw chu a khalh thin a?"

"an hunlai te chuan cycle-rickshaw kal phal na deuh vek alawm"

"tunah chennai ah khawi veng ah nge in khawsak?"

"Adyar ah"

"Nangmahni in em ni?"

"Ni lo"

"Inluah man engzah nge thla khat ah in pek?"

"In zim te mai ania Rs 1000/- inluah man ah kan pe thin"

Hetia a sawi zawh rual vel hian traffic a jam deuh avang in bul a mi autorickshaw driver chu a han au nghal a, 'Ritchie street' awm na a han zawt a, a chhan chu Ritchie street hma bul a sub-way ah kan chhuk dawn ti a kan hrilh avang in ani chuan alo la hre chiang lo ni tur ani..a hnung a ben keuh pah in..

"Ritchie street awm na chu ka hre ve tho a lawm maw le, ka sawi na ah kal zel la kan thleng ani mai "

"aw le aw le " (rawn nuih let var var pah in)

Chuan Ritchie street kan thleng ta a, a chuan man te kan in pek fel hnu chuan , sub-way lam ah chuan step ah ka chhuk thla ta zel a, ka kal liam dawn hnaih tawh chuan ka han hawi let a, autorickshaw driver chuan min lo la thlir vang vang mai tih ka va hmu thei a!!

Ka han ngaihtuah a, ani tan chuan khawvel alo pian chhuahna chhungkua avang pawh ani mahna, a pian rual chiah a piang ve mi awm thei zawk te fanu/fapa chuan , he khawvel intlansiakna ah hian thui tak an tlan san nghal ngawt mai ni te hian ka hria a!! cycle-rickshaw khalhtu in autorickshaw khalhtu a hring a, hma sawn na rahbi chu an lawn zawt zawt lem lo a ang khawp mai. India ram in zalenna a hmuh atanga chhiar pawh a kum 60 liam tawh hnu pawh hian, zalenna tak tak han chen ve tur chuan an sum neih in ala pha ngang lo ni te hian ka hre thul!!!

Vawi khat Ramnad a ka awm laiin , trawley nawr tu pakhat hian ka closet siam tir hi quarter ah a rawn dah a. Trawley chu ama ta anih leh nih loh ka zawt a, ani pawh chuan man chawi (rent) a a hawh anih thu min hrilh a. Engvang in nge hetiang man chawi a hawh ang chi hian an tih tlat mai aw?? tih rilru ah a awm vang vang mai nia. Thla hmasa lawk in sawrkar in 'scheme' pakhat a siam a, autorickshaw driver ho in an duh chuan soft-loan an tih ang chi, a pung tlem te chauh nei leh , thlatin a rulh ngai tlem te ani a, mahse loan la duh an hmu mang hauh lo nia!! Anmahni hnam zing a caste-system avang hian caste sang zawk ten an lak an phal lo nge ni anga?an eizawn na lam a thil ti thei zawk ten , an dinna tur stand leh anmahni dawr tu tur te awm theihna lai an 'control' tlat anga, chuvang in loan la in mahni in lo nei ve ta pawh nise la , an hlawk phah dawn chuang lo em ni ang aw, tih te ngaihtuahna min neih tir a. Mahse, chung thleng thleng in zawt tur in hun a tlem bak ah, hmelhriat loh hnen ah chuan a sawi ngawt duh in a rinawm bawk si loh!!

A hun lai chuan...

2008-05-12T22:04:00.007+05:30

Rotlingpa mi ropui nen chuan kum hnih chhung teh meuh bak ah, kan inhriat hnu chuan Mizoram a ka awm ve tawh chuan hun kan hmang dun hnem a, lo in ngam ta viau pawh ni ila a awm ve viau tawh.

Mahse, a chung a picture a mi nen khi chuan rei kan awm dun lo.Mussoorie a foundation-course training laiin thla thum vel kan awm dun a.Mahse, mak ve deuh mai chu a hnu kum sarih aia rei tawh ah pawh hian, kan in be reng lem lo na in, kan la in ngam dun in kan titi duh zawng ala in ang bawrh bawrh hle mai.Tennis khelh ve kan tum sa sawi..serve dik a har ang reng fu..a dik palh hlauh tum in kan la let thei mang lo, leh lam in an lak let dik in kan la let thiam vak lo ve ve tih erawh sawi lo mai ila..alo zak palh ange!! Mahse ,table-tennis ah chuan kan inhneh tawk ang reng khawp mai. Tlem a han tan loh deuh in ka kang ang reng a, han tan deuh in a kang ve leh dawrh mai si a....tan thiam erawh a har ang reng fu.

Tuktin zing dar 6 hma deuh in ,cook in door-bell a rawn hmet ri a, dar 6 ah chuan playing ground ah PT tur a intlar hman zat zat angai. Tlai lam cultural programme zawh hnu a, dinner ei zawh leh hnu a, a tuk class na a 'discussion' leh tur 'reading material' chhiar a ,internet khawih leh chuan zan dar 12 hma a mut a har khawp mai. Zing dar 6 la rik hma minute 10 vel pawh hi mut nan a thlak hlelhawm tawh thin. Hetiang ang anih avang hian kawng khar pawn a thingpui dah tir a, door-bell an hmeh palh tak hlauh pawh a ri ring lo tur a bubble-gum thial hnu 'bell' a bel tur tih ngaihtuahna min kawh hmuh tu te alo ni bawk nen...!!

Pa fiamthu duh tak, engtin pawh in han in kap kual ila, nui huah huah thei zel anih teh lul nen, zirtirtu te kha chuan han tih vak ngaihna pawh an hre bik lo ani ta deuh ber in ka hria. 'Management class' a 'law' lam an chhiar a, 'Law' class a 'management reading material' an chhiar luih ngat thin pawh khan , ani hi zawng ...an ti ani ange an hau ngai tlat lo!!

A bula ding Robert-a te tak kha aw...mi dang dai ava ni tak em!! manipur lam chhuak ni in fiamthu duh ve tak leh tawng duh ve tak mai hi ania..kan awm ho chhung khan mi dang zawng aiin a lar mai awm e , tih theih tur ani. Mi 400 vel zing ah khan Robert-a hre lo kha chu, an mahni lam zawk ah dik lohna an nei emaw ni zawk le tih theih tur ani. Hepa mak leh zual na chu , tunah Rome ah awm in hman deuh khan min rawn phone a, a driver in puih a ngai a lo pui ta che in office kawt ah a ding tawh a, tiin a rawn sawi a.A driver a rawn pen lut chiah mai chu ka phu zawk mai nia...Rome khawpui, lar leh khawpui chanchin ngah ah pawh tamilian tho driver ah lo hmang a maw le...!!

Robert-a chu brahmin nen room khat ah awm mahse la, bawngsa pickle ei chung in computer a khawih miah miah mai a, a roommate khan computer a hman ve dawn chuan a key-board kha a hru fai mai ani!! Engmah a sawi sel ngai lo, pa rilru tluang tak leh zau tak ani tih a hriat vang emaw ni teh reng dawn ni...!

Vawi khat chu, Robert-a bawk hian manipur lam rawtuai thur (mirungba an ti emaw ni) hi a dawng a. A room ah vawksa nen kan han chhum chiah mai chu, a rim alo na deuh emaw ni sawi sel tu an tam rem rem khawp mai. A hnu ah chuan kan ti ngai ta lo. Jacket fual deuh hi ka ha a kan siam lai chuan, ka jacket ah thleng khan a rim a nam vang vang thei mai nia maw le. A puar erawh kan puar fu mai!! khawnvartui stove hawh chawp in hostel piah tlang ah vawi khat dang chu kan chhum leh hram..kan puar leh viau bawk............

Hei le rawtuai

2008-05-04T15:19:00.003+05:30

Hman ni chu hna lam pang a ka kal na ah raw hung hi alo awm a. Rawtuai a awm angem aw? tiin kan melh nghal vat a, pakhat alo awm ve a. Thlalak thiam tak ka nih lem loh avang in duh ang chuan a lem fiah vak lem lo anih hi.

Rawtuai hi a tuai hmasa ber hi a lian ber zel a, chuvang in lak dawn pawh in a tuai hmasa lam hi zuah hram hram theih a tha ti te pawh in an sawi ve thin. Chuti anih loh chuan a rua hi a kum tel in a te tawlh tawlh zel mai ani an tia lawm!!

Rawtuai hi a me viau e ti lo chuan , chakma chuan an lak lai te hian an zak zeh mai mai a, a me an tuar ve hran lem lo ni te pawh in an sawi.

Vawi khat chu Growmore Biotech nei tupa, Dr Barathi mau/rua chung chang vel ka sawi pui ve ngial tawh. Ani hian tissue culture lam a ei zawng in, North-east lam ah te pawh mau chi hi a lo supply ve nual tawh ani awm e. Mizoram chungchang bik ah chuan, mau tak kan tih ai hian phulrua kan tih ho hi commercially a exploit atan chuan a that zawk a rin thu a sawi. A chhan chu a len zawng (vollume) in ang rau rau ah phulrua hi a tak (mass) a tam zawk a, chuvang in transportation-cost a hniam zawk dawn a, paper-mill leh thil dang ah te thawn na man a hniam zawk dawn avang in tiin a sawi.

Tunlai in chanchinthar ah te mau hmang a siam, toothpick,agarbati kuang etc..te Mizoram lam a an siam chanchin ka chhiar zeuh zeuh. Heng mai bak ah hian kan mau/rua te hi ei zawn na tling khawp leh hlawk zawk a hman dan a awm thei angem?

Kan hotu te nen sahuan ah!!

2008-04-13T12:44:00.015+05:30

Kumin nilai leh Beihrual thupui ah "kristiante leh Pathian thil siam dangte" tih ngaihnawm tak mai kan zir chhoh mek laiin, rem chang deuh maiin Ramsa lam la hmuh ngai vak loh hmuh na hun kan han nei hlauh mai a. Heng ramsa ho en tur hian kan hotute nen thlalakna nen meuh kan han thawk chhuak ve thei a, mit a tlai hle ani. Sahuan enkawl tu zing ami ah kan thianpa alo awm hlauh mai a, a ni in min han fan kual pui vel a , chu mai bak ah hriat ngai loh thil han zawhna hun remchang tak alo ni bawk nen!!

A hmasa ber in 'Lion Safari' tiin an ko mai a, motor darthlalang vel pawh thirlen a khuh bur maiin sakeibaknei en tur in an dahna hmun ah kan han tlan lut a. A taka han hmuh meuh chuan rin aiin a lu alo lian hle mai!!Fiamthu a lulian sawi nan an hman, a beng ah pawh khai ila a lu lam in a la buk rit zawk ang, an tih thin te pawh min ti hre chhuak zawk mai.A tai fek rat mai te, a awm pharh darh mai te , a kut tum chum buang mai te han hmuh chuan, siamtu hian insual chak tur liau liau in a duang bik em ni aw? a tih vawng vawng theih mai ka ti! Cowboy thawnthu a 'Texas kut tum chum biang buang, mu ke ang mai a an kak tha tawh hi chuan , buaina a hnai tihna ani' an lo tih thin te pawh min ti hre chhuak rum rum mai!!

A piah deuh kan han kal leh chuan 'hyena' an tih mai pahnih hi 'bar' phen atang in an rawn dak kar mai a.Sa thi ruang te pawh a ruh zawng zawng nen a ei vek thei khawp a ha tha leh khabe tha chak nei ani e , an ti a. Hotupa mafaka chuan " The God must be crazy, movie ah pawh 'hyena' hi a lan kha maw le" a han ti nghal thei mai a.Ka han ngaihtuah let chuan "ani awm tak e a!" tiin, naupang bo te reuh te in, thingbung chhip chhuan a' hyena' a hmachhawn ran lai mitthla ah alo lang a.Ramsa ah chuan 'hyena' kal lai hian ka nuih a ti za fu thin mai!! ke hma lam sei tak leh ke hnung lam tawi te si a, a han kal bu tlut tlut mai han hmuh hian,a nuihzatthlak zawng a ngaihtuah chuan a ruk a nuih var var a awl khawp mai. Mahse, siamtu in a tangkai tak tur a duan ani miau a, enge maw tak zawng a ei zawn na atan tangkaina a awm chek ang! hotupa fela chuan" 'hyena' hram ri hi mihring nui ri a ang e" a ti tlat pek bawk.

A piah leh deuh ah chuan tui lam sava an dah na hmun kan thleng leh a. Mizoram a sava ah chuan a sa tui pawl a an sawi 'bul lut' aia lian hret tur awm hi a chung lam an hung na a an hman thir kham ah hian an lo fu tlar tuar mai a.Mizopa rilru thin ah chuan "a khai.. khi a tuihang an fuk pui thap mai a" te pawh a ti mai thei. Mizoram lui dung a thingkung a lo fu tlar ni ta se la chuan, mi tam tak chuan silai emaw sairawkherh emaw keng kher lo mahse, lung tal in an la vawm thlawk peih in a rinawm.Kan hotute erawh chuan rem leh rem lo in, tih thlawh hlau tak chung si in, a mawi thei ang ber a thlalak tum in an thlalakna lens an herh rem sauh sauh mai nia! heng sava te hian hre thiam ve tak maw?

Vanneih thlak deuh mai in heng sava zing ah hian , TV vel a ka hmuh fo tawh leh a chanchin ka chhiar ve fo tawh 'swan' an tih hi a lo awm ve hlauh mai a.Tui a an han cheng kual dalh dalh han hmuh chuan , music composer lar tak Tchaikovsky an 'swan Lake' nalh tak mai a phuah chhuak te pawh hi, phuah chhuak awm tak a mawi ani e, te ka ti ve hial.Lal fapa siegfried -an ama mimal hmangaihna avanga nupui nei thei lo tur ni anga a in hria, a rilru hnual in zan a ramhnuai a avah chhuah na a 'swan' rual thlawk a hmu, a zui zel na atanga a thil tawn thawnthu ngaihnawm tak mai , music mawi em em a an han phuah chhuak te pawh hi, phuah chhan tlak a sava mawi anih vang te pawh a tel ve lovang maw?

Hetiang a sava thau mum kang mai leh lian tawk tak mai, boruak a an thlawk kang nul nul mai mit a han hmuh chuan, a mak ani tih bak chu han sawi chhuah ngaihna pawh ka hre lo. sava te deuh leh thla nei sei zawk te an han thlawk thei hi chu a hriat thiam awm.Hotupa mafaka chuan " an thla hi a tha em mai a, an thla hmul hi a chak in a phui bawk a ,chuvang a thlawk thei chu an ni ange" tiin a sawi a.
He sava thlawk lai ka hmuh chiah hian, vawi khat TV a varak chi khat thlawk lai ka en an rawn sawi zau na min ti hre chhuak zawk mai.Kha varak kha a taksa rih zawng te, a thla sei zawng leh hlai zawng te, a taksa pian hmang hrim hrim kha , science thiamna hmang a an chhut chuan, thlawk thei lo tur ani a, mahse a tak ah a thlawk ve miau si ani!! Thui fe a tlan a ,muang chang in a thlawk chhuak a, a tum lam pawh thlawhtheihna tum ang mai hian thui ang reng tak a tlan leh bawk. Siamtu them thiam zia hi science hmang a chhut chhuah vek phak anih loh zia min ti hre chhuak zawk mai nia!! 'Swan' erawh hi chu tlan lo in a tui chenna atang in a thlawk chhuak nghal tawp thei.

A dawt leh ah sakei var kan han en leh a. min hruaitupa chuan sakei dang ang tho anih zia te, 'melanin' an tih mai a neih tlem avanga rawng var anga lang ta mai anih zia te, sakei dang nen an inthlah pawlh theih vek thu te, mihring ah pawh taksa a vun var bik nei te pawh hi 'melanin' vang ani tih te an sawi chuan ; ennawm mak tak thlir a , kan tlir vauh vauh ringawt tur kha , mahni in ring tawk tak in kan thlir phah a, a lawm awm khawp mai.

Thau mum nalh mai, hippopotamus te pawh a nung chung in kan han hmu a, a beng a tui lut thei lo tur in a khar thei tih te,tui hnuai a rei tak chaw zawng a a awm theih thu te hriat ve nual hnu a , a tak a han hmuh chu a ropui danglam ve tlat.Min hruaitupa hnen ah "a sa an ei ngai em?" ti a ka zawhna chu a hriat bik loh thu in min chhang a."A vun duh vang tal chuan a ruk a kap thin an awm lovang maw?" ti a ka zawh belh na chu,"awm mai thei ani" tiin min chhang leh.Ka hmelhriat pakhat in South Africa a zin tum a, a sa ei , an hrilh lawk miah loh, a ei zawh tawh hnu a 'crocodile' sa ani tih a hriat leh a ten leh si zia te han hriat chuan, Hippopotamus sa ei tawk pawh lo awm se la, mak tih avang chuan ka au vak lo in ka ring! hring nun ' culture 'in ang lo leh chaw duh zawng in ang lo tam tak awm na ah hian!

A vaia han tarlan dawn chuan a sei lutuk dawn.hotupa mafaka'n chip chiar zawk in a la rawn ti tho tur ah ngai ila. Sahuan kan fan zawh a chhun chaw te kan fak hnu chuan, haw zai te kan rel ta a. Hawn kawng ah MCC a awm tih kan hriat chuan, kan mizo zirlai te tlawh pah in , a hmun hma te han fan ve hrim hrim kan rel tlang ta a. A hmun chu kan hruaitu fel tak tak tetea leh sanga'n min fan pui a ,a bengvar thlak in mit pawh a tlai khawp mai. An campus hi alo zau fu mai a, tin thingkung buk tha tak tak a la tam khawp mai a, khaw lum lutuk tur pawh boruak a ti dai ang reng khawp in a hriat. Tin, sava te leh sakhi rang (spotted deer) an tih mai te pawh bul lawk lawk ah an tla lai hmuh tur ala awm. A awm tam ber erawh, mi thiam ten 'homo sapiens' an tih ang hi an ni a, heng ramsa, thing leh mau zawng zawng chung a thunei tu tur a Pathian in a ruat ,amah ang tak a a siam te!
Mi te anga hmaifang tha leh keu phek phuk ni ve mah suh ila, ani hi chu thluak aia tihrawl ngah chi ania, rawn tlak vak ni mah suh se khual nek ah a tha a, an tih ang han ni tur in taksa mawi em em nei ve mah suh ila, a hmun a hrin mawi em avang in MCC campus kawng ah hi chuan kan hmet ve ngam tur alawm , tia mahni in thiam chawp chung in thla te kan han la ve ta ngawt a.

kawngpui

2008-03-17T19:03:00.013+05:30

He kawng hi ka zawh a piang hian rual awh ati na ve thin. Mizoram tlangram ang ah te chuan a harsa ang tih a hriat. Mahse an siam lai vel hmu ve tu tan chuan an siam hma leh an siam zawh hnu a, a dang lam na hi a ngaihnawm khawp mai.Hemi kawng hi Chennai- bangalore inkar kawng ani a, kawng pui an siam hnu a, vehicles in fuel a hman tlem phah na te, 'wear and tear' an tih mai motor kawng that loh avanga a rawih phah na lo tlem ta te, tin, mahni thlen duhna hmun hun rei lo zawk a lo thlen theihna te hi sum in chan tir dawn ta ila a tam ve viau mai thei ani!!
chu mai bak ah, a kawng tawn tawn a ram te hi a hlut na a san phah viau a, restaurant (dhaba) a pung nasa a, chung avang te chuan inhlawhna/hnathawh tur alo pung ve zel a.
Chennai port a thil thawn chhuak duh tu te tan lah a lo zia ani chek ang chu, thil rit lam export chi (granite company) te pawh in rawn in bun thar in, he mi kawng kam ah hian an rawn in din thar sup sup mai nia.

Mahse, hei toll gate a awm vang mai le!! motor, hemi kawng a kal te chuan pawisa an pek angai, a kawng hmang tur hian, hei hi sawi sel a hlawh ang reng fu, a chhan chu construction- man ber an hmuh let tawh chuan maintenance -man chu fuel etc vel -cess ah an khawn vek tawh a , khawn leh enge a tul na ti tawk an awm!! mahse toll gate a thawk tur hian sipai bang an hmang a, training an pe tha ani chek ang, an hawih hawm ang reng fu!

hei 'hyundai' lam pawh in vung thar an chhuah anih hmel e!

han kal zel in vellore lam pan duh tan pawh a zia sawt hmel ta mai!
chuan hei Relience petrol bunk te pawh an rawn din ve ta luah mai!!A piah a in ding saw restaurant tha ve tak, zin mi ten,chawlh nan an hman pah a, an fuel an lei sak duh na tur a an siam anih hmel e! A ram an lei tan tirh hian buaina an tawk nasa ve ang reng a, surveyor- ho hruai in ,measuring tape, leh chain survey nen meuh ka teh chhuah pui ve ngial mai!!India ram dan kan neih tam tak hi mahni in hai vur nan a hman tum tan chuan kaw pawp a va lo tam em!! tih te ngaihtuahna min neih tir ve.
hei hian eng lam ber nge maw ni a phurh tak le?

Hetiang ang kawng ah hi chuan, mizoram lam a kawng sir a tlan liam, kawng kawi a inhmuh lawk loh vang a insut ang chi hi accident na ani vak lem lo khawp mai. A chhan chu a kawng design tu te hian, Driver an mut thluk loh nan a kawng kawi dan tur tawk vel te hi an duang tel thlap a, tin plateau(tlang chung zawl) mah ni se , hma lam a mi te thui tak hmuh theihna tur in an duang lawk a. Mahse accident na chhan tam ber chu, hnung lam light eng nei lo, motor tlan chak tak in a hmuh loh avang a hnung lam atanga a sut na hi anih teh tlat chu!! heng lai hmun a ka awm ve lai in zan khat chu kan su ve tep, mahse siamtu hun ruat ani lo ani ange, driver in a herh kawi hman hram!!

Kan dam tlang em?

2008-02-23T10:45:00.002+05:30

Hun tawng avang nge ni a, thinrim hrikthlak na hmun rem chang tak anih vang nge ni anga, mahni identity thup theih ve ang reng tak mai-anonymity ti a an sawi thin awm na hmun anih vang nge ni anga ? Hmaichhan a kan phawrh chhuah ngam loh, kan rilru luah tu sawi theihna rem chang anih vang nge ni anga,a chhan thil dang a awm zawk tih erawh chu ka hre chiah bik lova. Mahse, website/forum/blog etc vel a kan comments tam tak chhiar hian ka rilru ah thil rawn lang zawk thin a awm.

Mihring nih chhung chuan thil pakhat ah pawh ngaihdan leh duh dan chu a thu hmun reng thei lo anga. Mihring chawr chhuahna hrang te leh hnathawh hrang, thenkhat te chu zirlai te kan nih a rinawm a, chu mai ala ni lo hmun hran hran a awm, kan thil hriat zawng leh duh zawng in ang lo tak tak te kan nih a rinawm a. Mahse, a tlangpui a thil pakhat a kan comment tam tak te han thlir hian , kan ngaihtuahna hi a ‘negative’ ta lutuk em ni aw? ti te in ngaihtuahna ka nei ve fo mai. Kan ram kal phung te leh ram hruaitu te ,kan khawtlang hruaitu te, thil thleng te reng reng hi kan comment dan en hian a in deuh sawh zawng ang chi hi comment a tam lutuk em aw? eng vang nge ni ang? Hetiang ang tak din hmun ah hian kan ding mek tihna nge ni anga, keimahni kan inhmuh dan hi a ‘negative’ lam zawng hi kan in hmuh sak nasa lutuk zawk? Nge ni anga IT thang chak tak mai hian, thil thar min hriat tir teuh mai a, hnam dang leh ram dang te chanchin , kan lo hre zung zung ta a, chu chuan rualawhna nasa tak min neih belh tir zel??

Hringnun ah chuan lungawina famkim nei thei chu mi tlem te chauh an awm a rinawm a.Mi thenkhat te phei chuan hetiang tak a awm tur hian mihringte hi Pathian in a siam a ni zawk, lungawina famkim neih theihna Pathian lam kan pan na tur in, ti te in ngaihdan an vawrh chhuak ve bawk.

Thil eng pawh in kan lung a dum loh a, her danglam ngai a awm chuan, kan ngaihtuahna atanga tha zawk kan hriat leh a her danglam dan tur te , a siam that dan tur te rilru ah vei tel ta ila, kan hlawkpui awm mange aw! tih te ngaihtuahna ah a awm. Hmun hran leh hna hrang hrang thawk te kan nih hmel a, kan dai hriat na atanga kan hriatna te hmang in kawng tha zawk leh midang te pawh in hlawhtling zawk a an lo kal pui dan te , thawh khawm ta ila!

Logical Interpretation!!

2008-02-01T14:30:00.000+05:30

Thing tereuhte!

2008-01-23T23:30:00.000+05:30

Tlai khat chu, in chung zawl ah kan lawn a, kan hawi kual vel a he thing te hi alo awm ve tlat mai a. Mizo in hmawng kung kan tih ang hi anih duh hmel mange aw, ka ti a. Heti hian rem leh rem lo in, brick leh cement kar ah lo awm ve tek tek a. Siamtu hian an chi a mang mai loh nan te, hmun khat a an awm khawm huk loh a, an darh zau ve nan te hian, heng thing chung ah te thleng hian ava lo duang lawk thiam em!! tih te ngaihtuahna ah a awm.

A hmawng kung kha alo rah a, a rah chu sava ten an lo ei ta a, a chi kha an e chhuak leh a, hetiang hian an lo darh ta ni awm tak ani a. He mi thlalak a hmawng kung hi chu khawih chhe miah lo pawh ni ila, rah chhuah thei tur khawp chuan a thang lian thei lo mai thei,mahse engemaw zah chu thing kung pakhat rah atang chuan ,rah chhuah thei khawp a thang puitling an awm chek ang chu!

In enkawl tu te tan chuan hnawk sak mai anih hmel a. A tet vang ngawt erawh anih hmel bawk si loh, mihring ten a to na tur hmun awm anga kan ngaih loh lai ah a to a, mihring te enkawl a hlawh lem lo bawk nen, hnawk sak alo ni ta mai ni awm tak ani. A piah leh deuh chu ka han hawi leh a....

Thingkung lian tak thleng a thang chho thei tur tho ang chi hi, rah chhuah thei khawp in an thang ngai dawn lo ani tih hriat tak mai hian, te tak te hian thingkung lian tak kung ang mai hian an lo bawr laih a. Hei erawh mihring in a duh tak a a phun leh enkawl chhoh anih bak ah, mihring nun ti hlim tu tur atana duan anih avang in hnawk sak ani ve lem lo in a hriat lawi si.

Thingkung chi hnih, to na in hnaih te pawh , mihring tam ber te rilru ah chuan an dinhmun ava in thlau tak em!! tih te ngaihtuahna ah a rawn lang zawk thei nia! Heng thingte hian an to na tur hmun ah hian duhthlanna an neih a rinawm loh a, amah erawh chu an to na hmun hian mihring ten kan ngaihhlut leh hlut loh ah kawng ro nasa fe in a su in a hriat bawk si. Thingkung theuh theuh to chhuah na hmun dang lam avang ngawt in an din hmun a va inthlau teh lul em!!

Lehkha zir nasat avang te, theih tawp a rilru seng a hma sawn tum a beih avang te, dik tak leh taima em em a thawh nasat avang te a, heng thing kung te hian , an to na hmun hi han sawn thei ta teh reng se la chuan, thi leh thau pawlh in an ti duh angem? Rah chhuah thei khawp a than len theih na hmun thleng tur in , eng tiang chiah in nge an beih nasat theih anga, thingkung lian awm sa ten a dip ral tho mai angem?..tih te pawh ngaihtuahna a siam ve.

Han ngaihtuah tak zel ah chuan, hmawng kung hi chu, khuanu in a lo duan dan anga tun din hmun hi thleng chho ta angah pawh han ngai ta ila, hemi hmawng kung hian kan hla phuahtu pahnih te hnen ah chuan thu hran a sawi daih thung in a hriat!!
Pakhat in "hmawng ang ka pem lo na nge , Lalawithangpa belhngai Laldanga ka then thei lo" tiin mi pakhat lak a a rinawm zia sawi lan nan hmawng kung anga pem a tum ve loh thu a han sawi chhuak a.
Pakhat ve leh chuan, hmawng kung , thingkung dang a to in, alo rei chuan a than hnan a, a zem chial ang hi teh khin in " Mahse maw ngaihzual i zun zam in, zaman hmawng thing ang mi phuar vel a" an ti daih mai a, hmawng kung tho kha , a pem thin anga an sawi thin kha dah lang sar lo in, thingkung a zem chial na thin lam kha rawn dah lang sar in, mi dang lak a a rilru ngheh zia rawn sawi lan nan tho a rawn hmang ve leh ta thung!!

Kan hla phuahtu pahnih te hi an to na mual a dang ve te pawh ani ange, hmawng kung an hmuh a , an dah lan sarh duh zawng a in ang tlat lo. mahse an to na mual hi hmun dang ah sawn lo duh ta se la, theih tawp in bei bawk se la chuan, thingkung ang lo tak mai in an hlawhtling thei tlat.Siamtu hian mihring te thil nung dang te aia a dah san na a ti lang thar leh zual hle mai, kan ti thei awm e!

Thu Nawi!

2007-12-30T17:31:00.000+05:30

Kum bul kan tan dawn chauh emaw tih laiin Pathian hruaina azarah ’ber’ thla ah pawh kum khata thla hnuhnung ber, December thla tawp kan lo chuang kai ve leh ta reng mai. Kei ni Chennai Mizote pawh harsatna em em tawk lo in kan hmang tluan thei a , a lawm awm khawp mai.Keimah pawh a mimal takin thla 9 vel Chennaiah ka lo awm ve ta reng mai a. Chennai Mizo anga hma lak naah te, thil tih honaah te, lungrual tak leh tangrual taka kan kal ho dial dial zel thei hi a ropui thlawt a ni.

Ngun taka han ngaihtuah chian chuan, a huhova awm ho va thil tih ho dial dial hian mihring nun hi a kalh a kim zel ni in a lang a. Thawnthu pakhat ‘Robinson Crusoe’ a kan hmuh ang in Robinson Crusoe kha thliar kar a amah chauha a awm lai khan , khawvel a ‘rights’ zawng zawng a nei vek a, mahse a mihring pui dang te an awm loh chuan a ‘rights’ neih vek kha a thu mai a ni a, a hmang thei lova , awm zia a awm lo! Chuvang in kan mimal ‘rights’ neih te hmang tur chuan society a kan chen a tul a ni.

Mahse, ‘rights’ han tih hian kan za vaia kan that tlan na tur a hman a ngaih avang in , duh ang ang a hman bawrh bawrh ngawt theih ani lo. Lan-i chuan a ban chu a duh zawng zawng a vai kual theih na ‘rights’ a nei a, mahse Arem-i hnar ‘rights’ a lo in tan ve leh chiah khan Lan-i ban vai kual theih na ‘rights’ chu a lo tawp ve leh ta chiah a ni. Chutiang zelin inhrethiam tlang tawn tak a, kan ‘rights’ kan hman thiam chuan kan zavaia that tlanna zawk tur a lo ni dawn a ni.

Hnam dang zingah te kan awm a, mihring chu khawvel chhuahsan thleng a nitin in zir thar tur kan ni tih a ni a; kan khawsak leh chetziate hi hnam dang mithmuh ah mahni chauh ni lo a Mizo anga inhmeh bel theih a ni a, hengte pawh hi kan inzir tlan chhoh zel a pawimawh hmel khawp mai. Hetiang thil thleng Chennai Mizo zingah a la awm lo anga lang te hi hriat a nuam khawp mai.

Hman ni lawkah Krismas hlimawm tak kan han hmang ho a, inbuatsaih lawkna hun nei lutuk lem lo pawhin tih tura kan inruat te kan ti hlawhtling hram hram a, hlim taka kan hman tlan theih avangin a lawmawm khawp mai. Inlungrual taka kan han nui ho ham ham te kha, sum a lei tur ni se la, a to duh awm mang e aw! tih te ngaihtuahnaah a awm.

Krismas chu sawi loh Chennai Mizo-in thil kan tih hona thinah hian zu in theihna ‘rights’ leh mei zuk theihna ‘rights’ hman luih talh tum hmel hmuh tur an awm lo thin te hi a va nuam tak em! Kan zavaia kan hlimna zawk a nih mai bakah kan hmel ti bal thei tur ang chi a awm ngai lo hi chhinchhiah tlak leh hmun dang a awmte tan pawh entawn tlak tak a niin a lang. Vawn nun chhoh tum tlang theuh ila, kumkhua a vawn nun tlak thil niin a lang si a.

Mizoramah te kawla ni chhuak chhiar a kan er thin Krismas boruak te meuh pawh, a hre ve lo hnam dang zing a han awm chuan holiday pakhat a ni ve ta ngawt emaw tih theih tur a ni. Hengte ngaihtuah chuan keini Mizote hi kan intihhlim tawn loh chuan hnam dang kutah innghat ngawt dawn i la, ‘I ram lo thleng rawh se” tiha duh tawk mai a, rawngbawlna lama tha leh zung leh thiam na te hman tum leh miah si lo nun nen te pawh a inang dawn dawn in a lang.

Krismas kan hmanho chung chang sawi a, sawi hmaih phal hauh loh tur chu, tui taka ruai kan han theh ho ham ham nawmziate kha a ni awm e. Eirawng bawltute leh a buaipuitute hmelah thawk hah bik inti hmel hmuh tur awm miah lo mai te kha hmuh a van nuam tak em. Han sawi tak zelah chuan Mizo zingah chuan ruai hi in koh khawmna tha tak pakhat a niin a sawi theih awm e. Ruai theh kher hi a tul lo tih ngaihdan te pawh awm ve fo mahse, krismas kan lawm ni khan ruai kha awm ta lo se la mi 150 chuang kha kan kal khawm thei ang em aw? tih chu zawhna lian tak awm thei a ni a. Sachek han hawp zet hnu a puar peng pawnga krismas chibai han in buk zet chu riltam vang chuan fa u zawk nihna englo chhum kawi mai mai chuan kan hralh a rinawm loh a ni.

Chennai a Mizo awm, a tam zawk te chu zirlaite kan ni a. Hengah te pawh hian theih tawp a tan ho a, inelna thianghlim neih chhoh theih zel a pawimawh khawpin a lang. Mizoram lam atanga thu hriat dan tam berah , Chennai Mizo zirlaite, khawpui danga zirlai te nena khai khinin, an zirlaiah an tih that thin zia te chil per sawr sawr khawpa an sawi han hriat te hian, Chennaia awm ve nih a ti nuam sawng sawng thin. Tunlai khawvel hun in her dang lam chak tak maiah hian zirlai tan pawh hna hmu tur chuan mahni zirlai bu thiam bel hlurh bakah hian hriat ngai tam tak a awm ngei ang a, hengahte hlei hlei hian kan inlungrual a , kawng kan in kawh hmuh tlan a pawimawhin a hriat a ni.

Han ngaihtuah chuan, pathian pawh hian mihring te tih ve tur chin hi a dah zel em ni aw, a tih theih. Israel fate Aigupta bawiha an tang hruai chhuak a, Mosia hmang a lung atanga tui a pek khan Mosia khan tiang a vuak ngai miah lo in a tul ti se la chuan Pathian khan tui a pe thei em em ang tih a hriat a, mahse mihringin a tih ve tur a dah avang in Mosia kha tiangin lung kha a vuak tir a ni thei ang em? Chutiang zelin kan hnathawhna leh zirlaiah te pawh Pathian hian mihring anga mahni theihna tawk a engmah tih ve tum lem lo, ‘taima awm mai mai’ an tih ang chi hi malsawm pawh tum se la malsawm na tur a awm thei ang em?

Heng kan han tar lan zawi zawi atang ngawt pawh hian Chennaia Mizo nih ti nuam tur chuan keimah ni theuh kan pawimawh zia a hriat theih awm e. Kum thar lo awm tur ah te pawh kan inpumkhatna hi kan chhun zawm zel a , zirlaite pawh insang mar a , tha zawka zirlaite tih theuh tum ta ila , a tha awm e.

Ur Lawk

2007-12-02T09:57:00.000+05:30

“Awmte-a chu I va ur lawk hma ve”

tih ri kan hriat rual chuan , awmte-a lam kan hawi thap a. Ani chu a , biang ding lam hi alo chat dum deuh iar a, a damdawi atan glycerine hi alo hnawih mawm hlap mai a. mipa naupang harh rual, zing leh tlai a, thlasik khaw vawt hnuai a, vaivut khu kar a inkhel thin tan chuan, biang alo chat dum ta pawh hi , thil awm lo lutuk ani lo e!

Mi dang te pawh chu , biang a chat lo ani mai a, kut leh ke vel te chu chat nasa tak tak hmuh tur a awm nual mai. Kut a chat nasat avanga kut vun ,sangha phu hlip, tangkawng vun ang tak tak te chu kan awm nuk mai.

Hmui lah chu, hmui liak huh ching ho chu , an heh a rep iar mai a, thenkhat rep nasa zual te phei chuan , an nuih zawng a , a thi thin thu te an sawi hial! Sangtea phei chu a ha hmai hian a hmui hnuai lam hi a pet thin a, a peh na ang chiah chuan a hmui hnuai chu a chat kual deuh raih a, enge maw tum reng vang a tih te pawh a ang ang reng phian. Enge tunlai ah pawh ‘tatoo’ hmang in vun an chei rang ve tho alawm kan ti tawh mai ani ang chu!!.

Chu mai bak ah, mipa naupang harh rual ni ta chu, kan han vak chhuak te hi thawmhnaw lum inbel, lo theih nghilh tawk te an lo awm a, khaw vawt tawh si ah chuan hritlan alo awl nasa mai si a. hnar kua atanga 11 rawn lawr vung tawk te an lo awm bawk !!

Mahse, heng chat te leh heh rep te han hmuh hian, kan hunpui , kum tir lam atang a, tuktin calendar en a “ni heti zah hian ala dang” ti a , kan chhiar thin chu a lo in her chhuak hnai tial tial ani tih a hriat theih a. zing ah ni chhuah hma in han tho ila, khawlai ah, changpat hi vaivut kai liai hian alo let phauh phauh a, hnim hnah te lah chu zan lam a tla dai in alo ti huh hliam hlawm a. zing chaw ei nghak in , ni lum hnung puak in kan han ai khawm a, krismas hman dan tur te, dawhthlak tur te kan han in rin siak laih laih a, nuam ve ang reng tak ani.

Kan hunpui lo her chhuak mek leh,chu mi lo nem nghet tu leh chhin chhiah na ang tluk a, rual u zawk ten an lo sawi thin; thingkung par chi hrang hrang te chu hla leh thu ziak a chhiar mai loh chu , a tak a hmuh tur in ,kan hmuh phak a awm ve tur awm chu kih fai vek ani tawh a. Kan mitthla a han cham deuh vang vang tur in , kan var pawh pha lo tlang em aw? tih theih tur ani a. Amah erawh chu chat leh heh rep te chu, kan pal tlang tlan vek anih avang in he hunpui rawn inher chhuak mek nem ngheh na ang ah kan ngai ve dawn anih chuan , kan var pawh tlang khawp in a rinawm, nge taksa, vun , hmui, leh hnar thleng in kan 'ur lawk' kan han ti zawk dawn em ni!!!

Harkidoon

2007-11-26T13:41:00.000+05:30

Training programme ah,kar hnih vel awh in he thil hi a tel ve miau mai si a; hetiang tlangram a ke a kal kual te chu kan nitin nun dan zawk ani , tiin han hnial sa teh mah ila; kal ve tho chu a ngai a. Mussoorie ah kan ipte puak tur te, sleeping bag, te leh tui in tur bak ah , chaw chhun ei tur te min siam fel sak hnu chuan, Bus ah chuang in group khat ah mi 12 vel zel a in then in 'trekking' tur in kan chhuak ve ta .....

kan khaw tlan pelh thenkhat te chu vaiho hmun thianghlim te alo nih avang in, lui tui a inhnim te, flag serthlum rawng te hmuh tur atam ang reng khawp mai a. kan tlan zel a, tlai ni her hret ah kan riah buk hmasa ber chu kan thleng a. kan insilfai in, kan pum te kan han hnawh puar a, a tuk a ke a kal tan tur in kan inbuatsaih ta sauh sauh mai ani.

kan kal tan tirh lam chu kawng zawl rai deuh mai hi ani a. mizoram a kawng pui 'metal' loh ang hi niin lui dung zui in a kawng a kal a, mahse tlang bul thut kan han thleng a ramngaw kan han lut tan chu kawng chu a chho deuh tan a. phai lam a piang a sei lian ho chu an thaw a rang sawt hle tih a hriat theih a. "chawlh sek hi chuan , kal tan leh a harsa duh a, chuvang in chawl tlem ula, chawl rei zawk rawh u", ti a thuchah nen a vai liam kan ni miau mai si a, an ni ho pawh chu an kal ve hnawk hnawk zel a.

Reiek tlang a , ke a kal na tur an siam ang hian, 'trekking route' chu ramhnuai ah pawh an lo siam raih mai a. tin, a khat tawk in midang kal ve te kan tawk zeuh zeuh a, khaw hnai ber hlat zawng te leh , midang tute nge awm tih vel te kan zawt pah zel a. kan kal pui zing a pakhat hi IFoS niin , botany lam graduate ani a, thing leh hnim hming vel te , eng tiang a sang ah nge an awm theih tih te, bawmhar leh thingkung a hnim to chi te chu eng vang a pang (side) khat lam chauh a awm hlawm nge an nih tih te min hrilhfiah thei nghal zel a, kal pah a han in hrilhfiah zel tak ah chuan a bengvar thlak ang reng khawp mai.

zing kar ah ni san lutuk hma a chhuak tan in, chhun ni sat vang lai chuan, ramhnuai daihlim deuh ah kan chawl pah zel a. Tin, chawlh na tur hmun then khat ah , thuchah lawk in kan ei tur te an lo peih sa diam thin a, chhun a puar liah a thil ei hnu a , han mut deuh ar ar chu nuam ve ang reng tak ani. Nikhat chu , ramhnuai ngaw kan han chuang chhuak zo hi , a ram thleng alo danglam ta ang reng khawp mai a. Tlang chhip ah hian , zawl zal deuh raih hi alo awm a, ruah a tla deuh phiar phiar bawk a. Mahse, mak ve ang reng tak mai chu , a hmun vel a hnim to reng reng chu a rawng a buang deuh vek mai a, eng vang nge maw ni teh reng ni?? a ro tawh hnu ah kan hmu ve chauh nge ni anga? vur in a lo hmet thi vek tawh zawk ni?? mahse thli in a han chhem zawng chuan an la thle dial dial ang reng lawi bawk si!! mizoram a 'di' (in chung a chih thin) ang lek lek hi ani a, khup thleng vel asang ani.

Ni engmaw zah hnu ah chuan , kan ipte puak mahni thawmhnaw leh zan a riahna tur hnung a puak chu, a lo hahthlak ve duh ang reng khawp mai a. kan zing ah tlem a upa lam leh nupui/pasal fanau nei tawh te an lo awm ve bawk nen;phone hman tur awm bawk si lo chu an lung a leng ve tan tawh bawk ni ngei tur ani a, hlawhfa (porter) rawih mai chu kan rel thlu ta a!! kan hlawhfa rawih te chuan mi pakhat zel in, mi pathum thawmhnaw chu min phurh sak a, ngal ria deuh leh cher ve tak anga lang te chuan , mi pathum thawmhnaw ken ang min phurh sak chung chuan , an tha alo fei phian mai a, kawng chho ah te chuan kan um kan um zawk ta mai a.

Hmeichhe thenkhat tlem a chau zual te an lo awm chho zel ta bawk nen, hmawlh hi 2 ft vel a sei kan suih a, tlem a la chau lo deuh ten hmawlh hmang chuan kan hmeichhe thenkhat te chu kan pawt ani deuh ta ber mai, mahse a huho a han awm rei tak ah chuan midang tih theih ang ti thei lo nih chu an lo hreh vek a, tumah in let leh lam an sawi ri lo!!

Han kal han kal tak ah chuan , zawi muang in hma kan sawn ve hret hret zel a. Nikhat chu kan tum ram chu ral khat atang in kan hmu phak ta a, thlen nghal mai kan inrin laiin , rin aiin alo hla phian mai a, chhun chaw ei hma a thlen hman kan inrin kha , tlai dar 4 vel ah kan thleng ta hram a.A hmun thlen hma deuh hlek ah lungpui lian pui pui mai hi a khat tawk in a lo awm thluah mai a. tunhma Zuangtui bul a lunglian pui pui awm khup na hmun thin "lung ding" ti a an koh te kha min ti hre chhuak rum rum mai. A tlang chhip thlen hma deuh hian 'Forest Rest House' a awm chu , chu mi hmun san zawng chu 3508 metres vel ani a, boruak pawh a vawt vin tuk tawh mai a, mei han chhem te lah chu a alh tha duh lo em em zui leh nghal!! thil kan ei zawh ah thla te kan han la sap sap a, pawn ah rei tak erawh awm ta lo chuan, 'sleeping bag' ah kan inthawlh sap sap a, mu lum ham ham chung in kan kal san tak ram te leh kan thil tawn te chu kan sep zui ta hlawm a!!

A tuk ah ni chhuah hma deuh hlek a chhuak tan in , kan zin kawng tan na 'mussoorie' lam a let tur in ke kan chhep leh ta ani. A let lam hi chu chhuk zawng te alo ni bawk a, kal a sam ta zawt mai. Doidital lam kawng ah kal in , ramngaw hnuai ah ni sa lutuk tuar lo in kan kal a, hah lutuk pawh a awm ta lo.

Doidital hmun hi 3307 metres vel a sang ani a, Hindu temple hi alo awm a, kha tiang khaw te leh fian rial ni si, a hmun hma an han enkawl fai dan em em kha aw!! a mak ka ti . thingpui dawr a thingpui leh artui chhum kan ei lai a, hmeichhe naupangte mai , hritlang hnaptawlh pir per leh sam thur biu beu kha ka mitthla ah tun thleng hian ka la hmu thin. eng ang mihring in nge maw a chhuah tak ni?? Doidital hmun ah hian dil lian vak lem lo, a tui chu fim vawt raih mai hi a awm a, an sakhaw biak nen enge maw inlaichin na awm ang in an sawi a, sangha hi an han tam laileng khawp a, tawng chen vel te hi chu an awm nuk nuk mai ani!! nghakuai nen a man chakawm tak ani, zopa rilru ah chuan , a tuihang an tleng pui dalh dalh mai a! tih ngaihtuahna a chawk tho zawk mai nia!

Thle Dual !!

2007-11-13T22:31:00.000+05:30

Hman lai hian, kumpinu ram ah khuan, mi pakhat, Isaac Newton hi a awm a.A chanchin an sawi dan chuan, nikhat chu Apple theikung hnuai ah a thu ran mai a. Ngai teh , chutia apple kung hnuai a, a thut lai chuan apple thei rah hi a rawn tla a. Isaac Newton a chuan apple thei tui tak mai chu, chhar a , ei chuan thil tui tak ani awm si a tih zawng a rilru seng ta lo chuan; Engvang in nge chung zawng a, a chhoh loh a, hnuai zawng kher a ,a tlak na chhan chu ni ang? tiin a rilru in a ngaihtuah ta daih a. He mi rilru ngaihtuahna atang hian ‘gravitation’ an tih mai, mizotawng a lei hipna ti a tlang lawn tak a kan sawi thin hi a hmu chhuak ta ani. Isaac Newton an a hmuh chhuah hma zawng hi chuan , vanthengreng a thil awm ho (celestial bodies) ho chet na leh, lei a thil tla chet na a, tha (force) lo awm dan hi, a in ang ani tih khawvel in a la hre ngai lo!!

Isaac Newton an ‘gravitation’ a hmuh chhuah dan thawnthu hi a dik anih chuan ngaihtuahna ati thui hle ani. Chhut tu ten an chhut dan in Apple thei hi mihring in, kum sanghnih liam tawh atang khan, an lo ei tan tawh a, chuvang in Newton an apple thei rah tla a hmuh hma pawh hian, mi dang tam tak in apple thei rah tla lai hi an hmu tawh ngei in a rinawm a, amah erawh chu newton kher hian ani; engvang a chung zawng a chho lo nge? tih mahni leh mahni in zawt a, lei hipna(gravitation) hmuh chhuah phah nan a hmang ta chu ni!

Newton hian ,hetiang ngaihtuahna ,a ngaihtuah chhuah theih na chhan hi chu, a thil lo zir leh hriat sa atang te, leh a rilru alo sen thin tawh na te leh, khawtlang nun te pawh in thui tak chuan a kai hruai ve in a rinawm. Amah hi ‘scientific revolution’ ti a an koh mai hun lai vel ami ani a, he mi ‘scientific revolution’ hi eng vang in nge kumpinu ram vel ah a lo chhuah kher a? India ram leh china ram ah te a chhuah loh? Tih te pawh ngaihtuahna a ti thui, kha tiang chhuah theihna khawtlang nun kha eng ang nge ni ang ? tih te pawh!!

Hetiang a mihring ten hriat na lam a kan la hmelhriat em em loh, thil thar ngaihtuah chhuah na, India ram vel a , tun thleng pawh a , a mihring lehkhathiam tam lam ngaihtuah a, ala tlem na chhan chu kan ‘formal education’ kan kal pui dan ah hian , thil awm sa hriat bel hlurh lam pang kan uar lutuk a, mahni a thluak fim nen a thil thar ngaihtuah chhuah tum na lam kan hlam chhiah lutuk vang ani, ti te a ziak, ka chhiar nawlh nawlh fo ta mai!

Vawi khat chu ‘groupmail’ ah hian sawmna ka siam a “mizoram pawn a piang leh sei lian ten, mizoram tih in hriat rual a in rilru a lo lang hmasa ber min rawn hrilh teh u, mizoram hlimthla hriat nan te pawh ka duh ve a” tiin. Thenkhat chuan , mizoram mi thenkhat ten an ram a krista chanchintha thlen tu an nih te rawn sawi in, mizoram a mizo te an ngainat zia te leh , sawi sel na tam tak kar ah pawh an rilru chhungril tak chuan an fak zia te an rawn sawi a.chhiar a nuam khawp mai. Thenkhat ve thung chuan,mizoram mipui te chu ngaihtuahna ril tak hmang a, thil chik lutuk vak lo, thusawi thiam tak mai in a sawi na ang lam pang hawi zawng a ‘THLE DUAL’ mai thin ni te in an hmu a, mizoram tih an hriat in an rilru ah alang hmasa ber thin ani, tih an rawn sawi a. kan mizoram hun tawng leh thil thleng tam tak te han ngaihtuah hian ‘thle dual’ thin ni a min hria pawh hi dik na tam tak a awm thei awm e! hetiang a thle dual thin khawtlang nun ah hian ‘Isaac Newton’ hi lo piang in, lo sei lian ta se ,….. ngaihtuahna a ti thui!

Mizoram a mihring cheng ten chaw a kan rin ber chu buh ani a. mahse buh chu tlangram lo neih dan pangai anga han thar chhuah a , pawisa a hlutna han chhut chuan a hlawk em em lo tlat bawk si. kan ram, tlangram anih na tak te hi hlawk pui zawk nan leh, ei zawn na hlawk zawk atan a hman theih dan tur han ngaihtuah chhuak thiam in, han hmang teh reng ila aw! …kan ngaihtuah chhuak thei ta anih chuan, mizoram mipui te hi, a tha lam zawk ni a lang leh, khawvel kan awm chhung a kan mamawh tur thawhchhuah kawng ah, kawng dik leh hlawk zawk lam hawi in han ‘thle dual’ mai ila!

change!

2007-11-08T14:29:00.000+05:30

He thu hian ngaihtuah na a hruai thui ve khawp mai! Mihring in kan ngaihtuahna te chu, kan pian na hmun leh sei len na a zir te, kan hnathawh na leh thian kawm ten a kai hruai na chin thui tak a nei ngei in a rinawm a. mahse, mahni hi tunge kan nih a? eng ang in nge mi in min hriat dan ? chu a dang ve viau thei bawk!

An sawi thin ang deuh in, hetiang 'mahni' in hlawm khawm hian society chu a siam ta ni awm tak ani a. chutah tak chuan ,kan khawtlang leh sawrkar that zawk na tur anga kan rin ang hian, mahni pawh hi kan awm em?? tih te, ngaihtuahna a ti thui hle ani. .......

chemtatrawta thawnthu a mi te ho ang mai a, midang puh kual zel ringawt chuan, a kual a kual ringawt chin a awm thei angem??

"Mihring siam that nan khawdur angai ani", tih hla te kan sa thin a. sepui ruah tawrh tlawk tlawk ang mai a khawdur chu tawrh a, duh tawk mai lo in , sut kian dan tur ngaihtuah a mahni in en let a chak na lai leh chak loh na lai in hriat chian tum te hi a ngai ve viau thei angem? ram siam that lam kan ngaihthlak fo lai hian!!

1991-92

2007-10-27T13:13:00.000+05:30

Thlasik lai ani a, tlai ni tla tur in bang vel chu a rawn chhun eng deuh phat a. Thingpui in a kan thut khawm thap lai chuan , vawi leh khat ah music hi a rawn ri dup dup mai a, music ri chu a hnaih tial tial avang in motor atanga lo chhuak ani tih a hriat theih a, chutah kawt ah motor in hung ri deuh dawt rual chuan music pawh chu tawp zui ta in, car kawngkhar hawn a khar leh nghal ri in a chhunzawm nghal a.

kawngka pui chu rawn in hawng in, mi pakhat hi a rawn lang hlawl mai a. jeans kekawr pawl , da lam lek lek tawh hi a ha a, a ipte hma lam ding lam ah chuan car chahbi a khai lang a, vei lam pang ah cell phone khaina hrui a uai thlak tir bawk a, baseball cap a khum a, T-shirt var ha in,a chung ah jacket uk a ha , a han tawng zawng a rim atang chuan ‘zarda’ a rawn ei ani tih a hriat theih a. Tin, a hla te chu internet atanga a download ani tih te a sawi luam a, Mp3 a hla sang chuang a neih tawh thu te han hriat a, a computer ah TV en theihna a vuah thu te, TV programme a record theih thu te han hriat zel phei chuan , kan zoram khawvel hian kum sawmhnih vel chhung lek pawh hian , thil thar ava hmu hnem tak em tih rilru ah a rawn lang zut zut mai ani.

Kum 1986 , mexico world cup te kha chuan Bangladesh Tv channel a an rawn pek kha kan hmuh phak ani deuh mai a, doordarshan lah kha aizawl ah pawh veng thenkhat te chauh in an hmu thei a. cable tv te awm hek lo le, TV antenna kha hmun sang lai ah dah alo tul a, a fiah loh deuh hlek khan naupang ni ta chu antenna her a ngaih chang a tirh ngun ber kan han ni ta ziah mai anih kha, ral khat a mi her anih miau avang in , ring tak tak a au angai a, a enge maw zawng chuan a nuam phian!!

Sap-film anih tawh phawt kha chuan ho te te pawh kha kan en peih deuh vek mai, a dang awm tlat hek lo. A then te kha chuan ‘chitraahar’ te ‘ek-do-tin-char’ tih te pawh tuipui viau an awm. Nilaini zan apiang hian dar 8:30 ah, Bangladesh-TV ah sap –film hmuhnawm deuh hlek an pek thin avang in kan nghak hlel viau thin, MacIver,knight-rider, tih vel te ani ta in ka hria ! Tunlai ang in reality show te ala awm lova, kan ngaihtuah thleng pha lova, reality show en chak na pawh a piang lo bawk, mahse kan hlim pui viau tho.

Cable TV ala awm miau loh avang in kan chanchinbu a, music column ziak tu te pawh khan , sap ram ah chuan Mtv te hi darker 24 chhung en tur an nei a, a awh awm zia te an ziak thin a, ngaihnawm ti tak in kan chhiar thin.

Chutah krismas a rawn hnaih a piang hian ‘Boney-M’ hla hi a lar thar ziah emaw tih tur hian an zai ri hi bazar vel ah te pawh hriat tur a tam thin khawp mai. Siampuii sailo leh Lalsangzuali Sailo zai te kha, krismas ruai fatu ten au rinna hmang a an play lar pawl tak ani ta awm e!

Kum 1991-92 , a rawn her chhuah meuh chuan, mizoram ah pawh cable Tv a rawn awm tan a. Durtlang a doordarshan TV in , TV centre an bun pawh an hmang tan a, mahse a lem a chiang hlei thei mang tlat lo mai, mihring te kha an lang phir a, thlarau ni awm tak tak kha mihring thla a lang tel ve zel bawk a, en a nin awm em em. Zawi zawi in cable TV chu a lar chho zel a, tunhma channel 2 vel chauh en thin khan, channel tam tak Mtv tel in kan lo hmu ve thei ta, a hmu phak te khaw hawi chu a ti zau sawt ang, chutih rual in thil thar kan hre thar a, ‘awh’ tur thar te pawh kan hmu in kan hriat belh teuh bawk!!

Kum 1991-92, hian vawi khat chu aizawl town bus ah , sikulpuikawn atang in ka chuang tan a, ka bul ah hian PC girls sikul hmeichhe naupang pahnih , kum 8 mi vel awm hi an thu ve a, an inbia chu ka ngaithla reng a, November Rain- Guns and Roses , nalh an tih zia te, Axl Rose zai thiam an tih zia te chu an sawi dun bawrh bawrh a. ka han ngaihtuah a, a hma kum lawk 1986 vel ah khan kum 8 mi ni ta se la, kha tih hun lai a sap hla lar kha an tuipui thei angem ?? an hre hrim hrim angem?? Tih te rilru ah a rawn lang a. A hnu ah kan thianpa chhungte in ah chhun thingpui in in kan chawl a, chutah chuan mipa naupang kum 3 vel mi awm hi alo awm a, ani pawh chuan ‘stand for what you believe-poison’ kha ahan sa lang lang a, ani pawh hi a hma kum lawk, Mizoram a Mtv kan en theih hma ah khan kum 3 vel mi ni ta se la a ‘stand’ tih hla ang te hi chu a sa thiam lo mai ni lo in a hre kher lo ang!

Tlang dang atang in han thlir ila, PC Girls sikul hmeichhe naupang te, mipa naupang kum 3 vel mi te hian, heng ‘november rain’ leh ‘stand’ tih te hi , an zirlai bu a ‘poem’ ni ta zawk se la, an exam na ah ziah chhuah tur ni ta ang se la , Mtv ah an sak hmu miah lo bawk se la, eng ang in nge heng hla te hi an hmuh ang?? An nin thu te, Axl Rose a hla phuah sei lutuk tul lo an tih thu te , an sawi daih ka ring!! Mahse, Mtv ah an zai lai tui tak in an lo thlir thin miau a, a hran a –memorise tum a beih ngai lo in an hre chhuak vek thei tlat.

Hemi hnu deuh ah internet te rawn chhuak in, Lengpui Airport te kan lo nei ta bawk……..

Rotlingpa mi ropui- VI

2007-10-19T19:02:00.000+05:30

vawi khat chu Rotlingpa te nen hian moti nagar ah khasi nu thingpui dawr ah kan chawl tlang a. jadoh kan ei puar liah hnu a , a bul vel kan han thlir kual vel chuan, tawntea chuan , C.Thuamluaia'n Dorothy ti a 'sialton official' a , a dah tak a hmuh na min kawh hmuh thei ta tlat mai.

C.Thuamluaia hi mizotawng a thu ziak ah chuan ziak no thiam ber ni in tun thleng hian ka la hria.a thuziah han chhiar hi chuan ka cheng deuh vang vang thin ni hian ka hria.'sialton official' a hmangaihna mak zia a rawn tar lan pawh hi mak deuh ani.

a hnu rei vak lo ah rotlingpa chuan lehkhathawn a dawng ta tlat mai. a kut ziak atang a en ngawt pawh in naupang kut ziak ani lo tih a hriat theih nghal. tawntea , hetiang lam a senior tawh in a chhan na kha a duan pui ta hial in ka hria!! mahse, tunlai ah tawngkam mawi leh nalh tak tak in ziah na -card, bazar a lei ngawt ai chuan , a hlu fe zawk in ka hre ve tlat.then khat chuan rilru a awm ber card ah kan thlang a, an ti mai thei,mahse.....bazar a lei te chu sawi loh e-card te pawh a tam hi, commercialise ni lo, rilru sawi na ni awm tak ani a, a hlu ka ti.

Rotlingpa hian lehkhathawn a chhan na hi, uluk tawk a a chhiar nawn a, prove reading a tih hnu ah, stamp(then khat chuan ticket tiin an ko) a lei chawp emaw, a neih sa emaw kha envelope a , a chil a liak huh te te in a char thlap anga. tin, Laitumkrah bus stand atanga tlem a ke a kal a luh deuh ngai ah khan, dak bawm rawng sen ngei mai ah a thlak ri karh anga. Rilru zang em em si, a ruk a rit ang reng bawk si in, Laitumkrah bus stand ah bus a nghak zui ngei ang!!

Title awm lo -5

2007-10-06T19:46:00.000+05:30

Pathian thu ti a mizoram a kan sawi hi, han ngaihtuah chuan a va zau in inhnial na a va tam thei tak em aw? tih te ngaihtuah na ah a awm a.Lal Isua lo kal leh hma chu inhnial na hi a tawp hmel loh anih ber mai hi! Pathian chu pakhat ani , mahse , 'Pathian thu' kan tih a in ang tlat lo in a hriat!! Bible chang ah pawh 'pathian thu' tih anga sawi vek si in kan hrilhfiah dan a dang bawk si!! pathian chu pakhat anih si chuan thil pakhat ah ngaihdan hran hran sawi awm loh tak ava nih hmel bawk si em??'pathian thu' chu a pangai reng anga, 'pathian thu' kan hriat thiam dan hi a dang zawk ani thei angem??

Bible code tih te kan hria, a bible an lehlin hma a in ziah na tawng ami kha a thumal , 10 na emaw 20 na emaw vel zel kha zawng chhuak ila, chu mi kha mi a sawi a, etc tih vel te ani. computer hmang a an chhut chhuah te chhiar tur a awm zeuh zeuh. thawnthu ngaihnawm tak ani, mahse ....

Bible hi pathian in mihring a biak na ani zawk em? Pathian hian mihring a biak na ni ta se la, a code zawng leh computer te rawih hial ngai in mihring hi biak a tum angem?

ka han hriat thiam ve dan chuan, mi biak lo tum ta ila, awlsam tak a an hriat thiam dan tur in biak ka tum zawk ka va ring em! mizoram zokhua ril ber a cheng, computer chu sawi loh , electric pawh la awm loh na a mi, pawh in a hriat thiam dan tur in a biak zawk ka va ring em!

Rotlingpa Mi ropui -V

2007-09-22T17:18:00.000+05:30

shillong khaw vawt vur mai, chhum zinna ram ti a an lo koh, zing khaw tha ve ut si a,ruah sur thut thin na hmun a han khawsak tlan chuan 'leather jacket' neih a tangkai na te pawh kan ngaihtuah chhuak ve hial(ka nei lem hlei lo a).

rotlingpa ho a hostel kan han awm khawm chu, tui lum lo chuan inbual a huphurh awm thei lutuk, khaw vawt vin tuk mai ah chuan. tunlai ang in immersion heater te kha a la lar mang si lova. Rs-a' rem hre zet mai in awl sam tak a tui lum na hman rua an siam chhuak kha chu , a va han tih zia teh lul em!

Room tin ah electric heater kan nei vek a, a then in rawngbawl nan te an hmang a, Rs-a chuan electric heater coil hi chair chhe tawh ban ah a zem kual a, chuan electric wire in plug ah a thlun zawm a, bucket a tui dah luau ah a chair ban chu an chiah a. Ngai teh, plug a hmehna chu an -on a, rei vak lo hnu ah chuan bucket a tui vawt chu tui lum inbual ti nuam em em tu ah alo chang ta!!. chu kan "chair- ban- heater" chu kan hawh kual laih laih thin a, hman hmawh deuh a tui vawt kha lum hma se kan tih chuan a coil kha kan pawt fan deuh mai a !..

mahse , room a awm kim vek a, inbual duh rual chuan pakhat ringawt chu alo tawk ta mai si lova, vawi khat chu a siam chhuak tu pa in a hman duh hun ah mi dang in an lo hman lai ani si, a chhuak hman hmawh tawh si chuan , tui lum dan thar a hmu chhuak leh ta!! hetah thung hi chuan thil thar siam chhuak lo in a, thil awm sa kha a hman na a thlak ringawt thung a. a electric heater rawng bawl na leh mei lum ai atana hman chi kha, a tuam tu lung bawm zawng zawng nen Bucket a tui vawt ah a chiah tawp a, tin, current a on ta a, tui lum siam chhuak vat in, rei lo te ah fai veng vawng in, nula tih lung lawm nan a 'mei hem vat vat in' an len chhuah zui tak kha!!(necessity is the mother of invention). :)

krismas a hnai tawlh tawlh a, shillong thlasik a vin tawlh tawlh bawk a. heater kan hmang nasa tawlh tawlh bawk a. mahse floor khat a room zawng zawng in heater kan hman rual vek chuan , cut-out a wire in alo zo lova, a sa a,a chat vat zel mai a, zan khat ah vawi tam siam alo ngaih tak ah chuan 'Idea' thar a rawn chhuak leh , cut-out a hman tur bik a wire siam chu hmang duh ta lo in, alluminium wire zai hraw ang reng tak 3 kan herh hrual a, cut-out a wire ah kan han hmang mai chu, a chat ta lo vang vang mai !

mahse, zan khat chu a ri phut a current a thim leh ta rup mai, dan pangai te in main switch lam ah kan han tlan khawm a. Rotlingpa thawm a reh thap mai, torchlight nei lian ber anih avang leh a tester screwdriver kan hman duh avang in a room kan han kik hawng a. Rotlingpa chu thim in a ti buai ve lo nge ni, lungmuan hmel tak hian khum ah a lo mu a. a bungrua kan hawh sak hnu chuan cut-out chat chu kan han siam tha a, a eng leh ta thap mai. kha tiang a wire hrawl hman tawh hnu pawh a , a la chat fo mai chu eng vang nge maw ni dawn ni?? tiin , thingpui lum pah in rotlingpa room ah kan han sawi ho laih laih a.

eng dang vang ni lo chuan, rotlingpa khan a electric heater siam tha in, heater coil zawm na a , negative leh positive kha a lo hawlh zawm palh a, chuvang a cut-out chat kha alo ni a. rotlingpa pa thluak tha chuan, mi dang ngai thei lo in an rawn siam tha thuai tho ang , tih ngaihtuahna neiin , cut-out a chah vang a, a thim ve leh khan , rang lutuk mai in khum ah mu nghal in, 'zawhte sarep ei ru lo ' mut in a lo mu than mai hi alo ni a.

Rotlingpa Mi Ropui- IV

2007-09-15T17:13:00.001+05:30

Rotlingpa hi, a naupan lai in hun enge maw chen ;Lunglei ah ‘dum mual’ bul ah alo khawsak tawh avangin infiamna lam ah pawh a theu neu lo ang reng khawp mai. Infiamna lam han tih hian, a tak in a tel nasa tih lam ni lo in, Rotlingpa hi chuan , a chhiar a chhiar te, a en a en te , a tuipui zawk a!!

Mizoram ah club football , tun ang em em a ala lar hma, 1997 bawr chho vel te khan , Rotlingpa chuan champions League te hi alo atchilh bur tawh tih hriat em em in, champions league a , manchester united leh Barcelona inkhel te pawh, shillong ah , police bazar ah, Tv dawr a an zawrh lai a an chhuah, darthlalang phen ah kawng atang in alo thlir tluan zak tawh ani! Hemi tum hian a tan ber mai manchester united chu an chak ta lo hlauh, mahse Rotlingpa chuan phun nawi lo in leh tumah dem chuang lo in; an chak ala hun lo ani ange tiin kan bul ah chuan a sawi dam thlup thei tho.

Tin, Rotlingpa te class ah hian football ngai na em em skk-a an tih mai hi a awm ve bawk a. a ni phei chuan chanchinbu a inkhel a chhiar hi Tv a en ang mai hian a chip chiar in a sawi chhuak thiam a, an pahnih a bul a awm hi chuan kan ka ho hi ani ringawt mai ani. Hetiang zing a khawsak tak ah chuan , football chung chang kan lo hre hnem telh telh a, world cup lo thleng tur pawh urlawk ana duh khawp mai.Ronaldo , Barcelona a khelh lai a rawn lar chhuak tak tak lai vel alo ni bawk a, tin leh lam ah michael owen naupang te an an thlang tir enge a an ang tih vel sawi tui lai vel tak alo ni bawk si a.

World cup chu kan han en ho ta a, mahse kei chu England an tlak hnu chuan ka en zui peih ta vak lova, mahse kha mi tournament ah kha chuan michael owen an argentina lam a a pet goal kha ‘solo goal’ an tih ang chuan nalh ka ti ber mai. Skk-a chuan hemi kum a world cup , matches zawng zawng kha a en vek a!! class lam ah erawh a hmel hmuh a khat deuh an ti !

Final kan hnaih telh telh a, boruak a tang tha chho telh telh. Final khelh dawn zan ah chuan , hall ah kan thu khat hmur mai a, france tan leh Brazil tan kan in zah ta vel ang. A then in brazil jersey an rawn ha a, an hmai an rawn hnawih eng/hring vel a, chutiang bawk in a then lah in france jersey rawn ha in ‘ka room chhung a rawng eng zawng zawng ka dah chhuak vek tawh’! te an rawn ti. Enge maw hlek ah inhnial na chu awm se la buaina lian tham vak lo chu a chhuak thei mai awm asin maw le!!

Chutah inkhel an han tan ta a, boruak chu a reh hian a reh thap mai a. Ronaldo ber pawh chu eng tin vak mah a che thei tlat lo mai!! A tawp ah chuan France lam chu 3-0 in an chak ta,France lam tan thawm a tha ham ham hle mai,mak ve deuh ani, 1986 world cup kha naupang te in kan en ve a, ta tang khan world cup ah brazil leh france an inkhelh hian brazil hian an la hneh ngai lo ka en ve tawh chin ah! mu tur in room kan pan sang sang a, Rotlingpa ber pawh a tan em em Brazil an chak loh vang nge maw ni, a hmel a ngui nghuai mai a, hall atanga room pan a kan kal kawng ah a tawlh thlu tur in ‘amennnnnn’ a tih bak chu a ‘aw’ hriat zui tur a awm lo, kha mi zan kher kha chu!

Project Ration Card -II

2007-09-04T16:06:00.000+05:30

Ration card thar chu press ah an han print zo a, a chhung ah thil an lei a piang a an record na tur lehkha phek enge maw zah zeh tel a, a bu a siam tur in taluk office ah a rawn thleng a. kut awm thei ang zawng zawng in kan han thawh chuan kan ti zo ve leh ta mai a. He mi kan sub division a ration card thar a rawn thlen lai hian district thenkhat chuan an sem tan tawh a. Nitin mai hian ration card thar lak tum intlar put mai hi tv leh newspaper lam ah te an chhuah chuai chuai reng a. Rin lawk ang mai ni lo in sem chak alo harsa daih mai a, ni thum aia an rei tak chin ah chuan sawi sel na a ring sawt khawp mai a. kan sub-division in kan sem tan ve dawn pawh in, commissioner office lam atanga in hriat tir ang in, district headquarter ah meeting rei ngial kan nei a, hetiang lam a experience lo nei district level officers zawng zawng chu kan ko khawm in tih dan tur kan han sawi ho a.

Kan sub-division ah hian mi nuaih khat vel dil tu ah dilna 40,000 vel kankan hnawl a, chuvang in ration card sem tur tak chu 60,000 awm ang vel tur in chhut a. A sem dan chu mawl te ang in a lang a, ration card thar zawng zawng khan number a nei vek a, chu mi number leh card nei tu hming leh thla lak awm vek na , lehkhabu pakhat A-register an tih hi a awm a, ration card thar lam tu tur khan , a dil na a theh luh lai a acknowledgement kan pek kha a entir anga, ti chuan A-register ah a hming zawn ah khan card a la e tih record atan a hming a sign anga,ration card thar chu ala mai tur ani a. Mahse kha tia ngaih ang ngawt kha alo ni lo tawp mai. District dang a sem tan tawh mek te atanga lang thei ah chuan , acknowledgement a hming awm atanga A-register a zawn hmuh kha rin aiin hun a duh rei daih mai. Tin, mi in rei tawk intlar tawh hnu ah, A-register ah a hming an zawn hmuh zawh leh si loh chuan , zawn chhung a duh rei phian.ni li vel intlar tawh hnu a, la la thei lo an awm teuh avang in district thenkhat ah chuan sawi sel na a ri ring tawh khawp mai. Mipui pung khawm intlar rei tawh si chu enge maw hlek ah buaina chhuah theih anih mai bak ah, TV leh newspaper lam ten an han kawm a, an din rei tawh zia te leh an harsatna tawh hrang hrang te kha , thil chhuah nuam tak alo ni bawk si nen!

Hemi kan sub-division hi hosur niin , Ashok Leyland, Titan, TVS , etc te awm na hmun ani a. Industrial labour mai bak ah , management lam pang thawk te cheng an tha hnem ang reng fu a. anmahni- right an lam ri ring thiam khawp mai a, enge maw thleng hlek awm se lang chuan in newspaper leh TV lam a thleng rang hle dawn tih a hriat sa a. chuta chhap ah , inrinni leh chawlhni hi a enge maw zawk zawk an chawlh theih awm chhun anih avang in a enge maw ni zawk zawk ala thei tur a inbuatsaihna siam tur in nawr na a nasa khawp mai a. Mahse A-register a diltu hming zawn hmuh vat kha engtin nge kan tih tak ang? A ration card pe chhuak vat thei tur kha chuan 50 te te in A-register a number in dawt dan ang khan kan tel hrang thliah a, zawn hmuh chu thil harsa ani lem lo.

Ration card sem na tur centre pakhat ah card a tam ber ah 1500 vel sem tur anga kan han chhut pawh in, minute 2 dan zel ah A-register ah khan a diltu hming kha hmu nghal zat zat pawh ni se la, nitin darkar 8 ang vel sem dawn pawh in, a lo ber ah ni 4 aia rei lo tur in kan chhut thei ta mang reng reng lo mai a. chu chu sawi loh fair price shop huam chhung ami kha hmun hran a sem anih chuan , confusion awm ve leh thei tur ani bawk si a, chuvang in 3000 chuang sem ngaihna tur ah te chuancounter 2 te kan siam ta ringawt a. ti chuan a zirtawpni chaw hnu lam atang in enge a an dawn tih en lawk na tur ang deuh in centre thenkhat kan han ti tan a, rin ang alo ni lo. Darkar 2 an ral hnu pawh in 60-70 vel kan sem thei tawk mai. A-register a hming zawn hmuh kha rin aiin a awl ta hlek lo mai, tin, dilna kan pawm sak loh te khan an hre si lova, an intlar ve a, an hming an zawn chhung a duh rei em em, a tawp ah an beidawng a, mahse lo inthlar ve reng tawh an nih avang in a sem tu te nen an inhnial chhung te nen hun a duh rei phian zel mai.

Chuan, tlai lam ah centre tlawh kual tur a team kan siam flying squad ho nen kan han sawi khawm leh a. A tih dan kan thlak loh chuan kan sem chak theih loh dan tur leh , mipui intlar avanga buaina awm thei kan buaipui a ngai dawn ani tih a hriat lawk theih mai a. zan lam a a theih ang ang kan hriat theih te chu an in ah pe lawk ila , tih ngaihdan te a awm, mahse hriat an tlem lulai lutuk!

Chutah pakhat hian, dilna hnawl ho zawng zawng te rang tak a , an kal sawn vat theihna tur in ‘appeal form’ siam ila. Rawn dil tha leh rawh ti mai ila, tih ngaihdan a lo chhuak a. dilna hnawl te chu kan thawn kir leh vat thei ang. Mahse eng tin nge A-register ah dilna kan pawm sak te kha an hming kan hmuh zung zung theih ang tih kan rel laih laih lai chuan, ka beisei phak aia mawl leh tha bawk si ngaihdan a rawn chhuak ta tlat mai!

A-register a hming zawng tur khan ration card sem tu counter a mi 2 te kha hmang lo ila, a mipui te kha zawn tir zawk mai ila. Chuan an ‘acknowledgement ‘ ah khan A-register a , an ration card leh hming awm na zawn serial number kha hre sa in a sem na counter ah kal chauh se la, a serial number atang khan counter a sem tu ten an hming an hmu zung zung thei dawn a, kan sem chak zawk thei ang a? tih ngaihdan a chhuak. ‘eureka’ kan ti tlang lo chauh ani. Ti chuan A-register chu tlai lam ah kan xerox vek a, a copy chu a sem na tur centre ah (sawrkar sikul ani tlang pui) an compound wall ah kan tar ta vek a. ration card dil tu te an mahni serial number zawng chhuak tur in kan ti a. zan lam ah kan tlawh kual thuak thuak in, mipui lam atang pawh in response rin phak aia nasa in a tha a. zan dar 10 pelh hnu a, sikul compound bang a A-register kan tar a , an hming la zawng te pawh hmuh tur an la awm teuh mai.

Chutah atuk , a D-day, inrinni a lo thlen chuan zing dar 9 hma a a sem na tur centre zawng zawng in ring lawk vek tur a kan inhriat tir lawk ang in, an thleng kim thap vek a. Ration card thar lam tum te pawh khan,A-register a an ration card leh an hming awm na , serial number kha acknowledgement ah khan an lo ziak lawk vek a, tin, ziak leh chhiar thiam lo te pawh kha mi dang in an lo ziah sak a. A-register xerox copy kha compound wall pawn lam ah kan tar avang in an hming hmu te chauh khan compound chhung an lut a, mipui bawr khawm luih luih ang tur kha a awm loh phah ta bawk. Ti chuan ration card kan han sem tan ta chu sem a chak ta zar zar hle mai, tlai lam dar 5 kan thlen meuh chuan 70% vel kan sem hman tawh ani. A la bang tlem chu a tuk chawlhni ah zing dar 11 hma in kan sem zo vek hman a, kan thaw huai tlang ta in ka hria.

Kan district a ration card thar kan sem ve tan hma hian district 25 vel ah an sem tan tawh a,an vaiin A-register a diltu hming hmuh harsat avanga sem muan leh mipui intlar rei buaina an tawk vek a. hetiang a mipui zawng tir mai ngaihtuahna rawn vawrh chhuak tu chu revenue inspector , hierarchy ang zawng a ngaihtuah phei chuan revenue department ah chuan a hniam ber dawt tu an tih ang vel tur hi ani a. Mahse , amah aia sang district level officers , district 25 vel a awm zawng zawng in an ngaihtuah chhuah loh , thil mawl ang reng tak si, mahse hlu em em si kha a rawn ngaihtuah chhuak a, a ropui ka ti khawp mai. Tin, organisation lian ah chuan ‘parallel thinking’ an tih ang te leh, ‘tun hma kan tih dan’ tih ang chi te hi thu rel khawm na ah hian a awm awl zia a tar lang ve hle in ka hria.

Flood in Ireland

2007-09-04T15:59:00.000+05:30

Hman kum lawk khan, Tsunami vang in Tamil Nadu tuifinriat vau kam vel a khawsa leh lo awm lai ten nun na an chan phah vak a. villupuram, chennai, cuddalore, nagapattinam etc vel ah te tanpui tu mihring leh tanpuina sum leh pai te pawh a luang lut hnem em em a. kha tia sum an luan luh tak tak kha chuan, Tsunami tuar na hmun a , wine shop ho khan an hralh chhuah kha a pung thut mai a . Fiamthu deuh hlek a han sawi rik hi chu a awm zauh zauh a, mahse ram dang ah pawh an lo bang bik lo tihna em ni le !

Rotlingpa Mi ropui-III

2007-09-01T20:46:00.000+05:30

Rotlingpa hi pa zaidam pui mai ani a.Shillong ah NEHU campus kawt ah kan hmu thut mai chu, ka phu deuh zawk in ka hria. Khang hun lai te kha lo rei ve leh ta hle mai. Hun hi alo kal chak ani e!

Department of history kawt ah a hnung lam atang in ka hmu a. jacket dum a ha a, kekawr buang lam pang deuh ha in, ipte pawl hi a dar ah a bat a. Admission alo buaipui ve mek hi alo ni a.Tawntea nen kong-I thingpui dawr ah thingpui kan in ho zui a. a tawi zawng in sawi ta ila, Rotlingpa chu ‘bawng kang veng’ ah in luah zui ta in, happy valley kohhran ah zaipawl ah te pawh a in hmang leh viau hman a. Tin, thla enge maw zah hnu ah ‘japfu hostel’ ah rawn in suan thla in kan han in zui tan ta tak tak ani.

Floor khat ah awm ho zui ta in,ani pa titi thiam ania, a room chu kan kal khawm na ber ani nghal pang mai. kan floor hming ah khan ‘zopa lungleng’ tiin an vuah a. Rotlingpa chu a lungleng ber awm in an awm nghal mai thei a.A hnu ah evangelist team tiin kan han inthlak leh a, speaker a inti leh nghal thei mai a.kan hnuai chiah floor te khan ‘chhurbura floor’ tiin an in phuah a, a tu ber hi nge chhurbura chu ti a kan han zawh lah khan , an thinrim lek lek ziah bawk si! Mak ve deuh ani.

Kan sawi hmaih phal hauh loh tur pakhat chu, rotlingpa hian a room a luah hma hian ka room ah thla khat vel ka lo mikhual a. a han mut tui theih dan em em kha aw!!! a hnar ri te kha , hnar ri pawh a ang lo thin, thlawhtheihna hniam tak ah a thlawk ri ni mah mah awm zawk ani. A ri atang ringawt chuan pilot tha tak ni mai awm tak ani. A pheikhawk han bun uih nasat theih zia te kha aw!!! pa hrisel tihna ania a ti mai a,eng ah mah a ngai pawi mawh lem lova. nileng a pheikhawk an bun ve tawh kha chuan, tlai lam ah an phelh a , a mawza rim chu ‘bekang teng ‘ tha tawk tak hi a ang deuh ber in ka hria. A rim hriat kha chuan ‘hnar’ chu awm lo se la ‘mit’ a pual thei hial in ka ring ani.! "Tp-a pawh in burma lam chhuak 'stop' tih hming pu ,a ke ah a hnawih a, nithum hnu ah chuan a ke a khi that mai a, a reh khawp mai, hmang ve chhin ta che ?", kan tih lah chuan, side effect a awm ang, ke a uih viau chuan ke a no duh zawk tih tan in a tang tlat mai! engah mah a ngai lo, a ngai lo tak tak!

Rotlingpa chuan tape te reuh te mai, silchar a a lei hi a nei a.sailothangi sailo zai a ngaithla thin a. chawlhni inkhawm a piang hian Rs-a hian inkhawm ban a mi awm khawm tam lai hian tape te chu fiamthu thawh nan a hman sak ziah a.’khau chher pa’ atih sak thul, ‘rotlingpa tape a tawn na elastic a rool a tukin chu kan play thei lo’ tih te, ‘rotlingpa tape hi chu a chhiat em em vang pawh ni lo in a enkawl that loh vang a chher nasa ta ani a, in ren lovin Rs 20000/- vel seng in a chhung a khawl awm zawng zawng leh a tuamtu plastic hi thlak hlawk hlawk ila chuan tape tha deuh la ni tur ani a’ tih ten fiamthu thawh nan an hmang a. Rotlingpa nula lam a mark hmuh san tum avang a, vatawk nghawng hlin ang tak mai a necktie awrh zuah tan chuan a nuih zat thlak miah loh ang tih chu a hriat, midang hre pha te chu an nui dir tlawk tlawk.heti chung hian hostel kan han let leh a, Rotlingpa room ah Rs-a tel in a tape te chu kan ngaithla ho leh dial dial, rotlingpa in a chhiat khum zui ngai miah lo. Chhiat khum zui lam chu sawi loh aizawl a haw hlan in Rs-a chuan rotlingpa tape a kawl sak thei asin!!

why?

2007-09-01T14:30:00.000+05:30

why why why
---------------------
(groupmail a ka dawn ania, chhanna hria kan awm emaw?)

1)Do we press harder on a remote control when we know the batteries are getting dead?

2)Why do banks charge a fee on "insufficient funds" when they know there is not enough money?

3)Why does someone believe you when you say there are four billion stars, but check when you say the paint is wet?

4)Why doesn't glue stick to the bottle?

5)Why do they use sterilized needles for death by lethal injection?

6)Why doesn't Tarzan have a beard?

7)Why does Superman stop bullets with his chest, but ducks when you throw a revolver at him?

8)Why do Kamikaze pilots wear helmets?

9)Whose idea was it to put an "S" in the word "lips"?

10)If people evolved from apes, why are there still apes?

11)Why is it that no matter what color bubble bath you use the bubbles are always white?

12)Is there ever a day that mattresses are not on sale?

13)Why do people constantly return to the refrigerator with hopes that something new to eat will have materialized?

14)Why do people keep running over a string a dozen times with their vacuum cleaner, then reach down, pick it up, examine it, then put it down to give the vacuum one more chance?

15)Why is it that no plastic bag will open from the end on your first try?

16)How do those dead bugs get into those enclosed light fixtures?

17)When we are in the supermarket and someone rams our ankle with a shopping cart then apologizes for doing so, why do we say, "It's all right?" Well, it isn't all right, so why don't we say, "That hurt, you stupid idiot?"

18)Why is it that whenever you attempt to catch something that's falling off the table you always manage to knock something else over?

19)In winter why do we try to keep the house as warm as it was in summer when we complained about the heat?

20)How come you never hear father-in-law jokes?

21)The statistics on sanity are that one out of every four persons is suffering from some sort of mental illness. Think of your three best friends -- if they're okay, then it's you.

Bill Jobs and Steve Gates!

2007-08-29T11:36:00.000+05:30

an thiam mai mai asin maw le ..hehehe

Rotlingpa Miropui - II

2007-08-24T15:23:00.001+05:30

Evan Rotlingpa te hunlai hi chuan Willys Jeep lang pha a thla han la pha ngat chin hi chu an inchhuang deuh larh thin, chutiang ti thei dinhmunah chuan kan miropui pawh hi zuk han ding leh mauh pek a maw le. Ngaihsan awm tak² a ni.

Evan Rotlingpa hi a ngaihsan awm leh zualna pakhat chu, keini'n inhlawhna tur kan zawn laiin "Hlawh" a sem thin a ni. Amah Rotlingpa sawi dan in he thlalak hun lai hi Kolasib a KTP conference an neih tum a ni awm e.

NB:Thlalak a lang ang hian Rotlingpa chu mizoram ah Tarmit nei hmasa ber pawl ani ve awm e.! Tin, nectie sen awrh lar hmasa ber pawl ani.A sam pial dan atanga en pawh in mizoram ah chuan 'keo karpin' leh 'coconut oil' hmang hmasa pawl ani tih pawh, sawi kher ngai lo in a hmuh theih awm e!

Rotlingpa Mi ropui

2007-08-22T11:35:00.000+05:30

Ni 21/8/07 (Thawhlehni) khan Inleng pakhat ka nei a, chu ka inleng pa chuan ka computer chu khawihin film duk daklo tak tak a zawng a, keichuan chutiang lam chu ka khawih ngai loh avangin beidawngin ka khumah a mu thal huang a, ka mobile chu khawihin heti hian ama thla a lo la leh ta a ni.

NB: Rotlingpa hi a hming pum chu, Evan Rotlingpa speaker, MA(History),MA (public administration), B ed, ani e!

Project Ration Card - I

2007-08-18T15:29:00.000+05:30

Vawi khat chu sawrkar hian Ration card la nei lo te, tan Ration card siam sak vek tur in thu chhuah a siam a. Dil na form chu a man lo in office atanga lak chhuah theih vek ani a, tin a dilna an theh luh rual in “acknowledgement” a dil na form a tang khan chep thla in a diltu kha pek let leh ani a. A dilna te endik vek anih hnu ah, hmu thei tur anih chuan kha “acknowledgement” phek te hmang khan a Ration card chu a la chhuak thei tur anga ruahmanna siam ani a. Dilna te village wise a kan thliar fel vek tawh hnu ah , field level verification ti tu tur te, cross checking ti tu tur te kan in siam fel a, field level verification kan han ti tan ta chu buaithlak ang reng ve deuh mai thil pakhat a awm ta tlat mai.

Chhungkua in dang tawh tih hrilhfiah chian a ngai tlat; chuti anih loh chuan chhhungkaw thenkhat in card neih tam duh vang in an chhungkaw member zawng zawng hming chi kim a dil tawk an lo awm !!!! chu chu thuhran ni se la, nupa innei thar hlim , tun atanga thla 3 vel ah chuan kan indang tawh dawn a ti a tan lo khawk tlat tawk an awm?? An dilna form ah innei thar ngei an ni e tih entirna tur in an “inneih sawmna” card rawn thil tel tawk an awm!!! Khaw thenkhat ah chuan in khat ah a chhawng ni si lo ah, pindan hrang luah in chhungkua pahnih pathum te an lo awm khawm!!! An dilna hnawl ngawt dawn se la, hotu sang zawk te hnen ah dawt a hek an lo hlau ve bawk si. Mahse, sawrkar lam in ‘chhungkua in hrang chang tawh “ chu thuk/gas stove nei hrang tawh ani tur ani”, tiin an hrilh fiah a, field level a verification ti tu te tan a awlsam phah sawt mai.

Kan sub-division huam chhung ah ngawt pawh , Ration Card dilna hi nuaih chuang teh meuh mai kan dawng a. Dilna dik lo pawh tam tham fe chu a awm ngei ang tih a hriat theih nghal ani. Engvanga hetiang ang zo zai tam dilna dawng nge kan nih tak ang ?? chhan tam tak a awm thei awm e. Heng a diltu tam tak te hi an khawsak san leh hniam dan te, an income tur awm ngaihtuah te chuan “fair price shop/PDS shop” atang in buhfai/atta/chini/khawnvartui etc an lei ngai miah lovang tih a hriat theih nghal a, mahse identification atan an mamawh vang a dil te pawh an ni in a hriat a. sawrkar in ration card hi identification atan hman loh tur tia thu a chhuah hnu ah pawh, passport dil tu te, community certificate diltu te, leh hna dilna then khat ah identification na dang a vang deuh nge ni, ration card xerox copy thil tel tur tih te ani tlat mai thin a.!!

Then khat lah in an in mi an luah tir dawn in “ration card” te an dah kham tir a. In luah man an pek theih loh khan an hnawh chhuah rual in an ration card te an lo lak sak a. Industrial area ah te phei chuan chhungkua in luah tur ngah deuh te chuan “ration card” sawm chuang te an lo kawl tih kan han chhui chhuak bawk nen. Heng an chhuh sak tak te hian a thar in an dil leh vek te pawh ni fahmiang!! Veng thenkhat ah chuan , panchayat (an village council ) record a in awm zat aiin Ration card te kha alo tam zawk thul!!

Hetiang a sawrkar in a nei lo te ration card pek tur a thupek a chhuah hma lawk hian, verification kan ti vak mai a. A chhan chu an chhungkaw sum lak luh (income) anga teh a Fair price shop a thil lei thei lo tur, mahse Ration Card nei ve vung si te an tam em a hriat na a awm avang leh ration card midang hman tir an awm avang te, hetiang avanga sawrkar in sum a khawh ral na tam tham deuh a hriat anih avang in , verification hi huai hawt ani a. industry/factory leh sawrkar hnathawk te chu an pay roll kan khawn khawm a, an hlawh atang in fair price shop a thil lei thei tur an nih leh nih loh kan chhut sak a, lei thei tur a bi tuk chin aia an sum lak luh a san chuan an card neih lai kan lak sak a , a ai ah ration card ang chiah ve tho “white card” card a rawng var kan pe ta thung a. mahse card rawng var hi chuan engmah fair price shop ah thil a lei theih loh a , an mahni identification atan erawh an hmang thei thung a.A Ration card pangai chu rawng hring ani a.hetiang a bogus card an tih mai ang chi kan- cancelled sak hnem avang te pawh ani ange, hetiang zah zah ration card thar dilna kan dawn.!!!

Chutah field verification kan han ti tan ta, a mi cheng te culture leh khawsa zia hriat ka chak ve reng reng avang te leh, field level a thil awm dan hriat ka chak avang in nitin chaw hma leh chaw hnu ah programme ka siam a ka chhuak ve ziah a. Thla hnih chhung a mi hrang hrang choka ka hmuh hnem ber tum ala ni hial ta ve ang. A pangai chu ni se la, VAO (village administrative officer) in verification hi ti tur an ni a, mahse dil na kan dawn hnem em avang leh urban area ah te chuan chhun ah hna an thawk a inrinni leh chawlh ni ah bak in ah awm tur awm mang lohna chhungkua te alo tam ve em avang in, office assistant zawng zawng, surveyor ho thleng in verification tih tur zah kan in tuk a , ti chuan thla hnih vel chhung in verification chu kan ti zo thei ta hram a.

Chutah, rin lohna lam atang in buai na a rawn awm leh ta!! Commissioner office lam atang in thu pek dang an rawn chhuah, dilna pawm a, recommend tur reng reng chu “supply officer “ ngei in pen pangai in a sign tur ani, seal ang mai mai pawm ani lovang, an rawn ti . sing khat tih te pawh sawi chu a awl ang reng khawp mai, mahse ni khat ah vawi sing khat hming sign tur chuan har ve deuh tur ani.!!! Hetiang ang thu pek a awm tak tlat si avang hian, a verification vel a mawh phur tu tur ber leh co-ordination leh reporting lam zawng zawng ti tur ber si chu ti thei lo a awm in, office a thut tir a , dilna recommend zawng zawng a hming sign tir char char ngawt chu ani ta mai, tih ngaihna a awm lo.!!! Kan han ti zo office pui lam a kan han thawn zo chu kan thaw veng tlang hawk mai in ka hria, Ration card chu tu pawh in an duh tur ani a, electoral roll a dah tur a thla la tur a in sawm ngawih ngawih ang kha ani lo anga, a sem lam chu a harsa tawh lo ang chu, tih ngaihtuahna a awm a. mahse a lo ni chuang lo!!

vah vel na mai mai

2007-08-15T18:59:00.000+05:30

hetiang milem thla lak pui a lawm tawk awm ani a !

then khat tan lah hetiang hian...

???

Ho Mai Mai

2007-08-06T17:42:00.000+05:30

Vaitin Khua a ni a, Zosap Missionary Pu Lloyd a lak a ni. hetah hian Pu Lloyd a thlalak lo thiam zia a lang chiang hle. A Bak chu sawi zawm lo mai ang. He thlalak atanga thiam i tihna lai leh thiamlo i tihna lai han sawi zawm ve thung teh le. Inzirnan ka lo hmang a nge

Ho Mai Mai

2007-08-02T22:30:00.000+05:30

He lai hmun hi khawi lai nge, engtika lak nge phei chuka hre lo a ka han post mai mai a nih hi

Irulla

2007-08-01T21:53:00.000+05:30

Khawvel chanchinthar an ziah na ah“globalization” a tel apiang in , keini pawh in “Bangalore” kan nei ve alawm tiin rilru ah, mi hnung lutuk ah kan kal bik lo e, tihna a awm a. Ani tak a, khawvel hmun dang a thil thar leh an chin thar ang chi te chu Bangalore a kal chuan , an lo awm ve ta zel emaw tih theih tur in , a lo awm a. India ram chanchinbu lar ho lah chuan “Bangalore” lam enge maw ri hlek chu, chanchin tha ani emaw, tha lem lo ani emaw, an lo tar lang cham chi bawk a.chu ta chhap ah, information technology(IT) company ho in an sum hmuh zat te , an hlawk na te , tarlan ani reng bawk a. khawtlang nun lam chhui bing tu te lah in ‘ IT’ than chak viau lai leh, thalai te , an nu leh pa te an kum ang rual vel an nih lai a an hlawh let fe an hlawh vang hian , Indian society ah joint family(chhungkua a in khat a awm khawm teuh) hi a ti tlem tial tial nge, a ti pung zawk tiin zawhna an han in zawt a. sum la lut thei fapa/tupa an lo awm chuan chhungkua a nu leh pa mai bak ah , pi leh pu te pawh in an belh alo tul a, chu vangin , hindu joint family hi ati thar leh zawk ti te in an ziak hmuh tur a awm nual mai. Mahse kan ngaihtuah ve na mai mai ah chuan, tunhma hindu joint family ah khan tunge rorel tu ni anga? Tun a Bangalore vel a hindu joint family an tih ang ah hian chhungkua ah tu thu nge an ngaih chan ang aw? Tunhma anga putar kum 80 aia upa, joint family a rorel tu ang kha chu ani tawh lo mai awm mange aw!!!!! tihna rilru ah chuan a awm a. Mahse globalization an sawi a , chanchinthar lam a lang khat ve tak,an chenna atanga Bangalore hla vak bik si lo, mahse hmun dang a thalai te hlawh a pun thur thur lai a, an rilru leh khawsak dan chhut chuan, kum 1947 hma lam pang khawvel ah an la cheng em ni? Tih theih tur ,“globalization” in a tih danglam vak chuang loh leh a la sawi thlen phak lutuk loh, an nun dan pawh la ngai reng thung si hi melh ve reng reng ila.

Irulla chu latin- tawng ni lo in, tribal hnam khat hming ania. Denkanikottai ram ngaw hnaih a cheng ho te ka hmu ve tawh a ,an awm na ho hi tlangram ni ve in , mizoram nen chuan sik leh sa lam ah in ang ve tak ani.

Mizoram lam ah scheduled tribe certificate lak dawn chuan, dil na kan ziak a, a hnu lawk ah kan la chhuak nghal mai zel a. kha tiang kha alo ni lo a , an chenna ram ah hi chuan, scheduled tribe (ST)certificate la chhuak tur chuan , kum 1970 hma lam a , an chhung te school a an hming an ziah luh in eng hnam ang in nge an in chhal,tih te , registration department ah an chhungte/thlah tu ten eng ang in nge an hming an ziah tih te ,an han zawt kual vak a, tribal rau rau zing ah pawh , irrula tan chuan ,engmah record mumal nei ta lo chu han phawrh ngaihna kha awm miau hek lo le, an takam chem bo din ta mai mai thin ni ta ber in ka hria.

Mahse ST certificate kha , alo hlu fu mai. Hostel ah man chawi lova an awm theih phah na alo nia. Tlem a fing leh vannei deuh ten sawrkar hna hmuh nan an lo hmang bawk a.sawrkar hna hmuh na awlsam zawk anih miau avang in certificate lem leh a dik lo apek te chu hlawk nan a hmang an lo awm ve zel a. hei vang hian an lo fimkhur em em phah mai kha alo ni a. Irulla certificate hmang a sawrkar hna hmuh phah na anih chuan , a lei tu tan chuan sum lam pang sen pawh uih awm lohna chin a awm ani ve mai thei e.mahse a irulla tak tak zawk chuan ,a ST certificate kha , hostel ah luh phah nan te an lo hman theih tawh avang leh ST certificate nei ho tan forest department in loan a pung tlem zawk a , alo hmuh sak tawh avang in,a tangkaina an hre ve tan tawh a.

Tichuan document nei miah lo leh record nei miah lo , schedule tribe ni ve si hi , engtin nge ST certificate chu pek theih tak ang? An thla la vek ila, an in chhun kual dan leh an thlah tu te ziak in dah vek ila,statement la bawk ila, record ah chuan kan fihlim thei em ang chu maw? Tiin ruahman na kan siam a. village administrative officer(VAO) leh revenue inspector hmang in thla lak leh statement lak vel chu kan ti zo ta mai, khawi ah nge a certificate pe tu tur khan a mihring a te a hmuh ang ? tih ah buai na a awm leh , forest guest house hnai ber an rawn thlen theihna tur ah rem kan ruat ta ngawt a, a rawn kal phak tur a rin khua te kan han hriat tir lawk vek a, ti chuan forest guest house lam pan chuan a tiam ni ah chuan kan han in hawl chhuak ta ani.An thlalak leh anmahni hmel in mil te chu , a mipui kha a ni ngei em? Tiin kan han zawt fiah leh a, tichuan ST certificate chu kan pe ta a. kan han sem zawh fel meuh chuan chaw hnu her daih alo ni tawh a, mahse irulla ho chuan forest guest house chu kal san an la tum chuang bawk si lo, han zawh chian chuan, forest guest house atang khan ramngaw kha chu hnai te tak tak alo ni tawh a, sai an hlauh avangin chaw hnu her ah chuan haw an ngam lo kha alo ni a.
Irulla te din hmun ngaihtuah hi chuan in mizoram lam ah te awlsam tak a ST certificate kan nei thei hi chu kan vannei hle in ka hria.

Irulla te awm na khua hmuh ve reng reng duh vang in nikhat dang leh chu kan han in hawl chhuak leh a. forest reserve area a cheng an nih avang leh sai a hlauhawm deuh thin avang in chaw hnu her a let leh hman tur in zing kar hma deuh hlek ah kan phek chhuak a. Ramngaw kar a kan tlan zel lai chuan hmun khat lai ah hian dil hi alo tling pam mai a. a kam vel ah te chuan sai ke hniak hi a awm thluah mai a.zing lam leh tlai lam ah sai hian a rawn tlawh thin alo nia , an “sai sih” ve tihna anih chu. Tin, a ramngaw awm na hi khawpui hnaih viau e ti lo chuan thingkung lian pui pui a la awm khup mai a. a ram a ruahtui tla a tlem em avangin hetiang a lian a thang tur chuan kum tam tak a duh dawn ani tih a hriat theih reng mai a.kan kal pui pakhat forest ranger chu eng vang a mihring kut hnu lang vak lova hetiang ram ngaw tha ala awm theih? Kan tih chuan ani chuan, “a ram ngaw hi veerappan a area chhung ania, tin naxalite ho in tunhma deuh chuan tawm ruk nan an hmang thin bawk a, chuvang in forest official te leh pawn lam mi te hi a ram ngaw ah hian an lut ngam lova, chuvang chuan a tlawh tu an tam lo em atin ani” tiin min chhang a. kan ngaihtuah let a, tualthat leh nun rawnna sawi mawi na ni lovin, veerappan a khan a tum reng vang ni lo in, ram ngaw hum halh tu tha tak alo ni reng mai!!!!! Tih na rilru ah chuan a rawn lang zawk a. a ram ngaw a thil nung awm zawng zawng kha hlawm khat anga chhut phei chuan , a ramngaw khan a nun chhoh zel na tur kha ‘sandal wood’ in veerappan a hnen ah a lei’ tih theih tur ani.he mi ngaihtuahna nem nghet tu tur chuan vawi khat fishery department office a kan len tum in tamil nadu a fresh water fish (tuipui tui al ni lo, ruah tui in a chawm tui hova sangha awm) lian deuh deuh te a lem an tar zing a mi, a lian ber mai chu kawk in “heng sangha hi khawnge tunah ala awm?” tiin ka zawt a, chutah pawh chuan fishery department official te chuan ,” veerappan a area ram ngaw ho ah chauh hmuh tur an awm tawh” tiin min chhang.

Chutia veerappan chanchin vel sawi a kan tlan zel lai chuan irulla ho khua chu kan thleng ve der mai a. an khua a motor tlan lut ta chu an rawn pungkhawm nghal vat mai a. sawrkar in IAY(indira awaz yojana) scheme atang in , in a lo sak sak thluah mai a. a then te chu ramngaw ril zawk lam atanga in sak sak hmang a an rawn thlem chhuah te an lo nia. An in chhung chu kawng khar atanga dak in kan en thuak thuak a, neih hi an nei mawlh lo mai a,neih loh kha an thil neih ngah ber niin a lang, an thawm hnaw hak bang kil a hrui a an khai bak chu, chaw chhum na bungrua tlem a zawng ani mai a. an in bang ah chuan tamil movie star , Rajnikant ,vijay, sneha leh hindu pathian lem te bang ah chuan an tar a.Radio tak ngial pawh pakhat mah ka hmu lo. An khua hmun awl lai deuh ah chuan pa ho an rawn in hawr khawm a, kawr lum pawp deuh sir siar tawh leh kekawr bul bal ve ang reng tak mai an ha hlawm a. tin, an lu chu puan in an tuam vek bawk a, diar khim ti a kan sawi ang hian.

Thli thawt zawng a an rim a nam hak hak thin avang chuan,an khaw piah lawk a lui te luang chu kawk chung in, tamil tawng in thiam ang tawk in kan bia a;
“nitin inbual thin engzah nge awm?”
An ngawi thap mai.
“kar tin inbual thin ve thung le?”
An la tawng chhuak vak lo.
“thla khat a vawi khat tal inbual thin zawng”
An thum ta hak mai, ban in phar tir pawh in thla khat a vawi khat inbual zat zat chuan –majority an la chiang ngang mai.

Tin, IAY scheme ah hian in sak reng reng chu ,toilet sak tel ngei ngei tur anih avang in eng zah chiah in nge toilet chu hmang, tih kan zawh pawh chuan, tumah hmang duh an lo awm lova. Ka pa pawh in a hmang lova, ka pu pawh in a hmang lova, an dam loh chhen kan hre chuang lo, tih tan in an tang tlat mai a.toilet room han en te khan , an hnathawh na bungrua dah nan te a then in an hmang a, a then in a bang kha tlem a ti zau in eirawng bawl nan te an hmang daih mai a. toilet chu a awm a, mahse hman a tul na an hre hran lo.

Mizoram nen a teh khin chuan faina lam ah “awareness” kan in neih that hleih khawp in ka hria. Faina (sanitation) chung chang ah mawlh mai hian kan sawi vul chuk lem lo na a, kan zosapte min zirtirna a fak awm ani. Engtin nge kan rilru ram an lak theih em em dan hi aw!!!! tih vawng vawng a awl ani.Irulla chu sawi loh south India thingtlang lam ah hian mahni in a toilet nei lo hi a tam zawk an ni thin a. in an sak in an –plan ah a tel lo emaw tih tur hian , concrete in lian ve tak tak te pawh hi toilet nei lo hi a awm leh tlat mai thin a. an ngaihtuah na ah chuan , mahni in hnaih a toilet awm hrim hrim , a thianghlim lo ti te in a then khat chuan min hnial bawk a.TSC(total sanitation campaign) hnuai ah sawrkar lam atang chuan toilet chu a sak theih mai a, statistics ah an han tar lang a, kum khat ah in chuti zah ah chuan toilet sak ani (individual latrine) tiin an han pho lang at mai a. number ringawt en tan chuan sawrkar hlawh tlin na dang leh ani e tih theih mai tur ania. Amah erawh chu toilet sak tluk zet a pawi mawh , toilet sak sak ho rau rau zing ah khan , engzah chiah in nge hmang zui ta tak tak? Tih hi zawhna lian tak awm thei ani a.khaw khat a toilet hman ngai miah loh na ah chuan a mihring te han kawm kual ila, toilet tih hming sawi rik ngawt pawh in ;, mizoram a man tlawm zawk leh a rem ang ang a kan sak hram hram ang hi a ni ve tawh lova, an ni chuan cement concrete nen a sum sen tam tur zia ringawt in an hisap ve thung a!!! toilet hman a that na leh, a tul na , mi rilru a tuh hi toilet sak tawp ai pawh a thil harsa zawk ani a. mizoram ah kan zosapten hetiang lam a kan rilru min hneh theih dan hi ropui tak ani.kan hnam tan chuan , kan za vai a kan chhawr tlan “chanchintha” a niin ka hria.

Total sanitation campaign(TSC) ah chuan hetiang a mi rilru hmin theih nan hian , a hran in sum dah a awm a, IEC (information education communication) tiin an vuah a. he mi sum hman dan tur ah hian sawrkar chuan guideline a dah zalen(flexible) ang reng khawp mai a. a chhan chu hnam hrang hrang leh culture hrang hrang ten an mahni suk thlek mil zel a an hman theih nan atih vang ani a. hmun then khat ah chuan , sanitation lam pang kaih hnawih hla te cassette in a thlawn in an sem a, restaurant leh mipui pun khawm na tur ah te an zai tir a, then khat ah chuan poster te leh wall painting te mipui zir tir nan an siam a. hman ni chu youtube.com ah youthicon ho kolasib a an zai lai an dah hi ka en ve a, a screen vei lam pang sir ah chuan TSC tih alo in ziak kalh mai a, IEC sum hmang a huai hawt ani chek anga. an hla sak kha kan ngaithla a ,
“ruih hlo I hmelma ani
Aw tang fan fan”
Tih a ni daih mai a!! an lam mup mup mai a. a programme kar lak ah te chuan faina lam chung chang te chu an zep tel ngei chuan a rinawm a. mipui koh khawm na tha tak pawh ani chek ang. Mahse ka rilru ah chuan faina tih lam pang a India ram hmun dang te nen a khai khin pawh a hnufual lutuk bik lo tur si , ruih hlo lam pang a kan buai luih luih reng mai hi eng vang nge ni ang aw??????? tih ngaihtuah na ah chuan a awm a. faina chung chang a kan ngaihdan kan thluak bur a min tuh sak tu , kan zosapte tho hian “zu” chung chang a kan ngaihdan tam zawk min tuh sak bawk a. mahse kan la hlawhtling vak lo chu ani chek anga,total sanitation campaign IEC sum in “ruih hlo I hmelma ani” tih kan zai tir tlat zawk mai!!!

Faina (sanitation) chung chang ah chuan thil mawi lo ve ang reng tak mai a ka hriat thin chu , vantlang zun in bang a “e suh” tih in ziak kulh ala ngai fo mai hi ani. Kan ngaihtuah ve vang vang a, mipa nge hmeichhia lo “e” duh ta mai tam zawk ang aw??????? tiin. A ruk in camera lo dah thei ta ila mipa hlir an nih ka ring tlat pek mai. Hmeichhia an awm ve anih pawh in tlem tak an nih ka ring.han hmuh theih mai ah pawh , mahni mimal in tih fai bak ah chuan faina kaih hnawih thil, chhuat nawh, puan suk, bung bel tih fai etc te hi hmeichhia in an tih ani deuh vek mai a. chuvang in faina lam ah hi chuan mipa aiin hmeichhia in an thawh hlawk fe zawk a, an ngai pawi mawh zawk bawk in ka hria. Faina lam a hma kan sawn chak leh zual theih nan, mizoram a mihring tam zawk (mipa) te hi hei aia nasa leh zual zawk hian an lo inhman ve duh na tur in an rilru hmin dan ngaihtuah ila. Mizoram bik ah chuan “total sanitation campaign ( a bik tak in mipa ho tan ) ti deuh kher bawk ila. “tu pawh ti fai tu pui lo chuan a ti hnawk ani” ti te in tlangau ta ila, kan ram mihring 50% aia tam zawk ten an kut an lo thawh ve nasat leh zual chuan, kan fai belh kuar mai lovang maw!!!.
Faina chung chang a mizoram pawn mi, hnam dang ka kawm ve tawh mizoram tlawh tawh reng reng in hahip a an sawi ziah chu “mizoram ah chuan dawrkai te leh in nei tu ten an mahni kawt zawn theuh nitin an phiatfai thin a, India ram dang te ngaihtuah chuan a kawt thler pawh fai tak ani” tih hi ani. Ngaihthlak anuam duh khawp mai, ruih hlo ngai an pun chak zia ngawt hriat ai chuan.

Irulla atang in kan peng thui lutuk ta. An mahni in fai an tih chin leh, pawn lam mi in fai , ka lo tih ve chin kha a in ang lo ani mai a. rilru a fai tih pawm dan in ang lo ta chu,an thinlung ram tal a fai chek ang chu, an sakhua in zirtir na dan ang a teh in!!!!Irulla khua han tlawh chuan thil dang rilru ah alo lang nghal bawk a, a chhan chu an chen na khua hi sawrkar in forest reserve area ah a puang miau mai a, an in sak na chiah bak chu ram nei an awm reng reng lo mai a.
“tinge ram I neih loh?”
“ka pa in a nei lova”
“tinge I pa in ram a neih loh?”
“ka pu in a nei lova”
“ram neih si loh chuan ei tur han chin na tur pawh I nei awm si lova , eng tin nge I tih?”
“ ram ngaw thing a tang hian , kit si lo in a hralh theih tur ang chi kan vai khawm thin”
Hetiang han hriat chiah hian a pawisa zawng chuan hausa vak lo mahse la , engvang in nge kan mizoram thingtlang khua ah te hian riltam vang a thi sawi hriat tur a van em em a, kut dawh an tlem em em na chhan ni ta ang? Tih ngaihtuahna a awm a. India ram hmun dang te ang ni lo in mizoram ah chuan , ram (land) hi khawtlang/VC kut ah a tam zawk chu ala awm hram hmel a. chuvang in lo nei /huan siam peih tan chuan kum tin ram an la theh thin a, chuvang in a pawisa zawng chuan thawk chhuak teuh lo mah ila, riltam vang a thi sawi tur an lo awm lo mai mai ni dawn ta in ka hria.kan chaw hmeh duh zawng leh ei duh zawng avang te pawh ani thei tho anga (hnam then khat anga ei thianglo ngah viau ang kan ni ve lem lova) Kan thingtlang ram te hi , milian te ram ni ta deuh vek mai se la, mirethei zawk ten lo leh huan an siam dawn in man chawi a mi hausa te ram an hman hawh sak alo ngai anga. An thil thar chhuah tlem te atang khan milian hnen ah an ram an hman sak man kha pek alo ngai anga, mihring pung chho zel nen, ram a pung ve mang si lova,mirethei tawh lak lawh chu irulla hnam ang mai hian kan bet ve tlawk tlawk mai ang tih hlauh awm tak ani. Chuvang in kan ram vantlang ram la awm ang ang te hi chu, thil ti thei zawk ten an in sem zawh hma in , record fel fai tak siam theih hram ni se la, vantlang ram , a khua a awm ten a duh apiang in lo a an neih theih tur te hi zuah hrang bik ila. Tin, lui leh tuihna awm na leh vantlang in kan hman intawm ngei ngei ngai ang tur te hi chu tumah neih theih loh tur in “prohibitory order book” an tih ang ah te hian dah ve daih mai ila.chuti anih loh a, vantlang ram mimal in an in sem zel chuan , market society a “possessive individualist”(midang an chet hma a, mahni ta bil a siam vat loh chuan , midang in an siam khalh anga, a tun dinhmun ah chuan chan/hloh nei lo mahse midang in an siam tawh chuan hmang ve leh dawn se la man pek angai tawh dawn si a, chu vang in hun lo la awm tur anga chhut chuan a hlauh ani.Eg, tunhma district council hunlai a, thil ti thei ten an hman nghal mai theih loh tur leh tang kai na mai awm lem lo pawh , ram zau tak in pe an awm nual a , a hnu ah “pa fing” ti a an sawi tak ang te kha) tia ziak tu pakhat in a lo koh mihring kha a rawn che chhuak zel anga. A thu chuan din khaw chhuah na- chance chu nei tlang vek mah ila, a resource ber mai mimal kut a a awm tawh chuan, a nei ve lo hman ngai si te kha chuan a resource hman man kha an pek alo ngai tawh a, a nih na tak ah chuan anmahni resource neih ve ang chhun chhun pawh kha a nei tam zawk te hnen ah an hlan chhawng then tihna anih hmel sia.

Irulla khua ka tlawh hi ,mysore plateau an tih mai zawm zel na ania, hemi mysore plateau vel hi English sipai ho leh a hun lai a heng lai vel ram awp tu hyder ali leh tipu sultan te indo na thin bul lawk niin an sawi a. ralkhat hla deuh hlek ah te chuan an kulh ram tawh te pawh hmuh tur ala awm a. hemi indo na ah hian an in nawr tawn kual fe hnu ah English sipai ho hi a chak zawk ah an tang ta a. an indo na mual ah hian English ho chu an lo fing hmasa a, an kal na a piang ah “surveyor” an hruai zel a, chu chuan a ram thleng leh mual tlan te, kawng tum awm te , zawng zawng ziak in a chhin chhiah thlap thlap vek zel a, a hnu zel ah strategy plan nan an hmang tang kai em em mai a, India ram lalte chuan tih na chang an lo hre ve si lova, chuvang in strategic plan hrim hrim ah pawh English ho hi an chung nung nghal ringawt mai ani, ti te pawh in an sawi.

Rah...

2007-07-26T20:05:00.000+05:30

khawvel tih mai chuan zau tak rilru ah alo lang nghal a.keimah ni in kan khawvel hman theuh hi , han in zawt dawn ta ila, zau tak ani nge? zau tak lem lo?kan inluah/hostel leh thil tihna inkar mai ani nge? thil dang a tel zawk?. tunhma , biak hlatna(telegram) an hmuh chhuah chu sawi loh, lehkhathawn hmang ringawt a, mizo sipai tang hmasa ten an chhungte leh englo-i te an be pawh thei tih hriat hi chuan , kan internet hun hi chu inbiak pawhna man a tlawm tawh bak ah a awlsam tawh khawp mai kan ti thei awm e.mizo hmeichhia te 'ziak leh chhiar an thiam chuan an bialpa te love letter an thawn na mai mai tur" tia ngai te pawh kha an awm ani lawm ni!!! hlawk pui kan awm anga, tah pui kan awm bawk anga, mangan pui kan awm anga, hlimpui kan awm bawk in a rin awm a. chhawr tak tak kan awm anga , chhawr vak lem lo pawh kan awm in a rin awm. tleirawl/rawlthar chhawr tangkai an awm laiin, chhiat pui te pawh an awm ve mai thei. hetih lai hian enge maw ni ka beng a ri ret ret kan phawrh ve mai mai ange.

"thlarau rah erawh chu hmangaihna te,hlimna te, remna te, dawhtheihna te, ngilneihna te, thatna te, rinawmna te, dawhtheihna te, thuhnuairawlhna te, insumtheihna te, a ni zawk e; chutiang kalhzawngin Dan thupek reng a awm lo ve" (Galatia 5:22-23).

a chung a galatia ziak ami hi Bible in thlarau rah ti a sawi ania, thlarau rahte(plural ) in a sawi lova.thlarau rah, tiin a ziak mai a. chuvangin thei rah ang lo ni ta se la, grape rah anga bawr tuai ni lo in, apple thei rah anga thei pum khat in quality hrang hrang a neih a sawi na ni zawk awm tak ani.
(N:B ,amuana , tan hriat thiam a awlsam zawk theih nan , milem hi kan dah leh ani e. Mi dang chu an beidawng tawh ani mai thei, kei chu ka la beidawng ve lo ania.Nun din thar leh nan tlai tak tak a awm thei lo)

tuifinriat leh thlaler

2007-07-20T10:33:00.000+05:30

"Tuifinriat ang khawngaihna hi,
Tui liam angin ngilneihna;
Nunna Lal thianghlim thihna hi,
Ka nun tlanin a thi a,"

he hla hi naupang te kan nih laiin hlim na alo thleng a, mizoram ah an lam pui luih luih mai.a hla sak tawh chuan an sa nawn ngun lutuk kha a then te phei kha chuan a hla phuah tu hian a phuah tawi lutuk ani, ti te pawh an awm thin. han ngaihtuah let leh hian a hla thluk kha nge kan tui pui a, a hla thu aw? tih ngaihtuahna ah chuan a rawn chhuak ve leh thin. a hla thu kan tui pui tlang e , han ti dawn ila, tuifinriat hmu tak tak hi kha tih lai a hla lam pui zing ah khan kan tam awm mang si lova. mizo hla hlui ho hmuh ve phak tawk ah lah hian tuifinriat sawi na hi a awm tlem khawp ni tur ani ka la hmu mang hauh lo mai.mizoram tlangram ani a, tuipui chu kan hlat khawp chuan a hriat a, engtin nge tuifinriat tih tawngkam hi alo chhuah thei mai aw? tih rilru ah chuan a awm a. tui-fin-riat tiin han then sawm ta ila. tui 8 in fin khawm na ni ngei tur ani a. enga tinge 9 emaw 7 ni lova 8 kher anih na chhan hria kan awm em? tuifinkua emaw tuifinsarih emaw ni lova tuifinriat anih kher na chhan hria kan awm em??
tuifinriat anga khawngaihna tam tih sawi na hla kan lam pui ani mai a. rinna mitthla in tuifinriat kan hmu tlang a, tui cham put mai, zau tak tur ang in kan suangtuah tlang a.mizoram ang tlangram a piang a sei lian te tan chuan tuifinriat hmuh chu buaithlak deuh tur ani, chutiang bawk in tuifinriat kam a piang a sei lian te tan chuan , mizoram tlangram ang chu hmuh kher chu har deuh tur ani.rinna mit tel lo chuan!!jerusalem chu rinna mit a thlir in hla a phuah te pawh an awm a.
jerusalem tih chu hnam dang tawng atanga lo chhuak anih hmel a.mahse tuifinriat chu mizotawng atanga lo piang chhuak anih hmel tlat mai a.
tuifinriat tih thu mal lo chhuah dan hi enge ni ta ang??

tin, tuifinriat ang khawngaihna hi, tih kan hlim pui em em lai vel a, kan hlim pui dang hla ;

"Rei tak thlaler rama ka bo hnu hi,
Tunah i aw hriain ka lo hnai e"(Misual ka ni;Lalpa,min ngaidam rawh,- R.L.Kamlala)

thlaler pawh hi a tam zawk chuan rinna mit tho in kan hmu in ka hria. mizoram , india ram chu sawi loh khawvel a ruah tui tlak tam na ber pawl a cheng ten, thlaler ram ro a bo ta anga kan in hria hi chu, rinna in thlaler ah kan bo a, rinna vek in kan let leh ni awm tak ani. ramngaw pik ah bo ang in inhria ilang chuan , ramngaw pik chu kan nei a, bo te pawh an awm thin chuan a hriat a, mahse thlaler ber kher chu kan hlat em mai a, bo tum pawh ni ila , bo hma in thlaler awm na hriat hmasak a, chumi lam pan a kal ngar ngar a, chuan thlaler ah chuan bo tur a ar kawh chhuah ngawt ani mai a.he2.mahse a hla phuah tu hian Israel fa te Aigupta(egypt tiin thenkhat chuan an ko) bawih atanga an chhuah a, thlaler a an bo kual ve , rilru atanga a phuah ni awm tak ani a. Rinna mit a thlaler hmu in, rinna mit in thlaler ah chuan a bo ta a. rinna mit vek in "khawi zu leh hnute tui luanna ram" ah chuan kan lut ta ni ngei tur ani. Buannel ram dai ram ngaw pik a bo chung chang hla ah ka la hmu vak lo?? rinna mit in buannel ram, ram ngaw dur pui mai, kan chenna ram ngei mai, kan fang hlawm lo ani ange!!!

chu tlang ah chuan....

2007-07-14T14:55:00.000+05:30

Reiek tlang a han lawn tak tak chuan rin aiin a lo nuam hle mai. a tlang chhip pan na tur in step an lo siam a,fur khaw nal em em a , tlang lawn khat em em , tluk leh ding awn , a bawk vak thleng ve tawk tur te pawh , in hemi lungrem avang hian muang mar in tawlh thluk hlau miah lo in kan thlen ve theih phah a. a tih zia ka ti hle mai. mahse , hemi lungrem -step siam pawh hi, a -natural na a ti dang lam ti a sawi sel deuh tu te pawh an awm ve tho ani awm e.

hetia , kawng kawi chho ngiai mai a kan kal lai hian , ka rilru ah chuan "kristian van ram kawng zawh" bu a 'kristiana ' kal kawng te pawh ni awm tak hian ka hria a, kristiana phei kha chuan kraws hmun a thlen hma loh chu a sual rit tak kha ala phur bawk si a, hahthlak deuh tur ani. tui bottle leh kuhva hring aia rit kan keng lo chung pawh in kan thaw rang halh halh khawp mai.

hemi step lawn tan tirh na tur chiah , chho awih dan em em kha aw!!! phai lam a lo awm rei ve deuh tawh tan chuan ding lam leh vei lam awih nghal vut mai kar a step a han lawn chu ,lu a hai thei lek lek ani. a chhoh dan em em lah kha , kan mizo-politician hlun ve tak pakhat in , mizoram chhim lam pang an campaign chung chang vel a ziah a, an kawng kal na chho lutuk "mahni sazu hmawr kan rap tep thin ani" a tih ang vel a chho kha anih ka ring .

"Romei zamin tlangtin mualtin
A bawm chiai e, lunglen an.
Rairah riang val khaw chuan nuam an
Tlangtin, mualtin a dum dur e.
A saw raltiang lentu Zobawm saw
Chhingmit titlaitu tukloh ram chhah kar saw
Mingeng pasalthra lung tilengtu
Buannel ramdai lung dumtu"

ram va chal an tih ang tan chuan lungleng em em a thlir vawng vawng awm tak pawh ani reng ani. A ramva chal ni ve lem lo pawh in, hetiang a ram ngaw hring dup mai han hmuh chuan 'chhawrpial run i iang e' ti a mizoram an lo phuah pawh hi awm tak ani. A picture a lang ang hian a kham pang awih chhe lutuk lai ah chuan thingkung to lo in, hnim chi khat enge a hming pawh ka hre chiah lo, ang hi a to thung a. ral khat atanga en chuan a hring eng deuh nghel a, 2ft vel a sang ani in ka hria.

A thingkung te hi han en chian chuan , nauban leh bawmhar an tih ang chi hi a to fer fur mai a.pu vana beng an tih mai te pawh kha a then chuan a ang dawn dawn in ka hria. hemi vel chung chang hi botany lam a hriatna nei zau zawk ten han ziak thei se la , a ngaihnawm khawp in ka ring. discovery channel lam ah te , amazon rain-forest chanchin a kip a kawi in kan thlir thin a. a ram chheh vel ruah tui tlak, lei hang awm tam leh tam loh dan, a thing kung hrang hrang awm ten an -species a thih mai loh nan a an in chhawr tangkai tlan dan, nung cha cheng te leh ramngaw thing te in lai chindan etc,, han tlawh ve tak ah chuan rilru ah zawhna hlir a rawn lang tup tup zel mai si a.

A ral leh lam, tlang pang awih tak te pawh hi a kal thang chu an lawn thei tho in ka ring,.

'Lasi' te pawh an awm thin lovang maw??

thawnthu hre deuh kan awm em?

ral khat hla deuh a tlang lang te saw 'ramhuai liam kawn' an lo tih thin ang te kha ani thei angem?

Ral khat atanga thlir chuan kan motor kawng thenkhat te pawh hi kham pang awih tlan tak tak ah te pawh alo awm ani awm si a, kan engineer ho te pawh hetiang kham pang a kawng siam thiam chu an fak awm ve khawp lo maw?

a ral leh lam pakhat zawk pang hi chu a awih dan a zal deuh.

...................................???

home is where you hang your hat(hat's)

2007-07-13T20:57:00.000+05:30

,

Mi pawh in ke in an kal thei alawm, ti rilru chung in (four wheel drive motor angai a, kan kal na kha two wheel drive chiah ani bawk sia), Reiek tlang lawn chu kan han ti ve tan a. phai a awm rei ve leh tawh tan chuan zuam ang ngawt alo ni lo. vanneih thlak deuh mai in sneaker ka lo bun hlauh mai a , kawng kal a ti awl sam sawt mai.

mahse a kawng ke a kan kal tan chiah khan , motor a kal lova ke a kan lo kal kha kan ti fuh ta zawk hle in ka hria.fur ruah tui in a kawng alo chiah hnawng tawh si a, kawng zau tak ani lem lova, enge maw hlek a kawng thlang liam theih na mai ani tih ngaihtuah chuan ke a kal kha alo him zawk dawn ta in ka hria. sap ziak tu pakhat pawh in 'pilgrim' chu khawi hmun tlawh pawh ani thei a, ke a kal emaw , motor a kal emaw, sakawr chung a chuan pawh ani thei a, mahse a tlawh tu rilru kha a pawi mawh ber chu ani , alo tih ang in, ka kal tum na rilru nen a ngaihtuah chuan muang chang a ke a kal dalh dalh kha alo nuam ber mai zawk. Trekking ang chi a ka kal ve tawh na ah mizoram ramngaw leh india hmun dang ram ngaw te in an loh na ka tih ve chu, mizoram ram ngaw ah te chuan a thing hlim chin han lut ila alo vawt nghal ruih zel mai a, india ram hmun dang hmar lam emaw chhim lam emaw a ram ngaw ah te hi chuan han kal ve pawh hian mizoram anga vawt nghal ruih hi a awm ve lem lova. eng vang nge maw ni dawn ni? kan ram ngaw te hian tui hu (vapour) hi an pe chhuak nasa bik nge ni anga, a ngaw hi khawih dang lam vak ala nih loh vang zawk ni dawn ni.
muang chang a kal mah ni ila , kal than loh chuan thaw a rang hma hle mai, calorie tam tak kan paih anga , kan lung(heart) pawh in hna a thawh that theih phah leh zual ang chu ti chung zel in kan kal tauh tauh mai a.
motor in kal ta ila kawng nal nen , kut pahnih a , a rem na lai lai a theih pa tawp a in vawn beh tum in kan chuang anga, chuta chhap ah rilru ala chawl lo em em zui anga, kal chung a mahni rilru a lang duh duh han sawi vel pap pap te chu tih theih ngaihna a awm lo. ke a kal chuan duh duh zawng kan sawi pah nghal zel mai a, a nuam dang lam ve khawp mai.

kawng nal a motor a chuan chung chang han sawi tak zel ah chuan, vawi khat mamit kan kal tur kan hman hmawh deuh avang in zing dar 5;30 vel ah first flight(bus service tiin an ko bawk!!) kan lo phar ding a, kan chuang ve ngawt mai a. a kawng pangai ah chuan a nuam ang reng fu, bul a thu te nen kan inkawm tlang mar mar thei a.mahse dampui ngaw kan han pal tlang zet chu , ip zawr zawr na tur a tam hle mai. kan chuan na bus kha motor dang nen an in pelh dawn apiang in chuang ngam lova chhuk an awm ziah a, a chhuk zing ah chuan a hnu hnung ber chu ka ni ngai lo ve ziah bawk in ka hria. a bus tukverh atang khan han dak ila , a bus ke rah chin bak kha chu kham ani nghal deuh mai a, tlem in han tleng se la chu , khu tah ani nghal mai in ka ring.
"their general expression of wonder is 'amakehoh!(amak e aw ani zawk mai thei) which they repeat to each other over and over again, when anything more astonishing than usual excites their interest.(the lushai expedition 1871-1872 by R.G.Woodthorpe, Lieu Royal Engineers, first edition :London 1873) he mi ang deuh hian a mak e aw , tih loh leh ehiauuu, tih ani tawh mai.
dampui ngaw kar kawng chho Bus a han tlan chhoh meuh kha chu kan hla phuah tu lar tak pakhat
'Aw Lalpa that zia hi
Han tem chhin ve teh reng u'
tih hla phuah tu hi ka bul ah thu ngat se lang chuan, 'hei minute tin, second tin in,Aw Lalpa that zia hi kan tem chhin reng alawm' tiin ka chhang ngei in ka ring.
'sakeibaknei vanglai an riltam pawh in
tlakchham reng ka nei si lo'
dampui ram ngaw chu sawi loh , mizoram pawh sawi loh India ram ah chuan , gujarat state a Gir tlang ah chauh sakeibaknei hi awm in an sawi sia.dampui ngaw a , kawng nal em em a bus a chuang te chuan sakeibaknei kan hlau pha lo hrim hrim in ka hria. a hla a sak lam ah chuan kan tui pui tlang em em chuan ahriat a. china ram milem ziak ho a -dragon an tih ang alo chhuah na pawh hi sakeibaknei tho hi ani in an hriat teh tlat chu!! china ram chhung ah hian sakeibaknei hi a awm si lova, mahse an ram pawn a zin chhuak ten a taksa ruangam vel an sawi atang khan sakeibaknei lem ang tur a an rin kha an ziak ta a, kum tam tak an in lak chhawn zel hnu chuan chinese dragon hi alo chhuak ta ani an tih teh tlat chu!!!. mizoram ah pawh sakei an kah vel leh an hlauh nasat zia chu (sakei ti pawh a ko ngam lo in sapui tiin an ko thin in an sawi a)a hriat a, mahse sakeibaknei kher chu mizoram chhung ah hmu an la awm lo in ka hria.Bible leh missionary te zirtir na atang in rinna mit in sakeibaknei hi kan hmu tlang in kan hlau tlang ni awm tak ani.!!

he thing hming hi 'thing thiang' tiin min hrilh a. han hawi kual vel khan, thing hming ka hriat loh zia ka in hre chhuak leh zual. kan en kual vel khan 'khiang thing' bak a hming hriat ka nei mang lo nia maw le!!kan pi leh pu te kha chuan , a thing hming chu sawi loh, mei a tuah tur a tha te, khuang siam nan a tha te, in sak nan a tha te an hre vek awm si a, hriat chu sawi loh a thingkung an kih hnu a, a a kawr an thel vek hnu ah pawh a thing'ti' atang khan eng thing nge anih an hre thei awm si a. chu chu sawi loh 'sava' leh ramsa in an tlan a an ei duh chi te an hre hrang vek awm si a, ram ngaw kar a cheng chuan, sikul ah zir lem lo mahse an nun khaw chhuah na tur chu an zir nasa ngawt in ka hria.an in zir sa tliah ani lova, an thil zir te kha, ataka an nun a, an hman nghal ala ni zel leh nghal a, thil zir theuh theuh ah kan in bel hleih ngawt in ka ring thin.
thing thiang hi thawnthu ang deuh a an sawi na ah chuan, thing thiang ah chauh hian sava pakhat 'riak maw sava' chu a riak duh ani an ti thin a. riak maw sava hian thing hrang hrang ah riah na tur a zawng kual a , eng thing mah in riah nan an lo in phal duh lova, thing thiang chiah hian alo phal a, chuvang in riakmaw sava hi thingthiang ah chiah a riak thin tiin an sawi a,'riakmaw va ang' tih hla thu alo chhuah na te pawh hi ni ngei tur ani.
tunlai ang ah 'riakmaw sava' la hmu lo tam tak kar ah hian riakmaw chu eng ang in nga kan sawi tak ang? william shakespeare an ' chhungte/thiante pawisa puk min dil tur a kan rin te kan hmuh hreh thin zia a sawi ai pawh khan ala zau zawk in ka hria.
pawl chhuak ti a an sawi mai mi pakhat thusawi ka hriat ve chu "thlarau thianghlim hi riakmaw sava ang mai hian aizawl khaw chhung ah a thlawk vel a,
mission veng ah , synod office ah thlawk lut in,
"riakmaw," a va ti a
"dan" an lo tih khum a
kulikawn ah catholic hmun pui ah thlawk phei leh in
"riakmaw" a va ti leh a
"pope" an lo tih khum leh a ..etc vel in a sawi thlum nasa mai.....
mahse pawl chhuak ho in ah khan va kal ila
"riakmaw" va ti ve ila
"pawl pawl ti lo pawl kan ni" min lo tih khum ve mai angem?he2

chasers war on everything -Americans

2007-07-11T18:11:00.000+05:30

@Reiek-III

2007-07-08T13:21:00.000+05:30

Pum; hei hi thirdeng in a mei chhem na ani. thingkua chhung ah hmawlh a hmawr a ar hmul tih buk an rawlh lut a(piston ve ang ani ang chu) chumi chu hawlh luh /chhuah zawng in thli a siam ta a, a bul a thuk ah hian thli chu an chhem tir .

Ar awt. hei hi zin vei vah na a ar an ken tel dawn a an dah na thin ani.ding lam pang ah hian kua a awm a, ar in a lu a rawlh chhuah na tur ni awm tak ani.

bawhbel; zawlbuk luhna tur a kawng khar aia an hman ani a.a hnum tliang hlurh mai. an hman lai hun hian kekawr an la ha awm si lova. puan an veng mai ani awm sia, han kar luh vel te pawh buaithlak deuh tur ani, chuvang chuan an bawh liam ta ni ngei tur ani a.
bawhbel pel a hmeichhia kal lut ngam chu hmeichhe nasa tak an ni an ti thin tiin min hrilh.
tin, a hnung a hmel lang lo chiah a ding hi Pu.K.Laltanpuia chaltlang ani e.(tunge ni ti a min zawh hma in hehehhe).

Bahzar; hei hi zawlbuk chhung ah tlem in an dawh sang deuh a a lem alang ang hian, val upa deuh riah na bik niin an sawi. a hming hrim hrim hi ka hriat mai theih loh chi ani ve anih ka ring, kan tlawh ve lai pawh hian bul a mi te vawi 3 vel lai ka zawt nawn nghe nghe. a tawngkam hrim hrim hi a lo chhuah dan kan ngaihtuah ngial a ka la hre chhuak zo bik lo.

Visitor's Book: hei hi a tlawh tu ten an hmuh dan leh an rilru te an ziah lan na tur a dah ni ngei tur ani a.in pakhat ah khum chung ah an dah a, han en thuak thuak in nitin tlawh tu enge maw zah an awm ziah tih a hriat theih. thu in ziak then khat te;
29/6/07;vawiin hian ruah a sur deuh reng a,mahse nuam ka ti hle,mizo thil hlui ka hriat ngai loh te ka hriat phah a,hlawkpui ka inti hle,hetiang ngaihtuahna nei a lo siam tu zawng2 te chung ah lawmthu ka sawi mawlh2 ani.

it looks like very nice but pass fee is very high,

Dt 1st july.2007 sunday, hian zokhua ah kan leng a, anuam hle mai.mahse lung a leng duh hle mai,tetea te hmangaihi te nen kan leng a,tumah midang leng an awm lova , a reh kher mai,he thu ka ziah lai hian solomona ka mitthla ah i lang nasa hle mai.ka ngai lutuk che.Awm ve la chuan a nuam zual sawt ang.Ka ziah lai che pawh hian ka ngai em em che asin.min ngai ve em?I chhiar hun ah min rawn hre chhuak ve ang che aw.
Mami varte hla "DAMLAI PAR" ah khan min rawn hre chhuak thin dawn nia. mangtha phawt le..............
hemi lehkhabu a ziak te chhiar chuan kan ngai mawh zawng te leh kan rilru a awm te a hmun tlawh tu theuh theuh ah pawh a in ang lo ve hle tih a lang thei awm e.
..................................................................................................................................................................
civillization is the result and not the cause of civillization. what is wanted here is not measures but a man.Place over them an officer gifted with the power of rule;not a mere cog in the great wheel of Government,but one of tolerant of the failings of his fellow-creatures, and yet prompt to see and recognize in them the touch of Nature that makes the whole world kin;-apt to enter into new trains of thought and to modify and adopt ideas,but cautious in offending national prejudice.Under a guidance like this ,let the people by slow degrees civilize themselves.with education open to them,and yet moving under their own laws and customs,THEY WILL TURN OUT, NOT DEBASED AND MINIATURE EPITOMES OF ENGLISHMEN, BUT A NEW AND NOBLE TYPE OF GOD'S CREATURES.- Capt T.H. Lewin.
.....................................

To illustrate the position of the chief, or President , I may mention that in 1866, when on a visit to the village of one of the leading chiefs among the Lhoosai, I was standing talking with him in the path that ran through the village.while we were thus standing , a drunken Lhoosai came stumbling along and finding us somewhat in the way, he seized the chief by the neck and shoved him off the path, asking why he stopped the road. On my asking the chief for an explanation of such disrespect being permitted , he replied, " on the war-path or in the council I am Chief , and my words are obeyed; behaviour like that would be punished by death. here in the village , that drunkard is my fellow and equal." In like manner any presents given to the Chief are common property.- Capt T.H.Lewin
.....................................
Source ;
The Hill Tracts Of Chittagong and the Dwellers Therein
By Capt.T.H. Lewin,
Deputy COmmissioner of Hill Tracts.
calcutta ,Bengal Printing Company ,Limited
1869

@Reiek-II

2007-07-08T01:19:00.001+05:30

suvel nge hmui?a hming kan hria em?

hei pawh suvel nge hmui?

khum ban ah thing hmang lo in rua an hmang daih mai a. rua kha rek kua in thil dahna tur an siam leh thak mai a, remchan hmel ve deuh ani. tunlai bang a thil dahna tur puan thui leh eng ilo vel banga kilh beh leh ngai ang hi a ngai tawh lem lo .

chingal thlawr na/bel.....hemi chingal thlawr na tak hi chu , rangva a siam pawh ka hmu ve tawh. mei thuk a vut kha an dah a, tui an leih a, kha mi tui rawn chhuak kha a hnuai ah an lo dawh a. chaw hmeh bai siam nan te(soda la chhuak lo,mahse bai erawh an ei thin tawh bawk sia), inbual nan te an hmang thin. sahbawn la chhuak miau hek lo le!!!!!!...sam rawng tih buan nan te pawh hmang an awm ta in ka hria....hriat ve phak chin ah chuan........enge chhemthei rawh sat hmang a sam herh kir te pawh in kohhran thalai tih pui ni in an herh kir thin a lawm maw le...hehehe

@Reiek-I

2007-07-08T00:32:00.000+05:30

mizo khua in rem dan thin ni ngei tur ani a. kawt thler leh thuk awm na te, awm ze fel tak nei in a awm a. tin, mahni duh thu thu a in sak dan siam danglam ngawt theih anih loh hmel ani. tukverh hawn theih zat thleng in dan fel tak an nei in a hriat.
.....................................................................................

A Lushai village is generally situated on or near the top of some high hill or ridge.Those we saw were seldom built on the highest part, but a little away down the slope,apparently for protection against high winds. The houses are constructed on uniform plan;
they are all gable-ended and raised some three or four feet from the ground( hei hi chu in hnuai a inthawi ngaihna thil awm vang anih bak ah ramhuai leh ran nung fa hran te pawh an duh loh vang ani mai thei).The framework is of timber,very strong, the walls and floor being of bamboo matting(dap tiin an ko, neuva khan a khawihli kha dap a cheh tir in a hnai an ti in ka hria) , and the roof thatched with grass(di anih hmel),or with a palmated leaf(thil thek an tih ang hi ani mai thei)common in the hills.
The houses are usually about eighteen feet long by twelve wide, and in front is a large verandah,fitted with hollow basins scooped out of tree trunks(enge ni ang ka hre bik lo)in which rice is husked with long wooden pestles.
(The Lushai Expedition
1871-1872; by R.G.Woodthorpe, Lieut Royal Engineers.London
Hurst and blackett, publishers 1873)
..................................................................................

thangchhuah pa in

her awt.; her awt an her rik ruai ruai leh arpui tui kak ri in an lung a tih len zia an ziak ka chhiar ve tawh....kan lung ati leng ve phak emaw ka hre lem lova?

Mau rah

2007-07-05T19:23:00.000+05:30

mizoram history a pawi mawh tak pakhat chu "ram buai" ti a kan sawi mai, India ram atanga indan tum a beihna kum 1966 a in tan, kum 1986 a MNF leh India ram sawrkar in inremna an ziah thleng a thil thleng te kha ani awm e.

he thil thleng hian a hun lai a cheng te nun leh rilru a khawih nasa ani tih hriat theihna chu, "thawnthu" phuah thleng in a phuah tu rilru a nghawng ani tih a hmuh theih a. kha tih hun lai a mizo thawnthu ziak te kha han chhiar leh hian a thawnthu tlang pui kal dan deuh chu ; rambuai avang in khua sawi khawm ani a, a changtupa bialnu thiannu kha sipai in an pawngsual a, a changtupa leh a bialnu chuan ram buai kar ah aizawl ah night college a kal in an intawng a, chumi hnu ah shillong ah zir zawm in ,sipai a atan loh leh sawrkar hna dang a zawm a.............etc vel ani.
Rambuai kha engvang a lo thleng ta mai nge? tih zawhna chhan tum in , zirtu an awm nual mai a. a chhan bul ber ni a an sawi thin chu "mainland india nen psychological attachment" a awm loh vang ani tiin an keuh deuh ber a. mahse a rawn in irh chhuah tak tak na ber kha chu "mau tam" vang a tam (famine) in a thlen ni te in chhut tu then khat te chuan an sawi a.hemi chhut dan hi lo dik ta se la, mau rah hian mizoram history ah pawi mawh na tak a nei ani.
kum 50 dan ah mau hi par in alo rah thin a, hemi mau an rah chiah hian, sazu te tan ei tur alo pung thur thur mai a, an lo inthlah pung vak mai a, mau rah eitur alo awm loh chiah atang in mihring thlai leh buh leh bal ah an tuan ta a, chu chuan tam(framine) a thlen ta thin ani, tih ania.
kum 50 dan a rah hmuh tur awm ve tawk chu a la hmu ngai lo kan awm tak in pho lang ve reng reng ila .a hmu leh tur chuan kum 50 dang nghah a ngaih tawh hmel sia.ka hmuh ve lai hi chuan mau rah chu lei ah a tla tan tawh in , a tiak tan tawh ani.
mau rah tih hi english dictionary ah kan zawng kual ngial a, a awm lo zel mai nia maw le..pu buanga dictionary ah pawh a zawng hmu zo chuang lo .

Ar bawm theology

2007-06-30T14:23:00.000+05:30

hei le Ar bawm theology . hman hun a sawi zawm atan ...he mi ar bawm chhung atanga ar pa lo thang chhuak ngei mai kha, mizopa sana , hun chhiar nan a an hman tangkai tak mai ani thin a. tunlai a sana changkang tak tak kan neih hnu ah pawh , inkhawm leh thil tih na vel a mi tam tak an tlai fo thin tho mai a, mahse arpa sana hman lai kha chuan tlai chhia an awm thin awm an sawi khat khawp mai......

ar pa khuang al al hian an lung te pawh ati leng em em thina...

title awm lo -4

2007-06-17T19:45:00.000+05:30

speaker hian vawi khat chu, aizawl bazar ah hmeichhe pakhat in “sangha sweet” a pek chung chang a sawi a. sangha sweet chu thil man to leh dah that rei theih tur chi pawh ani hran pa lova, thil tui em em a han sawi hluai chi pawh ani hran lo mai thei ani.

Mahse , kha sangha sweet a dawn tum kha khawvel a a hlim ber tum ala ni hial awm e, tiin a sawi a. tunge sangha sweet chu pe a, a sangha sweet pe tu nen chuan enge an inlaichin na tih chu sawi thui vak lo mahse la rilru ah chuan rin dan a nei nghal ani. Sangha sweet chuti em em a hlimpui na chhan chu a pe tu in a pek na thinlung , kha a ngaihtuah in a hlim em em ni tur ani a.

Hemi thusawi ka ngaihthlak hnu kum 8 vel dawn hnu ah, hetiang ang nen a inlai chin ve tho pakhat chanchinbu ah ka chhiar leh hlauh mai a, speaker thusawi hi ka hre chhuak vawng vawng mai ani.

Chanchinbu ah chuan oxford university a psychology and happiness a professor in kum 20 chhung post-doctoral research a tih na a , a thil hmuh ania. Chu a research na atanga a lan dan chuan , mihring te hi kan thil neih man to tak tak ai chuan thil mawl te te leh ho te te then khat te hian hlimna min pe nasa zawk , tiin a zir bing na atang chuan a hmu chhuak ani.entirnan, rangkachak ,lunghlu , leh car man to tak tak te aiin , thil ho te te , letter hlui tih te thlalak hlui tih te hian hlimna min thlen nasa zawk tiin a hmu ani. Kan speaker chuan khawvel ngaih ang chuan degree leh certificate te chu nei ve lem lo mahse la, mihring chanchin zir na lam ah chuan professor pa nen hian an hmuh dan a in ang hmel khawp in ka hria.

title awm lo -3

2007-06-15T23:09:00.000+05:30

sawmna siam hun ah “ding” ve ta lo ila, counseling class a kan pawl te zawng zawng hi ding vek ta si se la, keimah chauh ka awm tawh dawn tihna ania!!!,ding ta ringawt ila, a hnu ah thil sual lo ti leh ta si ila tun a din ngawt hi enge a sawt na awm ang?.. mahni mihring a theih ang tawp chuan , mi fel ti a kan ngaih ho nun dan ang chuan nun tum ta ila, vanram ka kai phah angem?kristian missionary te mizoram an lo luh hma daih pawh khan , pathian chu a awm tawh awm si a, kha mi hma pawh khan mihring chu an thi ve tho anga, khang mithi tawh te khan kristian zirtir na an hre awm si lova, an tan hriat ngaihna a awm bawk si lova, an thiam loh ani bawk lova, vanram an kai vek angem? An chanchin chhiar chuan an vai chuan an kai vek a rinawm si loh a, chuti ni se la meidil an tla vek dawn tihna em ni? An tlak vek pawh a rinawm bawk si loh.Duhthlanna sang ber ka thlang ta tih mi dang hriat tur atan ka “din” an phut tlat mai, mahse kha mi duhthlanna sang ber thlang tawh ten , khawtlang, chhungkua, eizawn na, etc vel a an awm dan tur thlap thlap , thusawi leh tawngtai mai ni lova a tak a hmuh a kan in teh tlan thlap thlap theih tur, ;“ding” ho rau rau zing ah tunge vanram kai zui anga , tunge mei dil tla tur,tih lah chu teh na fel fek fawk , kan hman tlan thin a awm em tih kan ngaihtuah ngial a!!

Speaker in sawmna a siam hun a “din leh thut” kha chu ka duhthlan na ani.tumah in vanram min kai sak thei lova, meidil min tlak sak thei bawk lo.ani tak a kristianna mizoram a lo luh hma kha chuan, pasaltha te an nei a,pasaltha sa kah tur a an ngaih kap te phei kha chu an thih hnu ah pawh , mithi khua satliah ni lo “pial ral” ah fai sa ring in an awm der der tawh tur ang khan ngaihna a awm a. chuvang in pasaltha , sa kap thei nih kha teh na a awm a , tu pawh in an hmuh theih ania, tawngka ngawt a sawi awm zia a awm lova.sa kap ve thei lo leh ram lam a che vak lo chi tan lah “in lam a thangchhuah” na dan a awm leh thlap mai a.Thangchhuah dan pahnih “ram lam a thangchhuah leh in lam a thangchhuah” an tih ah te hian thil thu hmun pakhat a awm in a lang a, chu mi chu “mi dang te tan hlimna leh ralmuan na thlen “ ani ve ve in ka hria.mahse teh theih leh teh fung chiang tak awm ani. Pasaltha , chuan sa kah tur an tih ang kap kim tur chuan , ramsa dang tam tak pawh a kap tel teuh anga, tin sa leh ral ah , a sul su tu, midang te thlamuan tu anih tel angai bawk a,an hun lai kha chuan sa leh ral hlau a awm an nia , hetiang a khawtlang a chawimawina dawng thei tur an siam pawh hi an nun khaw chhuah nan a tul reng bawk a. chutiang zel in in lam a thangchhuah pa pawh in a ro sum te hmang in khawtlang a hrai a, a sum seng in khawtlang a ti hlim a, an hun lai a thil tangkai tak ani, kawngpui leh electric te lo hmang in lo tangkai viau tawh se la chuan , in lam a thangchhuah pa chuan a ti hlawhtling tel tur in an ngai mai in ka ring.tunlai tawngkam tak in –right, chu a neih rual in –duties a nei tel nghal bawk ani.

Theih tawp chhuah in “ram lam ah leh in lam a thangchhuah dan “ kan neih sa te hi a enge maw zawk zawk hlen kim ta ila, “pialral” ah ka lut thei , mahse “van ram “ ka luh theih leh theih loh erawh a chiang chuang lo. Speaker in sawmna a siam hunah “ding” ta ila,min hmu tu te leh ka “ding” tih hria te chuan vanram a lut tur in min sawi ang,mahse ala chiang chuang lo, then khat chuan min kai tir chuang lovang. Din rik ngawt a sawt si loh chuan, khawnge a taka hmuh a, tu pawh in an teh theih tur kan teh fung chu?rilru leh thinlung ah tiin ngaihdan a awm mai thei, mahse mi rilru leh thinlung tak tak in hriat sak hi khawtlang ah chuan thil harsa ve tak mai ania. Mahni in thlang kawng hmang tu te tan a hrehawm tur deuh a, tui hman tawh hnu luan na siam tlat te pawh, an thinlung ram a fel phawt chuan , meidil an tla ngawt bik awm si lova!!! A chhan chu sual kan hrilhfiah dan ah kan sawi khat em mai a, mei dil tlak na khawp em ani lo pawh ni fahmiang!!!!!!mahse tu a te pawh in nuam kan tih phah chuang lo chu anih hmel ani. Vana pa hun lai te kha chuan, pasaltha ten an tih tur chiang tak , mi dang te pawh in an hmuh a an teh theih vek tur a awm a, tawngkam thiam a “pialral” in kai tir mai theih ani lo.

Keimah hi ka buai nge ni a, buaina khawvel ah hian kan buai tlang zawk tih ngaihtuah rauh rauh chung in , speaker in sawmna a siam hun chu ka nghak ran mai a.

title awm lo -2

2007-06-01T23:44:00.000+05:30

Tlai chaw ei a lo hun, mihring anga chhut a , a chaw hmeh hming tarlan chuan hmeh tha tih tur chu kan ni lo. Mahse belpui lian pui a, dailuah chhum , a han dan em em la hre ve lo tan chuan tui tak ani. Tomato rawt leh dailuah , thir no a dawh kha kan han chawi khu vat vat mai a, chaw thleng vei lam a keng in kan han bar a, hmarchapui leh tomato rawt sawm nen a han hmeh chuan , ei teuh bak chu ngaihtuahna a awm tawh lo.a chak leh chak loh lam chu ka hre chuang lova, mahse taksa mamawh zawng tur pawh in chhut se la, a –quality anga an ngaih tawk phu hruk zo vek tur chuan a –quantity ang zawng khan kan ei ve tawk chuan ka hria.

Chutah –lesson thar speaker in a chhawp chhuak leh ta!!!!!!!pulpit sir a blackboard lianpui mai ah chuan –map a lui luang ang deuh mai hi pahnih an luan tir a. a in fin na lai ah chuan “duh thlan na” tiin a ziak ta in ka hria…a lui hmawr pahnih ah chuan “vanram” leh “hrem hmun” tih hi a ziak kalh a. duhthlan na pahnih kan nei thei a, van ram kawng nge kan thlan dawn hrem hmun kawng, ?a kawng chu in per san tak ani a lem a ziah ang chuan. A sawi zau nasa khawp mai. Mahse!! Zan mut a lo hun a, speaker in a lem a ziah ang kha room bang a ziak thiam an lo awm ve fur mai …an han sawi khawm laih laih a,,,, a then kha chuan hrem hmun thlen tep tawh pawh hian “duhthlan na” a inzawm na a let leh in …heti hian vanram lam kawng ah a zawh leh theih a” an ti leh tlat pek mai…

A ril zual te phei chuan, speaker khan , Bible a juda ho –genesis chiah a sawi a, Chinese genesis a sawi tel lo. Chinese genesis ah chuan “a tir in thil engmah lo mai hi a awm , hluun mai a, a lian em em mai a, chu chuan hun rei tak a duh a” tih anih kha . an han ti pang pang a, genesis lam a bel vak lo chu blanket a in lu khup in , blanket hnuai ah mi thusawi chu kan lo nuih pui ve hak hak ringawt mai a.

Hetiang a phu sa ber ber te hi “counseling class” a ka thutpui te an ni tlat mai bawk sia.kan “var pawh” lo tlang ka ti dawn nge “kan var pawh tlang “ lutuk zawk ni. Counseling class awm reng reng ah khan , a ti rei ber kan ni ziah a, campers dang te an zai khawm that that tawh lai hian , kan class ve zawng kan thiam thei lo tlang ani ange , kan la in hnial pang pang zel a.

“anih leh isaka tih loh chu , Israel puipa te anga sawi ho hian nupui pakhat aia tam nei an nih loh leh hmei nei deuh vek an nia eng vang nge ni ang?an tan vanram kai na a dal lo em ni?”

“an hunlai ang anih vang aniang”

“an hun lai ang tih ngawt ni se la, kan hun lai ang ti ve ta ila, a hun in a her chhuah pui ania , ti ve ta zel ila, enge sual ni ta ang”

Counselor meuh pawh in hnial a sawt tawh lo ati nge , tan na phet zawk ni, an kal sawn lawk a. counselor kal sawn zawk lai chuan , a hnial pui pa chuan ,

“a chhanna chu ka hre reng a, isaka te leh Israel pui pa te kha chu thuthlung hlui hun lai ania, pa hun ania, chu mi hnu ah fapa hun a awm a, tunah chuan thlarau thianghlim hun ania, a hun a zir zel in a danglam ve zel a, tih tur ania, kan counselor hi a la junior anih hi, a hre lo ho em mai, pathian thu ah chuan tumah in min hnial dang lovang, counselor-pension kha ka ni ve miau a“ an tih meuh chuan nuih thraw bak chu tih tur avang khawp mai……..

Chu tah “zu” chung chang ah inhnial na tawp hlei thei lo an chhuak leh a, mizoram chanchinbu a zu chung chang an thil ziah thin zawng zawng an rawn sawi chhuak ta vek emaw tih hnu ah counselor chuan bible chang pakhat “zu reng reng in suh” tih kha an sawi hlauh mai a.Bible kan han keu sap sap a. mahse “ biak buk chhung ah” tih emaw ni khan alo zawm hlauh mai a. hetiang a duh dan dan a bible chang kan reh bun dawn chuan a dik lovang. Khurbing pa pakhat pawh in , josefa hnena a inlarna

‘ tho la naute leh a nu chu hruai la” tih chang thlan khan, mi nupui fa pawm lai a chhuah pui ve lawp lawp ania, an ti leh tlat mai…buaina khawvel ah hian kan buai tulh tulh nge , hnial kan hrat tulh tulh tih pawh hriat a har ta khawp mai….chutah counseling class dang zawng zawng te chuan, an zawh tawh chu sawi loh , a hnu ah an zaikhawm zo leh tawh a, hun dang hman an inpeih leh at tawh mai. Kan counseling class chiah chu an nghah ani ta mai , chutih lai hun ah tak mai chuan ka beng bul ah hian ka bul a thu , hetiang lam a professional tawh hmel tak mai chuan min rawn be sa sa a……..

“a sermon kal dan atang hian , counseling class kan nei leh nual tawh bawk sia, inhlan thei tawh sawm na a siam ka ring a, ding tur in a sawm ngei anga, lo in ngaihtuah lawk rawh, a tam zawk an ding thup anga, I din ve loh chuan counseling class ah I awm leh angai anga, ding zawng chuan zaikhawm ani tawh mai a,”

Ngaihtuahna a kal thui vang vang hle mai , a hunlai a chen kha chuan………

title awm lo

2007-05-26T20:30:00.000+05:30

Nimin mai emaw tih kha , rilru ah alo lang thar a, han chhut let chuan kum 10 alo liam ve leh ta reng mai.college kal tan tirh mahni “confi” ve viau lai ania. mahse kum 10 liam tawh ami bak kha chu ka la tawng leh lo miau va, kha tih lai hun a mi leh tunlai a an tih dan enge danglam na awm lo em ni? Tih tur hian a tawng te sawi ka hriat atang hian kan thlir a…

Zing thawh na la rei loh nen , chaw ei lai in.

“camping chhawng hnihna an ti leh dawn, a lut duh te hming pek luh hun a tawp tep tawh, lut ve rawh aw”

“ka hman lo”

“ni thum vel awh tur chauh alawm”

“exam a hnai tawh lutuk”

“mi an thih niin khawnge a zirlai bu?tiin tumah in an zawt ngai lo, pianthar kha a pawi mawh”

“camping a lut a, speaker in inhlan thei zawng lo ding rawh u , a tih a ding te chauh hi em ni piangthar kan tih dawn?”

“chutiang te chu ni chuang lo e, mahse tunlai ah te chuan camping ah te pathian kan zawn loh chuan sual hi a fing tawh em alawm”

“hnial hrat a lak chi ani lo, lut phawt la, a hmun ah va chian la, pawn lam atanga ngaihdan lo sawi ve ngawt hi awmzia a awm lo, kima te pawh an luh dawn kha”

“u kima te chu seventh day ania, ani pawh in luh a tum bik lova , a puanthuah an dah sak tawh a, a kal angai ani mai alawm”

“lut la ani mai”

Tih leh ngaihna awm tawh lo chu camping a lut tur chuan puanthuah chu kan pu phei ve ngawk ngawk a. biakin chhung ah inkhawm tan anih atang in speaker in blackboard alo hung ruau mai a….

A vawi khat na a tan “nih sual”(adama bawh chhiat avanga kan sual ) leh “tih sual”(keimahni in kan tih sual) chu thliar hran na kan han zir tan ta ani.

Chhun thingpui in lai vel in, kohhran a lo ngampa sa tawh , Sunday school zirtirtute chuan adama thei lo ei avang khan hremhmun ka tlak phah dawn lo, keima tih sual avang erawh chuan ka la tla thei” an han ti laih laih a. sawi tur hre ve vak lo chu kan ngawi dak mai a.

Chutah chawhnu lam pang ah speaker bawk chuan an sawi leh tan a, pathian min hmangaihna sawi a tum ni ngei tur ania ,teh khin thu an sawi a…

“mipa leh hmeichhia in hmangaih em em mai hi an awm a. mahse an innei thei ta lova. Tichuan khaw hran a awm mah ni se la, an in ngaihna an theihnghilh thei si lova. A hmeichhia zawk chuan , an vawk lian ber an talh apiang hian kum tin a mipa chu a sa rep a thawn thin a.

Hun al oral zel a ,Pitar leh putar an lo ni chho ve ta, a hmeichhia zawk chuan a mipa hnen ah chuan a sarep thawn kar ah lehkhathawn an zep tel a ‘ka lo tar chau ta tak tak e, hei hi ka vawksa rep rawn thawn theih hnuhnung ber anih tawh ka ring ‘ tiin. a mipa chuan vawksa rep chu ei phal lovin rap chung ah a rep hmak a, tuk tin a en zui thin a.

Mahse ni khat chu mikhual an nei ta hlauh mai a, chaw hmeh siam tur mai an neih rem chan loh avang in , an monu chuan an putar vawksa rep dah that chu chaw hmeh ah alo siam sak ta mai a, a tuk zing an tho an vawksa rep lo awm ta si lo , putar tah nasat zia chu……….” Hetiang aia tam tak hian pathian hian min hmangaih ani, tih a sawi tum na ni ta ber in ka hria a.

Mahse!!!!! Counseling class zawh hnu ah zawhna leh chhan na hrethiam lo tan hun an hawng ta tlat mai…..camper pakhat alo ding chhuak “ putar in a tah pui hawm hawm na, vawksa rep ei tu mikhual kha vanram a kai angem?” ati mauh mai…………

( hman hun a sawi zawm ah ………)

2007-05-26T15:33:00.000+05:30

Here is the bridge that connects rameswaram island, (the birthplace of honble’ president of India , APJ Abdul Kalam ,) and the main land of India.As you can see in the map, on the northern side is the palk strait , and southern side is gulf of mannar.so geographically it is at the place where bay of Bengal meet the Indian ocean.

One interesting thing is , all along this bridge there are street lights on both sides at an interval of about 10 ft, and all the light pole are artistically design and installed to please the eye of the users. However , unfortunately/fortunately the bridge lies within the jurisdiction of local village panchayat, and as per the panchayat Act 1994, it is the responsibility of the village panchayat to look after the maintenance and electricity bill of the street light. Although responsibility has been entrusted to them, but to carry out this responsibility, there is not enough devolution of financial power. So ultimately, the panchayat can turn on the street light only two days before and after visit of VVIP .

Further, although as per the panchayat act, there are some local cess and surcharges which panchayat are supposed to levy and collect, but unfortunately , due to compulsion of vote politics, the panchayat can not realize the amount due to them. because they can not alienate the local voters in an election which can be decided by 20 votes or less.it is not proper to blame the panchayat also, particularly keeping in mind the functioning of our parliament the highest legislative house in the country, which hardly show any sign of improvement in professionalism despite the fact that it has been functioning more than 50 years. So why should we blame the village panchayat which started functioning after 73^rd and 74^th constitution amendment???????.

But it is very sad to say that , because of all these lacunae in administrative arrangement, vote politics and culture, it is the users/public /tax payer, who are the sufferer.although legally , they are the one who enact, adopt, and gives to themselves the Indian constitution as enshrined in the preamble to the constitution of India. So there is an ocean of differences between what is written in the constitution and how our constitution is in action.

Looking from the bridge, both palk strait and gulf of manner can be seen. And there is not much visible difference, except of course the wave is little bit rough on the gulf of manner side. But there is a big difference in terms of policy and rules of government and that’s what I found interesting ……..

Pamban hmun ah hian bay of Bengal leh Indian ocean chu a in fin a, in fin reng e ti lo chuan , palk strait lam ah hi chuan forest lam R khirh lutuk lo zawk a.sea coast ah hian sea-weed chin an phal a. ti chuan state bank of India, DRDA leh PEPSICO te tang rual in, self help group te sea-weed an chin tir a. a hlawk khawp mai mi pakhat in kum khat ah Rs 80,000 vel an la lut thei ang ani. Mahse sea-weed ching an lo pun zel chuan fisherman ho nen buaina neuh neuh an nei ve tan.

Gulf of mannar lam ah thung hi chuan , UNDP, state sawrkar te tang kawp chuan conservator of forest hnuai ah gulf of mannar biological reserve trust, a awm a. sea coast tluan mai hi reserve forest anga chei niin . fisherman club siam in , sangha man nasat avang a sangha tlem tial tial mai chu dan na tur in, fisherman ho te chu ei zawn na kawng dang ah te training an pe a, loan, insurance, subsidy te an tih sak bawk a.hei tak mai hi ngaihnawm ka tih tak achu ani….

1)tun hma an thlahtu te atanga sangha man char char thin, a bak hre ngai lem lo te thil dang a eizawn tir tum tak tlat mai chu!!!!! Enge a project duang tu te rilru ah khan awm ang aw? tih vawng vawng tlak ani. Doctor hna kum 30 vel lo thawk tawh te hnenah,” hei damlo an tlem tial tial zel mai si a, doctor hna thawk tawh lovin engineer lam te hi lo thawh tum tawh la” tiin , engineer lam pang ah training pe tlat mai ila..loan, subsidy leh insurance te tih sak bawk ila,, a hlawh tling angem?

Sum seng a training pek a , hlawhtling chuang lo tur ni ta se la doctor pa tan khan leiba neih bak chu hlawk na a awm hmel loh a, tunge hlawk ta ang?

Training institution ten training fee an hmuh te, NGO in training an pek leh survey vel a hlawk na an hmuh te, sawrkar hnathawk ten an monitor na atanga hlawh an lak te .ani deuh mai awm asin maw le . a tawp a hlawkna hmu tur chu.

2)hetiang a sangha man tu te thildang a eizawn tir tum lo hian “sustainable fishing” an tih ang te hi khauh zawk in ken kawh tum ta se la. Tin ‘no fishing zone” an tih te hi siam ni ta zawk se la, tichuan sangha in inthlah pun na tur hmun an nei anga, no fishing zone a an khah hnu ah fishing zone a rawn chhuak ho kha lo man theih chuan man tum ta mai se la, sangha pawh an pung cha kanga. A rei ah chuan sangha man tu te pawh in an hlawk zawk in ka ring tlat ani.

Hetiang zawng a ngaihtuah chuan, a beneficiary ni ber tur a ngaih hian a project ah chuan a hlauh zawk a, beneficiary tan pui tur a ngaih te an hlawk hlauh thung ni awm tak ani.hehehhe

resurrection

2007-05-04T22:02:00.000+05:30

Lal isua thlan atanga thawh leh na , lung a kher ni ngei tur ania. a veilam pang ah, angel thla nei a awm a, a hma ah sipai pahtum an tlu a, a ding lam pang ami hi tunge ni ang ka ngaihtuah thei mai lova. tin Isua lu zawn vel a, ni chhuak lem ang tak a an thlur tir sung mai hi, "thil tih theihna entirna ani e" greek ho in an lo tih thin te pawh kha , a ang dawn dawn in ka hria.

This peace of stone carve, i found in the st thomas mount in chennai, although it depict resurrection of christ from death, which symbolise the victory of good over evil, and the redemption of our sin, one of the most important epoch in the life of christ. but i dont know why, they keep in one of the corner of the compound fencing/or may be they use as a decoration of fence , who knows. and to my surprise, when i was about to take a photograph of this stone carve, one of the security guard approach me with a receipt to demand Rs 25 for taking photo of this piece of stone which they dont bother to keep in its proper place. But when i read the receipt , it is clearly meant for video, not for digi-camera, so i refuse to pay heheheh.......

something that catchs my eyes

2007-05-04T21:41:00.000+05:30

Here is a picture of fishes, catched by rameswaram.fishermen.

The owner of the fishing boat is an ex-army man, who is living at about 20 Km from Ramanathapuram. These fishes are called "sheela" in local parlance.

one interesting thing about this fish is, although the boat owner is a local person, but it requires a special skill to catch this fish ,(they fix a number of fishing hook with white fishing rope at the back of boat , with small fish attached in those hooks to attract this bigger fish, and they sail in the sea at a high speed , to fool this 'sheela') so he have to employ fishermen from kanyakumari and nagercoil, which is more than 200 km from this area.

i am told that it is a very tasty fish, but unfortunately, to fetch a better price, all these fishes are packed in thermocolt box , with a ice , and then send by a lorry to tiruchirappalli airport , and then export to other country.so, at the local market it is very difficult to find this fish, even if you find one , it may be the one which is already spoil or bit rotten , ...............

.once i have a chance ,(courtesy ;indian navy), to pursue this fishermen , in a "cheetah helicopter' which is a four sitter helicopter without door, it is hillarious, but sometimes chilling also, diving towards a trawler boat , and asking them to produce their licence from a helicopter by using thump symbol is an interesting expedition.....